មន្ត្រីជាន់ខ្ពស់បក្សប្រឆាំងថាការធ្វើការទូតជាមួយបក្សនយោបាយក្រៅប្រទេស មិនមែនជាអំពើក្បត់ជាតិនោះទេ

មន្ត្រីជាន់ខ្ពស់បក្សប្រឆាំងលើកឡើងថា គណបក្សសិទ្ធិមនុស្ស និងលោក កឹម សុខា មានទំនាក់ទំនងការបរទេសជាមួយគណបក្សសាធារណរដ្ឋនៅសហរដ្ឋអាមេរិក និងគណបក្សអភិរក្សនិយម (CDU) នៅប្រទេសអាល្លឺម៉ង់ កន្លងមក មិនមែនជាការគប់គិត ឬក្បត់ជាតិខ្មែរឡើយ។

អតីតអគ្គលេខាធិការរងនៃអគ្គលេខាធិការដ្ឋានរដ្ឋសភាភាគីបក្សប្រឆាំង លោក ហ៊ីង សុខសាន្ត សរសេរគណនីហ្វេសប៊ុករបស់ខ្លួននៅថ្ងៃទី២៥ កុម្ភៈ នេះថា ជាធម្មតា ទាំងមេដឹកនាំបក្សកាន់អំណាច ទាំងមេដឹកនាំបក្សប្រឆាំង តែងតែមានគោលនយោបាយទំនាក់ទំនងការបរទេសរៀងៗខ្លួន ដូច្នេះការចោទមេបក្សប្រឆាំងអំពីបទក្បត់ជាតិដោយសារទំនាក់ទំនងការបរទេសជាមួយប្រទេសជិតខាង គឺជារឿងដែលមិនអាចទទួលយកបាន។

លោក ហ៊ីង សុខសាន្ត លើកឡើងថា មេដឹកនាំបក្សកាន់អំណាចជាទូទៅច្រើនតែមានទំនាក់ទំនង ឬទំនោរទៅប្រទេសកុម្មុយនីស្ត ដូចជា ប្រទេសចិន រុស្ស៊ី ឬវៀតណាម ជាដើម ចំណែកឯមេដឹកនាំបក្សប្រឆាំងវិញ ក៏តែងតែមានទំនាក់ទំនងជាមួយប្រទេសលោកសេរីប្រជាធិបតេយ្យដែរ ដូចជាសហរដ្ឋអាមេរិក សហភាពអឺរ៉ុប អូស្ត្រាលី ឬប្រទេសជប៉ុន ជាដើម។

ប្រភពដដែលបញ្ជាក់ថា គណបក្សប្រជាជនកម្ពុជាដែលកំពុងក្តាប់អំណាចបានចោទមេដឹកនាំបក្សប្រឆាំងថាបានគប់គិតជាមួយរដ្ឋបរទេស ឬក្បត់ជាតិខ្មែរ ប៉ុន្តែការពិត បក្សកាន់អំណាចខ្លួនឯងទៅវិញទេដែលត្រូវសាធារណមតិជាតិ និងអន្តរជាតិលាតត្រដាងថា បានបើកដៃឲ្យបរទេសចូលមកបង្កប្រទូសរ៉ាយនៅលើទឹកដីប្រទេសកម្ពុជានោះ។

អ្នកតាមដានឯទៀតក៏មើលឃើញថា គណបក្សប្រជាជនកម្ពុជាដែលមានឫសគល់ពីបក្សកុម្មុយនីស្តឥណ្ឌូចិន ក៏ក្លែងខ្លួនមិនច្បាស់ជាដើរតាមមាគ៌ាប្រជាធិបតេយ្យ មិនច្បាស់ជាសង្គមនិយម បែបម៉ាក្សីស្ត-ឡេនីនិស្ត នោះដែរ។

ការអះអាងនេះ ធ្វើឡើងស្របពេលដែលគណបក្សសាធារណរដ្ឋរបស់អាមេរិក និងគណបក្សអភិរក្សនិយមរបស់អាល្លឺម៉ង់ ឈ្នះឆ្នោតដឹកនាំរដ្ឋាភិបាលនៅពេលនេះ ស្របពេលដែលមេដឹកនាំបក្សប្រឆាំងលោក កឹម សុខា ដែលធ្លាប់មានទំនាក់ទំនងការទូតជាមួយគណបក្សទាំងពីរនេះកន្លងមកនោះ ត្រូវរងនូវការចោទប្រកាន់ពីបទគប់គិតជាមួយរដ្ឋបរទេសដើម្បីផ្តួលរំលំរដ្ឋាភិបាលកម្ពុជានៅពេលនេះ។

កាលពីថ្ងៃទី៣ ខែមីនា ឆ្នាំ២០២៣ សាលាដំបូងរាជធានីភ្នំពេញបានប្រកាសសាលក្រមផ្ដន្ទាទោសលោក កឹម សុខា ប្រធានគណបក្សសង្គ្រោះជាតិ ឲ្យជាប់ពន្ធនាគាររយៈពេល ២៧ឆ្នាំ ពីបទគប់គិតជាមួយរដ្ឋបរទេសដើម្បីផ្តួលរំលំរដ្ឋាភិបាលកម្ពុជា។ ក្នុងសាលក្រមដដែលនោះ តុលាការក៏បានដកហូតសិទ្ធិធ្វើនយោបាយរបស់លោក កឹម សុខា អស់មួយជីវិតផងដែរ៕

មន្ត្រីជាន់ខ្ពស់បក្សប្រឆាំងថាការធ្វើការទូតជាមួយបក្សនយោបាយក្រៅប្រទេស មិនមែនជាអំពើក្បត់ជាតិនោះទេ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

ព្រះរាជអាជ្ញាសាលារាជធានីភ្នំពេញ យល់ព្រមឲ្យលោក កឹម សុខា ជួបមុខម្ដាយដែលកំពុងឈឺធ្ងន់រយៈពេល១ម៉ោង

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន