ហ៊ីង សុខសាន្ត

មន្ត្រី​ជាន់ខ្ពស់​អតីត​គណបក្ស​សង្គ្រោះ​ជាតិ លោក ហ៊ីង សុខសាន្ត លើកឡើង​ថា ការ​ព្យាយាម​បិទបាំង​ការពិត​ជុំវិញ​ការ​រៀបចំ​ពិធី​ទទួល​មេដឹកនាំ​កុម្មុយនីស្ត​វៀតណាម ជំនួស​ព្រះមហាក្សត្រ ដោយ​ប្រធាន​ព្រឹទ្ធសភា​ប្រទេស​កម្ពុជា មិន​ត្រឹមតែ​មិន​អាច​ឱ្យ​ពលរដ្ឋ​ទទួលយក​បាន​ទេ ប៉ុន្តែ​ធ្វើ​ឱ្យ​លោក ហ៊ុន សែន ជាប់​ឈ្មោះ​ក្នុង​ប្រវត្តិសាស្ត្រ​រាជ្យភង្គ (រា-ជ្យៈ-ភ័ង) ជា​បុគ្គល​ជ្រែករាជ្យ​ទៅវិញ។ លោក ហ៊ីង សុខសាន្ត បាន​សរសេរ​លើ​គណនី​ហ្វេសប៊ុក​របស់​ខ្លួន​កាលពី​ថ្ងៃទី​១០ ខែ​កុម្ភៈ ថា លោក ហ៊ុន សែន គ្មាន​កំហុស​ឡើយ​ក្នុង​ការ​បំពេញ​ភារកិច្ច​ជំនួស​ព្រះមហាក្សត្រ​ក្នុង​ឋានៈ​ជា​ព្រះរាជានុសិទ្ធ...

មន្ត្រី​ជាន់ខ្ពស់​បក្ស​ប្រឆាំង បង្ហាញ​ឯកភាព​លើ​ការ​ធ្វើ​វិសោធនកម្ម​មាត្រា​៣៣ នៃ​រដ្ឋធម្មនុញ្ញ​ក្នុង​ការ​បើក​ផ្លូវ​ឱ្យ​មាន​ច្បាប់​ដក​សញ្ជាតិ​ខ្មែរ​ពី​ជនជាតិ​ដទៃ​ដែល​ក្បត់​ជាតិ​ខ្មែរ ដើម្បី​ធានា​ដល់​ការ​ការពារ​តម្លៃ​ជនជាតិ​ខ្មែរ និង​សញ្ជាតិ​ខ្មែរ ប៉ុន្តែ​លោក​មិន​ឯកភាព​នឹង​ការ​ធ្វើ​ច្បាប់​ដក​សញ្ជាតិ​ខ្មែរ​ពី​ជនជាតិ​ខ្មែរ​ឡើយ។ មន្ត្រី​ជាន់ខ្ពស់​គណបក្ស​សង្គ្រោះ​ជាតិ លោក ហ៊ីង សុខសាន្ត លើកឡើង​ក្នុង​កម្មវិធី Idea Talk នៃ​សារព័ត៌មាន The Cambodia Daily កាលពី​រាត្រី​ថ្ងៃ​ចន្ទ ដើម​សប្តាហ៍​នេះ​ថា ក្នុង​មាត្រា​៣៣ នៃ​រដ្ឋធម្មនុញ្ញ បាន​ចែង​ត្រឹមតែ​ការ​ផ្តល់​សញ្ជាតិ​ខ្មែរ​ដល់​ជនជាតិ​ដទៃ​ប៉ុណ្ណោះ ប៉ុន្តែ​មាត្រា​នេះ​មិន​បាន​ចែង​ពី​ការ​ដក​សញ្ជាតិ​ខ្មែរ​ពី​ជនជាតិ​ទាំងនោះ​ឡើយ នៅ​ពេល​ដែល​ពួកគេ​ប្រព្រឹត្ត​ខុស​ច្បាប់។ លោក ហ៊ីង...

អ្នកជំនាញ​ការទូត​អន្តរជាតិ លោក សេង វណ្ណលី អំពាវនាវ​ឱ្យ​អ្នក​នយោបាយ​ខ្មែរ​ប្រុងប្រយ័ត្ន​នូវ​ការ​ប្រកួតប្រជែង​នយោបាយ​ក្នុង​ការ​ដាក់​ចេញ​នូវ​វិធានការ​កម្ទេច ឬ​សកម្មភាព​ប្រឆាំង​ណា​មួយ​រវាង​ខ្មែរ និង​ខ្មែរ ក្នុង​ពេល​ដែល​ប្រទេស​ជាតិ​កំពុង​រង​នូវ​ការ​ឈ្លានពាន​ពី​ប្រទេស​ថៃ។ លោក សេង វណ្ណលី សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​០១ កក្កដា នេះ​ថា ការ​បែកបាក់​ផ្ទៃក្នុង​ជាតិ នឹង​ធ្វើ​ឲ្យ​ប្រទេស​ទាំងមូល​រង​ហានិភ័យ ក៏ដូចជា​ការ​បើក​ឱកាស​ឲ្យ​សត្រូវ​ខាង​ក្រៅ​ឈ្លានពាន​ទឹកដី​បាន​ដោយ​ងាយ​ដែរ។ លោក​ព្រមាន​ថា ការ​សម្រេច​ចិត្ត​របស់​អ្នក​នយោបាយ​ខ្មែរ ត្រូវតែ​ឈរ​លើ​ស្មារតី​ឯកភាព​ជាតិ ទើប​នាំមក​នូវ​ភាព​ជោគជ័យ​រួម​សម្រាប់​ជាតិ។ លោក​ថា នា​ពេលនេះ មេដឹកនាំ​រដ្ឋាភិបាល ក៏ដូចជា​មេដឹកនាំ​ប្រឆាំង ត្រូវ​សួរ​ខ្លួនឯង​ថា...

មន្ត្រី​ជាន់ខ្ពស់​បក្ស​ប្រឆាំង ចាត់ទុក​សម្ដី​អនុប្រធាន​ទី​១ នៃ​ក្រុមប្រឹក្សា​អភិវឌ្ឍន៍​កម្ពុជា លោក ស៊ុន ចាន់ថុល ដែល​និយាយ​លើក​តម្កើង​ជំនួយ​ចិន ក្នុង​ចេតនា​បន្តុះបង្អាប់​អាមេរិក ជា​សម្ដី​បំផ្លាញ​ផល​ប្រយោជន៍​ខ្មែរ។ មន្ត្រី​ជាន់ខ្ពស់​គណបក្ស​សង្គ្រោះ​ជាតិ លោក ហ៊ីង សុខសាន្ត ប្រាប់​សារព័ត៌មាន The Cambodia Daily នៅ​ថ្ងៃទី​២៩ មេសា នេះ​ថា កន្លង​មក សហរដ្ឋ​អាមេរិក​បាន​ផ្តល់​ប្រព័ន្ធ​អនុគ្រោះ​ពន្ធ​ដល់​ប្រទេស​កម្ពុជា​ដើម្បី​ឱ្យ​ប្រទេស​មួយ​នេះ​មាន​លទ្ធភាព​ក្នុង​ការ​នាំចេញ​សម្រាប់​សេដ្ឋកិច្ច​ជាតិ​របស់​ខ្លួន ដូច្នេះ​ហើយ​បាន​ជា​ចិន ចាប់​យក​ប្រទេស​កម្ពុជា​ជា​ឈ្មួញ​កណ្តាល​សម្រាប់​នាំចេញ​ទំនិញ​ពាក់កណ្តាល​សម្រេច​របស់​ពួកគេ។ លោក​ថា បើ​សហរដ្ឋ​អាមេរិក​មិន​បើក​ឱ្យ​ប្រទេស​កម្ពុជា​នាំ​ទំនិញ​ទៅ​កាន់​ទីផ្សារ​របស់​ពួកគេ​ទេ...

មន្ត្រី​ជាន់ខ្ពស់​ខាង​គណបក្ស​សង្គ្រោះ​ជាតិ លោក ហ៊ីង សុខសាន្ត លើកឡើង​ថា ការ​ដំឡើង​ពន្ធ​លើ​បន្ទះ​ថាមពល​ព្រះអាទិត្យ ឬ​ហៅថា​សូឡា​ផាណល (solar panel) ដែល​នាំ​ពី​ប្រទេស​កម្ពុជា​ទៅ​កាន់​សហរដ្ឋ​អាមេរិក ចំនួន​ជាង ៣៥០០% (៣៥២១%) គ្រាន់តែ​ជា​រឿង​កំប៉ិកកំប៉ុក​ប៉ុណ្ណោះ បើ​មន្ត្រី​រដ្ឋាភិបាល​យល់​ពី​កិច្ចព្រមព្រៀង GATT (General Agreement on Trade and Tariffs) នៃ​អង្គការ​ពាណិជ្ជកម្ម​ពិភពលោក​នោះ (World...

មន្ត្រី​ជាន់ខ្ពស់​បក្ស​ប្រឆាំង ជំរុញ​ឱ្យ​រដ្ឋាភិបាល​កម្ពុជា​ដោះស្រាយ​វិបត្តិ​នយោបាយ​ដែល​កំពុង​ជាប់​គាំង​ជុំវិញ​ការ​ឃុំ​ខ្លួន​ប្រធាន​គណបក្ស​សង្គ្រោះ​ជាតិ លោក កឹម សុខា និង​ការ​សង្ស័យ​ពី​វត្តមាន​កងទ័ព​ចិន នៅ​មូលដ្ឋាន​ទ័ព​ជើងទឹក​រាម សម្រាប់​ត្រៀម​ចរចា​ស្នើសុំ​ការ​អនុគ្រោះ​បញ្ចុះ​ពន្ធ​ពី​សហរដ្ឋ​អាមេរិក។ មន្ត្រី​ជាន់ខ្ពស់​គណបក្ស​សង្គ្រោះ​ជាតិ លោក ហ៊ីង សុខសាន្ត បាន​លើកឡើង​ក្នុង​កម្មវិធី Idea Talk នៃ​សារព័ត៌មាន The Cambodia Daily កាលពី​ថ្ងៃទី​៧ ខែ​មេសា ថា ប្រសិនបើ​អាមេរិក​បើក​ភ្លើង​ខៀវ​ឱ្យ​រដ្ឋាភិបាល​កម្ពុជា​ចរចា​ជុំវិញ​ការ​ដំឡើង​ពន្ធ ៤៩% ដែល​អាមេរិក​បាន​កំណត់​កាលពី​ពេល​ថ្មីៗ​នេះ...

នាយករដ្ឋមន្ត្រី​កម្ពុជា លោក ហ៊ុន ម៉ាណែត អះអាង​ថា កម្ពុជា​បាន​ត្រៀម​រៀបចំ​ក្រុម​ការងារ​ជំហាន​ពីរ​រួចរាល់​ហើយ ដែល​ដឹកនាំ​ដោយ​អនុប្រធាន​ទី​១ នៃ​ក្រុមប្រឹក្សា​អភិវឌ្ឍន៍​កម្ពុជា លោក ស៊ុន ចាន់ថុល និង​រដ្ឋមន្ត្រី​ក្រសួង​ពាណិជ្ជកម្ម អ្នកស្រី ចម និម្មល ត្រៀម​ចាំ​ចរចា​ជាមួយ​អាមេរិក​ភ្លាមៗ ប្រសិនបើ​ពួកគេ​បើក​ភ្លើង​ខៀវ។ លោក ហ៊ុន ម៉ាណែត លើកឡើង​ក្នុង​ពិធី “សម្ពោធ​ស្ពាន​អាកាស” នៅ​ថ្ងៃទី​៧ ខែ​មេសា ឆ្នាំ​២០២៥...

មន្ត្រី​ជាន់ខ្ពស់​បក្ស​ប្រឆាំង​លើកឡើង​ថា គណបក្ស​សិទ្ធិមនុស្ស និង​លោក កឹម សុខា មាន​ទំនាក់ទំនង​ការបរទេស​ជាមួយ​គណបក្ស​សាធារណរដ្ឋ​នៅ​សហរដ្ឋ​អាមេរិក និង​គណបក្ស​អភិរក្ស​និយម (CDU) នៅ​ប្រទេស​អាល្លឺម៉ង់ កន្លង​មក មិនមែន​ជា​ការ​គប់គិត ឬ​ក្បត់​ជាតិ​ខ្មែរ​ឡើយ។ អតីត​អគ្គលេខាធិការ​រង​នៃ​អគ្គលេខាធិការដ្ឋាន​រដ្ឋសភា​​ភាគី​បក្ស​ប្រឆាំង លោក ហ៊ីង សុខសាន្ត សរសេរ​គណនី​ហ្វេសប៊ុក​របស់​ខ្លួន​នៅ​ថ្ងៃទី​២៥ កុម្ភៈ នេះ​ថា ជា​ធម្មតា ទាំង​មេដឹកនាំ​បក្ស​កាន់​អំណាច ទាំង​មេដឹកនាំ​បក្ស​ប្រឆាំង តែងតែ​មាន​គោលនយោបាយ​ទំនាក់ទំនង​ការបរទេស​រៀងៗ​ខ្លួន ដូច្នេះ​ការ​ចោទ​មេ​បក្ស​ប្រឆាំង​អំពី​បទ​ក្បត់​ជាតិ​ដោយសារ​ទំនាក់ទំនង​ការបរទេស​ជាមួយ​ប្រទេស​ជិតខាង គឺជា​រឿង​ដែល​មិន​អាច​ទទួលយក​បាន។ លោក...

ល្បែង​ចារកម្ម​មេដឹកនាំ​បក្ស​កាន់​អំណាច លោក ហ៊ុន សែន កំពុង​ធ្វើ​ឱ្យ​ផ្ទុះ​ឡើង​នូវ​ការ​សង្ស័យ​គ្នា​ឯង​ក្នុង​ចំណោម​ក្រុម​ប្រឆាំង​ទាំង​នៅ​ក្នុង​ស្រុក និង​នៅ​ក្រៅ​ប្រទេស បន្ទាប់ពី​ចារបុរស​ម្នាក់ (ជន​បង្កប់) គឺ​បណ្ឌិត សេង សារី ដែល​ត្រូវ​បាន​លោក ហ៊ុន សែន ទម្លាយ​សមាសភាព​កាលពី​ពេល​ថ្មីៗ​នេះ។ មន្ត្រី​ជាន់ខ្ពស់​របស់​លោក កឹម សុខា គឺ​លោក ហ៊ីង សុខសាន្ត បាន​សរសេរ​នៅ​លើ​គណនី​ហ្វេសប៊ុក​របស់​លោក​កាលពី​ថ្ងៃ​អង្គារ​ថា ការ​លើកឡើង​របស់​បណ្ឌិត សេង សារី...

មន្ត្រី​ជាន់ខ្ពស់​គណបក្ស​សង្គ្រោះ​ជាតិ​ភាគី​លោក កឹម សុខា លើកឡើង​ថា ការ​រៀបចំ​សេណារីយ៉ូ ឬ​ឆាក​ក្នុង​ចំណោម​ក្រុម​បណ្ឌិតៗ និង​មន្ត្រី​ជាន់ខ្ពស់​អង្គការ​ក្រៅ​រដ្ឋាភិបាល​ខ្លះ ដើម្បី​ឱ្យ​ចូល​ទៅ​បង្កប់​ខ្លួន​ក្នុង​ក្រុម​ប្រឆាំង គឺ​ចាប់ផ្តើម​ឡើង​នៅ​ពេល​ដែល​ចលនា​វប្បធម៌​នយោបាយ​ថ្មី​ត្រូវ​បាន​ត្រៀម​បង្កើត​តាំងពី​អំឡុង​ឆ្នាំ​២០១៩ មក​ម្ល៉េះ។ អតីត​អនុប្រធាន​រដ្ឋសភា​ខាង​បក្ស​ប្រឆាំង លោក ហ៊ីង សុខសាន្ត ប្រាប់​សារព័ត៌មាន The Cambodia Daily នៅ​ថ្ងៃទី​៦ កុម្ភៈ នេះ​ថា ក្នុង​រយៈពេល​ដែល​អតីត​នាយក​ប្រតិបត្តិ​នៃ​អង្គការ​តម្លាភាព​កម្ពុជា លោក ព្រាប កុល...