TAG
សៀម ភ្លុក
ស្ថាបនិកគណបក្សបេះដូងជាតិអះអាងថានៅតែប្ដេជ្ញាបន្តសកម្មភាពនយោបាយ
ប្រធានគណបក្សបេះដូងជាតិ បានប្ដេជ្ញាដោយមុតមាំថា នឹងនៅតែបន្តការចូលរួមក្នុងសកម្មភាពនយោបាយ ប៉ុន្តែមិនបានជ្រើសរើសថា គួរបង្កើតគណបក្សថ្មីទៀត ឬត្រូវបន្តចូលរួមជាមួយគណបក្សដទៃណាមួយនៅឡើយទេ បើទោះជាត្រូវរងការគំរាមកំហែង និងយាយីពីក្រសួងមហាផ្ទៃយ៉ាងណាក្តី។
លោក សៀម ភ្លុក ស្ថាបនិកគណបក្សបេះដូងជាតិ បានប្រាប់សារព័ត៌មាន The Cambodia Daily ថា លោកនឹងមិនបោះបង់គោលដៅ ឬងាកចេញពីសមរភូមិនយោបាយទេ។ លោកបន្តថា ថ្វីត្បិតនៅពេលនេះសេចក្តីសម្រេចចុងក្រោយរបស់តុលាការកំពូល បានបិទផ្លូវតវ៉ារបស់លោកក្តី តែឆន្ទៈ និងគោលដៅនៃការធ្វើនយោបាយរបស់លោក នៅតែបន្តរហូត។
យ៉ាងនេះក្តី...
តុលាការកំពូលច្រានចោលបណ្ដឹងគណបក្សបេះដូងជាតិតាមការស្នើសុំរបស់ក្រសួងមហាផ្ទៃ
តុលាការកំពូលបានច្រានចោលបណ្ដឹងគណបក្សបេះដូងជាតិ របស់លោក សៀម ភ្លុក ដែលស្នើសុំឱ្យតុលាការជាន់ខ្ពស់មួយនេះចេញដីកាបង្គាប់ទៅក្រសួងមហាផ្ទៃ ឱ្យចុះបញ្ជីគណបក្សនយោបាយរបស់ខ្លួន។
កាលពីថ្ងៃទី២៦ ខែវិច្ឆិកា ឆ្នាំ២០២១ មេធាវីការពារក្ដីឱ្យស្ថាបនិកគណបក្សបេះដូងជាតិ បានដាក់បណ្ដឹងទៅតុលាការកំពូល ដោយស្នើតុលាការជាន់ខ្ពស់នេះទម្លាក់ចោលការចោទប្រកាន់របស់ក្រសួងមហាផ្ទៃ និងបើកផ្លូវឱ្យគណបក្សបេះដូងជាតិ បានចុះបញ្ជីនៅក្រសួងឡើងវិញ ដើម្បីបានចូលរួមការបោះឆ្នោតនៅឆ្នាំ២០២២ និងឆ្នាំ២០២៣ ខាងមុខតាមលក្ខខណ្ឌច្បាប់។
នៅថ្ងៃសុក្រ ទី២៤ ធ្នូ នេះ តុលាការកំពូលបានបើកសវនាការសួរដេញដោលបណ្ដឹងរបស់ស្ថាបនិកគណបក្សបេះដូងជាតិ លោក សៀម ភ្លុក ដែលមានភាគីក្រសួងមហាផ្ទៃ...
តំណាងស្ថាបនិកគណបក្សបេះដូងជាតិត្រូវតុលាការកំពូលចេញលិខិតឱ្យចូលរួមសវនាការនៅចុងខែធ្នូ
តំណាងស្ថាបនិកគណបក្សបេះដូងជាតិ ត្រូវបានតុលាការកំពូលចេញលិខិតអញ្ជើញឱ្យចូលរួមសវនាការជាមួយមេធាវីតំណាងដោយអាណត្តិ គឺលោក ជួង ជូងី និងលោក សំ សុគង់ នៅថ្ងៃទី២៤ ខែធ្នូ ឆ្នាំ២០២១ ខាងមុខនេះជាកំហិត។
តំណាងស្ថាបនិកគណបក្សបេះដូងជាតិ លោក សៀម ភ្លុក បានប្រាប់សារព័ត៌មាន The Cambodia Daily នៅថ្ងៃទី៩ ធ្នូ នេះថា ក្រសួងមហាផ្ទៃមិនមានអង្គហេតុស្របតាមច្បាប់គ្រប់គ្រាន់ និងមានភាពចាំបាច់ដើម្បីចោទប្រកាន់គណបក្សបេះដូងជាតិនោះទេ...
គណបក្សបេះដូងជាតិចាត់ទុកការបដិសេធរបស់ក្រសួងមហាផ្ទៃថាជាការគំរាមកំហែងផ្នែកនយោបាយ
គណបក្សបេះដូងជាតិ ប្រតិកម្មជាថ្មីទៀតដោយចាត់ទុកការទាត់ចោលសំណើសុំចុះបញ្ជីគណបក្សរបស់ខ្លួន ថាជារូបភាពថ្មីទៀតនៃការគំរាមកំហែងផ្នែកនយោបាយប្រឆាំងអ្នកប្រជាធិបតេយ្យ។
នេះជាប្រតិកម្មផ្លូវការជាលើកដំបូងរបស់ខ្លួនចាប់តាំងពីក្រសួងមហាផ្ទៃ បានបដិសេធសំណើ និងស្នើឱ្យកែតម្រូវលក្ខន្តិកៈគណបក្សនយោបាយថ្មោងថ្មីនេះជាបន្តបន្ទាប់ក្នុងពេលកន្លងទៅ។
លោក សៀម ភ្លុក បានចេញលិខិតចំហនៅថ្ងៃទី២២ ខែវិច្ឆិកា នេះដោយចាត់ទុកថា ខ្លួនពិតជាមិនអាចទទួលយកបានឡើយចំពោះការចោទប្រកាន់របស់ក្រសួងមហាផ្ទៃ មកលើគណបក្សបេះដូងជាតិ។ ម្យ៉ាងវិញទៀត ការសំអាងហេតុថា ស្នាមមេដៃមានភាពមិនប្រក្រតី គឺគ្រាន់តែជាលេសក្នុងចេតនានយោបាយបំភិតបំភ័យ គំរាមកំហែង និងបំបាក់ស្មារតីប្រជាពលរដ្ឋ ដែលមានទស្សនៈនយោបាយផ្សេងពីគណបក្សកាន់អំណាចប៉ុណ្ណោះ។ គណបក្សបេះដូងជាតិ ព្រមានប្តឹងទៅតុលាការកំពូលប្រឆាំងការសម្រេចរបស់ក្រសួងមហាផ្ទៃនេះទៅតាមនីតិវិធីច្បាប់។
ក្រសួងមហាផ្ទៃ កាលពីថ្ងៃទី១៦ ខែវិច្ឆិកា ថ្មីៗនេះឲ្យដឹងថា...
គណបក្សបេះដូងជាតិនឹងប្តឹងទៅតុលាការកំពូលចំពោះការបដិសេធរបស់ក្រសួងមហាផ្ទៃរឿងចុះបញ្ជី
គណបក្សបេះដូងជាតិ កំពុងរៀបចំបណ្តឹងដាក់ទៅតុលាការកំពូល ប្រឆាំងការសម្រេចរបស់ក្រសួងមហាផ្ទៃ។ ស្ថាបនិកគណបក្សបេះដូងជាតិ បានបញ្ជាក់ថា ខ្លួនកំពុងកសាងសំណុំរឿងបញ្ជូនទៅតុលាការកំពូល ប្រឆាំងទៅនឹងសេចក្តីសម្រេចរបស់ក្រសួងមហាផ្ទៃ ដែលបដិសេធមិនទទួលចុះបញ្ជីគណបក្សថ្មីថ្មោងមួយនេះ។
តាមរយៈសារឆ្លើយឆ្លងជាមួយសារព័ត៌មាន The Cambodia Daily នៅថ្ងៃទី១៨ វិច្ឆិកា នេះ លោក សៀម ភ្លុក ដែលជាប្រធានគណបក្សបេះដូងជាតិ បញ្ជាក់ថា នៅពេលនេះខ្លួនកំពុងរៀបចំបណ្តឹងតាមនីតិវិធីច្បាប់ដាក់ទៅតុលាការកំពូល។
លោកបន្តថា ការដាក់បណ្តឹងតវ៉ានេះ ក្រោយពីរូបលោកទទួលបានលិខិតច្រានចោលជាផ្លូវការរបស់ក្រសួងមហាផ្ទៃ។ ក្រសួងមហាផ្ទៃ បានសម្រេចទាត់ចោលការសុំចុះបញ្ជីគណបក្សបេះដូងជាតិនៅក្រសួងមហាផ្ទៃ...
គណបក្សបេះដូងជាតិប្រតិកម្មនឹងក្រសួងមហាផ្ទៃដែលបដិសេធការចុះបញ្ជីគណបក្សនយោបាយ
គណបក្សបេះដូងជាតិ ដែលជាគណបក្សទើបតែកើតថ្មី បានហៅចំណាត់ការរបស់ក្រសួងមហាផ្ទៃ មកលើខ្លួនថា ជារឿងដែលគួរឱ្យអាម៉ាស់សម្រាប់ពិភពលោក ប្រសិនបើគ្រាន់តែមិនគ្រប់លក្ខខណ្ឌដូចមានកំណត់នៅក្នុងច្បាប់ស្ដីពីគណបក្សនយោបាយ ហើយបែរជាត្រូវមានទោសព្រហ្មទណ្ឌទៅវិញនោះ។
ប្រតិកម្មរបស់លោក សៀម ភ្លុក ប្រធានគណបក្សបេះដូងជាតិ ធ្វើឡើងមួយថ្ងៃបន្ទាប់ពីក្រសួងមហាផ្ទៃ គំរាមចាត់ការតាមផ្លូវច្បាប់ប្រឆាំងអ្នកគាំទ្រ និងស្ថាបនិកនៃគណបក្សថ្មោងថ្មីនេះកាលពីថ្ងៃទី១៦ ខែវិច្ឆិកា។
តាមរយៈសារឆ្លើយឆ្លងជាមួយ The Cambodia Daily នៅថ្ងៃទី១៧ ខែវិច្ឆិកា ប្រធានគណបក្សបេះដូងជាតិ បញ្ជាក់ថា ប្រសិនបើក្រសួងមហាផ្ទៃ ពិតជាចង់តតាំងនយោបាយតាមផ្លូវច្បាប់ និងហេតុផលដើម្បីសង្គមសុចរិត...
ក្រសួងមហាផ្ទៃសម្រេចបដិសេធការសុំចុះបញ្ជីគណបក្សបេះដូងជាតិដោយចោទថាមានចេតនាទុច្ចរិត
ក្រសួងមហាផ្ទៃ បានសម្រេចទាត់ចោលការសុំចុះបញ្ជីគណបក្សបេះដូងជាតិ នៅក្រសួងមហាផ្ទៃ ដោយលើកហេតុផលថា ស្ថាបនិកគណបក្សថ្មោងថ្មីនេះមានចេតនាទុច្ចរិត និងបន្លំស្នាមមេដៃរបស់អ្នកគាំទ្រដើម្បីធ្វើសកម្មភាពនយោបាយ។
សេចក្តីប្រកាសព័ត៌មានរបស់ក្រសួងមហាផ្ទៃ ដែលចេញនៅថ្ងៃទី១៦ ខែវិច្ឆិកា នេះ បានឱ្យដឹងថា ក្រសួងមហាផ្ទៃសម្រេចបដិសេធការសុំចុះបញ្ជីរបស់ «គណបក្សបេះដូងជាតិ» ចាប់ពីពេលនេះតទៅ។
ការសម្រេចនេះ ត្រូវបានក្រសួងមហាផ្ទៃ លើកឡើងថា «គណបក្សបេះដូងជាតិ» មានចេតនាទុច្ចរិតតាមរយៈអនុញ្ញាតឱ្យមានអ្នកផ្ដិតស្នាមមេដៃជំនួស ការក្លែងបន្លំអត្តសញ្ញាណបុគ្គល និងការផ្ដិតមេដៃធ្វើឱ្យខូចគុណភាព ដើម្បីបង្កើនចំនួនសមាជិក ជាដើម។ ជាងនេះទៅទៀត ខ្លឹមសារនៃប្រការមួយចំនួននៃលក្ខន្តិកៈរបស់គណបក្សនេះទៀតសោត គឺផ្ទុយទៅនឹងបទបញ្ញត្តិនៃច្បាប់ស្ដីពីគណបក្សនយោបាយផងដែរ។
កាលពីថ្ងៃទី៨...