អ្នកតស៊ូមតិថាបក្សកាន់អំណាចរងនូវការសង្ស័យប្រើប្រព័ន្ធតុលាការធ្វើជាឧបករណ៍បម្រើនយោបាយរបស់ខ្លួន

អ្នកឃ្លាំមើលនិយាយថា ករណីដោះលែងលោក ហៃ វណ្ណនិត ជាថ្នូរនឹងការប្រកាសចុះចូលជាមួយគណបក្សប្រជាជនកម្ពុជារបស់លោក ហៃ វណ្ណា ដែលត្រូវជាបងបង្កើតនោះ មិនអាចជម្រះការសង្ស័យរបស់ពលរដ្ឋដែលមើលឃើញថា រដ្ឋាភិបាលបានប្រើប្រាស់ប្រព័ន្ធតុលាការធ្វើជាឧបករណ៍បម្រើនយោបាយរបស់ខ្លួនឯងបានឡើយ។

អ្នកនាំពាក្យនៃក្រុមអ្នកតស៊ូមតិកម្ពុជា លោក មួង ណារ៉េត បានសរសេរលើទំព័រហ្វេសប៊ុករបស់លោកកាលពីថ្ងៃទី២០ ខែតុលា ថា បន្ទាប់ពីលោក ហៃ វណ្ណា ដែលជាសកម្មជនបក្សប្រឆាំងប្រចាំប្រទេសជប៉ុន បានសារភាពសុំចុះចូលជាមួយបក្សកាន់អំណាចភ្លាម តុលាការខ្មែរក៏បានដោះលែងលោក ហៃ វណ្ណនិត ដែលត្រូវជាប្អូនប្រុសបង្កើតរបស់លោកភ្លាមដែរ។

លោក មួង ណារ៉េត លើកឡើងថា រូបភាពដោះដូរច្បាស់ៗបែបនេះ ទោះបីរដ្ឋាភិបាលកម្ពុជាខំប្រឹងការពារខ្លួនថាអ្វីដែលខ្លួនបានធ្វើនេះជាទង្វើត្រឹមត្រូវយ៉ាងណាក៏ដោយ ក៏មជ្ឈដ្ឋានទូទៅនៅតែមានមន្ទិលលើប្រព័ន្ធយុត្តិធម៌របស់កម្ពុជាថាជាអំពើចាប់មនុស្សធ្វើជាចំណាប់ខ្មាំងដែរ។

លោកបញ្ជាក់ថា កាលណាប្រព័ន្ធតុលាការចុះទន់ខ្សោយ វាគឺជាអំណោយផលដល់អំពើអយុត្តិធម៌សង្គមជុំទិស ដែលនឹងលេចចេញនូវផលវិបាក ដូចជា ការរំលោភសិទ្ធិមនុស្ស ការបំផ្លាញប្រជាធិបតេយ្យ។ អំពើពុករលួយ សេដ្ឋកិច្ចជាតិ និងការអភិវឌ្ឍសង្គមកាន់តែចុះអន់ថយ ឧក្រិដ្ឋជនក៏ហ៊ានចេញមុខប្រព្រឹត្តបទល្មើសដោយគ្មានការញញើតច្បាប់នោះដែរ ខណៈពលរដ្ឋក៏បាត់បង់សេចក្ដីទុកចិត្តលើប្រព័ន្ធតុលាការថែមទៀត។

កាលពីថ្ងៃទី១៨ ខែតុលា ឆ្នាំ២០២៤ សកម្មជនបក្សប្រឆាំងប្រចាំប្រទេសជប៉ុន លោក ហៃ វណ្ណា ប្រកាសចូលរួមជីវភាពនយោបាយជាមួយបក្សប្រជាជនកម្ពុជា និងបានសុំទោសលោក ហ៊ុន សែន ពីការប្រកាសឱ្យពលរដ្ឋចូលរួមធ្វើបាតុកម្មប្រឆាំងគម្រោងអភិវឌ្ឍន៍ត្រីកោណ (CLV) កាលពីថ្ងៃទី១៨ខែសីហា ឆ្នាំ២០២៤ កន្លងទៅផងដែរ។

ការប្រកាសចុះចូលរបស់លោក ហៃ វណ្ណា ជាមួយគណបក្សប្រជាជនកម្ពុជានៅពេលនេះ ត្រូវគេមើលឃើញថាគ្រាន់តែដើម្បីដោះដូរយកសេរីភាពរបស់លោក ហៃ វណ្ណនិត ដែលត្រូវរដ្ឋាភិបាលចាប់ខ្លួនពាក់ព័ន្ធនឹងការប្រឆាំងគម្រោងអភិវឌ្ឍន៍ត្រីកោណកាលពីពេលកន្លងទៅតែប៉ុណ្ណោះ។

ជាក់ស្តែង ក្នុងថ្ងៃតែមួយ ក្រោយការប្រកាសចុះចូលរបស់លោក ហៃ វណ្ណា ជាមួយគណបក្សប្រជាជនកម្ពុជា គឺនៅថ្ងៃទី១៨ ខែតុលា ឆ្នាំ២០២៤ សាលាដំបូងរាជធានីភ្នំពេញ ក៏បានចេញដីកាដោះលែងលោក ហៃ វណ្ណនិត ឱ្យនៅក្រៅឃុំបណ្ដោះអាសន្នផងដែរ ប៉ុន្តែត្រូវគោរពតាមបម្រាមរបស់តុលាការគ្រប់ពេល ដោយហាមមិនឱ្យផ្លាស់ប្ដូរទីលំនៅ ត្រូវឆ្លើយតបនឹងដីកាកោះហៅរបស់តុលាការគ្រប់ពេល និងត្រូវបង្ហាញមុខនៅតុលាការរៀងរាល់ ២ខែម្តង។

ប្អូនប្រុសបង្កើតរបស់លោក ហៃ វណ្ណា ឈ្មោះ ហៃ វណ្ណនិត ដែលជាមន្ត្រីជាន់ខ្ពស់នៃវិទ្យាស្ថានជាតិសុខភាពសាធារណៈ ត្រូវបានសមត្ថកិច្ចចាប់ខ្លួននៅច្រកព្រំដែនប៉ោយប៉ែត កាលពីថ្ងៃទី១៦ ខែសីហា អំពីបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» ខណៈពេលដែលលោកកំពុងធ្វើដំណើរចាកចេញពីប្រទេសកម្ពុជាចូលទៅកាន់ប្រទេសថៃ៕

អ្នកតស៊ូមតិថាបក្សកាន់អំណាចរងនូវការសង្ស័យប្រើប្រព័ន្ធតុលាការធ្វើជាឧបករណ៍បម្រើនយោបាយរបស់ខ្លួន

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន