TAG
សិទ្ធិមនុស្ស
ក្រុមសង្គមស៊ីវិលនឹងប្រមូលផ្ដុំសមាជិក៥០០នាក់ដាក់ញត្តិរកដំណោះស្រាយជូនកម្មករនៅទិវាពលកម្មអន្តរជាតិ
អង្គការសមាគមជាច្រើនស្ថាប័ន នឹងប្រមូលផ្ដុំសមាជិកចំនួន ៥០០នាក់ដែលមកពីវិស័យផ្សេងៗនៅថ្ងៃទី១ ខែឧសភា ខាងមុខនេះ ដើម្បីប្រារព្ធខួបលើកទី១៣៧ នៃទិវាពលកម្មអន្តរជាតិឆ្នាំ២០២៣ នៅសួនច្បាររូបសំណាកលោក ជា វិជ្ជា និងហែក្បួនទៅកាន់រដ្ឋសភា ដើម្បីដាក់ញត្តិស្វែងរកដំណោះស្រាយជូនកម្មករនិយោជិតដែលកំពុងជួបឧបសគ្គ។
អង្គការសង្គមស៊ីវិលដែលធ្វើការលើវិស័យការងារជិត ១០ស្ថាប័ន បានចេញលិខិតរួមគ្នាមួយដែលសារព័ត៌មាន The Cambodia Daily ទទួលបាននៅថ្ងៃទី២៥ មេសា នេះ ដោយជូនដំណឹងទៅកាន់រដ្ឋបាលរាជធានីភ្នំពេញអំពីការជួបជុំរបស់ពួកគេដែលមានមនុស្សចូលរួមចំនួន ៥០០នាក់ ដើម្បីរៀបចំពិធីប្រារព្ធទិវាពលកម្មអន្តរជាតិលើកទី១៣៧ ក្រោមប្រធានបទ...
អូស្ត្រាលីប្ដេជ្ញាគាំទ្រឱ្យមានសេរីភាពបញ្ចេញមតិ គោរពសិទ្ធិ និងលទ្ធិប្រជាធិបតេយ្យនៅកម្ពុជា
ប្រទេសអូស្ត្រាលី ប្ដេជ្ញាគាំទ្រឲ្យមានសេរីភាពនៃការបញ្ចេញមតិ ការគោរពសិទ្ធិជាមូលដ្ឋាន និងលទ្ធិប្រជាធិបតេយ្យក្នុងនាមប្រទេសជាមិត្តដ៏យូរអង្វែង និងជាដៃគូរបស់ប្រទេសកម្ពុជាកន្លងមក។
ស្ថានទូតអូស្ត្រាលីប្រចាំនៅកម្ពុជា សរសេរលើទំព័រហ្វេសប៊ុករបស់ខ្លួននៅថ្ងៃទី១៨ មេសា នេះថា ក្នុងនាមអូស្ត្រាលីជាមិត្តដ៏យូរអង្វែង និងជាដៃគូរបស់កម្ពុជា អូស្ត្រាលីនៅតែប្ដេជ្ញាបន្តការគាំទ្រឲ្យមានសេរីភាពនៃការបញ្ចេញមតិ និងសិទ្ធិជាមូលដ្ឋាននានា ហើយអូស្ត្រាលីនៅតែបន្តធ្វើការយ៉ាងជិតស្និទ្ធជាមួយដៃគូនានារបស់ខ្លួន ដើម្បីគាំទ្រឲ្យមានការគោរពសិទ្ធិមនុស្ស និងលទ្ធិប្រជាធិបតេយ្យនៅកម្ពុជាទៅថ្ងៃមុខបន្តទៀត។
ការអះអាងនេះ ធ្វើឡើងស្របពេលដែលស្ថានភាពសិទ្ធិមនុស្សនៅកម្ពុជាត្រូវគេឃើញថា កំពុងធ្លាក់ចុះយ៉ាងធ្ងន់ធ្ងរបន្ទាប់ពីរដ្ឋាភិបាលខ្មែរចាប់ខ្លួនសកម្មជននយោបាយ សកម្មជនសង្គម និងបិទប្រព័ន្ធផ្សព្វផ្សាយឯករាជ្យ ជាដើម។
មន្ត្រីជាន់ខ្ពស់ទទួលបន្ទុកសិទ្ធិមនុស្សនៅកម្ពុជានៃសមាគមសិទ្ធិមនុស្សអាដហុក លោក ស៊ឹង សែនករុណា សម្ដែងនូវក្តីសង្ឃឹមចំពោះវត្តមានរបស់ឯកអគ្គរដ្ឋទូតប្រទេសអូស្ត្រាលី...
ក្រសួងការបរទេសកម្ពុជាចោទថាអាមេរិកកំពុងធ្វើឱ្យមានស្តង់ដារពីរស្ដីពីស្ថានភាពសិទ្ធិមនុស្ស
ក្រសួងការបរទេសកម្ពុជា ចោទថា សហរដ្ឋអាមេរិកដែលជាប្រទេសប្រកាន់របបប្រជាធិបតេយ្យ កំពុងធ្វើឱ្យមានស្តង់ដារពីរជុំវិញរបាយការណ៍ស្ដីពីស្ថានភាពសិទ្ធិមនុស្សនៅបណ្តាប្រទេសផ្សេងៗ រួមទាំងកម្ពុជាផងដែរ ខណៈអាមេរិកខ្លួនឯងពុំបានចេញផ្សាយនូវរបាយការណ៍ស្ដីពីសិទ្ធិមនុស្សរបស់ខ្លួននោះឡើយ។
ក្រសួងការបរទេស និងសហប្រតិបត្តិការអន្តរជាតិកម្ពុជា បានចេញសេចក្តីថ្លែងការណ៍កាលពីថ្ងៃទី២២ ខែមីនា ឆ្នាំ២០២៣ នេះថា អាមេរិកជាប្រទេសដែលប្រកាន់របបលទ្ធិប្រជាធិបតេយ្យតាមបែបរបស់ខ្លួនជាង ២០០ឆ្នាំមកហើយ ប៉ុន្តែនៅតែជួបប្រទះបញ្ហារំលោភបំពានសិទ្ធិមនុស្សជាប្រព័ន្ធជារៀងរាល់ថ្ងៃ ដូចជា៖
ការរើសអើងជាតិសាសន៍
ឧក្រិដ្ឋកម្មស្អប់ខ្ពើមពូជសាសន៍
ការបាញ់សម្លាប់ទ្រង់ទ្រាយធំ និងអំពើឃោរឃៅរបស់នគរបាល
ការរំលោភបំពានក្នុងពន្ធនាគារ
អត្រាមរណភាពរាប់លាននាក់ដោយសារជំងឺរាតត្បាត
ការកាត់ទោសប្រហារជីវិត
និងការរឹតត្បិតសិទ្ធិរំលូតកូន ជាដើម។
ក្រសួងការបរទេសកម្ពុជាលើកឡើងថា សហរដ្ឋអាមេរិកបានបិទភ្នែកធ្វើជាមើលមិនឃើញនូវសកម្មភាពដ៏គ្រោះថ្នាក់ និងជ្រុលនិយមរបស់ក្រុមប្រឆាំងមួយចំនួនដែលផ្សព្វផ្សាយព័ត៌មានមិនពិត ជេរប្រមាថ និងបង្កាច់បង្ខូចកេរ្តិ៍ឈ្មោះឱ្យមានការរើសអើង ញុះញង់ឱ្យមានអំពើហិង្សា និងការស្អប់ខ្ពើមជាតិសាសន៍ ព្រមទាំងការអំពាវនាវឱ្យមានការបះបោរប្រឆាំងរដ្ឋាភិបាលស្របច្បាប់...
សង្គមស៊ីវិលខកចិត្តក្រោយអាជ្ញាធរក្រុងប៉ោយប៉ែតបដិសេធការលើកស្លាកសាខារបស់ខ្លួន
សមាគមអភិវឌ្ឍន៍ជីវភាពពលរដ្ឋកម្ពុជា សម្ដែងការខកចិត្តចំពោះអាជ្ញាធរក្រុងប៉ោយប៉ែត ដែលបដិសេធមិនអនុញ្ញាតឱ្យសមាគមរបស់ខ្លួនលើកស្លាកសាខាប្រចាំក្រុងប៉ោយប៉ែត បើទោះបីជាខ្លួនបានជូនដំណឹងរួចហើយក៏ដោយ។
សមាគមអភិវឌ្ឍន៍ជីវភាពពលរដ្ឋកម្ពុជា បានចេញសេចក្តីប្រកាសព័ត៌មានកាលពីពេលថ្មីៗនេះថាការមិនអនុញ្ញាតឱ្យសមាគមរបស់ខ្លួនលើកស្លាកបែបនេះ គឺបង្ហាញពីការរឹតត្បិតសិទ្ធិសេរីភាព និងបង្កភាពស្មុគស្មាញយ៉ាងធ្ងន់ធ្ងរដល់សមាគម ហើយក៏ជាការបង្ហាញពីការអនុវត្តផ្ទុយពីសេចក្តីណែនាំរបស់ក្រសួងមហាផ្ទៃផងដែរ។
សមាគមអភិវឌ្ឍន៍ជីវភាពពលរដ្ឋកម្ពុជា ទាមទារឱ្យអាជ្ញាធរក្រុងប៉ោយប៉ែត អនុវត្តឱ្យបានត្រឹមត្រូវតាមសេចក្តីណែនាំរបស់ក្រសួងមហាផ្ទៃលេខ០៤០ ចុះថ្ងៃទី៣១ ខែតុលា ឆ្នាំ២០១៨ ដើម្បីបង្កលក្ខណៈងាយស្រួលដល់ខ្លួនក្នុងការលើកស្លាកនៅទីស្នាក់ការសាខាប្រចាំក្រុងប៉ោយប៉ែត នេះ។
ការអះអាងនេះ ធ្វើឡើងបន្ទាប់ពីអាជ្ញាធរក្រុងប៉ោយប៉ែត បដិសេធមិនឱ្យសមាគមអភិវឌ្ឍន៍ជីវភាពពលរដ្ឋកម្ពុជា លើកស្លាកប្រចាំសាខារបស់ខ្លួនកាលពីពេលកន្លងទៅនេះ។
សមាគមអភិវឌ្ឍន៍ជីវភាពប្រជាពលរដ្ឋកម្ពុជា មានទីស្នាក់ការកណ្តាលនៅទីក្រុងភ្នំពេញ ដែលមានសមាជិកជាច្រើននៅទូទាំងប្រទេសដែលជាអ្នកប្រកបមុខរបរសេដ្ឋកិច្ចក្រៅប្រព័ន្ធ និងមានទីស្នាក់ការសាខារបស់ខ្លួននៅក្រុងប៉ោយប៉ែត ស្ថិតក្នុងភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត...
អ្នកឃ្លាំមើលយល់ស្របនឹងលោក ហ៊ុន សែន រឿងសិទ្ធិរស់រានមានជីវិត តែត្រូវអនុវត្តសិទ្ធិបីទៀត
ក្រុមអ្នកឃ្លាំមើលសង្គមយល់ស្របនឹងការអះអាងរបស់លោកនាយករដ្ឋមន្ត្រី ហ៊ុន សែន ដែលថាសិទ្ធិនានាត្រូវតែផ្តើមចេញពីសិទ្ធិរស់រានមានជីវិតមុនគេ ប៉ុន្តែពួកគេបន្ថែមថា គួរតែអនុវត្តសិទ្ធិបីផ្សេងទៀតដែលជាមូលដ្ឋាននៃសិទ្ធិមនុស្សឲ្យបានផងដែរ ដូចជាសិទ្ធិអភិវឌ្ឍន៍ សិទ្ធិទទួលបានការការពារ និងសិទ្ធក្នុងការចូលរួម ជាដើម។
អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី១៤ មីនា នេះថា ការធានាបាននូវសិទ្ធិរស់រានមានជីវិតគឺជារឿងល្អហើយ ប៉ុន្តែបើសិទ្ធិបីផ្សេងទៀតមិនត្រូវបានធានា ក៏មិនទាន់ត្រូវបានចាត់ទុកថាជាប្រទេសអនុវត្តនូវសិទ្ធិមនុស្សបានល្អពេញលេញដែរ...
អង្គការសង្គមស៊ីវិល៖ ស្ត្រីដែលមាននិន្នាការឯករាជ្យមិនទទួលបានការគាំពារពីរដ្ឋាភិបាលកម្ពុជា
អង្គការសង្គមស៊ីវិល លើកឡើងថា ប្រទេសកម្ពុជាមានច្បាប់តែមួយសម្រាប់ពលរដ្ឋគ្រប់រូប ប៉ុន្តែត្រូវបានយកទៅអនុវត្តដោយការប្រកាន់យកស្តង់ដារពីរ ដែលក្នុងនោះ ស្ត្រីដែលមាននិន្នាការឯករាជ្យមិនដែលទទួលបានការគាំពារពីរដ្ឋាភិបាលឡើយ។
នាយកមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) លោក មឿន តុលា ប្រាប់សារព័ត៌មាន The Cambodia Daily នៅថ្ងៃទី៩ មីនា នេះថា សព្វថ្ងៃនេះ ក្រុមស្ត្រីដែលចេញតវ៉ារកភាពយុត្តិធម៌ដែលត្រូវតទល់ជាមួយនឹងអាជ្ញាធរមានសមត្ថកិច្ច ឬរដ្ឋាភិបាល តែងរងនូវការធ្វើទុក្ខបុកម្នេញជាប្រចាំ ដូចជាក្រុមស្ត្រីថ្ងៃសុក្រ ដែលនាំគ្នាតវ៉ារកយុត្តិធម៌ឲ្យស្វាមីរបស់ពួកគេដែលកំពុងជាប់ពន្ធនាគារសព្វថ្ងៃនេះ...
ក្រសួងមហាផ្ទៃអនុញ្ញាតឱ្យអង្គការក្រៅរដ្ឋាភិបាលជួបជុំសម្ដែងមតិនៅទីលានប្រជាធិបតេយ្យថ្ងៃ៨មីនា
រដ្ឋមន្ត្រីក្រសួងមហាផ្ទៃ លោក ស ខេង អនុញ្ញាតឱ្យអង្គការក្រៅរដ្ឋាភិបាល និងសហព័ន្ធសហជីពមួយចំនួនធ្វើការជួបជុំសម្ដែងមតិនៅទីលានប្រជាធិបតេយ្យ ដើម្បីអបអរសាទរទិវាសិទ្ធិនារីអន្តរជាតិ ៨មីនា នៅថ្ងៃពុធ នេះ តែហាមមិនឱ្យយកកម្មវិធីនេះធ្វើសកម្មភាពនយោបាយ ឬពាក់ព័ន្ធនឹងគណបក្សនយោបាយណាមួយឡើយ។
រដ្ឋមន្ត្រីក្រសួងមហាផ្ទៃ លោក ស ខេង ចេញលិខិតអនុញ្ញាតនៅថ្ងៃទី៧ ខែមីនា នេះថា អង្គការក្រៅរដ្ឋាភិបាលអាចធ្វើការជួបជុំសម្ដែងមតិនៅទីលានប្រជាធិបតេយ្យនៅថ្ងៃ ៨មីនា ចាប់ពីម៉ោង ៧ព្រឹក រហូតដល់ម៉ោង ១២កន្លះថ្ងៃត្រង់...
ក្រុមអង្គការប្រកាសធ្វើយុទ្ធនាការ៨ថ្ងៃដើម្បីអបអរសាទរខួបទិវាសិទ្ធិនារីអន្តរជាតិលើកទី១១២
ក្រុមអង្គការសមាគមដែលធ្វើការលើវិស័យការពារសិទ្ធិមនុស្ស ប្រកាសធ្វើយុទ្ធនាការរយៈពេល ៨ថ្ងៃចាប់ពីថ្ងៃទី១ ដល់ថ្ងៃទី៨ ខែមីនា ដើម្បីលើកកម្ពស់សិទ្ធិស្ត្រីនៅប្រទេសកម្ពុជា នឹងអបអរសាទរខួបទិវាសិទ្ធិនារីអន្តរជាតិលើកទី១១២។
ក្រុមអង្គការសង្គមស៊ីវិល ដូចជាមជ្ឈមណ្ឌលសិទ្ធិមនុស្សកម្ពុជា (CCHR) មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា (ADHOC) ជាដើម បានចេញសេចក្តីប្រកាសព័ត៌មានរួមគ្នាកាលពីថ្ងៃទី១ ខែមីនា ថា ពួកគេនឹងប្រារព្ធកម្មវិធីខួបលើកទី១១២ នៃទិវាអន្តរជាតិនារីក្រោមប្រធានបទ គាំពារស្ត្រី និងក្មេងស្រី ដើម្បីយុត្តិធម៌ទាំងអស់គ្នាដើម្បីលើកកម្ពស់សិទ្ធិស្ត្រី...
លោក ហ៊ុន សែន ជំរុញឱ្យក្រសួងមហាផ្ទៃលើកកម្ពស់លទ្ធិប្រជាធិបតេយ្យនិងសិទ្ធិសេរីភាពពលរដ្ឋ
មេដឹកនាំខ្មែរដែលក្រាញអំណាចផ្ដាច់មុខ លោក ហ៊ុន សែន ជំរុញឱ្យក្រសួងមហាផ្ទៃការពារសន្តិភាព លើកកម្ពស់លទ្ធិប្រជាធិបតេយ្យសេរីពហុបក្ស សិទ្ធិសេរីភាពរបស់ប្រជាពលរដ្ឋ និងការពង្រឹងនីតិរដ្ឋស្របតាមរដ្ឋធម្មនុញ្ញនៃព្រះរាជាណាចក្រកម្ពុជា។
មេដឹកនាំខ្មែរដែលឡើងកាន់អំណាចដោយសារវៀតណាមលើកបន្តុប លោក ហ៊ុន សែន បានលើកឡើងក្នុងពិធីបិទសន្និបាតបូកសរុបលទ្ធផលការងារឆ្នាំ២០២២ របស់ក្រសួងមហាផ្ទៃ កាលពីថ្ងៃទី២៣ ខែកុម្ភៈ ឆ្នាំ២០២៣ ថា ក្រសួងមហាផ្ទៃត្រូវតែពង្រឹង និងថែរក្សាការពារសន្តិភាព ស្ថិរភាពនយោបាយ បូរណភាពទឹកដី អធិបតេយ្យជាតិ ការពារព្រះមហាក្សត្រ និងការពាររបបរាជានិយមអាស្រ័យរដ្ឋធម្មនុញ្ញឲ្យបានដាច់ខាត។
មេដឹកនាំបក្សកាន់អំណាច...
ក្រុមសិទ្ធិមនុស្សរដ្ឋាភិបាលថាកម្ពុជាប្រឹងប្រែងអនុវត្តច្បាប់សិទ្ធិនយោបាយនិងលើកកម្ពស់សិទ្ធិមនុស្ស
គណៈកម្មាធិការសិទ្ធិមនុស្សរបស់រដ្ឋាភិបាលកម្ពុជា បង្ហាញពីការខិតខំប្រឹងប្រែងរបស់រដ្ឋាភិបាលកម្ពុជា អំពីការអនុវត្តច្បាប់ ការអនុវត្តសិទ្ធិនយោបាយ និងការលើកកម្ពស់សិទ្ធិមនុស្សក្នុងកិច្ចប្រជុំស្ដីពីសិទ្ធិសេដ្ឋកិច្ច សង្គម និងវប្បធម៌របស់កម្ពុជា នៅទីក្រុងហ្សឺណែវ ប្រទេសស្វីស កាលពីថ្ងៃពុធ ទី២២ កុម្ភៈ។
ក្រុមសិទ្ធិមនុស្សរបស់រដ្ឋាភិបាលកម្ពុជា បានចេញសេចក្តីប្រកាសព័ត៌មានស្ដីពីការចូលរួមការពាររបាយការណ៍ជាតិពាក់ព័ន្ធនឹងការអនុវត្តកតិកាសញ្ញាអន្តរជាតិស្ដីពីសិទ្ធិសេដ្ឋកិច្ច សង្គម និងវប្បធម៌ក្នុងសម័យប្រជុំលើកទី៧៣ នៃគណៈកម្មាធិការសិទ្ធិសេដ្ឋកិច្ច សង្គម និងវប្បធម៌ក្នុងទីក្រុងហ្សឺណែវ ប្រទេសស្វីស ចាប់ពីថ្ងៃទី២១ ដល់ថ្ងៃទី២២ ខែកុម្ភៈ ឆ្នាំ២០២៣ នេះថា...