TAG
សៀម ភ្លុក
តុលាការលើកពេលសវនាការសំណុំរឿងក្លែងបន្លំនិងប្រើប្រាស់លិខិតក្លែងរបស់លោក សៀម ភ្លុក
សាលាដំបូងរាជធានីភ្នំពេញ សម្រេចលើកពេលសវនាការសំណុំរឿងស្ថាបនិកគណបក្សបេះដូងជាតិ លោក សៀម ភ្លុក និងជនជាប់ចោទ ១២នាក់ទៅថ្ងៃក្រោយវិញ បន្ទាប់ពីមានសំណើពីលោក សៀម ភ្លុក និងមេធាវី។
នៅព្រឹកថ្ងៃអង្គារ ទី២២ វិច្ឆិកា នេះ សាលាដំបូងរាជធានីភ្នំពេញគ្រោងនឹងបើកសវនាការសំណុំរឿង «ក្លែងបន្លំ និងប្រើប្រាស់លិខិតក្លែង» ដែលមានជនជាប់ចោទចំនួន ១៣នាក់ ក្នុងនោះមានស្ថាបនិកគណបក្សបេះដូងជាតិ លោក សៀម ភ្លុក ផងដែរ...
តុលាការនឹងបើកសវនាការសំណុំរឿងស្ថាបនិកគណបក្សបេះដូងជាតិនៅថ្ងៃទី២២វិច្ឆិកា
សាលាដំបូងរាជធានីភ្នំពេញនឹងបើកសវនាការជំនុំជម្រះសំណុំរឿងស្ថាបនិកគណបក្សបេះដូងជាតិ លោក សៀម ភ្លុក ពីបទក្លែងបន្លំ និងប្រើប្រាស់លិខិតក្លែង នៅថ្ងៃទី២២ ខែវិច្ឆិកា ឆ្នាំ២០២២ ខាងមុខនេះ។
ការបញ្ជូនសំណុំរឿងទៅជំនុំជម្រះនេះ ធ្វើឡើងបន្ទាប់ពីតុលាការក្រុងភ្នំពេញបញ្ចប់នីតិវិធីនៃការស៊ើបអង្កេតក្នុងសំណុំរឿងក្លែងបន្លំ និងប្រើប្រាស់លិខិតក្លែង ពាក់ព័ន្ធនឹងការប្រមូលស្នាមមេដៃបង្កើតឡើងដោយគណបក្សបេះដូងជាតិ។
ការចាប់ និងបញ្ជូនលោក សៀម ភ្លុក ទៅឃុំខ្លួននៅពន្ធនាគារកាលពីថ្ងៃទី២៧ ខែមេសា ឆ្នាំ២០២២ ដោយចៅក្រមស៊ើបសួរសាលាដំបូងរាជធានីភ្នំពេញ លោក លិ សុខា លើកហេតុផលថា...
តុលាការកំពូលបដិសេធបណ្ដឹងសុំនៅក្រៅឃុំរបស់លោក សៀម ភ្លុក ស្ថាបនិកគណបក្សបេះដូងជាតិ
តុលាការកំពូលកាលពីថ្ងៃទី២៧ កក្កដា បានបដិសេធបណ្ដឹងសុំនៅក្រៅឃុំរបស់លោក សៀម ភ្លុក ស្ថាបនិកគណបក្សបេះដូងជាតិ ដោយសំអាងថា ការអនុញ្ញាតឱ្យនៅក្រៅឃុំ នឹងប៉ះពាល់ដល់ដំណើរការនីតិវិធីរបស់តុលាការ។
មេធាវីការពារក្ដីឱ្យលោក សៀម ភ្លុក គឺលោក ជូង ជូងី ប្រាប់សារព័ត៌មានក្នុងស្រុកថា តុលាការកំពូលបានសម្រេចបន្តឃុំខ្លួនកូនក្ដីរបស់លោកដូចការសម្រេចរបស់តុលាការថ្នាក់ក្រោមដែរ។ លោកបញ្ជាក់ថា តុលាការកំពូលបានចាត់ទុកការសម្រេចរបស់តុលាការថ្នាក់ក្រោមជារឿងត្រឹមត្រូវ។
លោក ជូង ជូងី បង្ហាញការសោកស្ដាយចំពោះការសម្រេចរបស់តុលាការ ដោយថាលោក សៀម ភ្លុក...
សាលាឧទ្ធរណ៍មិនអនុញ្ញាតឱ្យលោក សៀម ភ្លុក នៅក្រៅឃុំបណ្ដោះអាសន្ន
សាលាឧទ្ធរណ៍រាជធានីភ្នំពេញ សម្រេចបន្តឃុំខ្លួនស្ថាបនិកគណបក្សបេះដូងជាតិ លោក សៀម ភ្លុក នៅក្នុងពន្ធនាគារបណ្ដោះអាសន្ន ដោយអះអាងថា ការអនុញ្ញាតឱ្យនៅក្រៅឃុំ ប៉ះពាល់ដល់ដំណើរការនីតិវិធីតុលាការ។
សភាស៊ើបសួរនៃសាលាឧទ្ធរណ៍រាជធានីភ្នំពេញ លោក ឃុន លាងម៉េង នៅថ្ងៃព្រហស្បតិ៍ ទី២៦ ឧសភា នេះ បានប្រកាសសាលដីកាដោយបដិសេធបណ្ដឹងសុំនៅក្រៅឃុំរបស់មេធាវីការពារក្ដីឱ្យលោក សៀម ភ្លុក។ ការបដិសេធនេះ ក្រោមហេតុផលថា ដើម្បីរក្សាជនត្រូវចោទជូនតុលាការបន្តនីតិវិធីទៀត។
លោក សៀម ភ្លុក...
តុលាការឃុំខ្លួនស្ថាបនិកគណបក្សបេះដូងជាតិលោក សៀម ភ្លុក នៅពន្ធនាគារព្រៃស
ចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនស្ថាបនិកគណបក្សបេះដូងជាតិ លោក សៀម ភ្លុក នៅពន្ធនាគារព្រៃស នៅថ្ងៃទី២៨ មេសា បន្ទាប់ពីឃាត់ខ្លួនបាន ១ថ្ងៃ ក្រោមបទចោទប្រកាន់ «ក្លែងបន្លំ និងប្រើប្រាស់លិខិតក្លែងពាក់ព័ន្ធនឹងការបង្កើតគណបក្សបេះដូងជាតិ»។
ក្នុងដីកាបង្គាប់ឱ្យឃុំខ្លួនដែលចេញដោយចៅក្រមស៊ើបសួរសាលាដំបូងរាជធានីភ្នំពេញ លោក លិ សុខា ចុះថ្ងៃទី២៧ ខែមេសា ឆ្នាំ២០២២ បានបញ្ជាឱ្យសមត្ថកិច្ចនាំខ្លួនស្ថាបនិកគណបក្សបេះដូងជាតិ លោក សៀម ភ្លុក ទៅឃុំនៅពន្ធនាគារព្រៃស...
អ្នកនាំពាក្យក្រសួងមហាផ្ទៃថាលោក សៀម ភ្លុក មិនអាចគេចវេសពីផ្លូវច្បាប់បានឡើយ
អ្នកនាំពាក្យក្រសួងមហាផ្ទៃ ព្រមានថា លោក សៀម ភ្លុក ដែលជាស្ថាបនិកគណបក្សបេះដូងជាតិ នឹងមិនអាចគេចវេសពីការប្រឈមមុខនឹងផ្លូវច្បាប់របស់កម្ពុជាបានឡើយ បើទោះជាបានអះអាងថានឹងចូលខ្លួនទៅបំភ្លឺបន្ទាប់ពីទទួលបានឯកសារពាក់ព័ន្ធលើសំណុំរឿងរបស់លោកពីតុលាការ។
អ្នកនាំពាក្យក្រសួងមហាផ្ទៃ លោក ខៀវ សុភ័គ ត្រូវបានសារព័ត៌មានក្នុងស្រុក VOD ដកស្រង់សម្ដីថា លោក សៀម ភ្លុក នឹងមិនអាចគេចខ្លួនទៅណាបានឡើយ ហើយអាជ្ញាធរបានចាត់វិធានការខ្លះៗហើយដើម្បីទប់ស្កាត់កុំឱ្យស្ថាបនិកគណបក្សបេះដូងជាតិរូបនេះចេញទៅក្រៅប្រទេស។
ប្រភពដដែលអះអាងថា វិធានការបន្តគឺក្រសួងមហាផ្ទៃកំពុងតែរង់ចាំអនុវត្តតាមការបញ្ជារបស់ស្ថាប័នអយ្យការប៉ុណ្ណោះ បើទោះជាលោក សៀម ភ្លុក បានព្យាយាមគេចវេសមិនចូលបំភ្លឺនៅតុលាការតាមដីកាក៏ដោយ...
ស្ថាបនិកបក្សបេះដូងជាតិថានឹងចូលបំភ្លឺនៅតុលាការបន្ទាប់ពីទទួលបានឯកសារពាក់ព័ន្ធ
ស្ថាបនិកគណបក្សបេះដូងជាតិ លោក សៀម ភ្លុក អះអាងថានឹងចូលខ្លួនទៅបំភ្លឺនៅចំពោះមុខចៅក្រមស៊ើបសួរ បន្ទាប់ពីលោកពឹងពាក់មេធាវី និងទទួលបានឯកសារពាក់ព័ន្ធលើសំណុំរឿងរបស់លោកពីតុលាការរួចរាល់។
ស្ថាបនិកគណបក្សបេះដូងជាតិ លោក សៀម ភ្លុក បានចេញសេចក្តីប្រកាសព័ត៌មាននៅថ្ងៃទី២០ ខែមេសា ឆ្នាំ២០២២ ថាមិនដែលមានបំណងគេចវេសពីការកោះហៅរបស់តុលាការម្តងណាឡើយ ប៉ុន្តែដោយសារតែកន្លងមកលោកមិនដែលបានទទួលដីកាកោះហៅជាផ្លូវការពីតុលាការទាល់តែសោះ។
លោកបដិសេធរាល់ពាក្យចចាមអារ៉ាម និងសារព័ត៌មានមួយចំនួនដែលបានចុះផ្សាយលើបណ្ដាញសង្គមហ្វេសប៊ុកនាពេលកន្លងមក ដែលថាលោកមានចេតនាគេចពីការកោះហៅរបស់តុលាការ ថាជារឿងមិនពិតនោះឡើយ ព្រោះលោកមិនដែលមានចេតនាគេចវេសពីការទទួលខុសត្រូវចំពោះមុខច្បាប់នោះទេ។
កាលពីថ្ងៃទី១៩ ខែមេសា ឆ្នាំ២០២២ សារព័ត៌មានដែលស្និទ្ធនឹងរដ្ឋាភិបាលកម្ពុជា ដើមអម្ពិល បានដកស្រង់សម្ដីអ្នកនាំពាក្យគណបក្សកាន់អំណាច...
ស្ថាបនិកបក្សបេះដូងជាតិភៀសខ្លួនទៅកន្លែងសុវត្ថិភាពក្រោយតុលាការបង្គាប់ឱ្យនាំខ្លួន
ស្ថាបនិកគណបក្សបេះដូងជាតិ លោក សៀម ភ្លុក កំពុងភៀសខ្លួននៅកន្លែងសុវត្ថិភាពបណ្ដោះអាសន្ន ក្រោយតុលាការចេញដីកាបង្គាប់ឱ្យសមត្ថកិច្ចនាំខ្លួនមកបំភ្លឺក្នុងសំណុំរឿងបទល្មើសក្លែងបន្លំឯកសារ។
មេធាវីការពារក្តីឱ្យលោក សៀម ភ្លុក គឺលោក សំ សុគង់ ប្រាប់សារព័ត៌មានក្នុងស្រុកថា លោកនឹងចេញមុខបំភ្លឺនៅតុលាការដើម្បីបង្ហាញភាពស្អាតស្អំរបស់កូនក្ដី បន្ទាប់ពីមានដីកាចាប់ខ្លួនរបស់តុលាការអស់សុពលភាពនៅថ្ងៃទី២៥ ខែមេសា។ លោកបន្តថា លោក សៀម ភ្លុក គ្មានបំណងក្លែងបន្លំឯកសារណាមួយដើម្បីបង្កើតគណបក្សបេះដូងជាតិ ដូចការចោទប្រកាន់របស់ក្រសួងមហាផ្ទៃនោះទេ។
លោក សំ សុគង់ ចាត់ទុកការបង្គាប់របស់តុលាការដែលឱ្យសមត្ថកិច្ចនាំខ្លួនលោក...
តុលាការបង្គាប់ឱ្យនាំខ្លួនអតីតស្ថាបនិកបក្សបេះដូងជាតិចូលសាកសួរមុនថ្ងៃទី២៥មេសា
ចៅក្រមស៊ើបសួរសាលាដំបូងរាជធានីភ្នំពេញ បង្គាប់ឱ្យកម្លាំងសមត្ថកិច្ចនាំខ្លួនអតីតតំណាងស្ថាបនិកគណបក្សបេះដូងជាតិ ដែលកំពុងជ្រកកោនជីវភាពនយោបាយជាមួយគណបក្សភ្លើងទៀន យកមកសាកសួរឱ្យបានមុនថ្ងៃទី២៥ ខែមេសា ពីបទ «ក្លែងបន្លំ និងប្រើប្រាស់លិខិតក្លែង» អំឡុងពេលបង្កើតគណបក្ស។
នៅក្នុងដីកាបង្គាប់ចុះថ្ងៃទី៤ ខែមេសា ឆ្នាំ២០២២ ចេញដោយចៅក្រមស៊ើបសួរសាលាដំបូងរាជធានីភ្នំពេញ លោក លិ សុខា បានឱ្យដឹងថា ដើម្បីធានាដល់ការស៊ើបសួរឱ្យបានពេញលេញ តុលាការបង្គាប់ឱ្យកម្លាំងសមត្ថកិច្ចនាំខ្លួនតំណាងស្ថាបនិកគណបក្សបេះដូងជាតិ លោក សៀម ភ្លុក ចូលបំភ្លឺឱ្យបានមុនថ្ងៃទី២៥ ខែមេសា ឆ្នាំ២០២២...
ក្រសួងមហាផ្ទៃលុបឈ្មោះគណបក្សបេះដូងជាតិចេញពីបញ្ជីដោយសារបញ្ហាស្នាមមេដៃ
ក្រសួងមហាផ្ទៃ សម្រេចលុបឈ្មោះគណបក្សបេះដូងជាតិ ចេញពីបញ្ជីបង្កើតគណបក្សនយោបាយ តាមបទប្បញ្ញត្តិស្ដីពីច្បាប់គណបក្សនយោបាយ ក្រោយពីរកឃើញភាពមិនប្រក្រតីក្នុងការប្រមូលស្នាមមេដៃដើម្បីស្នើសុំចុះបញ្ជីនាពេលកន្លងមក។
រដ្ឋមន្ត្រីក្រសួងមហាផ្ទៃ និងជាអនុប្រធានគណបក្សកាន់អំណាច លោក ស ខេង កាលពីថ្ងៃទី២ ខែមីនា ឆ្នាំ២០២២ បានចុះហត្ថលេខាយល់ព្រមលុបឈ្មោះគណបក្សបេះដូងជាតិ ចេញពីបញ្ជីបង្កើតគណបក្សនយោបាយ បន្ទាប់ពីគណបក្សនេះរងការចោទប្រកាន់ថាបានក្លែងបន្លំស្នាមផ្ដិតមេដៃនៅពេលដែលបានសុំបង្កើតគណបក្សនយោបាយកាលពីអំឡុងឆ្នាំ២០២១ កន្លងមក។
កាលពីថ្ងៃទី១២ ខែវិច្ឆិកា ឆ្នាំ២០២១ ក្រសួងមហាផ្ទៃ បានអះអាងថា ស្នាមមេដៃសមាជិកជាង ៤ពាន់នាក់របស់គណបក្សបេះដូងជាតិ ចំនួន ២០រូប...