TAG
នេត្រ ភក្ដ្រា
ក្រុមអង្គការសង្គមស៊ីវិលនិងសហគមន៍ស្នើក្រសួងបរិស្ថានបើកលំហសេរីភាពចុះល្បាតព្រៃឈើ
ក្រុមសង្គមស៊ីវិល និងសហគមន៍ជាង ២០ស្ថាប័ន ដាក់ញត្តិទៅក្រសួងបរិស្ថាន ដើម្បីស្នើសុំឱ្យបើកលំហសិទ្ធិសេរីភាពសហគមន៍ អង្គការសង្គមស៊ីវិលក្នុងការចុះល្បាតព្រៃនៅតាមតំបន់ការពារធម្មជាតិឡើងវិញ។
ក្រុមនេះក៏បានជំរុញឲ្យអនុវត្តការប្ដេជ្ញាចិត្តរបស់ក្រសួង ដែលសន្យាថែរក្សាគម្របព្រៃឈើឱ្យបាន ៦០% នៅត្រឹមឆ្នាំ២០៣០ នៅក្នុងសន្និសីទក្របខ័ណ្ឌអង្គការសហប្រជាជាតិនៅទីក្រុងប៉ារីស។
ក្នុងញត្តិរបស់ក្រុមអង្គការសង្គមស៊ីវិល និងសហគមន៍ដែលដាក់ជូនរដ្ឋមន្ត្រីក្រសួងបរិស្ថាន លោក សាយ សំអាល់ បានលើកឡើងថា ពួកគេមានការព្រួយបារម្ភជាខ្លាំងចំពោះការរឹតត្បិតសិទ្ធិសេរីភាពរបស់ពលរដ្ឋសហគមន៍មូលដ្ឋាន សមាគម អង្គការសង្គមស៊ីវិល និងការរកឃើញជាបន្តបន្ទាប់នូវបទល្មើសធនធានធម្មជាតិ ក៏ដូចជាការកាប់ទន្ទ្រានយកដីព្រៃនៅក្នុងតំបន់ការពារធម្មជាតិក្នុងរយៈពេល ៣ឆ្នាំកន្លងមកនេះ។
ក្រុមអង្គការសង្គមស៊ីវិល និងសហគមន៍ទាំងនោះបានស្នើរដ្ឋមន្ត្រីក្រសួងបរិស្ថាន អនុវត្តការប្ដេជ្ញាចិត្តរបស់ខ្លួន ដូចមានចែងក្នុងកម្មវិធីព្រៃឈើជាតិដែលបានដាក់ឱ្យអនុវត្តកាលពីឆ្នាំ២០១០...
ក្រសួងបរិស្ថាននិងអង្គការអន្តរជាតិប្ដេជ្ញាអភិរក្សជីវចម្រុះនិងលើកកម្ពស់ជីវភាពសហគមន៍តំបន់ការពារបឹងព្រែកល្ពៅ
ក្រសួងបរិស្ថាន អង្គការជាតិ និងអន្តរជាតិ ប្ដេជ្ញាអភិរក្សជីវចម្រុះ និងលើកកម្ពស់ជីវភាពសហគមន៍នៅក្នុងតំបន់ការពារទេសភាពបឹងព្រែកល្ពៅ ស្ថិតនៅក្នុងស្រុកបូរីជលសារ និងស្រុកកោះអណ្ដែត ខេត្តតាកែវ ឱ្យកាន់តែប្រសើរឡើង។
ក្រសួងបរិស្ថានបានសរសេរលើទំព័រ Facebook ដោយស្រង់សម្ដីរបស់អ្នកនាំពាក្យក្រសួងបរិស្ថាន លោក នេត្រ ភក្ត្រា ថាការអនុវត្តសកម្មភាពសំខាន់ៗចំនួន ៤ ដើម្បីធ្វើការការពារទេសភាពបឹងព្រែកល្ពៅ នោះ មានដូចជា ការអភិរក្សជីវចម្រុះ ការលើកកម្ពស់ជីវភាពសហគមន៍ និងអប់រំផ្សព្វផ្សាយ រួមទាំងការសិក្សាស្រាវជ្រាវផងដែរ។
លោក នេត្រ...
អ្នកឃ្លាំមើលសង្គមទាត់ចោលការចោទប្រកាន់របស់អ្នកនាំពាក្យក្រសួងបរិស្ថានលើរបាយការណ៍អង្គការសិទ្ធិមនុស្សអន្តរជាតិ
ក្រុមអ្នកតស៊ូមតិនៅក្រៅស្រុក លើកឡើងថា ការអះអាងរបស់អ្នកនាំពាក្យក្រសួងបរិស្ថាន ចំពោះរបាយការណ៍អង្គការសិទ្ធិមនុស្សអន្តរជាតិ Human Rights Watch គឺជាការដោះសាដើម្បីការពារផលប្រយោជន៍ក្រុមហ៊ុន និងព្យាយាមទម្លាក់កំហុសលើពលរដ្ឋខ្លួនឯងតែប៉ុណ្ណោះ។
ការអះអាងរបស់ក្រុមអ្នកតស៊ូមតិនេះ ធ្វើឡើងដើម្បីរិះគន់លើមន្ត្រីជាន់ខ្ពស់ក្រសួងបរិស្ថាននៃប្រទេសកម្ពុជា ដែលបានចោទប្រកាន់លើអង្គការសិទ្ធិមនុស្សអន្តរជាតិ Human Rights Watch ដែលបានចេញផ្សាយរបាយការណ៍ពីការរំលោភសិទ្ធិមនុស្សនៅកម្ពុជាកាលពីពេលថ្មីៗនេះ។
ប្រធានក្រុមប្រឹក្សាឃ្លាំមើលកម្ពុជា និងជាប្រធានក្រុមប្រឹក្សាភិបាលនៃចលនានិស្សិតដើម្បីលទ្ធិប្រជាធិបតេយ្យ លោក ម៉ែន ណាត បានប្រាប់សារព័ត៌មាន The Cambodia daily នៅថ្ងៃទី១១...
ក្រសួងបរិស្ថានសម្ដែងមោទកភាពក្នុងការគ្រប់គ្រងនិងអភិរក្សធនធានធម្មជាតិ ប៉ុន្តែសកម្មជនបរិស្ថានគ្មានជំនឿ
មន្ត្រីជាន់ខ្ពស់នៃក្រសួងបរិស្ថាន អះអាងថា កម្ពុជាបានគ្រប់គ្រង និងអភិរក្សធនធានធម្មជាតិរបស់ខ្លួនក្នុងពេលបច្ចុប្បន្ននេះ ទទួលបានលទ្ធផលប្រកបដោយមោទកភាព ដោយឈរលើមូលដ្ឋានច្បាប់ជាធរមាន។
អ្នកនាំពាក្យក្រសួងបរិស្ថាន លោក នេត្រ ភក្ត្រា បានសរសេរលើគណនី Facebook របស់លោក កាលពីថ្ងៃទី១៥ ខែកក្កដា ឆ្នាំ២០២១ ថា ក្រសួងបរិស្ថាន បានសហការជាមួយកម្លាំងមានសមត្ថកិច្ចពាក់ព័ន្ធចុះល្បាត និងទប់ស្កាត់បទល្មើសធនធានធម្មជាតិនៅក្នុងតំបន់ការពារធម្មជាតិចំនួន ៧៥កន្លែង ក្នុងនោះបានបង្ក្រាបបទល្មើសធនធានធម្មជាតិបានជាង ១ម៉ឺន ៤ពាន់ករណីត្រឹមតែរយៈពេល ៦ខែប៉ុណ្ណោះ...
ក្រុមហ៊ុនវៀតណាម ភីអ៊ិនធី កាប់ឈើមូលធំៗក្នុងតំបន់ព្រៃឡង់យ៉ាងរង្គាលដោយគ្មានការរារាំងពីមន្ត្រីក្រសួងបរិស្ថាន
ប្រជាសហគមន៍ព្រៃឡង់ខេត្តព្រះវិហារ ចោទក្រុមហ៊ុនវៀតណាម ភីអ៊ិនធី (PNT) ថាប្រើកម្លាំងកម្មករកាប់ឈើមូលធំៗក្នុងព្រៃឡង់យ៉ាងរង្គាល បានរាលដាលដល់តំបន់ស្នូលដែលក្រសួងកំណត់តំបន់នោះថាជាមរតកជាតិដ៏សំខាន់ក្នុងដែនអភិរក្សនេះ។
ពលរដ្ឋថាប្រភេទឈើដែលក្រុមហ៊ុនបានកាប់ទាំងនោះ ភាគច្រើនដើមស្រឡៅ គគីរ និងដើមច្បោះ កំពុងទទួលរងការកាប់បំផ្លិចបំផ្លាញជាប្រព័ន្ធ ដោយគ្មានការរារាំងពីមន្ត្រីឧទ្យានុរក្សរបស់ក្រសួងបរិស្ថាន។
ប្រជាសហគមន៍ព្រៃឡង់ខេត្តព្រះវិហារ ដែលសុំមិនបញ្ចេញឈ្មោះ បានថ្លែងឱ្យដឹងនៅថ្ងៃទី១៥ ខែកក្កដា ថា ក្រុមល្បាតសហគមន៍មានគ្នា ៩នាក់បានប្រថុយចុះល្បាតព្រៃឡង់រយៈពេល ៥ថ្ងៃ និង ៤យប់ កាលពីសប្តាហ៍មុន ដោយរកឃើញដើមឈើធំៗត្រូវគេអាររំលំនៅសល់តែគល់ ស្ថិតនៅចំណុចអូរអាចម៍ដែក និងចំណុចប្រាសាទគោល...