មន្ត្រីបក្សប្រឆាំងជំរុញឱ្យរដ្ឋាភិបាលដោះស្រាយរឿងលោក កឹម សុខា និងមូលដ្ឋានទ័ពរាមដើម្បីស្នើសុំបញ្ចុះពន្ធពីអាមេរិក

មន្ត្រីជាន់ខ្ពស់បក្សប្រឆាំង ជំរុញឱ្យរដ្ឋាភិបាលកម្ពុជាដោះស្រាយវិបត្តិនយោបាយដែលកំពុងជាប់គាំងជុំវិញការឃុំខ្លួនប្រធានគណបក្សសង្គ្រោះជាតិ លោក កឹម សុខា និងការសង្ស័យពីវត្តមានកងទ័ពចិន នៅមូលដ្ឋានទ័ពជើងទឹករាម សម្រាប់ត្រៀមចរចាស្នើសុំការអនុគ្រោះបញ្ចុះពន្ធពីសហរដ្ឋអាមេរិក។

មន្ត្រីជាន់ខ្ពស់គណបក្សសង្គ្រោះជាតិ លោក ហ៊ីង សុខសាន្ត បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីថ្ងៃទី៧ ខែមេសា ថា ប្រសិនបើអាមេរិកបើកភ្លើងខៀវឱ្យរដ្ឋាភិបាលកម្ពុជាចរចាជុំវិញការដំឡើងពន្ធ ៤៩% ដែលអាមេរិកបានកំណត់កាលពីពេលថ្មីៗនេះ មិនមែនត្រឹមតែជាការចរចារឿងពាណិជ្ជកម្មតែមួយនោះទេ ក្នុងនោះក៏ទាក់ទងនឹងការលើកឡើងអំពីទំនាក់ទំនងរបស់កម្ពុជាជាមួយអាមេរិក រួមទាំងលទ្ធិប្រជាធិបតេយ្យដែលជាគោលការណ៍សកលរបស់អាមេរិកផងដែរ។

លោក ហ៊ីង សុខសាន្ត លើកឡើងថា ចំពោះទំនាក់ទំនងជាមួយកម្ពុជាដែលអាមេរិកតែងបារម្ភកន្លងមកនោះ គឺមូលដ្ឋានជើងទឹករាម ដែលពួកគេសង្ស័យពីការលាក់កងទ័ពជើងទឹកចិនកន្លងមក ដូច្នេះកម្ពុជាគួរតែបើកឱ្យមន្ត្រីជាន់ខ្ពស់របស់អាមេរិកចូលទៅទស្សនកិច្ច និងត្រួតពិនិត្យមូលដ្ឋានជើងទឹករបស់ខ្លួនដែលរងនូវការសង្ស័យកន្លងមកនោះ ដើម្បីបញ្ចប់នូវមន្ទិលរបស់អាមេរិកទៅថ្ងៃមុខ។

ចំណែកករណីលោក កឹម សុខា ក៏រដ្ឋាភិបាលត្រូវតែដោះស្រាយដែរ ព្រោះអាមេរិកធ្លាប់បានប្រាប់រដ្ឋាភិបាលកម្ពុជាម្តងរួចមកហើយថា បើបញ្ហារបស់លោក កឹម សុខា ត្រូវបានដោះស្រាយ កម្ពុជានឹងទទួលបានផលប្រយោជន៍ពីអាមេរិកកាន់តែច្រើន។

មន្ត្រីបក្សប្រឆាំងរូបនេះព្រមានថា បើរដ្ឋាភិបាលមិនអាចរកដំណោះស្រាយឱ្យអាមេរិកបញ្ចុះពន្ធលើមុខទំនិញរបស់ខ្លួនបានទេ កម្ពុជានឹងប្រឈមវិបត្តិគ្រប់បែបយ៉ាងរហូតឈានដល់វិបត្តិសង្គមទាំងមូលតែម្តង។

ក្រោយពីរងនូវការជាប់ពន្ធដ៏សម្បើមនេះ លោក ហ៊ុន ម៉ាណែត បានអះអាងកាលពីថ្ងៃចន្ទដើមសប្តាហ៍នេះថា កម្ពុជាបានត្រៀមរៀបចំក្រុមការងារជំហាន២ រួចហើយ ដែលដឹកនាំដោយអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា លោក ស៊ុន ចាន់ថុល និងរដ្ឋមន្ត្រីក្រសួងពាណិជ្ជកម្ម អ្នកស្រី ចម និម្មល ដើម្បីចរចាជាមួយអាមេរិកភ្លាមៗ ប្រសិនបើពួកគេបើកភ្លើងខៀវ។

ជុំវិញបញ្ហានេះ នាយករតនាគារជាតិអាមេរិក លោក ស្កត់ បេះសិន (Scott Bessent) បានប្រាប់សារព័ត៌មាន Fox News នៅថ្ងៃទី៨ មេសា នេះថា ការចរចារឿងបញ្ចុះពន្ធ អាចត្រូវធ្វើបណ្ដើរៗរហូតដល់ខែមិថុនា ក្នុងនោះ ប្រទេសប្រហែល ៧០ បានស្នើសុំអាមេរិកចរចារឿងពន្ធគយនេះ ខណៈប្រទេសជប៉ុន នឹងក្លាយជាប្រទេសអាទិភាពដំបូងគេបង្អស់។

ចំណែកទីប្រឹក្សាជាន់ខ្ពស់ផ្នែកពាណិជ្ជកម្មរបស់ប្រធានាធិបតីអាមេរិក គឺលោក Peter Navarro ក៏បានបញ្ជាក់ជំហររបស់លោក ដូណាល់ ត្រាំ នៅថ្ងៃទី៨ មេសា នេះដែរថា អាមេរិកនឹងមិនទម្លាក់ពន្ធឱ្យប្រទេសវៀតណាម ទេ ព្រោះប្រទេសវៀតណាម បានលួចកេងប្រវ័ញ្ច ដោយបន្លំយកផលិតផលចិន ដាក់យីហោវៀតណាម នាំមកអាមេរិក៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន