អំ សំអាត

បុរស​ខ្លាំង លោក ហ៊ុន សែន ព្រមាន​ចាប់​ខ្លួន​បន្ថែម​ទៀត​ចំពោះ​អ្នក​ដែល​បំពុល​បរិយាកាស​តាម​បណ្ដាញ​សង្គម ដែល​បំភ្លៃ​ព័ត៌មាន​រឿង​កូវីដ-១៩ ក្រោយពី​បុរស​ម្នាក់​ត្រូវ​បាន​សមត្ថកិច្ច​ចាប់​ខ្លួន​នៅ​ខេត្ត​ត្បូងឃ្មុំ ជុំវិញ​បញ្ហា​នេះ។ នៅ​ក្នុង​ពិធី​លែង​កូន​ត្រី និង​ត្រី​មេ​ពូជ​នៅ​ខេត្ត​បន្ទាយមានជ័យ នា​ព្រឹក​ថ្ងៃទី​១ កក្កដា នេះ លោក ហ៊ុន សែន បាន​ថ្លែង​ថា លោក​បាន​បញ្ជា​ទៅ​អគ្គស្នងការដ្ឋាន​នគរបាល​ជាតិ​ឱ្យ​ស្រាវជ្រាវ និង​ចាប់​ខ្លួន​អ្នក​លេង Tik Tok រូប​នោះ​ឲ្យខាងតែ​បាន ក្រោយពី​អ្នក​លេង Tik Tok...

កញ្ញា សេង ធារី ត្រូវ​បាន​សមត្ថកិច្ច​ក្រុង​ភ្នំពេញ​បញ្ជូន​ទៅ​ឃុំ​ខ្លួន​នៅ​ពន្ធនាគារ​ខេត្ត​ព្រះវិហារ ដោយ​គ្មាន​មូលហេតុ​ច្បាស់លាស់ បន្ទាប់ពី​អគ្គនាយកដ្ឋាន​ពន្ធនាគារ​បដិសេធ​មិន​ឲ្យ​មេធាវី​ចូល​ជួប​កូនក្ដី​របស់​ខ្លួន។ ការ​បញ្ជូន​កញ្ញា សេង ធារី ទៅ​ពន្ធនាគារ​ខេត្ត​ព្រះវិហារ ធ្វើឡើង​បន្ទាប់ពី​មន្ត្រី​ពន្ធនាគារ​បាន​ប្រាប់​សារព័ត៌មាន​ក្នុង​ស្រុក​ថា កន្លងមក កញ្ញា សេង ធារី បាន​ធ្វើ​សកម្មភាព​មួយ​ចំនួន​នាំ​ឱ្យ​មាន​ភាព​ចលាចល ដូច្នេះ​ខាង​ពន្ធនាគារ​ត្រូវ​មាន​ការ​ប្រុងប្រយ័ត្ន​ខ្ពស់ ក្រោម​ហេតុផល​ថា ក្រុម​អ្នកគាំទ្រ​កញ្ញា សេង ធារី ត្រៀម​ធ្វើ​បាតុកម្ម​នៅ​ខាង​មុខ​មណ្ឌល​អប់រំ​កែប្រែ​នោះ។ កញ្ញា សេង ធារី ដែល​មាន​សញ្ជាតិ​អាមេរិកាំង​រូប​នេះ​ត្រូវ​បាន​សមត្ថកិច្ច​កម្ពុជា​ចាប់...

មន្ត្រី​ជាន់ខ្ពស់​បក្ស​កាន់​អំណាច​អះអាង​ថា ការ​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​អាណត្តិ​ទី​៥ បាន​ប្រព្រឹត្ត​ទៅ​ដោយ​រលូន​ជាង​ការ​បោះឆ្នោត​នា​ពេល​កន្លងទៅ ខណៈ​បក្ស​ភ្លើង​ទៀន និង​សង្គម​ស៊ីវិល​សង្កេត​ឃើញ​ថា ការ​បោះឆ្នោត​នេះ​ប្រព្រឹត្ត​ទៅ​មិន​សេរី និង​មិន​យុត្តិធម៌។ អ្នក​នាំពាក្យ​គណបក្ស​ប្រជាជន​កម្ពុជា លោក សុខ ឥសាន បាន​ប្រាប់​ក្រុម​អ្នក​សារព័ត៌មាន​ថា ការ​បោះឆ្នោត​ជ្រើសរើស​សមាជិក​ក្រុមប្រឹក្សា​ឃុំ-សង្កាត់​នៅ​អាណត្តិ​នេះ​ប្រព្រឹត្ត​ទៅ​យ៉ាង​រលូន​ជាង​អាណត្តិ​មុនៗ​ទាំងអស់។ លោក​បាន​ចាត់ទុក​ការ​ប្រកាស​របស់​គណបក្ស​ភ្លើង​ទៀន ដែល​ថា​ការ​បោះឆ្នោត​នេះ​មិន​សេរី មិន​ត្រឹមត្រូវ និង​មិន​យុត្តិធម៌ ធ្វើឡើង​ក្នុង​ចេតនា​ចង់​ប្រឆាំង​នឹង​ការ​បោះឆ្នោត​តែប៉ុណ្ណោះ។ ក្រៅពី​ការ​លើកឡើង​របស់​លោក សុខ ឥសាន នោះ គណបក្ស​នយោបាយ​មួយ​ចំនួន ក្នុង​នោះ​គណបក្ស​សញ្ជាតិ​កម្ពុជា គណបក្ស​ខ្មែរ​រួបរួម​ជាតិ គណបក្ស​ខ្មែរ​តែ​មួយ...

សាលាឧទ្ធរណ៍​រាជធានី​ភ្នំពេញ សម្រេច​បន្ត​ឃុំ​ខ្លួន​ស្ថាបនិក​គណបក្ស​បេះដូង​ជាតិ លោក សៀម ភ្លុក នៅ​ក្នុង​ពន្ធនាគារ​បណ្ដោះអាសន្ន ដោយ​អះអាង​ថា ការ​អនុញ្ញាត​ឱ្យ​នៅ​ក្រៅ​ឃុំ ប៉ះពាល់​ដល់​ដំណើរការ​នីតិវិធី​តុលាការ។ សភា​ស៊ើបសួរ​នៃ​សាលាឧទ្ធរណ៍​រាជធានី​ភ្នំពេញ លោក ឃុន លាងម៉េង នៅ​ថ្ងៃ​ព្រហស្បតិ៍ ទី​២៦ ឧសភា នេះ បាន​ប្រកាស​សាលដីកា​ដោយ​បដិសេធ​បណ្ដឹង​សុំ​នៅ​ក្រៅ​ឃុំ​របស់​មេធាវី​ការពារ​ក្ដី​ឱ្យ​លោក សៀម ភ្លុក។ ការ​បដិសេធ​នេះ ក្រោម​ហេតុផល​ថា ដើម្បី​រក្សា​ជន​ត្រូវ​ចោទ​ជូន​តុលាការ​បន្ត​នីតិវិធី​ទៀត។ លោក សៀម ភ្លុក...

ភរិយា​សមាជិក​គណបក្ស​សង្គ្រោះ​ជាតិ ថា​ការ​សម្រេច​របស់​តុលាការ​កំពូល​ឱ្យ​ប្ដី​របស់​គាត់​ជាប់​ពន្ធនាគារ ៧​ឆ្នាំ​ទាក់ទង​ទៅ​នឹង​ការ​បង្ហោះ​សារ​គាំទ្រ​ដំណើរ​មាតុភូមិ​និវត្តន៍​របស់​លោក សម រង្ស៊ី ក្នុង​ព្រឹត្តិការណ៍ ៩ វិច្ឆិកា លើ​បណ្ដាញ​សង្គម​ហ្វេសប៊ុក គឺជា​រឿង​អយុត្តិធម៌​បំផុត។ នៅ​ថ្ងៃ​ពុធ ទី​៤ ខែ​ឧសភា នេះ ប្រធាន​ក្រុមប្រឹក្សា​ជំនុំជម្រះ​តុលាការ​កំពូល បាន​សម្រេច​បដិសេធ​បណ្ដឹង​សារទុក្ខ​របស់​សមាជិក​គណបក្ស​សង្គ្រោះ​ជាតិ លោក គង់ សំអាន ដោយ​ចាត់ទុក​ការ​សម្រេច​របស់​តុលាការ​ថ្នាក់​ក្រោម​ថា​ជា​រឿង​ត្រឹមត្រូវ។ សាលា​ឧទ្ធរណ៍​ខេត្ត​ត្បូងឃ្មុំ កាលពី​ឆ្នាំ​២០២០ បាន​ប្រកាស​សាលដីកា​ដោយ​សម្រេច​ឱ្យ​លោក គង់ សំអាន ជាប់​ពន្ធនាគារ...