CATEGORY
ប័ណ្ណសារ
មន្ត្រីអង្គការសិទ្ធិមនុស្ស និងសកម្មជនប្រាំបីនាក់ដែលស្លៀកពាក់ពណ៌ខ្មៅ ត្រូវបានចាប់ខ្លួនកាលពីម្សិលមិញ អំឡុងការតវ៉ា "ថ្ងៃច័ន្ទពណ៌ខ្មៅ" ក្នុងរាជធានីភ្នំពេញ ជាការតវ៉ាដំបូងក្នុងយុទ្ធនាការមួយដើម្បីទាមទារឲ្យដោះលែងមន្ត្រីអង្គការសិទ្ធិមនុស្សបួនរូប និងមន្ត្រី គ.ជ.ប. មួយរូបដែលត្រូវបានដាក់ពន្ធនាគារកាលពីចុងខែមុនតាមបទចោទប្រកាន់ដែលមជ្ឈដ្ឋានទូទៅជឿថាជាហេតុផលនយោបាយ។
មន្ត្រីនិយាយថា...
មន្ត្រីម្នាក់នៅក្រុមប្រឹក្សាអភិវឌ្ឍន៍កម្ពុជាត្រូវបានចោទប្រកាន់ពីបទស៊ីសំណូកកាលពីចុងសប្តាហ៍បន្ទាប់ពីត្រូវបានចាប់ខ្លួនដោយអង្គភាពប្រឆាំងអំពើពុករលួយ (ACU) តែប៉ុន្មានសប្តាហ៍ប៉ុណ្ណោះបន្ទាប់ពីស្ថាប័នប្រឆាំងអំពើពុករលួយនេះបានចាប់ខ្លួនមន្ត្រីក្រសួងការបរទេសម្នាក់ និងជាឯកអគ្គរាជទូតប្រចាំប្រទេសកូរ៉េខាងត្បូង។
លោក លី សុផាន់ណា អ្នកនាំពាក្យតុលាការមានប្រសាសន៍កាលពីម្សិលមិញថា លោក ឡាយ ថារ័ត្ន អាយុ៣៣ឆ្នាំត្រូវបានបញ្ជូនទៅសាលាដំបូងរាជធានីភ្នំពេញកាលពីថ្ងៃសៅរ៍...
កសិករវ័យចំណាស់ម្នាក់ត្រូវគេសម្លាប់ទាក់ទិននឹងអំពើអាបធ្មប់
កសិករវ័យចំណាស់ម្នាក់ត្រូវបានគេលបចាក់សម្លាប់នៅផ្ទះរបស់គាត់ក្នុងខេត្តកំពង់ស្ពឺកាលពីថ្ងៃសុក្រ ជាករណីមួយដែលនគរបាលជឿថាមានជាប់ទាក់ទងនឹងការចោទថា ជនរងគ្រោះបានប្រើអំពើអាបធ្មប់ ដែលបណ្តាលឲ្យកើតមានការស្លាប់ជាបន្តបន្ទាប់នៅក្នុងតំបន់នោះ។
នេះជាឃាតកម្មលើកទី២ហើយទៅលើអ្នកជាប់ចោទថាចេះធ្មប់នៅខេត្តនេះក្នុងពេលប៉ុន្មានសប្តាហ៍ថ្មីៗ ក្រោយពីមានការកាត់កម្ចាស់ចម្ការស្វាយម្នាក់ ដែលតាមចោទថាត្រូវបានធ្វើឡើងដោយកូនប្រសាស្រីនិងមីងរបស់គាត់។
អធិការរងនគរបាលស្រុក លោក កែវ សារឿន និយាយកាលពីម្សិលមិញថា លោក មៀន សៀន អាយុ៧៩ឆ្នាំ ជាកសិករនិងជាអ្នកភ្លុក ត្រូវបានគេចាក់ប្រាំបីកាំបិតត្រង់ពោះពេលកំពុងនៅចង្ក្រានបាយនៅជាន់ផ្ទាល់ដី ក្នុងឃុំវាល ស្រុកគងពិសី ខេត្តកំពង់ស្ពឺ នៅម៉ោង៨និង៣០នាទីយប់។
លោក សារឿន បាននិយាយថា "គាត់កំពុងរៀបចំបាយល្ងាច ពេលប្រពន្ធរបស់គាត់ផ្លាស់ប្តូរសម្លៀកបំពាក់នៅខាងលើផ្ទះ"។ លោកបាននិយាយបន្ថែមថា ស្ត្រី អាយុ៦៦ ឈ្មោះ សួស ឃឿន ប្រញាប់ប្រញាល់ចុះមកក្រោម នៅពេលនោះគាត់បានឮប្តីរបស់គាត់ដួល ប៉ុន្តែមកដល់យឺតពេលពេក មិនអាចមើលឃើញឃាតករដែលសម្លាប់គាត់ថាមានប៉ុន្មាននាក់នោះទេ។
មន្ត្រីនគរបាលរូបនេះបាននិយាយថា អ្នកជិតខាងរបស់លោក មៀន សៀន បានសង្ស័យគាត់យូរហើយថាចេះអំពើអាបធ្មប់ ហើយថាប្រជាជនបីភូមិក្នុងស្រុកនោះបានប្តឹងទៅអាជ្ញាធរនៅឆ្នាំនេះ ដោយចោទថាគាត់ចេះអំពើអាបធ្មប់។
លោក សារឿន បាននិយាយថា ការចោទប្រកាន់កើតឡើងបន្ទាប់ពីមានការស្លាប់ឥតមូលហេតុជាបន្តបន្ទាប់ក្នុងតំបន់នោះ ប៉ុន្តែលោកបាននិយាយបន្ថែមថា មិនមានភ័ស្តុតាងដើម្បីសន្និដ្ឋានថា ការស្លាប់ទាំងនោះដោយសារអ្វីទេ ក្រៅតែដោយជំងឺ ឬចាស់ប៉ុណ្ណោះ។
លោក សារឿន បាននិយាយអំពីលោក មៀន សៀន ថា "ខ្ញុំបានពិនិត្យផ្ទះរបស់គាត់ ប៉ុន្តែ មិនមានការរៀបចំ ឬវត្ថុសង្ស័យដែលបង្ហាញថា គាត់ជាធ្មប់ និងចេះអំពើធ្មប់ឡើយ"។
លោកនិយាយថា "មនុស្សជាច្រើននៅប្រទេសកម្ពុជានៅតែជឿយ៉ាងខ្លាំងថា នៅមានអំពើអាបធ្មប់នៅឡើយ។ វាពិបាកទប់ស្កាត់ប្រជាជនមិនឲ្យប្រព្រឹត្តឃោរឃៅដែលឈានដល់ការសម្លាប់ជនស្លូតត្រង់ណាស់"។
មេរបស់លោក សារឿន គឺលោក ទូ ថេន អធិការនគរបាលស្រុក បាននិយាយថា ការចោទលើលោក មៀន សៀន ត្រូវគេដឹងទូទៅ ហើយកើតមានយ៉ាងហោចណាស់ពីរទសវត្សរ៍ហើយ។
លោក ថេន បាននិយាយថា "កាលពីឆ្នាំ២០១១ គាត់បានមកជួបយើង និងនិយាយថា គាត់មិនមែនជាធ្មប់ទេ ហើយមិនចេះសម្លាប់មនុស្សដោយប្រើអំពើអាបធ្មប់ឡើយ"។
លោកបាននិយាយបន្ថែមថា នៅការប្រជុំសហគមន៍ដែលធ្វើឡើងនាពេលមិនយូរបន្ទាប់មក លោក មៀន សៀន បានលើកឡើងជាសាធារណៈថា លោកមិនមែនជាធ្មប់ទេ ហើយនគរបាលនៅពេលនោះបានព្រមានថានឹងចាត់វិធានការតាមផ្លូវច្បាប់ នៅពេលដែលនរណាម្នាក់ប្រព្រឹត្តក្រៅច្បាប់លើរូបគាត់៕និត
នាយករដ្ឋមន្ត្រីបន្ទោស ‘ក្រុមប្រឆាំង’ ចំពោះការចូលប្លន់គេហទំព័រ
គេហទំព័រផ្ទាល់ខ្លួនរបស់លោកនាយករដ្ឋមន្ត្រី ហ៊ុន សែន ត្រូវបានចូលប្លន់ដោយសមាជិកក្រុមអនាមិកកាលពីថ្ងៃសៅរ៍ ហើយគេហទំព័រនេះត្រូវបានជំនួសដោយរូបភាពវីដេអូបង្ហាញរូបថតអ្នកដែលបានស្លាប់ និងអំពើហិង្សាដែលគាំទ្រដោយរដ្ឋាភិបាលក្នុងប្រទេសកម្ពុជារយៈពេលជាង៣០ឆ្នាំកន្លងមក។
នៅក្នុងសារតាមហ្វេសប៊ុកកាលពីរសៀលថ្ងៃសៅរ៍ លោក ហ៊ុន សែន បានមានប្រសាសន៍ថា គេហទំព័រនេះត្រូវបានចូលប្លន់នៅម៉ោងប្រហែល៤និង១២នាទីទៀបភ្លឺក្នុងការខិតខំប្រឹងប្រែងដើម្បី "បំផ្លាញកិត្តិយសរបស់លោក"។ គេហទំព័រនេះត្រូវបានជួសជុលឡើងវិញនៅល្ងាចថ្ងៃសៅរ៍ ហើយបានដំណើរការដូចធម្មតាកាលពីយប់មិញ។
លោកនាយករដ្ឋមន្ត្រីបានសរសេរនៅក្នុងទំព័រហ្វេសប៊ុករបស់លោកថា...
កាលពីម្សិលមិញ រដ្ឋាភិបាលបានព្រមានបង្ក្រាបសកម្មជន និងក្រុមតស៊ូមតិដែលរៀបចំការតវ៉ាប្រឆាំងការចាប់ខ្លួនមន្ត្រីអង្គការសិទ្ធិមនុស្សបួនរូប និងមន្ត្រី គ.ជ.ប.មួយរូប ដោយចាត់ទុកការតវ៉ាដែលមានការគ្រោងទុកនេះថាជាទង្វើ "បះបោរក្នុងទីក្រុង"។
សកម្មជន និងអង្គការនានាកំពុងអំពាវនាវសុំឲ្យដោះលែងបុគ្គលទាំងប្រាំរូបនេះ ដោយបួនរូបក្នុងចំណោមនោះត្រូវបានបញ្ជូនខ្លួនទៅពន្ធនាគារព្រៃសក្នុងរាជធានីភ្នំពេញហើយកាលពីសប្ដាហ៍មុនពីបទឃុបឃិតសូកប៉ាន់នារីម្នាក់ឲ្យបដិសេធស្នេហាលួចលាក់របស់ខ្លួនជាមួយលោក កឹម...
អ្នកកាប់ឈើខ្មែរត្រូវចាប់ខ្លួនក្នុងប្រទេសថៃ
ក្រសួងការបរទេសបាននិយាយក្នុងសេចក្តីថ្លែងការណ៍នៅថ្ងៃសុក្រថា បុរសជនជាតិខ្មែរ២៩នាក់ត្រូវបានចាប់ខ្លួន ក្នុងខណៈដែលពួកគេកាប់ឈើក្រញូងនៅលើភ្នំក្នុងខេត្តប្រាជីនបូរី ប្រទេសថៃកាលពីថ្ងៃពុធ។
សេចក្តីថ្លែងការណ៍និយាយថា អ្នកទាំង២៩នាក់គឺជាផ្នែកនៃក្រុមមានគ្នា៦០នាក់ដែលបានចូលដីថៃ១០ថ្ងៃហើយ និងដែលលួងលោមដោយឈ្មួញឈើមិនស្គាល់អត្តសញ្ញាណ ដោយបានសន្យាថាទទួលបានប្រាក់២០០បាត (ប្រហែល៦ដុល្លារ) ចំពោះការកាប់ដើមអាកាស្យាមួយដើម។ ប៉ុន្តែពេលទៅដល់ខេត្តប្រាជីនបូរី ដែលមានចម្ងាយប្រហែល៥០គីឡូម៉ែត្រពីច្រកព្រំដែនប៉ោយប៉ែតក្នុងខេត្តបន្ទាយមានជ័យ បុរសទាំងនោះបានបំបែកគ្នាជាពីរក្រុម ហើយទទួលការណែនាំឲ្យកាប់ដើមក្រញូងនៅលើភ្នំឧទ្យានជាតិថាប់ឡាន ដែលឈើនោះអាចមានតម្លៃរាប់ពាន់ដុល្លារក្នុងមួយម៉ែត្រគូប។
សេចក្តីថ្លែងការណ៍និយាយថា កាលពីថ្ងៃពុធ មាននគរបាលនិងទាហានថៃមួយក្រុមបានចូលមករកបុរសទាំង២៩នាក់ ហើយត្រៀមនឹងចាប់ខ្លួនពួកគេ ក៏ស្រាប់តែមានមនុស្សម្នាក់បាញ់កាំភ្លើងមួយគ្រាប់ឡើងលើ ដោយបណ្តាលឲ្យបុរស១៨នាក់គេចខ្លួន។
សេចក្តីថ្លែងការណ៍និយាយថា ទោះជាយ៉ាងនេះក្តី ពួកគេត្រូវបានចាប់ខ្លួន ហើយនាំចូលស្ថានីយ៍នគរបាលថៃ ដែលនៅទីនោះមានកុងស៊ុលកម្ពុជាប្រចាំខេត្តសាកែវបានជួបនិងសម្ភាសពួកគេកាលពីថ្ងៃព្រហស្បត្តិ៍។
សេចក្តីថ្លែងការណ៍និយាយបន្តថា ស្ថានអគ្គកុងស៊ុលកម្ពុជាប្រចាំខេត្តសាកែវនឹងរកមេធាវី ដើម្បីការពារពួកគេពេលឡើងតុលាការ៕
មួយឆ្នាំទៀតដល់បោះឆ្នោតឃុំសង្កាត់ដែលនឹងឃើញទំនោរសំឡេងឆ្នោតដំបូងចាប់តាំងពីការបោះឆ្នោតជាតិនាខែកក្កដា ឆ្នាំ២០១៣ដ៏ចម្រូងចម្រាសនោះ លោកនាយករដ្ឋមន្ត្រីហ៊ុន សែន និងមេដឹកនាំគណបក្សប្រឆាំងគឺ លោក សម រង្ស៊ី នៅសប្តាហ៍នេះលាបពណ៌គ្នាទៅវិញទៅមកយ៉ាងខ្លាំង ដោយអ្នកបោះឆ្នោតលះបង់ចោលអស់ហើយ។
លោក ហ៊ុន សែន បានសរសេរនៅលើហ្វេសប៊ុកកាលពីថ្ងៃអង្គារ ដោយផ្តល់ទឡ្ហីករណ៍ថា គេទើបតែយល់ដឹងថា គណបក្សសង្គ្រោះជាតិគ្មានប្រវត្តិស្នាដៃអ្វីសម្រាប់ជាតិនិងប្រជាជនក្រៅតែពីមានរឿងអាស្រូវមួយចំនួនថា "ពលរដ្ឋលែងលង់ជឿលើពាក្យលួងលោមសន្យាតាមខ្យល់តទៅទៀតហើយ"។
លោក រង្ស៊ី ដែលមិនចាញ់ប្រៀប បានមានប្រសាសន៍ក្រោយមកថា រលកនៃការចាប់ខ្លួនថ្មីៗនេះលើតំណាងរាស្ត្រ អ្នករិះគន់រដ្ឋាភិបាលនិងអ្នកឃ្លាំមើលសិទ្ធិមនុស្សបង្ហាញថា លោក ហ៊ុន សែន គឺភ័យខ្លាចស្ទើរស្លាប់ចំពោះអ្វីដែលជាការបោះឆ្នោតត្រឹមត្រូវ។
លោក រង្ស៊ី បានមានប្រសាសន៍ក្នុងសារអ៊ីម៉េលពីក្រុងប៉ារីសថា "ឥឡូវនេះច្បាស់ក្រឡែតថា ហ៊ុន សែន កំពុងព្យាយាមធ្វើឲ្យខូច ឬធ្វើឲ្យប៉ះពាល់យ៉ាងធ្ងន់លើដំណើរការបោះឆ្នោត ពីព្រោះគាត់ដឹងថា គណបក្សប្រជាជនកម្ពុជារបស់គាត់នឹងចាញ់ឆ្នោតពិតប្រាកដក្នុងឆ្នាំ២០១៧ និងឆ្នាំ២០១៨"។
នៅក្នុងប្រទេសជាច្រើន ការប្រកាសបែបហ្នឹងនឹងដាក់ផ្គូគ្នាប្រឆាំងនឹងរង្វាស់វិទ្យាសាស្ត្រនៃអារម្មណ៍សាធារណៈ។
ប៉ុន្តែការស្ទង់មតិបែបហ្នឹង ជាការរំខានរបស់មេដឹកនាំដែលខំប្រឹងទាំងលំបាកទូទាំងពិភពលោក គឺមិនមានធ្វើនៅក្នុងប្រទេសកម្ពុជាទេ។
លោក គល់ បញ្ញា នាយកអង្គការខុមហ្វ្រែលបានមានប្រសាសន៍កាលពីថ្ងៃពុធថា "នៅទីនេះ គេមិនស្ទង់មតិដូចនៅក្នុងប្រទេសផ្សេងទៀតទេ។ វាអាចពិបាក គឺរសើបណាស់ ព័ត៌មានបែបនេះ"។
លោក បញ្ញា បានមានប្រសាសន៍ថា លោកចង់បានខ្លាំងណាស់ការស្ទង់មតិ ដោយចង្អុលទៅលើការស្ទង់មតិដែលគេធ្វើឡើងក្នុងប្រទេសលោកខាងលិចដោយមានការផ្គូឲ្យស៊ីគ្នាជាសម្មតិកម្ម គឺមានដូចជាឱកាសរបស់លោក ដូណាល់ ត្រាម ទល់នឹងអ្នកស្រី ហិលឡារី គ្លីនតុននៅក្នុងការបោះឆ្នោតប្រធានាធិបតីសហរដ្ឋអាមេរិកនៅឆ្នាំនេះ។
លោក បញ្ញា បានមានប្រសាសន៍ថា "នៅក្នុងប្រទេសដទៃទៀត គេស្ទង់មតិច្បាស់ណាស់ គឺនរណានាំមុខ នរណាទីពីរ នរណានាំមុខ នរណាតាមពីក្រោយ។ យើងអាចមើលឃើញថា លោក ត្រាមនាំមុខគេ ហើយឥឡូវនេះ គ្លីនតុននាំមុខ អូ ឥឡូវត្រាមនាំមុខវិញម្តងហើយ"។
លោក បញ្ញា បានមានប្រសាសន៍ថា "ក្នុងស្ថានការណ៍បច្ចុប្បន្ន ដោយមានការយាយីអ្នកការពារសិទ្ធិមនុស្ស តើពលរដ្ឋមានប្រតិកម្មដូចម៉្តេចចំពោះរឿងនោះ? ទាក់ទងនឹងបក្សប្រឆាំង រដ្ឋាភិបាល តើពលរដ្ឋគិតដូចម៉្តេច?"។
លោក បញ្ញា គឺមិនមែនមនុស្សតែម្នាក់ទេ ដែលចង់បានការស្ទង់មតិល្អប្រសើរលើអារម្មណ៍សាធារណជន។ លោក កែម ឡី អ្នកវិភាគនយោបាយដែលដឹកនាំក្រុមតស៊ូមតិខ្មែរដើម្បីខ្មែរបានសម្តែងការសោកស្តាយកាលពីថ្ងៃអាទិត្យថា លោកត្រូវផ្អែកលើការសង្កេតរៀបរាប់ផ្ទាល់ខ្លួន ដើម្បីធ្វើអត្ថាធិប្បាយលើនិន្នាការបោះឆ្នោត។
កាលពីដើមខែនេះ លោក ធន់ សារ៉ាយ ប្រធានសមាគមសិទ្ធិមនុស្សអាដហុកបានមានប្រសាសន៍ថា ការបោះឆ្នោតឃុំសង្កាត់នៅឆ្នាំក្រោយអាចដើរតួជា"ការបោះឆ្នោត"សម្រាប់ស្ទង់ប្រសិទ្ធភាពនៃកិច្ចប្រឹងប្រែងរបស់លោក ហ៊ុន សែន ដើម្បីទប់ស្កាត់ការគំរាមដែលធ្វើឡើងដោយលោក រង្ស៊ី ក្នុងពេលដែលការបោះឆ្នោតជាតិឆ្នាំ២០១៨កាន់តែខិតមកកៀក។
លោក សារ៉ាយបានមានប្រសាសន៍ថា "ធម្មតា នៅក្នុងសង្គមប្រជាធិបតេយ្យ គេស្ទង់មតិប្រជាពលរដ្ឋ ប៉ុន្តែឥឡូវនេះ យើងមិនអាចដឹងថា តើវាជាឥទ្ធិពលនៃគោលនយោបាយនិងស្នៀតរបស់លោក ហ៊ុន សែនយ៉ាងដូចម៉្តេច ដើម្បីទទួលបានប្រជាប្រិយភាពទេ"។
លោក សារ៉ាយ បានមានប្រសាសន៍ថា "យើងនឹងឃើញនៅឆ្នាំ២០១៧ថាមានអ្វីនឹងកើតឡើង។ ប្រសិនបើគេឈ្នះនៅឆ្នាំ២០១៧ អ៊ីចឹងគេនឹងបន្តរហូតដល់ការបោះឆ្នោតជាតិឆ្នាំ២០១៨ ប៉ុន្តែប្រសិនបើគេមិនឈ្នះនៅឆ្នាំ២០១៧ទេ វាអាចមានបញ្ហាខ្លះសម្រាប់ការបោះឆ្នោតនៅឆ្នាំ២០១៨"។
ការស្ទាបស្ទង់មតិបានបង្ហាញថាមានបញ្ហាកាលពីមុន ដោយវិទ្យាស្ថានសាធារណរដ្ឋអន្តរជាតិដែលផ្តល់មូលនិធិដោយសហរដ្ឋអាមេរិកដែលធ្វើការស្ទង់មតិគាំទ្ររបស់អ្នកបោះឆ្នោត មុននឹងការបោះឆ្នោតជាតិនាឆ្នាំ២០១៣ គឺដែលបានធ្វើឲ្យរដ្ឋាភិបាលគំរាមចាប់ខ្លួនមន្ត្រីបក្សប្រឆាំង។
មន្ត្រីគណបក្សសង្គ្រោះជាតិ៣រូបត្រូវចាប់ឃុំខ្លួនមួយសប្តាហ៍មុននឹងដល់ថ្ងៃបោះឆ្នោត ដោយសារចែកការស្ទង់មតិដែលគេអះអាងថា គណបក្សសង្គ្រោះជាតិនឹងឈ្នះ៦៤កៅអីទល់នឹង៥៩កៅអីរបស់គណបក្សប្រជាជនកម្ពុជា។ រដ្ឋាភិបាលបានហៅការស្ទង់មតិនោះថាក្លែងបន្លំ ហើយក៏បានបញ្ជាឲ្យចាប់ខ្លួននរណាក៏ដោយដែលចែកការស្ទង់មតិនោះ។
វិទ្យាស្ថានសាធារណរដ្ឋអន្តរជាតិបានបដិសេធមិនបញ្ចេញការស្ទង់មតិជាសាធារណៈទេ ដោយចាត់ទុកថាជា"ទិន្នន័យផ្ទៃក្នុង"ដែលត្រូវបានបកស្រាយខុសដោយគណបក្សនានាជាច្រើនលើកច្រើនសា"។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីបានមានប្រសាសន៍កាលពីថ្ងៃពុធថា លោកមិនច្បាស់ថា គោលនយោបាយរបស់រដ្ឋាភិបាលយ៉ាងដូចម៉្តេចទៅលើការស្ទង់មតិទេ ប៉ុន្តែការស្ទង់មតិខ្លះត្រូវបានគេប្រើលេងល្បិចជាជាងផ្តល់ដំណឹងដល់សាធារណជន។
លោក ស៊ីផាន បានមានប្រសាសន៍ថា "យើងមានក្រុមហ៊ុនឯកជននិងអង្គការក្រៅរដ្ឋាភិបាលមួយចំនួនដែលបានប្រមូលទិន្នន័យអំពីគណបក្សនយោបាយ ហើយក្លែងទិន្នន័យ។ ខ្ញុំមិនសំដៅលើនរណាម្នាក់ពិតប្រាកដទេ។ ប៉ុន្តែគេបំផ្លើសទិន្នន័យ"។
ទោះជាយ៉ាងនេះក្តី ភាពស្របច្បាប់និងភាពរសើបផ្នែកនយោបាយមិនត្រឹមតែជាឧបសគ្គចំពោះការធ្វើការស្ទាបស្ទង់ជាប្រចាំប៉ុណ្ណោះទេ។
លោក ស៊ីឡាស អ៊ីវឺរ៉ែត អ្នកតំណាងប្រទេសរបស់មូលនិធិ អាស៊ី បានមានប្រសាសន៍ក្នុងសារអ៊ីម៉េលថា "បញ្ហាធំបំផុតសម្រាប់ធ្វើការស្ទង់មតិឲ្យរួច គឺថាតើនរណានឹងចេញប្រាក់ធ្វើ?”
ក្នុងខែធ្នូ ឆ្នាំ២០១៤ ក្រុមរបស់លោកបានចេញរបាយការណ៍៩៧ទំព័រស្តីពី"លទ្ធិប្រជាធិបតេយ្យនៅកម្ពុជា: ការស្ទង់មតិអ្នកបោះឆ្នោតកម្ពុជា" ដែលបានរកឃើញពលរដ្ឋខ្មែរត្រឹមតែ៣២ភាគរយប៉ុណ្ណោះដែលជឿថា ប្រទេសនេះដើរឆ្ពោះទៅរកទិសដៅត្រឹមត្រូវ ពោលគឺចុះពី៨១ភាគរយកាលពីការស្ទង់មតិលើកមុនក្នុងឆ្នាំ២០០៣។
លោក អ៊ីវឺរ៉ែត បានមានប្រសាសន៍ថា "នៅកម្ពុជា ការស្ទង់មតិជាសាធារណៈដែលតំណាងទូទាំងប្រទេសគឺចំណាយអស់ប្រាក់ច្រើន ពីព្រោះរហូតមកដល់ពេលនេះការស្ទង់មតិបែបហ្នឹង គឺពឹងផ្អែកលើការប្រមូលទិន្នន័យតាមរយៈបញ្ជីសំណួរផ្អែកលើក្រដាស"។
លោកបានមានប្រសាសន៍ថា ការធ្វើនិងដំណើរការនៃការសម្ភាសតែមួយអាចចំណាយអស់១០ដុល្លារ ហើយលោកបាននិយាយបន្ថែមថា ការស្ទង់មតិតាមទូរស័ព្ទមានសក្តានុពល ដើម្បីបញ្ចុះការចំណាយ ប៉ុន្តែនៅតែជាសូចនាករគួរឲ្យសង្ស័យទាក់ទងនឹងមតិសាធារណជន។
លោកបានមានប្រសាសន៍ថា "ហួសពីការប្រមូលទិន្នន័យ ដែលក្រុមហ៊ុនធ្វើការស្ទង់មតិជាប្រចាំ និងបង្ហាញការរកឃើញ កាលពីមុនបទពិសោធន៍គឺថា មាននិន្នាការបន្ទោសលើ'អ្នកប្រាប់រឿងអាក្រក់' ប្រសិនបើលទ្ធផលស្ទង់មតិមិនត្រូវនឹងទស្សនពិតប្រាកដរបស់នរណាម្នាក់ ឬក៏គេចង់ឲ្យការពិតមើលឃើញយ៉ាងម៉េចនោះ។ សង្ឃឹមថា កម្លាំងនេះគឺផ្លាស់ប្តូរ"។
ក្នុងប្រទេសជាច្រើនដោយមានការស្ទង់មតិជាប្រចាំ គឺបណ្តាញសារព័ត៌មានបង់ប្រាក់ឲ្យក្រុមហ៊ុន ដើម្បីធ្វើការស្ទង់មតិ ហើយលោក សយ សុភាព ដែលគ្រប់គ្រងវិបសាយដើមអម្ពិល បាននិយាយថា លោកក៏ចង់ឲ្យមានការស្ទង់មតិនៅទីនេះដែរ។
ប៉ុន្តែលោកបាននិយាយថា បណ្តាញព័ត៌មានជាច្រើនដូចជាវិបសាយរបស់លោកកាលពីមុនពឹងផ្អែកលើអង្គការនានាមានដូចជា វិទ្យាស្ថានសាធារណរដ្ឋអន្តរជាតិនិងសមភាគីក្នុងការធ្វើការស្ទង់តាមវិធីសាស្ត្រនៃមតិសាធារណៈ។
លោក សុភាព បាននិយាយថា "គេមានអ្នកជំនាញ គេមានសមត្ថភាព ហើយគេមានធនធានមនុស្ស។ ប្រព័ន្ធផ្សព្វផ្សាយរបស់យើងគឺប្រសើរជាងមុន...ហើយយើងមានគំនិតបែបនេះ ប៉ុន្តែយើងគិតថា យើងមិនមានអ្នកជំនាញ ហើយយើងមិនអាចធ្វើបានទេ។ វានឹងល្អហើយ បើយើងអាចធ្វើបាន"៕(រាយការណ៍បន្ថែមដោយ ឃួន ណារិម)
ពាក្យបណ្ដឹងបរិហារកេរ្តិ៍របស់គណបក្សប្រជាជនកម្ពុជាកំពុងកាន់អំណាចប្រឆាំងនឹងអ្នកវិភាគនយោបាយដ៏លេចធ្លោគឺលោក អ៊ូ វីរៈ បានដំណើរការនៅថ្ងៃសុក្រ ក្នុងពេលដែលតុលាការក្រុងភ្នំពេញសាកសួរលោក សុខ ឥសាន អ្នកនាំពាក្យគណបក្ស។
គណបក្សប្រជាជនកម្ពុជាបានប្ដឹងលោក វីរៈ ពីបទបរិហារកេរ្តិ៍កាលពីចុងខែមុនទាក់ទងនឹងកិច្ចសម្ភាសមួយដែលលោកធ្វើជាមួយវិទ្យុអាស៊ីសេរី ក្នុងពេលនោះលោកផ្ដល់យោបល់ថា គណបក្សកំពុងកាន់អំណាច គឺកំពុងប្រើប្រាស់រឿងអាស្រូវផ្លូវភេទ ដែលទាក់ទងនឹងលោក កឹម សុខា អនុប្រធានគណបក្សប្រឆាំង ដើម្បីធ្វើឲ្យខូចបក្សប្រឆាំង។
រដ្ឋាភិបាលលើកឡើងថា តំណាងរាស្ត្រត្រូវគោរពដីកាកោះហៅ
កាលពីម្សិលមិញ ក្រសួងយុត្តិធម៌បានច្រានចោលការជំទាស់របស់គណបក្សសង្គ្រោះជាតិដែលបដិសេធការសាកសួររបស់ព្រះរាជអាជ្ញាធរជុំវិញរឿងអាស្រូវផ្លូវភេទរបស់លោក កឹម សុខា អនុប្រធានគណបក្ស ដោយហៅការអះអាងរបស់គណបក្សនេះថាជា "ការមួលបង្កាច់” ផ្ទុយរដ្ឋធម្មនុញ្ញ"។
គណបក្សប្រឆាំងទទួលបានការគាំទ្រលើសលប់ពីសង្គមស៊ីវិលដែលហៅការស៊ើបអង្កេតរបស់រដ្ឋាភិបាលលើរឿងស្នេហាលួចលាក់នោះថា ជាការវាយប្រហារនយោបាយដោយឥតលាក់លៀម។
កាលពីថ្ងៃពុធ គណបក្សសង្គ្រោះជាតិបានលើកឡើងថា សាលាដំបូងរាជធានីភ្នំពេញ មិនមានសិទ្ធិកោះហៅលោក កឹម...
លោក អ៊ូច បូរិទ្ធ រដ្ឋលេខាធិការក្រសួងការបរទេសបានទាញទឡ្ហីករណ៍នៅចុងបញ្ចប់នៃកិច្ចប្រជុំរយៈពេល៣ថ្ងៃជាមួយតំណាងមកពីសហភាពអឺរ៉ុប កាលពីថ្ងៃពុធថា ការបង្ករឿងដោយគណបក្សប្រឆាំងក្នុងរយៈពេលជាង២ឆ្នាំមកនេះ បានធ្វើឱ្យគណបក្សប្រជាជនកម្ពុជា កំពុងកាន់អំណាច “គ្មានជម្រើស” ក្រៅពីប្រើប្រាស់តុលាការដើម្បីរក្សាសន្តិភាពក្នុងប្រទេស។
ដោយហាក់ដូចមិនជឿជាក់លើការលើកឡើងរបស់លោក...
ព័ត៌មានថ្មីៗ
© 2021, ដេលី. All rights reserved.