មួង ណារ៉េត

សកម្មជន​ខ្មែរ​ក្នុង​ទីក្រុង​ឡងប៊ិច លើកឡើង​ថា វត្តមាន​សមាជិក​ព្រឹទ្ធសភា​មកពី​គណបក្ស​សាធារណរដ្ឋ លោក ម៉ាកូ រ៉ូបីអូ (Marco Rubio) ជា​រដ្ឋមន្ត្រី​ការបរទេស​ក្នុង​រដ្ឋបាល​ប្រធានាធិបតី​ថ្មី​របស់​អាមេរិក​ឆ្នាំ​ក្រោយ​នេះ គឺជា​បណ្តាសា​យ៉ាង​ពិតប្រាកដ​សម្រាប់​ប្រទេស​កម្ពុជា និង​ពលរដ្ឋ​ខ្មែរ បើ​ការ​រំលោភ​សិទ្ធិមនុស្ស និង​ការ​ជាន់ឈ្លី​លទ្ធិប្រជាធិបតេយ្យ​នៅតែ​បន្ត។ សកម្មជន​ក្នុង​សហគមន៍​ខ្មែរ​នៅ​ទីក្រុង​ឡងប៊ិច លោក មួង ណារ៉េត លើកឡើង​ក្នុង​ការ​ផ្សាយ​ផ្ទាល់​របស់​ខ្លួន​កាលពី​យប់​ថ្ងៃទី​២៥ ខែ​ធ្នូ នេះ​ថា ប្រជាពលរដ្ឋ​ខ្មែរ​ដែល​រស់នៅ​ជុំវិញ​ពិភពលោក នឹង​មាន​ឱកាស​កាន់តែ​ច្រើន​ក្នុង​ការ​ទាមទារ​ឱ្យ​មាន​ការ​ស្ដារ​លទ្ធិប្រជាធិបតេយ្យ និង​ការ​គោរព​សិទ្ធិមនុស្ស​នៅ​ប្រទេស​កម្ពុជា បន្ទាប់ពី​លោក ម៉ាកូ...

អ្នក​ឃ្លាំមើល​លើកឡើង​ថា រដ្ឋាភិបាល​ខ្មែរ​ជំនាន់​សម័យ​សង្គម​រាស្ត្រ​និយម និង​រដ្ឋាភិបាល​សម័យ​សាធារណរដ្ឋ​ខ្មែរ សុទ្ធតែ​ទាមទារ​ចំណែក​កម្មសិទ្ធិ​លើ​កោះ​គុត ដូច្នេះ​រដ្ឋាភិបាល​ត្រកូល​ហ៊ុន​ក៏​ត្រូវ​បញ្ជាក់​ពី​ជំហរ​របស់​ខ្លួន​លើ​បញ្ហា​កោះ​គុត​ក្នុង​ពេល​នេះ​ដែរ។ អ្នក​នាំពាក្យ​ក្រុម​អ្នក​តស៊ូ​មតិ​កម្ពុជា​ដែល​មាន​មូលដ្ឋាន​នៅ​សហរដ្ឋ​អាមេរិក លោក មួង ណារ៉េត បាន​សរសេរ​នៅ​លើ​គណនី​ហ្វេសប៊ុក​របស់​លោក​នៅ​ថ្ងៃទី​២៧ វិច្ឆិកា នេះ​ថា ទាំង​មន្ត្រី​យោធា មន្ត្រី​សង្គម​ស៊ីវិល និង​ពលរដ្ឋ​ថៃ សុទ្ធតែ​អះអាង​ដូចៗ​គ្នា​ថា កោះ​គុត​គឺជា​កម្មសិទ្ធិ​របស់​ថៃ ផ្ដាច់មុខ ចំណែក​កម្ពុជា​គ្មាន​ចំណែក​កម្មសិទ្ធិ​លើ​កោះ​នេះ​សូម្បី​តែ​មួយ​មិល្លីម៉ែត្រ​ឡើយ។ លោក មួង ណារ៉េត លើកឡើង​ថា ទោះបី​រដ្ឋាភិបាល​ខ្មែរ​ដែល​កំពុង​ដឹកនាំ​ដោយ​ត្រកូល​ហ៊ុន​បច្ចុប្បន្ន​មិន​បាន​ប្រកាស​ជា​ផ្លូវការ​អំពី​ជំហរ​រឿង​កោះ​គុត​យ៉ាងណា​ក៏ដោយ ប៉ុន្តែ​រដ្ឋាភិបាល​ខ្មែរ​ជំនាន់​មុនៗ​សុទ្ធតែ​បាន​បញ្ជាក់​យ៉ាង​ច្បាស់​ថា កម្ពុជា​មាន​ចំណែក​កម្មសិទ្ធិ​លើ​កោះ​នេះ...

អ្នក​ឃ្លាំមើល​ស្ថានការណ៍​កម្ពុជា ជំរុញ​ឱ្យ​នាយករដ្ឋមន្ត្រី​ខ្មែរ​លោក ហ៊ុន ម៉ាណែត និង​អតីត​នាយករដ្ឋមន្ត្រី​កម្ពុជា លោក ហ៊ុន សែន បញ្ជាក់​ប្រាប់​ពលរដ្ឋ​ខ្មែរ​ឱ្យ​បាន​ច្បាស់​ថា តើ​កោះ​គុត​នៅ​មាន​ចំណែក​ជា​កម្មសិទ្ធិ​របស់​ខ្មែរ​ទៀត​ដែរ​ឬ​ក៏​អត់ ក្រោយ​នាយករដ្ឋមន្ត្រី​ថៃ អះអាង​ថា កោះ​គុត​គ្មាន​ជា​កម្មសិទ្ធិ​របស់​កម្ពុជា​នោះ។ សកម្មជន​ក្នុង​សហគមន៍​ខ្មែរ​នៅ​ទីក្រុង​ឡងប៊ិច លោក មួង ណារ៉េត បកស្រាយ​ពី​បញ្ហា​កោះ​គុត​រវាង​ប្រទេស​កម្ពុជា និង​ប្រទេស​ថៃ នៅ​ថ្ងៃទី​២៥ វិច្ឆិកា នេះ​ថា ពិត​មែន​តែ​ក្នុង​មាត្រា​២ នៃ​សន្ធិសញ្ញា​បារាំង-សៀម​ឆ្នាំ​១៩០៧ បាន​និយាយ​អំពី​ការ​កំណត់​ព្រំដែន​គោក​រវាង​ប្រទេស​ទាំង​ពីរ...

អ្នក​នាំពាក្យ​ក្រុម​អ្នក​តស៊ូ​មតិ​កម្ពុជា ចាត់ទុក​ការ​ចុះផ្សាយ​របស់​កាសែត​ឥណ្ឌា The Sunday Guardian ដែល​ថា​សហរដ្ឋ​អាមេរិក​ក្រោម​រដ្ឋបាល​របស់​ប្រធានាធិបតី ចូ បៃដិន នៅ​ពីក្រោយ​គម្រោង​បង្កើត​បដិវត្តន៍​ពណ៌​នៅ​កម្ពុជា គឺជា​ការ​ចុះផ្សាយ​ក្នុង​ចេតនា​ប្រឌិត​លាប​ពណ៌​អាមេរិក​ប៉ុណ្ណោះ។ អ្នក​នាំពាក្យ​ក្រុម​អ្នក​តស៊ូ​មតិ​កម្ពុជា លោក មួង ណារ៉េត សរសេរ​លើ​គណនី​ហ្វេសប៊ុក​របស់​ខ្លួន​កាលពី​ថ្ងៃទី​១៣ វិច្ឆិកា នេះ​ថា សារព័ត៌មាន​ពិភពលោក​ទាំងអស់​គ្មាន​សារព័ត៌មាន​មួយ​ណា​ដែល​បាន​ចុះផ្សាយ​ថា​មាន​បដិវត្តន៍​ពណ៌​នៅ​កម្ពុជា​ឡើយ ហើយ​សារព័ត៌មាន​ទាំងនោះ​ក៏​មិន​ដែល​ចុះផ្សាយ​ថា​អាមេរិក​នៅ​ពីក្រោយ​បដិវត្តន៍​ពណ៌​នៅ​កម្ពុជា​ណា​មួយ​ដែរ។ លោក​ថា ទើប​តែ​ពេលនេះ កាសែត​ឥណ្ឌា The Sunday Guardian បែរ​ជា​ចុះផ្សាយ​អត្ថបទ​បែប​ប្រឌិត​ដែល​មាន​ចរិត​លាប​ពណ៌​សហរដ្ឋ​អាមេរិក...

មេដឹកនាំ​បក្ស​កាន់​អំណាច លោក ហ៊ុន សែន អះអាង​ថា កិច្ចព្រមព្រៀង​សន្តិភាព​ទីក្រុង​ប៉ារីស ២៣ តុលា ១៩៩១ មិន​អាច​បញ្ចប់​សង្គ្រាម​ស៊ីវិល​នៅ​កម្ពុជា​ដែល​បង្ក​ដោយ​ភាគី​កម្ពុជា​ប្រជាធិបតេយ្យ ប៉ុល ពត បាន​នោះ​ទេ ហើយ​សង្គ្រាម​ស៊ីវិល​បាន​បញ្ចប់​ទាំងស្រុង​ក្រោម​នយោបាយ​ឈ្នះ​ឈ្នះ​របស់​លោក​នៅ​ឆ្នាំ​១៩៩៨។ អតីត​នាយករដ្ឋមន្ត្រី​កម្ពុជា លោក ហ៊ុន សែន សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​២៣ តុលា នេះ​ថា ៣៣​ឆ្នាំ​មុន​គឺ​នៅ​ថ្ងៃទី​២៣ ខែ​តុលា ឆ្នាំ​១៩៩១ ភាគី​ទាំង​៤...

នាយករដ្ឋមន្ត្រី​កម្ពុជា លោក ហ៊ុន ម៉ាណែត អះអាង​ថា កម្ពុជា​នឹង​មិន​ស្ថិត​នៅ​ជា​ប្រទេស​ក្រីក្រ​អស់​មួយ​ជីវិត​ដោយ​ពឹងផ្អែក​តែ​ទៅ​លើ​ការ​ផ្តល់​ឱ្យ​ពី​ប្រទេស​ជិតខាង​បន្ត​ទៀត​នោះ​ទេ​នៅ​ឆ្នាំ​២០២៩ ខាងមុខ ទោះបីជា​ត្រូវ​បាត់បង់​នូវ​គោលការណ៍​អនុគ្រោះ​មួយ​ចំនួន​ក៏ដោយ។ នៅ​ក្នុង​វីដេអូ​ឃ្លីប​របស់​លោក ហ៊ុន ម៉ាណែត ដែល​ថ្លែង​នៅ​ក្នុង​ពិធី "អបអរ​សាទរ​ខួប ២០​ឆ្នាំ​ដែល​កម្ពុជា​ចូល​ជា​សមាជិក​អង្គការ​ពាណិជ្ជកម្ម​ពិភពលោក" ហើយ​ដែល​ត្រូវ​បាន​លោក ហ៊ុន សែន ដែល​ជា​ឪពុក យក​ទៅ​បង្ហោះ​នៅ​លើ​ទំព័រ​ហ្វេសប៊ុក​របស់​លោក​ឡើងវិញ​នៅ​ថ្ងៃទី​២២ តុលា នេះ បាន​លើកឡើង​ពី​ការ​ចាកចេញ​របស់​កម្ពុជា​ពី​ប្រទេស​ក្រីក្រ​ក្នុង​រយៈពេល ៥​ឆ្នាំ​ខាងមុខ​ទៀត​នេះ។ លោក ហ៊ុន ម៉ាណែត...

អ្នក​ឃ្លាំមើល​និយាយ​ថា ករណី​ដោះលែង​លោក ហៃ វណ្ណនិត ជា​ថ្នូរ​នឹង​ការ​ប្រកាស​ចុះចូល​ជាមួយ​គណបក្ស​ប្រជាជន​កម្ពុជា​របស់​លោក ហៃ វណ្ណា ដែល​ត្រូវ​ជា​បង​បង្កើត​នោះ មិន​អាច​ជម្រះ​ការ​សង្ស័យ​របស់​ពលរដ្ឋ​ដែល​មើល​ឃើញ​ថា រដ្ឋាភិបាល​បាន​ប្រើប្រាស់​ប្រព័ន្ធ​តុលាការ​ធ្វើ​ជា​ឧបករណ៍​បម្រើ​នយោបាយ​របស់​ខ្លួនឯង​បាន​ឡើយ។ អ្នក​នាំពាក្យ​នៃ​ក្រុម​អ្នក​តស៊ូ​មតិ​កម្ពុជា លោក មួង ណារ៉េត បាន​សរសេរ​លើ​ទំព័រ​ហ្វេសប៊ុក​របស់​លោក​កាលពី​ថ្ងៃទី​២០ ខែ​តុលា ថា បន្ទាប់ពី​លោក ហៃ វណ្ណា ដែល​ជា​សកម្មជន​បក្ស​ប្រឆាំង​ប្រចាំ​ប្រទេស​ជប៉ុន បាន​សារភាព​សុំ​ចុះចូល​ជាមួយ​បក្ស​កាន់​អំណាច​ភ្លាម តុលាការ​ខ្មែរ​ក៏​បាន​ដោះលែង​លោក ហៃ វណ្ណនិត...

ប្រទេស​កម្ពុជា ជាប់​ចំណាត់ថ្នាក់​ជា​ប្រទេស​ក្រីក្រ​ក្នុង​ចំណោម​ប្រទេស​ក្រីក្រ​បំផុត​ទាំង​ជាង ៤០​ប្រទេស (៤៥​ប្រទេស) នៅ​លើ​ពិភពលោក ក្នុង​បញ្ជី​គណៈកម្មាធិការ​គោលនយោបាយ​អភិវឌ្ឍន៍​របស់​អង្គការ​សហប្រជាជាតិ​សម្រាប់​ឆ្នាំ​២០២៤។ គណៈកម្មាធិការ​គោលនយោបាយ​អភិវឌ្ឍន៍​របស់​អង្គការ​សហប្រជាជាតិ បាន​ចេញ​របាយការណ៍​របស់​ខ្លួន​កាលពី​ពេល​ថ្មីៗ​នេះ ដោយ​ដាក់​ចំណងជើង​ថា «បញ្ជី​ឈ្មោះ​ប្រទេស​អភិវឌ្ឍន៍​តិចតួច​របស់​អង្គការ​សហប្រជាជាតិ ឬ UN List of Least Developed Countries ដែល​ហៅ​កាត់​ថា (LDCs)»។ គណៈកម្មាធិការ​ដដែល​នេះ បាន​បែងចែក​ប្រទេស​ទាំង ៤៥ ទៅ​តាម​តំបន់​នីមួយៗ​ដែល​គិត​ជា​សរុប​គឺ​មាន ៤ ក្នុង​នោះ​គឺ​ទ្វីប​អាហ្វ្រិក មាន...

អ្នក​នាំពាក្យ​ក្រុម​អ្នក​តស៊ូ​មតិ​កម្ពុជា​ដែល​មាន​មូលដ្ឋាន​នៅ​សហរដ្ឋ​អាមេរិក លើកឡើង​ថា រដ្ឋាភិបាល​ថ្មី​ដែល​ដឹកនាំ​ដោយ​ក្រុម​គ្រួសារ​ត្រកូល​ហ៊ុន មិន​ត្រឹមតែ​ទទួល​បាន​ការ​វិនិយោគ​ក្នុង​កម្រិត​ទាប​បំផុត​ពី​សហរដ្ឋ​អាមេរិក​ប៉ុណ្ណោះ​ទេ ប៉ុន្តែ​ថែមទាំង​ទទួល​រង​នូវ​ទណ្ឌកម្ម​លើ​មន្ត្រី​ជាន់ខ្ពស់​របស់​ខ្លួន​យ៉ាង​ដំណំ​ថែម​ទៀត។ អ្នក​នាំពាក្យ​ក្រុម​អ្នក​តស៊ូ​មតិ​កម្ពុជា លោក មួង ណារ៉េត សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​១១ តុលា នេះ​ថា នាយករដ្ឋមន្ត្រី​កម្ពុជា​ដែល​ស្នង​តំណែង​បន្ត​ពី​ឪពុក គឺ​លោក ហ៊ុន ម៉ាណែត ទើប​តែ​ដឹកនាំ​ប្រទេស​បាន​ជាង​មួយ​ឆ្នាំ​ប៉ុណ្ណោះ ក៏​ត្រូវ​ទណ្ឌកម្ម​ពី​អាមេរិក​លើ​មន្ត្រី​ជាន់ខ្ពស់​របស់​ខ្លួន​គឺ​ឧកញ៉ា លី យ៉ុងផាត់ យ៉ាង​ដំណំ ខណៈ​ការ​វិនិយោគ​របស់​អាមេរិក​នៅ​កម្ពុជា​មាន​ចំនួន​ទាប​ខ្លាំង​រហូត​គ្មាន​លេខ​ដាក់​ក្នុង​តារាង។ លោក មួង ណារ៉េត លើកឡើង​ថា...

មេដឹកនាំ​គណបក្ស​កាន់​អំណាច លោក ហ៊ុន សែន សម្រេច​ដក​ខេត្ត​មណ្ឌលគិរី រតនគិរី ស្ទឹងត្រែង និង​ខេត្ត​ក្រចេះ ចេញពី​តំបន់​ត្រីកោណ​អភិវឌ្ឍន៍​កម្ពុជា ឡាវ វៀតណាម (CLV-DTA) ហើយ​ចាប់ពី​ថ្ងៃ​២០ ខែ​កញ្ញា ឆ្នាំ​២០២៤ នេះ​តទៅ។ អតីត​នាយករដ្ឋមន្ត្រី​កម្ពុជា លោក ហ៊ុន សែន សរសេរ​លើ​ទំព័រ​ហ្វេសប៊ុក​ទាំង​យប់​ថ្ងៃទី​២០ ខែ​កញ្ញា ឆ្នាំ​២០២៤ នេះ​ថា កន្លង​ទៅ​នេះ...