រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

រដ្ឋមន្ត្រីការបរទេសប្រទេសកម្ពុជា លោក ប្រាក់ សុខុន និងរដ្ឋមន្ត្រីការបរទេសប្រទេសថៃឡង់ដ៍ លោក Sihasak Phuangketkeow រំឭកគ្នាទៅវិញទៅមកថា ដើម្បីសម្រេចបាននូវសន្តិភាពយូរអង្វែងរវាងប្រទេសទាំងពីរដែលរួមចំណែកដល់សន្តិភាព ស្ថិរភាព និងឯកភាពក្នុងអាស៊ាន គឺទាមទារការប្ដេជ្ញាចិត្តពិតប្រាកដ និងការគោរពច្បាប់អន្តរជាតិឱ្យបានពេញលេញ។ នេះបើយោងតាមព័ត៌មានផ្សាយក្នុងកាសែតបរទេសទាំងពីរខាង។

ក្រសួងការបរទេស និងសហប្រតិបត្តិការអន្តរជាតិ បានចេញសេចក្តីប្រកាសព័ត៌មាននៅថ្ងៃទី២៨ មេសា ថា ជំនួបក្រៅកិច្ចប្រជុំរដ្ឋមន្ត្រីការបរទេសអាស៊ាន-សហភាពអឺរ៉ុប (AEMM) ក្នុងប្រទេសប្រ៊ុយណេ កាលពីថ្ងៃទី២៧ មេសា រវាងរដ្ឋមន្ត្រីការបរទេសកម្ពុជា លោក ប្រាក់ សុខុន ជាមួយរដ្ឋមន្ត្រីការបរទេសថៃ លោក Sihasak Phuangketkeow បានពិភាក្សាអំពីស្ថានភាពព្រំដែន រួមទាំងវិធានការកសាងទំនុកចិត្តនានា និងទំនាក់ទំនងការទូតរវាងប្រទេសទាំងពីរផងដែរ។

ការអះអាងនេះ ធ្វើឡើងស្របពេលដែលទំនាស់ព្រំដែនកម្ពុជា-ថៃ កំពុងស្ថិតក្នុងភាពតានតឹងដោះស្រាយមិនចេញ ទោះភាគីទាំងពីរបានឯកភាពឱ្យមានបទឈប់បាញ់គ្នាកាលពីចុងឆ្នាំ២០២៥ កន្លងទៅហើយក្តី។

កាសែតថៃ ខៅស៊ុត បានរាយការណ៍នៅថ្ងៃទី២៨ មេសា ថា ក្នុងជំនួបរវាងរដ្ឋមន្ត្រីការបរទេសកម្ពុជា លោក ប្រាក់ សុខុន និងរដ្ឋមន្ត្រីការបរទេសថៃ លោក Sihasak Phuangketkeow ក្រៅកិច្ចប្រជុំរដ្ឋមន្ត្រីការបរទេសអាស៊ាន-សហភាពអឺរ៉ុប បានបញ្ជាក់ឡើងវិញនូវការប្ដេជ្ញាចិត្តរបស់ខ្លួនចំពោះកិច្ចព្រមព្រៀងឈប់បាញ់កាលពីចុងខែធ្នូ ឆ្នាំ២០២៥ កន្លងទៅ។

តាមការផ្សាយក្នុងទូរទស្សន៍ថៃ PBS និងកាសែត The Nation រដ្ឋមន្ត្រីការបរទេសថៃ អះអាងថា ភាគីថៃ នឹងប្រកាន់ជំហរតាមសេចក្តីប្រកាសព្រមព្រៀងគ្នានោះទាំងស្រុង ហើយថាកងទ័ពថៃ ធ្វើប្រតិបត្តិការតែក្នុងក្របខ័ណ្ឌនោះប៉ុណ្ណោះ។ លោក Sihasak ស្នើផងដែរថា សូមឱ្យខាងភាគីខ្មែរបន្ថយវោហារផងលើឆាកអន្តរជាតិ ដើម្បីរក្សាការយល់ចិត្តគ្នា ហើយបន្ធូរភាពតានតឹង។

រដ្ឋមន្ត្រីការបរទេសថៃ ប្រាប់រដ្ឋមន្ត្រីការបរទេសកម្ពុជា ថា រដ្ឋាភិបាលថៃ កំពុងបន្តដំណើរការនីតិវិធីក្នុងការលុបចោលអនុស្សរណៈនៃការយោគយល់គ្នាឆ្នាំ២០០១ (MOU 44) ជាមួយកម្ពុជា ប៉ុន្តែការចរចាទ្វេភាគីអំពីបញ្ហាព្រំដែនរវាងប្រទេសទាំងពីរ គឺនៅតែបន្តដំណើរការដដែល។

ប្រភពដដែល អះអាងថា ទោះជាថៃ កំពុងដំណើរការលុបចោលអនុស្សរណៈនៃការយោគយល់គ្នានេះក៏ដោយ ក៏មិនមែនមានន័យថាថៃបានបញ្ចប់ការចរចាទ្វេភាគីអំពីបញ្ហាព្រំដែនជាមួយកម្ពុជាដែរ ហើយថៃ នឹងជូនដំណឹងជាផ្លូវការទៅកម្ពុជា បន្ទាប់ពីគណៈរដ្ឋមន្ត្រីថៃ អនុម័តលុបចោល MOU នេះរួចរាល់។

រដ្ឋមន្ត្រីការបរទេសថៃ រូបនេះបញ្ជាក់ថា ការលុប MoU នេះ គឺដោយសារថៃ កំពុងស្វែងរកការផ្លាស់ប្ដូរទៅប្រើប្រាស់ច្បាប់សមុទ្រ UNCLOS (United Nations Convention on the Law of the Sea)។

កាលពីថ្ងៃទី២៤ ខែមេសា ឆ្នាំ២០២៦ ក្រសួងការបរទេស និងសហប្រតិបត្តិការអន្តរជាតិកម្ពុជា បានចេញសេចក្តីថ្លែងការណ៍ថា ការដកខ្លួនដោយឯកតោភាគីរបស់ប្រទេសថៃ ចេញពីអនុស្សរណៈនៃការយោគយល់គ្នាឆ្នាំ២០០១ (MOU 44) ជាជំហានមួយងាកចេញពីស្មារតីសហប្រតិបត្តិការ ដែលជាមូលដ្ឋានគ្រឹះនៃការចុះហត្ថលេខាលើឯកសារនេះ។

កិច្ចព្រមព្រៀងនេះ បានចែងអំពីសិទ្ធិអភិវឌ្ឍន៍លើតំបន់ត្រួតគ្នា Overlapping Control Areas ដែលជាចំណុចទាមទាររវាងកម្ពុជា-ថៃ តាំងពីដើមទសវត្សរ៍១៩៧០ មក ប៉ុន្តែនៅក្នុងអំឡុងខែមិថុនា ឆ្នាំ២០០១ កម្ពុជា និងថៃ ក៏បានចុះហត្ថលេខាលើអនុស្សរណៈយោគយល់លើការអភិវឌ្ឍប្រេង និងឧស្ម័នរួមគ្នានៅតំបន់នោះតែម្តង។

ក្នុងអនុស្សរណៈ ២០០១ (MoU44) រវាងរដ្ឋាភិបាលលោក ហ៊ុន សែន និងលោក ថាក់ស៊ីន ស៊ីណាវ៉ាត់ និយាយអំពីការអភិវឌ្ឍទាញផលចែកគ្នា។ លោក ហ៊ុន សែន ចង់ទិញយកហ៊ុនទាំងអស់ ប៉ុន្តែសភាថៃ មិនយល់ស្រប។

សារព័ត៌មាន The Cambodia Daily មិនទាន់អាចទាក់ទងអ្នកនាំពាក្យក្រសួងការបរទេសកម្ពុជា លោក ជុំ សុន្ទរី ដើម្បីសុំការបំភ្លឺបន្ថែមពីបញ្ហានេះបាននៅឡើយទេ រហូតដល់ម៉ោងផ្សាយនេះ៕

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ពលរដ្ឋថៃជិត ៣០០០នាក់ ចូលទស្សនាប្រាសាទតាក្របី និងភ្នំ៣៥០ មុនការបិទជាបណ្តោះអាសន្ន

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន