វិបត្តិ​នយោបាយ

នៅ​ឆ្នាំ​២០២៤ នេះ កម្ពុជា​ជាប់​ចំណាត់ថ្នាក់​លេខ​រៀង​ទី​៨ ក្នុង​ចំណោម​ប្រទេស​ទាំង​១១ ក្នុង​តំបន់​អាស៊ាន ជា​ប្រទេស​ល្បីល្បាញ​ខាង​ការ​គាបសង្កត់​សេរីភាព​នយោបាយ សេរីភាព​បញ្ចេញមតិ សិទ្ធិ​មូលដ្ឋាន​របស់​ពលរដ្ឋ និង​ការ​បិទ​ប្រព័ន្ធ​ផ្សព្វផ្សាយ​ឯករាជ្យ។ សកម្មជន​សហគមន៍​ខ្មែរ​ក្នុង​ទីក្រុង​ឡងប៊ិច លោក មួង ណារ៉េត បាន​សរសេរ​លើ​ទំព័រ​ហ្វេសប៊ុក​របស់​ខ្លួន​កាលពី​យប់​ថ្ងៃទី​២១ កក្កដា នេះ​ថា ក្នុង​ប្រទេស​អាស៊ាន​ទាំង​១១ ពិន្ទុ​ខាង​សិទ្ធិ​នយោបាយ និង​សេរីភាព​ពលរដ្ឋ​ក្នុង​ការ​រួច​ផុត​ពី​ការ​ធ្វើ​ទុក្ខបុកម្នេញ​របស់​រដ្ឋាភិបាល កម្ពុជា​បាន​ដាំ​ក្បាល​ចុះ​ទៅ​នៅ​ក្បែរ​នឹង​ក្រុម​ប្រទេស​ដែល​ល្បី​ខាង​ការ​ដឹកនាំ​ផ្ដាច់ការ​ទៅវិញ។ លោក មួង ណារ៉េត លើកឡើង​ថា ក្នុង​នាម​ជា​ប្រទេស​ដែល​ប្រកាន់​របប​ប្រជាធិបតេយ្យ កម្ពុជា​គ្មាន​ចំណាត់ថ្នាក់​ល្អ​ដាក់​នឹង​គេ​ទាល់តែសោះ...

កម្មវិធី Idea Talk សម្រាប់​រាត្រី​ថ្ងៃទី​២០ ខែ​មិថុនា ឆ្នាំ​២០២៤ ស្តីអំពី៖ «តើ​ការ​ដឹកនាំ​នៃ​រដ្ឋាភិបាល​បច្ចុប្បន្ន ផ្តល់​ទំនុក​ចិត្ត​បែប​ណា​សម្រាប់​ពលរដ្ឋ​ខ្មែរ?»។

ប្រព័ន្ធ​ឃោសនា​បម្រើ​នយោបាយ​អតីត​បក្ស​កុម្មុយនីស្ត ចេញ​យុទ្ធនាការ​អូស​ទាញ បំផ្លាញ និង​តាម​កម្ទេច​កម្លាំង​នយោបាយ​បក្ស​ប្រឆាំង​កាន់តែ​ខ្លាំង​នៅ​លើ​បណ្ដាញ​សង្គម បន្ទាប់ពី​មាន​បញ្ជា​របស់​លោក ហ៊ុន សែន ប្រធាន​គណបក្ស​ប្រជាជន​កម្ពុជា ដែល​ប្រកាស​ដាក់​ផែនការ​កម្ទេច​កម្លាំង​គាំទ្រ​បក្ស​ប្រឆាំង​ឱ្យ​អស់​ពី​មូលដ្ឋាន​ដល់​ថ្នាក់​ជាតិ។ ប្រព័ន្ធ​ឃោសនា​បម្រើ​នយោបាយ​បក្ស​កាន់​អំណាច Fresh News បាន​ធ្វើការ​ផ្សព្វផ្សាយ​ព្រោងព្រាត​ពី​ការ​ចុះចូល​របស់​សមាជិក​បក្ស​ប្រឆាំង និង​សមាជិក​បក្ស​ក្រៅ​រដ្ឋាភិបាល​ដទៃ​ទៀត​ក្នុង​រយៈពេល​ប៉ុន្មាន​ថ្ងៃ​ចុងក្រោយ​នេះ ជាពិសេស​គឺ​ផ្ដោត​លើ​ការ​ចុះចូល​របស់​សមាជិក​បក្ស​ភ្លើង​ទៀន តាម​បញ្ជា​របស់​លោក ហ៊ុន សែន។ លោក ហ៊ុន សែន កាលពី​ពេល​ថ្មីៗ​នេះ បាន​បង្គាប់​ឱ្យ​ប្រព័ន្ធ​ឃោសនា​របស់​ខ្លួន​ធ្វើការ​ផ្សព្វផ្សាយ​ឱ្យ​ផុសផុល នៅ​ពេល​ដែល​មាន​ការ​ចុះចូល​ពី​សមាជិក​បក្ស​ប្រឆាំង​នៅ​គ្រប់​ខេត្ត​ក្រុង​ទាំងអស់។ ប្រព័ន្ធ​ឃោសនា​នយោបាយ​បក្ស​កាន់​អំណាច​ដដែល​នេះ បាន​សរសេរ​ថា សមាជិក​ក្រុម​ប្រឆាំង​ដែល​ចុះចូល​ជាមួយ​គណបក្ស​ប្រជាជន​កម្ពុជា​ទាំងនោះ...

កម្មវិធី Idea Talk សម្រាប់​រាត្រី​ថ្ងៃទី​១០ ខែ​មិថុនា ឆ្នាំ​២០២៤ ស្តីអំពី៖ «តើ​ស្លឹកឈើ​អាច​ជ្រុះ​ឆ្ងាយ​ពី​គល់​ដែរ​ឬ​ទេ?»។

ខណៈ​មាន​ការ​បង្ខំ​ឲ្យ​មន្ត្រី​ក្រោម​ឱវាទ​គាំទ្រ​គម្រោង​ព្រែកជីក​ហ្វូណន មេដឹកនាំ​បក្ស​កាន់​អំណាច​លោក ហ៊ុន សែន អះអាង​ថា លោក​នឹង​មិន​អនុវត្ត​វប្បធម៌​សន្ទនា​ជាមួយ​ក្រុម​អ្នក​នយោបាយ​ក្បត់​ជាតិ ដែល​បាន​វាយប្រហារ​លើ​រូបលោក និង​ក្រុម​គ្រួសារ​របស់​លោក​ដាច់ខាត ព្រោះ​ទង្វើ​ទាំងនោះ​គឺជា​អំពើ​ជ្រុល​និយម។ លោក ហ៊ុន សែន ដែល​មាន​មុខនាទី​ជា​បរិនាយក និង​ដឹកនាំ​ប្រទេស​តាម​សំណល់​នយោបាយ ប៉ុល ពត លើកឡើង​ក្នុង​កម្មវិធី​បិទ​សន្និសីទ​ស្ដីពី​អនាគត​កម្ពុជា​គ្មាន​អំពើ​ប្រល័យ​ពូជសាសន៍ នៅ​ថ្ងៃទី​២២ ខែ​ឧសភា ឆ្នាំ​២០២៤ នេះ​ថា អ្នក​នយោបាយ​ប្រឆាំង​នៅតែ​ចិញ្ចឹម​ចិត្ត​កម្ចាត់​រាជរដ្ឋាភិបាល​ដែល​ដឹកនាំ​ដោយ​គណបក្ស​ប្រជាជន​កម្ពុជា​រហូត​មក ហើយ​ពួកគេ​បាន​ប្រកាន់ខ្ជាប់​នូវ​មនោគមវិជ្ជា និង​វប្បធម៌​នយោបាយ​ជ្រុល​និយម និង​ហិង្សា​និយម...

អតីត​មេដឹកនាំ​បក្ស​ប្រឆាំង​លោក សម រង្ស៊ី អះអាង​ថា មេដឹកនាំ​បក្ស​កាន់​អំណាច​លោក ហ៊ុន សែន គ្រាន់តែ​ជា​អ្នក​ដឹកនាំ​ល្មោភ​អំណាច​ម្នាក់​តែប៉ុណ្ណោះ ហើយ​ការ​បង្ខំ​ឱ្យ​មន្ត្រី​បក្ស​ប្រឆាំង​ផ្ដាច់​ខ្លួន​ពី​រូបលោក គឺ​ដោយសារតែ​លោក ហ៊ុន សែន ភ័យ​ខ្លាច​ថា​លោក សម រង្ស៊ី នឹង​ធ្វើ​ឱ្យ​គាត់​បាត់បង់​អំណាច។ លោក សម រង្ស៊ី បាន​សរសេរ​លើ​ទំព័រ​ហ្វេសប៊ុក​របស់​ខ្លួន​សំដៅ​ទៅ​កាន់​មេដឹកនាំ​បក្ស​កាន់​អំណាច​លោក ហ៊ុន សែន ដោយ​មិន​បញ្ចេញ​ឈ្មោះ​កាលពី​ថ្ងៃទី​២៥ ខែ​មេសា ឆ្នាំ​២០២៤...

អ្នកវិភាគ​ប្រកាស​ទុក​ពេល ១​ខែ​មិន​រិះគន់​រឿង​នយោបាយ​សង្គម ដើម្បី​រង់ចាំ​ស្ដាប់​ការ​ឆ្លើយតប​របស់​លោក ហ៊ុន សែន ក្នុង​ការ​ស្វែងរក​ការ​បង្រួបបង្រួម​ជាតិ។ អ្នកវិភាគ​នយោបាយ និង​ជា​ប្រធាន​វេទិកា​ពលរដ្ឋ​លោក គឹម សុខ សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​២២ មេសា នេះ​ថា លោក​នឹង​ទុក​ពេល ១​ខែ បន្ទាប់ពី​ការ​បង្ហោះ «សេណារីយ៉ូ​ដំណោះស្រាយ​វិបត្តិ​នយោបាយ​កម្ពុជា» របស់​លោក​នៅ​ពេលនេះ ដោយ​មិន​រិះគន់​រឿង​នយោបាយ​សង្គម និង​ផ្អាក​ធ្វើ​យុទ្ធនាការ «ទាមទារ​យុត្តិធម៌ កុំ​សុំ​យុត្តិធម៌» រយៈពេល ១​ខែ​ផង​ដែរ ដើម្បី​រង់ចាំ​ស្ដាប់​ការ​ឆ្លើយតប​របស់​លោក...

កម្មវិធី Idea Talk សម្រាប់​រាត្រី​ថ្ងៃទី​១៧ ខែ​មេសា ឆ្នាំ​២០២៤ ស្តីអំពី៖ «តើ​ពលរដ្ឋ​ខ្មែរ​ចង់​បញ្ជូន​សារ​បែប​ណា​ទៅ​កាន់​ស្ថាប័ន អ.ស.ប ករណី​ស្ថានភាព​ប្រទេស​កម្ពុជា?»។

គណបក្ស​ប្រជាធិបតេយ្យ​មូលដ្ឋាន (គ.ប.ម) ប្រកាស​ថា គណបក្ស​របស់​ខ្លួន​នឹង​បន្ត​ចូលរួម​ជាមួយ​គណបក្ស​ចំនួន ៣ ផ្សេង​ទៀត​ដោយ​ដាក់​ឈ្មោះ​ថា «សម្ព័ន្ធភាព​ឆ្ពោះ​ទៅ​អនាគត» ដើម្បី​ចូលរួម​កសាង​សង្គម​ប្រជាធិបតេយ្យ យុត្តិធម៌​សង្គម​សម្រាប់​ប្រជាជាតិ​ខ្មែរ​ទាំងមូល​នា​ពេល​អនាគត។ នៅ​ក្នុង​សេចក្តី​ប្រកាស​ព័ត៌មាន​របស់​ខ្លួន​កាលពី​ថ្ងៃទី​៩ ខែ​មេសា ឆ្នាំ​២០២៤ គណបក្ស​ប្រជាធិបតេយ្យ​មូលដ្ឋាន បាន​បញ្ជាក់​ថា គណបក្ស​នេះ​នៅតែ​រក្សា​ជំហរ​យ៉ាង​រឹងមាំ​របស់​ខ្លួន​ក្នុង​ការ​បន្ត​រួម​ដំណើរ​កិច្ចសហការ​នៅ​ក្នុង​សម្ព័ន្ធភាព​ឆ្ពោះ​ទៅ​អនាគត ដើម្បី​ចូលរួម​កសាង​សង្គម​ប្រជាធិបតេយ្យ យុត្តិធម៌​សង្គម ការ​អភិវឌ្ឍ​ប្រកប​ដោយ​សមធម៌ និង​ចីរភាព ព្រមទាំង​សុខដុមរមនា​សម្រាប់​ប្រជាជាតិ​ខ្មែរ​ទាំងមូល​នា​ពេល​អនាគត។ កន្លង​មក គណបក្ស​ប្រជាធិបតេយ្យ​មូលដ្ឋាន ចង​សម្ព័ន្ធភាព​ជាមួយ​គណបក្ស​ប្រឆាំង ៣ ផ្សេង​ទៀត​នៅ​បន្ទាប់ពី​បុគ្គល​សំខាន់ៗ ដូចជា​លោក​បណ្ឌិត...

គណបក្ស​ភ្លើង​ទៀន ចាត់ទុក​សកម្មភាព​របស់​អាជ្ញាធរ​កម្ពុជា​ដែល​ធ្វើ​សកម្មភាព​ចាប់​ខ្លួន​សកម្មជន​របស់​ខ្លួន​កាលពី​ពេល​ថ្មីៗ​នេះ និង​រយៈពេល​កន្លង​មក គឺជា​ការ​គំរាមកំហែង និង​ជា​ការ​ធ្វើ​ទុក្ខបុកម្នេញ​គ្រប់​រូបភាព ក្នុង​គោលបំណង​រារាំង​ការ​ធ្វើ​សកម្មភាព​នយោបាយ​ស្រប​ច្បាប់​របស់​សមាជិក និង​សកម្មជន​គណបក្ស​ភ្លើង​ទៀន នៅ​ទូទាំង​ប្រទេស។ គណបក្ស​ភ្លើង​ទៀន បាន​ចេញ​សេចក្តី​ថ្លែងការណ៍​មួយ​កាលពី​ថ្ងៃទី​១០ ខែ​មេសា ឆ្នាំ​២០២៤ នេះ​ថា ថ្នាក់​ដឹកនាំ​គ្រប់​លំដាប់​ថ្នាក់ ក៏ដូចជា​សកម្មជន​របស់​គណបក្ស​ភ្លើង​ទៀន ធ្វើ​សកម្មភាព​នយោបាយ​ដោយ​ប្រកាន់ខ្ជាប់​នូវ​ការ​គោរព និង​អនុវត្ត​តាម​រដ្ឋធម្មនុញ្ញ ព្រមទាំង​ច្បាប់​ជា​ធរមាន​នានា​របស់​ប្រទេស​កម្ពុជា​ជានិច្ច ជាពិសេស​ច្បាប់​ស្ដីពី​គណបក្ស​នយោបាយ​តែម្តង ដូច្នេះ​ការ​ចាប់​ខ្លួន​សកម្មជន​គណបក្ស​ភ្លើង​ទៀន គឺ​ស្មើ​នឹង​ការ​គំរាមកំហែង​ចំពោះ​ការ​អនុវត្ត​ច្បាប់​នៅ​កម្ពុជា។ គណបក្ស​ក្រៅ​រដ្ឋាភិបាល​នេះ អំពាវនាវ​ឱ្យ​អាជ្ញាធរ​មាន​សមត្ថកិច្ច​ដោះលែង​សកម្មជន​គណបក្ស​ភ្លើង​ទៀន​ទាំងអស់ ដែល​ត្រូវ​បាន​អាជ្ញាធរ​ចាប់​ខ្លួន​កន្លង​មក ឱ្យ​មាន​សេរីភាព​ពេញលេញ​ឡើងវិញ ដើម្បី​លើក​ស្ទួយ​ការ​គោរព​សិទ្ធិមនុស្ស...