កម្ពុជា-ថៃ

ប្រធាន​ព្រឹទ្ធសភា បាន​ចោទ​សួរ​ទៅ​ភាគី​ថៃ ថា តើ​ថៃ កំពុង​ធ្វើ​អន្តរជាតូបនីយកម្ម​លើ​តំបន់​សមុទ្រ​ត្រួត​ស៊ី​គ្នា​ជាមួយ​កម្ពុជា មែន​ដែរ​ឬ​ទេ បាន​ជា​ខំប្រឹង​ទាមទារ​លុប​អនុស្សរណៈ​យោគយល់​គ្នា​ឆ្នាំ​២០០១ ឬ MoU៤៤ ជាមួយ​កម្ពុជា ម្តង​ហើយ​ម្តង​ទៀត​ក្នុង​ពេលនេះ? មេដឹកនាំ​បក្ស​កាន់​អំណាច លោក ហ៊ុន សែន សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១ ឧសភា ថា រាល់​ថ្ងៃ​នេះ ថៃ​កំពុង​ព្យាយាម​ឈាន​ឱ្យ​ដល់​ការ​លុបចោល​អនុស្សរណៈ​យោគយល់​គ្នា​ឆ្នាំ​២០០១ ស្ដីពី​តំបន់​ដែនសមុទ្រ​ត្រួត​គ្នា ដែល​ចុះហត្ថលេខា​រវាង​កម្ពុជា និង​ថៃ កាលពី​ជាង ២០​ឆ្នាំ​មុន...

កងទ័ព​ថៃ ច្រានចោល​ការ​ចោទប្រកាន់​របស់​កម្ពុជា ដែល​ថា​មាន​ការ​បាញ់​កាំភ្លើង​នៅ​តំបន់​អូរស្មាច់ ដោយ​អះអាង​ថា ទាហាន​ថៃ គ្រាន់តែ​ប្រើ​ផាវ​ដើម្បី​ព្រមាន​មន្ត្រី​កម្ពុជា​ដែល​ចូល​ទៅ​ក្បែរ​លួស​បន្លា​របស់​កងទ័ព​ថៃ ដែល​បាន​ដាក់​ពង្រាយ​ប៉ុណ្ណោះ។ កាសែត​ថៃ The Nation បាន​ស្រង់​សម្ដី​អ្នកនាំពាក្យ​កងទ័ព​ថៃ លោក វិនថៃ សុវ៉ារី (Winthai Suvaree) នៅ​ថ្ងៃទី​៣០ មេសា ថា ក្នុង​ពេល​ដែល​ភាគី​កម្ពុជា​នាំ​ក្រុម​អ្នក​សង្កេតការណ៍​មក​ពិនិត្យ​តំបន់​អូរស្មាច់ ទាហាន​ថៃ បាន​សង្កេត​ឃើញ​ថា​ទាហាន​កម្ពុជា​បាន​ប្រព្រឹត្ត​អាកប្បកិរិយា​បង្កហេតុ ដោយ​ចូល​ទៅ​ជិត​លួស​បន្លា​របស់​ថៃ ទោះបី​មាន​ការ​ព្រមាន និង​ពន្យល់​អំពី​កិច្ចព្រមព្រៀង​រួម​រវាង​ភាគី​ទាំង​ពីរ​ជា​មុន​ហើយ​ក៏ដោយ។ ប្រភព​ដដែល​អះអាង​ថា...

ក្រសួង​ការពារ​ជាតិ​ប្រទេស​កម្ពុជា សម្ដែង​ការ​ខកចិត្ត​ចំពោះ​ករណី​ផ្ទុះ​អាវុធ ៩​គ្រាប់ ដែល​បង្ក​ឡើង​ដោយ​កម្លាំង​យោធា​ថៃ ចំនួន ៥​លើក នៅ​ច្រក​អូរស្មាច់ ខេត្ត​ឧត្ដរមានជ័យ។ ក្រសួង​ការពារ​ជាតិ​ប្រទេស​កម្ពុជា បាន​ចេញ​សេចក្តី​ប្រកាស​ព័ត៌មាន​សម្ដែង​ការ​ខកចិត្ត​អំពី​ករណី​បង្ក​ស្នូរ​ផ្ទុះ​អាវុធ​ដោយ​កងទ័ព​ថៃ ខណៈ​ក្រុម​សេនានុព័ន្ធ​យោធា​បរទេស (MACPP) ចុះ​ត្រួតពិនិត្យ​នៅ​ថ្ងៃទី​២៩ ខែ​មេសា ឆ្នាំ​២០២៦ ចន្លោះ​ពី​ម៉ោង ១០:៣៥​នាទី​ព្រឹក ដល់​ម៉ោង ១១:០៩​នាទី ចំនួន ៥​លើក ដោយ​បញ្ជាក់​ថា​បាន​បាញ់​កាំភ្លើង​ប្រភេទ M79 និង​ប្រភេទ M16...

រដ្ឋមន្ត្រី​ការបរទេស​ប្រទេស​កម្ពុជា លោក ប្រាក់ សុខុន និង​រដ្ឋមន្ត្រី​ការបរទេស​ប្រទេស​ថៃឡង់ដ៍ លោក Sihasak Phuangketkeow រំឭក​គ្នា​ទៅវិញ​ទៅមក​ថា ដើម្បី​សម្រេច​បាន​នូវ​សន្តិភាព​យូរអង្វែង​រវាង​ប្រទេស​ទាំង​ពីរ​ដែល​រួម​ចំណែក​ដល់​សន្តិភាព ស្ថិរភាព និង​ឯកភាព​ក្នុង​អាស៊ាន គឺ​ទាមទារ​ការ​ប្ដេជ្ញាចិត្ត​ពិតប្រាកដ និង​ការ​គោរព​ច្បាប់​អន្តរជាតិ​ឱ្យ​បាន​ពេញលេញ។ នេះ​បើ​យោង​តាម​ព័ត៌មាន​ផ្សាយ​ក្នុង​កាសែត​បរទេស​ទាំង​ពីរ​ខាង។ ក្រសួង​ការបរទេស និង​សហប្រតិបត្តិការ​អន្តរជាតិ បាន​ចេញ​សេចក្តី​ប្រកាស​ព័ត៌មាន​នៅ​ថ្ងៃទី​២៨ មេសា ថា ជំនួប​ក្រៅ​កិច្ចប្រជុំ​រដ្ឋមន្ត្រី​ការបរទេស​អាស៊ាន-សហភាព​អឺរ៉ុប (AEMM) ក្នុង​ប្រទេស​ប្រ៊ុយណេ កាលពី​ថ្ងៃទី​២៧ មេសា...

រដ្ឋបាល​ខេត្ត​ប៉ៃលិន ច្រានចោល​ការ​ចែកចាយ​តាម​បណ្ដាញ​សង្គម ដែល​ថា​ទាហាន​ថៃ បាន​ឈ្លានពាន​ចូល​កាន់កាប់​ទឹកដី​ខ្មែរ​ក្នុង​ខេត្ត​ប៉ៃលិន កាលពី​ពេល​ថ្មីៗ​នេះ។ រដ្ឋបាល​ខេត្ត​ប៉ៃលិន បាន​ចេញ​លិខិត​បដិសេធ​នៅ​ថ្ងៃទី​២៧ មេសា ថា រដ្ឋបាល​ខេត្ត​សូម​ធ្វើការ​បដិសេធ​ចោល​ទាំងស្រុង​ចំពោះ​ការ​ផ្សាយ​ព័ត៌មាន​បំភ្លៃ​ខុស​ការពិត​របស់​ម្ចាស់​គណនី​ហ្វេសប៊ុក​ឈ្មោះ កាមទេព លីមហុង ដែល​បាន​ចោទ​ថា «ថៃ បាន​ឈ្លានពាន​ចូល​ទឹកដី​ខ្មែរ​នៅ​ខេត្ត​ប៉ៃលិន»។ ប្រភព​ដដែល អំពាវនាវ​ឱ្យ​សាធារណជន និង​អ្នក​ប្រើប្រាស់​បណ្ដាញ​សង្គម​ទាំងអស់ កុំ​ចែករំលែក ឬ​ផ្សព្វផ្សាយ​បន្ត​ព័ត៌មាន​មិន​ពិត​នេះ ដើម្បី​កុំ​ឱ្យ​មាន​ការ​យល់​ច្រឡំ ព្រោះ​ការ​ផ្សព្វផ្សាយ​នេះ គឺជា​ព័ត៌មាន​ក្លែងក្លាយ ជា​ការ​បំភ័ន្ត និង​គ្មាន​មូលដ្ឋាន​ការពិត​ឡើយ។ រដ្ឋបាល​ខេត្ត​ប៉ៃលិន បញ្ជាក់​ថា...

អ្នក​ឃ្លាំមើល​សង្គម លើកឡើង​ថា ការ​ដែល​ថៃ មិន​ទទួលស្គាល់​សន្ធិសញ្ញា​បារាំង-សៀម នៅ​ពេលនេះ គឺ​មាន​ន័យ​ថា​មហាក្សត្រ​ថៃ បច្ចុប្បន្ន កំពុង​ក្បត់​នឹង​មហាក្សត្រ​ដែល​ជា​ដូនតា​របស់​ខ្លួន គឺ​ស្តេច​រាមា​ទី​៥ ដែល​បាន​ចំណាយ​ពេល​ជាច្រើន​ឆ្នាំ​ដើម្បី​ជួយ​ឱ្យ​ប្រទេស​ទាំង​ពីរ​បាន​ទទួល​ឯកសារ​ផ្លូវច្បាប់​រឹងមាំ និង​រស់នៅ​ប្រកប​ដោយ​សន្តិភាព​រហូត​មក។ អ្នក​ស្រាវជ្រាវ​អំពី​ការ​អភិវឌ្ឍ​សង្គម បណ្ឌិត មាស នី សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​២៤ មេសា ថា ជុំវិញ​ជម្លោះ​ព្រំដែន​ជាមួយ​កម្ពុជា គឺ​ថៃ​ចង់បាន​ជម្រើស​តែ​ពីរ​ប៉ុណ្ណោះ​សម្រាប់​ដោះស្រាយ​ជាមួយ​កម្ពុជា តែ​មិនមែន​ជា​ការ​ប្រើ​សន្ធិសញ្ញា​បារាំង-សៀម ដែល​ខ្លួន​បាន​ចុះ​ហត្ថលេខា​នោះ​ឡើយ។ លោក​ថា ជម្រើស​ទី​១ គឺ​ការ​បង្ក​ឱ្យ​មាន​សង្គ្រាម​ឡើងវិញ ព្រោះ​ថៃ...

នាយករដ្ឋមន្ត្រី​ថៃ អះអាង​ថា ថៃ​មិន​ចាំបាច់​ជូនដំណឹង​ទៅ​កម្ពុជា អំពី​ការ​លុបចោល​អនុស្សរណៈ​យោគយល់​គ្នា​ឆ្នាំ​២០០១ ឬ MoU៤៤ ឡើយ ព្រោះ​ថៃ នឹង​ប្តូរ​ទៅ​ប្រើ​ច្បាប់​សមុទ្រ Sea (UNCLOS) United Nations Convention on the Law of the Sea ជំនួស​ឱ្យ​កិច្ចព្រមព្រៀង​នេះ​វិញ។ កាសែត​ថៃ Enquirer បាន​ស្រង់​សម្ដី​នាយករដ្ឋមន្ត្រី​ថៃ លោក...

នាយក​មជ្ឈមណ្ឌល​ឯកសារ​កម្ពុជា លោក ឆាំង យុ ចាត់ទុក​ការ​មន្ទិល​សង្ស័យ​លើ​កងកម្លាំង​ប្រដាប់​អាវុធ​ប្រទេស​កម្ពុជា ពាក់ព័ន្ធ​នឹង​ការ​បាត់​ទង់ជាតិ​មួយ​ផ្ទាំង​ពី​ដងទង់​នៅ​តាម​ព្រំដែន គឺជា​អំពើ​ពុតត្បុត​ថៃ ដែល​មាន​ចេតនា​បង្ក​រឿង​ជាមួយ​ប្រទេស​កម្ពុជា ជុំវិញ​បញ្ហា​ព្រំដែន ខណៈ​រាជរដ្ឋាភិបាល​កម្ពុជា​នៅតែ​បង្ហាញ​នូវ​ជំហរ​ដ៏​ម៉ឺងម៉ាត់​ក្នុង​ការ​ដោះស្រាយ​វិវាទ​ព្រំដែន​តាមរយៈ​វិធាន​ការទូត​ដោយ​សន្តិវិធី និង​សន្តិភាព។ លោក ឆាំង យុ សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​២២ មេសា នេះ ដោយ​ចោទ​ថា កងទ័ព​ថៃ កំពុង​ធ្វើ​មិន​ដឹង​មិន​ឮ​អំពី​ភាព​ពុតត្បុត​ក្នុង​ពេល​ដែល​ពួកគេ​ទាមទារ​កាន់កាប់​លើ​ទីតាំង​ព្រំដែន រួម​ទាំង​តំបន់​ជា​ទី​សក្ការៈ​របស់​កម្ពុជា ទាំង​ដែល​ពួកគេ​កំពុង​កាន់កាប់​ដោយ​ខុស​ច្បាប់​លើ​ដែន​អធិបតេយ្យ​របស់​ភាគី​ដែល​ខ្លួន​កំពុង​ចោទប្រកាន់​រហូត​មក​នោះ។ អ្នក​ស្រាវជ្រាវ​ឯកសារ​ប្រវត្តិសាស្ត្រ​ខ្មែរក្រហម​រូប​នេះ​លើកឡើង​ថា ពេល​នេះ​កងទ័ព​ថៃ កំពុង​ផ្ទុះ​កំហឹង ដោយសារតែ​ការ​បាត់​ទង់ជាតិ​មួយ​ផ្ទាំង...

មន្ត្រី​ជាន់ខ្ពស់​គណបក្ស​ប្រជាធិបតេយ្យ​ជឿនលឿន ព្រមាន​ថា បើ​ខ្មែរ​ខ្សោយ សូម​កុំ​សង្ឃឹម​ថា​ការ​ចរចា​ទ្វេភាគី​ជាមួយ​ថៃ ដើម្បី​ទទួល​បាន​ទឹកដី​ត្រឡប់​មក​វិញ​តាម​ការ​រំពឹង​ទុក​ឱ្យ​សោះ ចំពោះ​ទឹកដី​ដែល​ថា​កងទ័ព​ថៃ បាន​រំលោភ​យក​សព្វថ្ងៃ​នេះ។ អតីត​តំណាងរាស្ត្រ​គណបក្ស​សង្គ្រោះ​ជាតិ និង​ជា​មន្ត្រី​ជាន់ខ្ពស់​គណបក្ស​ប្រជាធិបតេយ្យ​ជឿនលឿន លោក សួន រីដា សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​២១ មេសា នេះ​ថា ដើម្បី​ការពារ​ទឹកដី​ពី​ការ​ឈ្លានពាន​នៃ​បរទេស​ជិតខាង ភារកិច្ច​ដំបូង​នៃ​រាជរដ្ឋាភិបាល គឺ​ត្រូវតែ​ធ្វើ​ឱ្យ​ខ្មែរ​ខ្លាំង​ជា​មុន​សិន ហើយ​ក៏​ជា​កិច្ចការ​បន្ទាន់​បំផុត​ដែរ​សម្រាប់​កិច្ចការ​ការពារ​ជាតិ​មាតុភូមិ​របស់​ខ្លួន។ អតីត​មន្ត្រី​បក្ស​ប្រឆាំង​រូប​នេះ​លើកឡើង​ថា រដ្ឋាភិបាល​ត្រូវតែ​ធ្វើ​ឱ្យ​ខ្មែរ​មាន​សាមគ្គី ឯកភាព​ជាតិ​ពិតប្រាកដ តាមរយៈ​ការ​ផ្សះផ្សា​នយោបាយ ការ​គោរព​សិទ្ធិមនុស្ស លើកស្ទួយ​ប្រជាធិបតេយ្យ​ឡើងវិញ តែ​មិនមែន​ការ​ធ្វើ​ប្រជាភិថុតិ​ឡើយ។ ក្រៅ​ពី​នេះ​ទៀត...

អ្នក​ឃ្លាំមើល​ស្ថានការណ៍​កម្ពុជា ចាត់ទុក​សកម្មភាព​តវ៉ា​របស់​កម្ពុជា ជុំវិញ​ការ​ឈ្លានពាន​ទឹកដី​ពី​សំណាក់​ភាគី​ថៃ រហូត​មក​ដែល​គ្មាន​យន្តការ​អន្តរជាតិ គ្រាន់តែ​ជា​ការ​តវ៉ា​ដើម្បី​ស្អំ​ចិត្ត​ពលរដ្ឋ​ប៉ុណ្ណោះ ព្រោះ​មិន​អាច​ទប់ស្កាត់​ថៃ មិន​ឱ្យ​ឈ្លានពាន​ទឹកដី​ខ្មែរ​បន្ត​ទៀត​បាន​ឡើយ។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily នៅ​ថ្ងៃទី​២០ មេសា នេះ​ថា បើ​គ្មាន​សម្ពាធ​ពី​អន្តរជាតិ​ទេ ថៃ​នឹង​មិន​បោះបង់​ទឹកដី​ខ្មែរ​ដែល​ពួកគេ​ឈ្លានពាន​យក​ទៅ​កាន់កាប់​ឡើយ ដូច្នេះ​ជម្រើស​ល្អ​បំផុត​របស់​កម្ពុជា ក្រៅពី​ប្រើ​យន្តការ​អន្តរជាតិ​ដែល​មាន​ស្រាប់ ដូចជា​យន្តការ​អាស៊ាន យន្តការ​អង្គការ​សហប្រជាជាតិ និង​យន្តការ​កិច្ចព្រមព្រៀង​ទីក្រុង​ប៉ារីស...