CATEGORY
វីដេអូ
ព្រះមហាក្សត្រតែងតាំងសមាជិកសហជីពមួយចំនួនជាទីប្រឹក្សារបស់ក្រសួងការងារ
រដ្ឋាភិបាលស្នើតែងតាំងមេដឹកនាំសហជីពមួយចំនួន និងមន្ត្រីរបស់សមាគមរោងចក្រកាត់ដេរនៅកម្ពុជាហៅកាត់ថាGMAC ជាទីប្រឹក្សារបស់ក្រសួងការងារ និងបណ្តុះបណ្តាលវិជ្ជាជីវៈ ដោយមានឋានៈស្មើនឹងអនុរដ្ឋលេខាធិការ។
គណបក្សកាន់អំណាចនឹងបើកសន្និបាតបក្សដើម្បីដោះស្រាយបញ្ហាចំពោះមុខ
គណបក្សប្រជាជនកម្ពុជានឹងបើកសន្និបាតបក្សរយៈពេល៣ថ្ងៃ ចាប់ពីថ្ងៃស្អែកដល់ថ្ងៃទី២០ខែមករាខាងមុខ។ លោកនាយករដ្ឋមន្រ្តីហ៊ុន សែន និងជាប្រធានគណបក្សប្រជាជនកម្ពុជាអះអាងថា សន្និបាតនោះនឹងផ្តោតជាសំខាន់កិច្ចការចំពោះមុខដែលត្រូវដោះស្រាយ និងការជឿទុកចិត្តរបស់មហាជនមកលើបក្សកាន់អំណាចរបស់លោក។
លោកហ៊ុន សែនសន្យាថាតម្លៃអគ្គិសនីនឹងចុះថោករយៈពេលពីរឆ្នាំ
តម្លៃអគ្គិសនីតាមស្ថាប័នសាធារណៈ ដូចជាសាលារៀនមន្ទីរពេទ្យជាដើម នឹងចុះថោកបន្ថែមទៀតមកនៅត្រឹមតម្លៃ៦១០រៀលក្នុងមួយគីឡូវ៉ាត់ម៉ោង នៅឆ្នាំ ២០១៩ និង២០២០ខាងមុខ។
សមត្ថកិច្ចកម្ពុជារកឃើញភ្លុកដំរីជាង១០០០ដុំនៅកំពង់ផែភ្នំពេញ
សមត្ថកិច្ចកម្ពុជាកាលពីថ្ងៃទី១៤ខែធ្នូបានរកឃើញភ្លុកដំរីជាង១ពាន់ដុំនៅក្នុងទូ containerក្នុងកំពង់ផែស្វយ័តភ្នំពេញ។
យ៉ាងហោចណាស់មានសិស្សវិទ្យាល័យកោះធំប្រហែល៣០នាក់ដួលសន្លប់
សិស្សថ្នាក់ទី១០និងទី១១ជិត៣០នាក់នៅវិទ្យាល័យកោះធំស្ថិតក្នុងស្រុកកោះធំខេត្តកណ្តាលមានអាការៈទន់ដៃទន់ជើងថប់ដង្ហើមដួលសន្លប់ជាបន្តបន្ទាប់កាលពីថ្ងៃសុក្រម្សិលម៉ិញ។រហូតមកទល់ពេលនេះក្រុមអាជ្ញាធរខេត្តកំពុងធ្វើការស្រាវជ្រាវរកមូលហេតុពិត។
តុលាការក្រុងភ្នំពេញសម្រេចឃុំខ្លួនអ្នកបកប្រែឯកសារ«ម្តាយខ្ញុំលក់ខ្ញុំ»
ចៅក្រមស៊ើបសួរនៃសាលាដំបូងរាជធានីភ្នំពេញលោកសេងប្ញទ្ធីបានចេញដីកាបង្គាប់ឱ្យឃុំខ្លួនបុគ្គលឈ្មោះរ៉ាត់រ័ត្នមុនីប្រធានសហព័ន្ធសហជីពកម្មករសំណង់កម្ពុជាដែលសមត្ថកិច្ចថៃទើបបញ្ជូនមកឲ្យអាជ្ញាធរកម្ពុជាវិញកាលពីថ្ងៃទី១២ខែធ្នូកន្លងទៅ។
ក្រសួងសាធារណការ និងដឹកជញ្ជូនលើកទឹកចិត្តឲ្យពលរដ្ឋរាយការណ៍អំពីបញ្ហាផ្លូវខូច
ក្រសួងសាធារណការ និងដឹកជញ្ជូនលើកទឹកចិត្តឲ្យពលរដ្ឋរាយការណ៍អំពីបញ្ហាផ្លូវខូច រដ្ឋមន្ត្រីក្រសួងសាធារណការ និងដឹកជញ្ជូនលោកស៊ុន ចាន់ថុល កាលពីថ្ងៃទី១៣ខែធ្នូបានស្នើឱ្យពលរដ្ឋទាំងអស់ចូលរួមផ្តល់ព័ត៌មានអំពីផ្លូវខូច ដោយថតយកផ្លូវណាដែលខូច រួចផ្ញើចូលក្នុងកម្មវិធីថែទាំផ្លូវដែលមានឈ្មោះថា «ROAD CARE»ដើម្បីឱ្យរដ្ឋាភិបាលបានដឹងនិងអាចចាត់វិធានការជួសជុលបានទាន់ពេលវេលា។
ក្រុមសហជីពស្នើឲ្យអគ្គលេខាធិការ ITUC ជួយអ្នកបកប្រែភាពយន្ត«ម្តាយខ្ញុំលក់ខ្ញុំ»
ក្រុមសហជីពស្នើឲ្យអគ្គលេខាធិការនៃITUCធ្វើអន្តរាគមន៍ដោះលែងអ្នកបកប្រែភាពយន្តឯកសារ«ម្តាយខ្ញុំលក់ខ្ញុំ» ប្រធានសហភាពសហជីពកម្ពុជាលោករ៉ុង ឈុន កាលពីថ្ងៃទី១៣ ខែធ្នូ អំពាវនាវឲ្យអ្នកស្រីSharran Burrow អគ្គលេខាធិការនៃសហភាពសហជីពពាណិជ្ជកម្មក្នុងទីក្រុងហ្សឺណែវធ្វើអន្តរាគមន៍ទៅ រដ្ឋាភិបាលកម្ពុជាដើម្បីឲ្យមានការដោះលែងលោករ៉ាត់ រ័ត្នមុនី ប្រធានសហព័ន្ធសហជីពកម្មករសំណង់កម្ពុជា(CCTUF)និងជាសមាជិករបស់សហភាពសហជីពកម្ពុជា។
មន្រ្តីជាន់ខ្ពស់របស់ក្រសួងមហាផ្ទៃព្រមានថា អនុប្រធានពីររូបរបស់បក្សសង្គ្រោះជាតិដែលកំពុងមានវត្តមាននៅបរទេសអាចមិនទទួលបានការលើកបម្រាមនយោបាយនយោបាយនោះឡើយ។
សមាជិកសភាអាស៊ានរិះគន់ការធ្វើវិសោធនកម្មច្បាប់គណបក្សនយោបាយរបស់រដ្ឋសភាឯកបក្ស
សមាជិកសភាអាស៊ានលោកCharles Santiagoកាលពីថ្ងៃទី១៣ខែធ្នូបានរិះគន់ចំពោះការអនុម័តលើវិសោធនកម្មច្បាប់ស្តីពីគណបក្សនយោបាយនៅកម្ពុជា ថា ធ្វើឡើងដើម្បីស្វែងរកការគាំទ្រពីសហគមន៍អន្តរជាតិនិងដើម្បីបញ្ចៀសការដាក់ទណ្ឌកម្មផ្នែកសេដ្ឋកិច្ចប៉ុណ្ណោះ។