TAG
ចិន-តៃវ៉ាន់
វិភាគ៖ ចិនគួរតែលេបតៃវ៉ាន់ដូចរុស្ស៊ីលេបគ្រីមៀរ តែជាង៧០ឆ្នាំមកហើយបែរជាចិនមិនធ្វើដូចនេះ តើមូលហេតុអ្វី?
មុនចាប់ផ្ដើមអធិប្បាយអំពីតៃវ៉ាន់ យើងសូមរំឭកត្រួសៗអំពីប្រវត្តិដែនដីគ្រីមៀរ អតីតតំបន់ស្វយ័តនៃប្រទេសអ៊ុយក្រែន។
គ្រីមៀរ ជាឧបទ្វីបមួយនៃដែនដីប្រទេសអ៊ុយក្រែន តែអ៊ុយក្រែន ធ្លាប់នៅក្រោមការត្រួតត្រារបស់សហភាពសូវៀត រាប់ទសវត្ស គឺទើបតែផ្ដាច់ចេញពីសូវៀតនៅឆ្នាំ១៩៨៩ ចំពេលមហាអំណាចនៃសង្គ្រាមត្រជាក់មួយនេះដួលរលំ ដោយសារមិនអាចប្រជែងសព្វាវុធជាមួយសហរដ្ឋអាមេរិក និងស្របពេលដែលប្រជាជនរស់នៅក្រោមរបបសង្គមនិយមនេះបន្តទៀតបាន។
ក្រោយពីសហភាពសូវៀតដួលរលំ គឺសហព័ន្ធរុស្ស៊ី ក៏មកចាប់រូបរាងឡើងវិញ។ តែរុស្ស៊ី នៅតែជាប្រទេសមហាអំណាចដដែល។ នៅមួយទសវត្សចុងក្រោយនេះ រុស្ស៊ី ដែលក្រោមការដឹកនាំរបស់បុរសខ្លាំង វ្ល៉ាឌីមៀរ ពូទីន (Vladimir Putin) បានខិតខំខ្លាំងណាស់ដើម្បីពង្រីកមាឌ និងឥទ្ធិពលរបស់សូវៀត...
តៃវ៉ាន់ព្រមានវាយប្រហារលើចិន បើកងទ័ពចិនមកកៀកនឹងតំបន់ប្រកាសអាសន្នរបស់តៃវ៉ាន់
រយៈពេលជិត ២សប្ដាហ៍មកនេះ ចិនបានបញ្ជូនយន្តហោះចម្បាំងចំនួន ១៥២គ្រឿង ឱ្យហោះចូលទៅក្នុងតំបន់កំណត់អត្តសញ្ញាណដែនការពារអាកាសតៃវ៉ាន់ ដែលនាំឱ្យមេដឹកនាំដែនកោះនេះប្រកាសប្រាប់ពិភពលោកថា ការបង្កសង្គ្រាមពីសំណាក់ប្រទេសចិន មកលើតៃវ៉ាន់កាន់តែធ្ងន់ធ្ងរហើយពេលនេះ។
ក្នុងពេលជាមួយគ្នានេះ សង្គ្រាមវោហារសាស្ត្រប្រឈមមុខដាក់គ្នាដោយប្រធានាធិបតីចិន លោក ស៊ី ជិនពីង និងប្រធានាធិបតីតៃវ៉ាន់ អ្នកស្រី សាយ អ៊ឹងវិន។ លោក ស៊ី បានប្រាប់ទៅតៃវ៉ាន់ឱ្យរៀបចំខ្លួនឲ្យហើយទៅដើម្បីមករស់នៅក្រោមដំបូលរបស់ក្រុងប៉េកាំង ដែលលោកថាគឺជាការសម្រេចឱ្យបាននូវការបង្រួបបង្រួមជាតិជាមួយកោះតៃវ៉ាន់យ៉ាងពេញលេញដោយសន្តិវិធី។ ប៉ុន្តែការចុះចាញ់ ឬចុះញ៉មដោយស្ម័គ្រចិត្តរបស់តៃវ៉ាន់ មើលទៅដូចជាមិនទៅរួចទេសម្រាប់មេដឹកនាំតៃវ៉ាន់ស្ត្រីខ្លាំងរូបនេះ។ អ្នកស្រីបានទាត់ចោលគំនិតរបស់លោក...
ស្ត្រីជើងខ្លាំងតៃវ៉ាន់សច្ចាមិនឱនក្បាលទៅជ្រកក្រោមដំបូលបក្សកុម្មុយនីស្តក្រុងប៉េកាំង
ចំណែកពីកោះតៃវ៉ាន់ឯណោះវិញ អ្នកស្រីប្រធានាធិបតីដែនកោះនេះប្រកាសមិនឱនក្បាលក្រោមចិនដាច់ខាត ដោយទាត់ចោលការស្នើសុំបង្រួបបង្រួមពីប្រធានាធិបតីចិន។
ដែនដីពីរដែលមានវប្បធម៌ប្រវត្តិសាស្ត្រដូចគ្នា សាច់ឈាមតែមួយ កំពុងប្រារព្ធទិវាជាតិមួយយ៉ាងចម្រូងចម្រាសក្នុងឆ្នាំ២០២១ នេះ ដោយផ្ញើសារឌឺដងផ្លែផ្កាដាក់គ្នាទៅវិញទៅមក។ គ្មាននរណាម្នាក់អាចបង្ខំដែនដីនេះឱ្យទទួលយកផ្លូវដើរមួយដែលគ្មានប្រជាធិបតេយ្យសេរីភាពនោះទេ។ នេះជាសារដែលប្រធានាធិបតីតៃវ៉ាន់ អ្នកស្រី សាយ អ៊ឹងវិន តបទៅកាន់ប្រធានាធិបតីចិន ស៊ី ជិនពីង ដែលបានសច្ចាធ្វើការបង្រួបបង្រួមដោយសន្តិភាពជាមួយតៃវ៉ាន់ ដោយមិនបញ្ជាក់ធ្ងន់ៗដូចមុនថាប្រើកម្លាំងទ័ពនោះទេ។ ប៉ុន្តែគេអាចសម្គាល់ទឹកមុខ និងភាសារបស់លោក ស៊ី គឺនៅតែខឹងអ្នកស្រី សាយ អ៊ឹងវិន ដែលហ៊ានលើកឡើងថា...
យន្តហោះចម្បាំងរបស់ចិនដីគោកបន្តរំលោភដែនអាកាសតៃវ៉ាន់ ធ្វើឲ្យតៃវ៉ាន់ប្រកាសអំពីភាពអាសន្ន
ក្នុងរយៈពេលតែមួយសប្ដាហ៍ប៉ុណ្ណោះ យន្តហោះចម្បាំងចិនប្រមាណ ១៤៩គ្រឿង បានហោះរំលោភចូលក្នុងតំបន់ការពារដែនអាកាសរបស់តៃវ៉ាន់។
បន្ទាប់ពីយន្តហោះជិត ៤០គ្រឿងហោះពាសពេញដែនអាកាសតៃវ៉ាន់ កាលពីថ្ងៃសៅរ៍ ទី២ ខែតុលា ហើយមកដល់ថ្ងៃចន្ទ ទី៤ តុលា ក្រុងប៉េកាំង បានបង្ហោះយន្តហោះ ៥៦គ្រឿងមួយលើកទៀតហោះងងឹតមេឃលើដែនអាកាសនៃដែនដីកោះមួយនេះ ដែលធ្វើឲ្យអាជ្ញាធរតៃវ៉ាន់ប្រកាសអាសន្នទៅកាន់ពិភពលោកថា ចិនគំរាមតៃវ៉ាន់ខ្លាំងណាស់។
ក្រសួងការពារជាតិតៃវ៉ាន់ បានអះអាងថា យន្តហោះចម្បាំងរបស់ចិន ដល់ទៅ ៥៦គ្រឿងបានហោះក្នុងតំបន់ការពារដែនអាកាសរបស់តៃវ៉ាន់ ក្នុងរយៈពេល ១ថ្ងៃ ហើយនេះជាចំនួនដ៏ច្រើនមិនធ្លាប់មានដែលក្រុងប៉េកាំង បានធ្វើបំពានលើតៃវ៉ាន់។
នាយករដ្ឋមន្ត្រីតៃវ៉ាន់...
នាវាចម្បាំងរបស់អង់គ្លេសបើកឆ្លងកាត់ច្រកសមុទ្រតៃវ៉ាន់ធ្វើឱ្យចិនថ្កោលទោសយ៉ាងខ្លាំង
នៅរយៈពេលចុងក្រោយនេះ មហាអំណាចលោកខាងលិចកាន់តែប្រមាថមើលងាយចិន ដោយមិនស្ដាប់ការព្រមានរបស់ចិន ទោះជាចិនចេញច្បាប់សន្តិសុខសមុទ្រ បើកសិទ្ធិឱ្យនាវាចិនតាមចាប់ រាំងខ្ទប់មិនឱ្យនាវាបរទេសចូលដែនសមុទ្រចិនខាងត្បូង ក៏នាវាទាំងនោះនៅតែបើកឆ្លងកាត់ និងធ្វើសមយុទ្ធផ្គើនដាក់ចិន។
ជាក់ស្ដែង កាលពីថ្ងៃទី២៧ ខែកញ្ញា នាវាចម្បាំងដ៏ធំរបស់អង់គ្លេស HMS Richmond បានឆ្លងកាត់ច្រកសមុទ្រតៃវ៉ាន់ ដោយមិនខ្ចីស្ដាប់ការព្រមានរបស់ចិន។
ចិនបានហៅទង្វើរបស់អង់គ្លេសថាជាចេតនាបិសាច។ នេះបើយោងតាមការចុះផ្សាយរបស់សារព័ត៌មានតៃវ៉ាន់ Taiwan News នៅថ្ងៃទី២៨ ខែកញ្ញា។ កងទ័ពនាវាអង់គ្លេសបានបញ្ជាក់នៅលើបណ្ដាញ Twitter ថា នាវា...
អាមេរិកប្រាប់ចិនថាកុំប្រៀបធៀបតៃវ៉ាន់ទៅនឹងអាហ្វហ្គានីស្ថាន គឺចិនមើលអាមេរិកនិងតៃវ៉ាន់ខុសហើយ
ការដកកងទ័ពសហរដ្ឋអាមេរិកចេញពីប្រទេសអាហ្វហ្គានីស្ថាន ដែលនាំឱ្យប្រទេសឥស្លាមមួយនេះធ្លាក់ក្រោមការគ្រប់គ្រងរបស់ក្រុមតាលីបង់ ត្រូវបានប្រព័ន្ធផ្សព្វផ្សាយប្រទេសចិន លើកមកធ្វើការវិភាគ និងវាយបន្ថោកអាមេរិក ដោយចំអកដាក់កោះតៃវ៉ាន់ថាកុំទុកចិត្តអាមេរិកខ្លាំងពេក ប្រយ័ត្នដូចរដ្ឋាភិបាលអាហ្វហ្គានីស្ថាន ដែលចាញ់សង្គ្រាមពួកតាលីបង់។
កាសែតរបស់បក្សកុម្មុយនីស្តចិន Global Times បានចំអកតៃវ៉ាន់ថា ដល់ពេលទាល់ច្រក គឺអាមេរិករត់ចោលសម្ពន្ធមិត្ត គឺមើលអាហ្វហ្គានីស្ថានទៅ។
ក្រោយពីរដ្ឋាភិបាលក្រុងកាប៊ុល ដែលអាមេរិកគាំទ្រ ត្រូវបានកងទ័ពតាលីបង់វាយដួលរលំកាលពីថ្ងៃទី១៥ សីហា ធ្វើឱ្យសហរដ្ឋអាមេរិករងការរិះគន់ជាខ្លាំងដែលនាំឱ្យលោកប្រធានាធិបតី ចូ បៃដិន ប្រតិកម្មជាហូរហែទៅនឹងមជ្ឈដ្ឋានទាំងនោះ ដោយការបង្ហាញពីការប្ដេជ្ញាចិត្តរបស់អាមេរិកជាថ្មីម្ដងទៀតចំពោះសម្ពន្ធមិត្តឯទៀត ជាពិសេសតៃវ៉ាន់ដែលកំពុងប្រឈមមុខនឹងការគំរាមកាន់តែខ្លាំងពីសំណាក់ប្រទេសចិន។
ប្រធានាធិបតីអាមេរិក លោក...
មេដឹកនាំតៃវ៉ាន់ចំអកឱ្យចិនថាកុំច្រឡំថាតៃវ៉ាន់អាចដូចគ្នាទៅនឹងអាហ្វហ្គានីស្ថាន
ខណៈរដ្ឋាភិបាលប្រជាធិបតេយ្យនៅអាហ្វហ្គានីស្ថាន គាំទ្រដោយលោកខាងលិចដួលរលំដោយការវាយរុញច្រានពីកងកម្លាំងឧទ្ទាមតាលីបង់ដោយងាយបំផុត ហើយចំពេលដែលកងទ័ពនៃប្រទេសនេះបោះបង់ការប្រយុទ្ធមុនមកដល់ គឺកាសែតរបស់បក្សកុម្មុយនីស្តចិន Global Times បានធ្វើអត្ថាធិប្បាយដោយចំអកឡកឡឺយដាក់ដែនកោះតៃវ៉ាន់ថា ឱ្យមើលមេរៀននៅអាហ្វហ្គានីស្ថានទៅដែលកងទ័ពអាមេរិក និងសម្ពន្ធមិត្តអាមេរិករត់ចោលរដ្ឋាភិបាលក្រុងកាប៊ុល ដោយទុកឱ្យក្រឡាប់យ៉ាងងាយបំផុត។
ដោយមើលទៅចង់វាយបកឱ្យកាសែតរបស់ចិនមួយនេះ មេដឹកនាំតៃវ៉ាន់លំដាប់ទីពីរបន្ទាប់ពីប្រធានាធិបតី គឺនាយករដ្ឋមន្ត្រី Su Tseng-chang បានឆ្លើយតបយ៉ាងរហ័សថា តៃវ៉ាន់នឹងមិនដួលរលំដូចអាហ្វហ្គានីស្ថានឡើយ ទោះសង្គ្រាមឈ្លានពានទ្រង់ទ្រាយធំយ៉ាងណាក៏ដោយ។
នាយករដ្ឋមន្ត្រីតៃវ៉ាន់រូបនេះបន្តចំអកដាក់កាសែតចិនមួយនេះវិញថា ទោះបីជាសត្រូវមកដល់ច្រកទ្វារទីក្រុងតៃប៉ិ ដូចក្រុមតាលីបង់ចូលមកដល់ច្រកទ្វារទីក្រុងកាប៊ុលក៏ដោយ គឺកងទ័ពតៃវ៉ាន់មិនទម្លាក់អាវុធ ឬឈរឱបកាំភ្លើងមើលសត្រូវបាញ់ប្រជាជន ឬវាយប្រហារនោះទេ គឺពិតណាស់ត្រូវតែវាយបកហើយ ចំពោះមេដឹកនាំតៃវ៉ាន់គឺទាំងប្រធានាធិបតី...
ជប៉ុនអំពាវនាវសុំឱ្យសហគមន៍អន្តរជាតិជួយតៃវ៉ាន់ប្រឆាំងផែនការរបស់ចិនលើកទ័ពលុកលុយតៃវ៉ាន់
រដ្ឋមន្ត្រីក្រសួងការពារជាតិជប៉ុន អំពាវនាវទៅសហគមន៍អន្តរជាតិ ឱ្យរួមកម្លាំងគ្នាជួយកោះតៃវ៉ាន់ ខណៈប្រទេសចិន មានផែនការលើកទ័ពចូលលុកលុយដែនកោះនេះដើម្បីកាន់កាប់ឱ្យមកក្រោមការដឹកនាំរបស់បក្សកុម្មុយនីស្តចិន។ នេះបើតាមសារព័ត៌មាន Financial Times បានចុះផ្សាយកាលពីថ្ងៃទី៣ ខែសីហា។
លោករដ្ឋមន្ត្រីការពារជាតិ Nobuo Kishi ដែលជាប្អូនប្រុសរបស់អតីតនាយករដ្ឋមន្ត្រី Shinzo Abe បានប្រាប់ប្រភពសារព័ត៌មាននេះថា សហគមន៍អន្តរជាតិត្រូវរួមគ្នាជួយការពារតៃវ៉ាន់ ហើយប្រឆាំងនឹងផែនការរបស់ចិន ដែលលោកថា តៃវ៉ាន់កំពុងប្រឈមនឹងការវាយលុកដោយកងទ័ពចិន។
ការលើកឡើងរបស់ប្រមុខការពារជាតិជប៉ុនរូបនេះ គឺជាការកត់សម្គាល់មួយទៀតថា ប្រទេសជប៉ុនបារម្ភជាខ្លាំងអំពីអនាគតកោះតៃវ៉ាន់ដែលអាចរបូតក្រោមការគ្រប់គ្រងរបស់ក្រុងប៉េកាំង។
នៅរយៈពេលចុងក្រោយនេះ ជប៉ុនកាន់តែជិតស្និទ្ធនឹងកោះតៃវ៉ាន់ គឺភាគីទាំងពីរបានឈានដល់កិច្ចព្រមព្រៀងពង្រឹងវិស័យសន្តិសុខទ្វេភាគីទៀតផង...
ចិនបង្ហោះយន្តហោះ៧គ្រឿងទន្ទ្រានដែនអាកាសតៃវ៉ាន់ជាថ្មីទៀត បន្ទាប់ពីយន្តហោះ២៨គ្រឿងបានបំពានដូចគ្នានេះរួចហើយ
សារព័ត៌មានតៃវ៉ាន់ Taiwan News បានធ្វើសេចក្ដីរាយការណ៍ដោយស្រង់ប្រភពរបស់ក្រសួងការពារជាតិតៃវ៉ាន់ មកថា កាលពីថ្ងៃព្រហស្បតិ៍ ទី១៧ មិថុនា ប្រទេសចិនបានបង្ហោះយន្តហោះចម្បាំងរបស់ខ្លួនចំនួន ៧គ្រឿងឱ្យហោះហើរចូលដែនអាកាសតៃវ៉ាន់ ដែលនេះជាលើកទី៦ នៃការរំលោភដែនអាកាសតៃវ៉ាន់ នៅក្នុងខែមិថុនា នេះ។
យោងតាមក្រសួងការពារជាតិតៃវ៉ាន់ កងទ័ពជើងអាកាសរំដោះប្រជាជនចិន បានបង្ហោះយន្តហោះចម្បាំងចូលខាងក្នុងដែនអាកាសតៃវ៉ាន់ នៅថ្ងៃទី១៧ ខែមិថុនា ដែលមានចំនួន ៧គ្រឿងនេះ គឺជាលើកទី២ បន្ទាប់ពីចិនបានបង្ហោះយន្តហោះចម្បាំងចំនួន ២៨គ្រឿងកាលពីថ្ងៃទី១៥ មិថុនា។...