កម្ពុជាជាប់ចំណាត់ថ្នាក់ជាប្រទេសក្រីក្របំផុតក្នុងចំណោមប្រទេសក្រីក្រជាង៤០នៅលើពិភពលោកក្នុងឆ្នាំ២០២៤

ប្រទេសកម្ពុជា ជាប់ចំណាត់ថ្នាក់ជាប្រទេសក្រីក្រក្នុងចំណោមប្រទេសក្រីក្របំផុតទាំងជាង ៤០ប្រទេស (៤៥ប្រទេស) នៅលើពិភពលោក ក្នុងបញ្ជីគណៈកម្មាធិការគោលនយោបាយអភិវឌ្ឍន៍របស់អង្គការសហប្រជាជាតិសម្រាប់ឆ្នាំ២០២៤។

គណៈកម្មាធិការគោលនយោបាយអភិវឌ្ឍន៍របស់អង្គការសហប្រជាជាតិ បានចេញរបាយការណ៍របស់ខ្លួនកាលពីពេលថ្មីៗនេះ ដោយដាក់ចំណងជើងថា «បញ្ជីឈ្មោះប្រទេសអភិវឌ្ឍន៍តិចតួចរបស់អង្គការសហប្រជាជាតិ ឬ UN List of Least Developed Countries ដែលហៅកាត់ថា (LDCs)»។

គណៈកម្មាធិការដដែលនេះ បានបែងចែកប្រទេសទាំង ៤៥ ទៅតាមតំបន់នីមួយៗដែលគិតជាសរុបគឺមាន ៤ ក្នុងនោះគឺទ្វីបអាហ្វ្រិក មាន ៣៣ប្រទេស ទ្វីបអាស៊ី មាន ៨ប្រទេស តំបន់ការ៉ាប៊ីន មាន ១ប្រទេស និងតំបន់ប៉ាស៊ីហ្វិក មាន ៣ប្រទេសផងដែរ ក្នុងនោះប្រទេសដែលជាសមាជិកអាស៊ានមានតែ ៤ប្រទេសប៉ុណ្ណោះដែលជាប់ក្នុងបញ្ជីនេះ រួមមាន កម្ពុជា ឡាវ ភូមា និងទីម័រលេស ខណៈប្រទេសសមាជិកអាស៊ាន ៧ ផ្សេងទៀត មិនបានជាប់ក្នុងបញ្ជីប្រទេសក្រីក្រនេះទេ។

របាយការណ៍នេះបញ្ជាក់ថា ការដាក់ចំណាត់ថ្នាក់ក្រីក្រលើប្រទេសទាំងនេះ គឺវាស់វែងទៅលើកត្តាមួយចំនួន ដូចជា កត្តាប្រាក់ចំណូលប្រចាំឆ្នាំរបស់ពលរដ្ឋម្នាក់ៗ កត្តាធនធានមនុស្ស និងកត្តាស្ថានភាពសេដ្ឋកិច្ចរបស់ប្រទេសទាំងនេះផងដែរ ខណៈចំណាត់ថ្នាក់នេះតែងតែធ្វើឡើងជារៀងរាល់៣ឆ្នាំម្តងដោយគណៈកម្មាធិការសម្រាប់គោលនយោបាយអភិវឌ្ឍន៍ (CDP) ដែលត្រូវរាយការណ៍ទៅក្រុមប្រឹក្សាសេដ្ឋកិច្ច និងសង្គម (ECOSOC) នៃអង្គការសហប្រជាជាតិ។

កាលពីថ្ងៃទី១៣ ខែមិថុនា ឆ្នាំ២០២៤ លោក ហ៊ុន ម៉ាណែត លើកឡើងថា បើកម្ពុជាពង្រឹងខ្លួនឯងដាក់ទិសដៅក្លាយទៅជាប្រទេសអ្នកមាននៅឆ្នាំ២០៥០ កម្ពុជាមិនត្រឹមតែចាកចេញពីប្រទេសក្រីក្រ និងជាប្រទេសអភិវឌ្ឍន៍តិចតួចនៅឆ្នាំ២០៣០ ទេ ប៉ុន្តែកម្ពុជានឹងក្លាយទៅជាប្រទេសអ្នកមានតែម្តង ហើយនៅពេលនោះ កម្ពុជាក៏ហ៊ានប្រកួតស្មើភាពគ្នាជាមួយគ្រប់ប្រទេសទាំងអស់នៅលើពិភពលោកដែរ។

ជុំវិញបញ្ហានេះ អ្នកនាំពាក្យក្រុមអ្នកតស៊ូមតិកម្ពុជា លោក មួង ណារ៉េត លើកឡើងលើទំព័រហ្វេសប៊ុករបស់ខ្លួននៅថ្ងៃទី១៧ តុលា នេះថា កម្ពុជាអាចនឹងត្រូវដំឡើងមួយកម្រិតនៅអំឡុងឆ្នាំ២០២៧ ដែលមិនត្រូវដាក់បន្តក្នុងប្រទេសក្រីក្របំផុតទៀតទេ ព្រោះកម្ពុជាមានចំណូលលើសពីប្រទេសក្រីក្រដែលមានចំណូលប្រចាំឆ្នាំ ១៣០០ដុល្លារទៅហើយនោះ។

លោក មួង ណារ៉េត អះអាងថា ទោះកម្ពុជាមានសង្ឃឹមរួចផុតពីបាតតារាងផ្នែកភាពក្រីក្រខ្លាំងបំផុតនៅពេលខាងមុខក៏ដោយ ក៏កម្ពុជានៅតែប្រឈមនឹងវិលត្រឡប់មកក្នុងចំណោមប្រទេសក្រីក្រទាំងជាង ៤០ប្រទេសនេះវិញដែរ បើរដ្ឋាភិបាលមិនអាចកែសម្រួលប្រព័ន្ធដឹកនាំរបស់ខ្លួនឱ្យល្អជាងពេលបច្ចុប្បន្នទេនោះ។

ជុំវិញបញ្ហានេះ ក្រុមអ្នកសង្កេតការណ៍លើកឡើងថា ឱ្យតែកម្ពុជាស្ថិតក្រោមការគ្រប់គ្រងរបស់ត្រកូលហ៊ុន សូមកុំសង្ឃឹមថាកម្ពុជានឹងក្លាយជាប្រទេសស្មើមុខស្មើមាត់ ឬជាប្រទេសអ្នកមាន និងជាប្រទេសថ្លៃថ្នូរលើឆាកអន្តរជាតិឱ្យសោះ៕

កម្ពុជាជាប់ចំណាត់ថ្នាក់ជាប្រទេសក្រីក្របំផុតក្នុងចំណោមប្រទេសក្រីក្រជាង៤០នៅលើពិភពលោកក្នុងឆ្នាំ២០២៤

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

តម្លៃប្រេងឥន្ធនៈនៅកម្ពុជា បានធ្លាក់ចុះនៅថ្ងៃទី១០ ខែមេសា មុនពិធីបុណ្យចូលឆ្នាំថ្មី

ប្រេងឥន្ធនៈឡើងថ្លៃជារឿងធម្មជាតិ រដ្ឋមិនដឹងដោះស្រាយដូចម្តេច ថាគ្មានលួចរត់ពន្ធ

ស្ថានភាពសេដ្ឋកិច្ចប្រទេសកម្ពុជា បន្ទាប់ពីមានចម្បាំងនឹងថៃ និងសង្គ្រាមនៅមជ្ឈិមបូព៌ា

តម្លៃប្រេងម៉ាស៊ូតឡើងដល់ ៧១០០រៀលក្នុង១លីត្រ ខណៈហ្គាស៍ឡើងដល់ ៣២០០រៀលចាប់ពីថ្ងៃទី២៦ មីនា

ប្រេងសាំងនៅកម្ពុជាធ្លាក់ថ្លៃ ១០០រៀល ខណៈរដ្ឋទម្លាក់ពន្ធគយមកនៅត្រឹមសូន្យភាគរយ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន