ហ៊ុន ម៉ាណែត

កូនប្រុស​ច្បង​មេដឹកនាំ​ក្រាញ​អំណាច​ផ្ដាច់មុខ លោក ហ៊ុន ម៉ាណែត ប្រកាស​ស្វាគមន៍​អ្នក​វិនិយោគ​ពី​គ្រប់​ប្រទេស ដោយ​មិន​ប្រកាន់​ថា​មកពី​ប្រទេស​ណា​ឡើយ ដើម្បី​កំណើន​សេដ្ឋកិច្ច​ជាតិ។ លោក ហ៊ុន ម៉ាណែត លើកឡើង​ក្នុង​ពិធី​អបអរសាទរ​ការ​ទទួល​ក្រុមហ៊ុន​វិនិយោគ​ចំនួន ២០០ នៅ​តំបន់​សេដ្ឋកិច្ច​ពិសេស​ខេត្ត​ព្រះសីហនុ នៅ​ថ្ងៃទី​២២ ឧសភា នេះ​ថា តំបន់​សេដ្ឋកិច្ច​ពិសេស​ខេត្ត​ព្រះសីហនុ ពិត​មែន​តែ​ផ្ដួចផ្ដើម​ដោយ​រាជរដ្ឋាភិបាល​កម្ពុជា និង​រដ្ឋាភិបាល​ចិន តែ​ក៏​មាន​រោងចក្រ​សហគ្រាស​ពី​សហរដ្ឋ​អាមេរិក ពី​បារាំង ពី​អឺរ៉ុប និង​ពី​ប្រទេស​ផ្សេងៗ​ទៀត​ដែរ ដែល​មាន​ន័យ​ថា ប្រទេស​កម្ពុជា​ទទួលយក​ទាំងអស់...

លោក ហ៊ុន ម៉ាណែត អះអាង​ថា រដ្ឋាភិបាល​សុខចិត្ត​ប្រឈម​ក្នុង​ការ​ពង្រីក​គ្រូ​ដែល​មាន​គុណភាព​យឺត ប្រសើរ​ជាង​ពង្រីក​គ្រូ​ច្រើន តែ​មិន​មាន​គុណភាព។ លោក ហ៊ុន ម៉ាណែត លើកឡើង​ក្នុង​ពិធី​កំណែ​ទម្រង់​វិទ្យាស្ថាន​ជាតិ​អប់រំ នៅ​ថ្ងៃទី​២១ ខែ​ឧសភា ឆ្នាំ​២០២៥ នេះ​ថា រដ្ឋាភិបាល​ត្រូវ​បត់បែន តែ​ឈរ​លើ​គុណភាព និង​និយាមកា​ច្បាស់លាស់​ក្នុង​ការ​ជ្រើសរើស​គ្រូបង្រៀន និង​បំពេញ​បន្ថែម​ឱ្យ​ស្រប​ទៅ​តាម​តម្រូវការ​ជាក់ស្តែង។ លោក ហ៊ុន ម៉ាណែត អះអាង​ថា ការ​អប់រំ សំខាន់​បំផុត​គឺ “គ្រូ...

ថ្លែង​ចេញ​តាមរយៈ​លិខិត​ដែល​ផ្ញើ​ចេញពី​ពន្ធនាគារ​ក្នុង​ប្រទេស​រុស្ស៊ី អតីត​អ្នកឧកញ៉ា ហេង សិទ្ធី និង​ជា​នាយក​គ្រប់គ្រង​ក្រុមហ៊ុន Maritime Group ស្នើ​ឲ្យ​នាយករដ្ឋមន្ត្រី​កម្ពុជា លោក ហ៊ុន ម៉ាណែត មេត្តា​ពិនិត្យ​មើល​ឡើងវិញ​នូវ​ទង្វើ​ខុស​ច្បាប់​មួយ​ចំនួន​របស់​មន្ត្រី​ក្រសួង​មហាផ្ទៃ និង​រដ្ឋមន្ត្រី​ក្រសួង​យុត្តិធម៌ ពីព្រោះ​លោក​ពុំ​បាន​ប្រព្រឹត្ត​ទោស​កំហុស​ដូច​អ្វី​ដែល​ក្រសួង​ទាំង​ពីរ​នេះ​បាន​ប្រឌិត​នោះ​ឡើយ។ បើ​តាម​លិខិត​របស់​លោក ហេង សិទ្ធី បាន​សរសេរ​ថា ក្នុង​សំណុំរឿង​របស់​លោក គឺ​លោក​បាន​បក​អាក្រាត​មន្ត្រី​ទាំង​ពីរ​ក្រសួង​នោះ ដែល​បាន​ប្រព្រឹត្ត​អំពើពុករលួយ និង​ជាប់​ពាក់ព័ន្ធ​ក្នុង​ឧក្រិដ្ឋកម្ម​តាម​អ៊ីនធឺណិត។ លោក ហេង សិទ្ធី បាន​សរសេរ​រៀបរាប់​ថា...

គណបក្ស​កម្លាំង​ជាតិ ជំរុញ​ឱ្យ​លោក ហ៊ុន ម៉ាណែត បញ្ជូន​អនុសញ្ញា​អង្គការ​សហប្រជាជាតិ​ស្ដីពី​ច្បាប់​សមុទ្រ (UNCLOS) ទៅ​រដ្ឋសភា​ជាតិ ដើម្បី​ផ្តល់​សច្ចាប័ន​ឱ្យ​បាន​ឆាប់ សម្រាប់​ធ្វើ​ជា​មូលដ្ឋាន​រឹងមាំ​ក្នុង​ការ​ការពារ​បូរណភាព​ទឹកដី និង​ការ​ដោះស្រាយ​ជម្លោះ​ព្រំដែន​សមុទ្រ​របស់​កម្ពុជា​ទៅ​ថ្ងៃ​ក្រោយ។ គណបក្ស​កម្លាំង​ជាតិ ចេញ​សេចក្តី​ប្រកាស​ព័ត៌មាន​កាលពី​ថ្ងៃ​ចន្ទ ដែល​ទើប​នឹង​ចេញ​ផ្សាយ​នៅ​ថ្ងៃទី​២០ ឧសភា នេះ បាន​ស្នើ​ឱ្យ​លោក ហ៊ុន ម៉ាណែត ជួយ​អន្តរាគមន៍​ឱ្យ​កម្ពុជា​ទទួល​បាន​ច្បាប់​អន្តរជាតិ​ការពារ​ដែនសមុទ្រ​កម្ពុជា ដើម្បី​រក្សា​បាន​នូវ​អធិបតេយ្យ បូរណភាព​ទឹកដី និង​ទំនាក់ទំនង​ដោយ​ស្មើភាព​ជាមួយ​ប្រទេស​ក្បែរ​ខាង។ ប្រភព​ដដែល​លើកឡើង​ថា ច្បាប់​អន្តរជាតិ​មួយ​នេះ គឺជា​មូលដ្ឋាន​ដ៏​រឹងមាំ​សម្រាប់​ការពារ​បូរណភាព​ព្រំដែន​សមុទ្រ ព្រមទាំង​ជា​បទដ្ឋាន​គតិយុត្តិ​អន្តជាតិ​ក្នុង​ការ​ដោះស្រាយ​ជម្លោះ​ព្រំដែន​សមុទ្រ​ដោយ​សន្តិវិធី...

អង្គការ​ឃ្លាំមើល​សិទ្ធិមនុស្ស​អន្តរជាតិ (Human Rights Watch) ចេញ​សេចក្តី​ថ្លែងការណ៍​នៅ​ថ្ងៃទី​១៩ ឧសភា ដោយ​ជំរុញ​នាយករដ្ឋមន្ត្រី​ជប៉ុន លោក ស្ហ៊ីកេរុ អ៊ីស្ហ៊ីបា (Shigeru Ishiba) បរិហារ​បញ្ហា​សិទ្ធិមនុស្ស​នៅ​កម្ពុជា ក្នុង​ពេល​ដែល​លោក ហ៊ុន ម៉ាណែត ទៅ​បំពេញ​ទស្សនកិច្ច​នៅ​ប្រទេស​ជប៉ុន នា​ចុង​ខែ​ឧសភា នេះ។ នៅ​ក្នុង​សេចក្តី​ថ្លែងការណ៍​របស់​ខ្លួន​ចេញ​ផ្សាយ​ថ្ងៃទី​១៩ ខែ​ឧសភា Human Rights Watch បាន​កត់​សម្គាល់​ឃើញ​ថា...

ដោយ តាំង សារ៉ាដា អតីត​អ្នកឧកញ៉ា ហេង សិទ្ធី បាន​សរសេរ​លិខិត​ដោយ​ផ្ទាល់ដៃ​ចេញពី​ពន្ធនាគារ​ប្រទេស​រុស្ស៊ី ថា គណបក្ស​ប្រជាជន​កម្ពុជា​ជា​គណបក្ស​តែ​មួយ​គត់​របស់​កម្ពុជា ដែល​កំពុងតែ​ដើរ​ខុស​ផ្លូវ ហើយ​ធ្វើ​ឲ្យ​អន់ថយ​ផ្នែក​សេដ្ឋកិច្ច និង​នយោបាយ ទាំង​ក្នុង និង​ក្រៅ​ប្រទេស។ ជាង​នេះ​ទៅ​ទៀត លោក​អំពាវនាវ​ឲ្យ​ពលរដ្ឋ​ខ្មែរ​ចូលរួម​ចលនា ១៨​លាន​នាក់ ដើម្បី​រំដោះ​ប្រទេស​ឲ្យ​ចេញ​ផុត​ពី​វិបត្តិ​នៃ​ភាព​ក្រីក្រ​បច្ចុប្បន្ន។ អតីត​អ្នកឧកញ៉ា ហេង សិទ្ធី កាលពី​ពេល​ថ្មីៗ​នេះ បាន​អំពាវនាវ​ចេញពី​ពន្ធនាគារ​ក្នុង​ប្រទេស​រុស្ស៊ី ឲ្យ​ពលរដ្ឋ​ខ្មែរ​ចូលរួម​ចលនា ១៨​លាន​នាក់​របស់​លោក ដើម្បី​រំដោះ​ប្រទេស​ទាំងអស់​គ្នា​ឲ្យ​ចេញ​ផុត​ពី​វិបត្តិ​នានា​ដែល​ដឹកនាំ​ដោយ​ការ​ប្រមូលផ្ដុំ​អំណាច​គ្រួសារ​តែ​មួយ។ លោក...

តំណាងរាស្ត្រ​គណបក្ស​សង្គ្រោះ​ជាតិ ស្នើ​ឱ្យ​លោក ហ៊ុន ម៉ាណែត ដាក់​សំណើ​ទៅ​រដ្ឋសភា ធ្វើ​សច្ចាប័ន​លើ​ច្បាប់​សមុទ្រ (UNCLOS) ដើម្បី​មាន​សិទ្ធិ​ពេញលេញ​ប្តឹង​ប្រទេស​ជិតខាង​ដែល​កំពុង​រំលោភ​ដែន​អធិបតេយ្យ​ជាតិ​ខ្មែរ​សព្វថ្ងៃ។ មន្ត្រី​ជាន់ខ្ពស់​បក្ស​ប្រឆាំង លោក អ៊ុំ សំអាន បាន​ប្រាប់​សារព័ត៌មាន The Cambodia Daily នៅ​ថ្ងៃទី​១៩ ឧសភា នេះ​ថា នៅ​ពេល​ដែល​កម្ពុជា​ផ្តល់​សច្ចាប័ន​លើ​ច្បាប់​សមុទ្រ​ពេញលេញ កម្ពុជា​នឹង​ឈ្នះ​ក្តី​លើ​ប្រទេស​ថៃ និង​ប្រទេស​វៀតណាម យ៉ាង​ពិតប្រាកដ ប្រសិនបើ​រដ្ឋាភិបាល​ប្តឹង​ប្រទេស​ទាំង​ពីរ​នេះ​ទៅ​កាន់​តុលាការ​យុត្តិធម៌​អន្តរជាតិ (ICJ)...

លោក ហ៊ុន ម៉ាណែត អំពាវនាវ​ឱ្យ​ពលរដ្ឋ​ខ្មែរ​ចូលរួម​ថែរក្សា​សន្តិភាព​ឱ្យ​បាន​គង់វង្ស ដើម្បី​កុំ​ឱ្យ​របប​ប្រល័យ​ពូជសាសន៍​វិលត្រឡប់​មកវិញ។ លោក ហ៊ុន ម៉ាណែត បាន​ចេញ​លិខិត​ក្នុង​ខួប​លើ​ទី​៨ ទិវា​ជាតិ​នៃ​ការ​ចងចាំ ២០​ឧសភា កាលពី​ថ្ងៃទី​១៦ ដែល​ត្រូវ​បាន​ផ្សព្វផ្សាយ​នៅ​ថ្ងៃទី​១៩ ឧសភា នេះ​ថា បើ​គ្មាន​សន្តិភាព គឺ​មាន​សង្គ្រាម ហើយ​បើ​មាន​សង្គ្រាម នឹង​ធ្វើ​ឱ្យ​ប្រទេស​ជាតិ​កាន់តែ​ក្រីក្រ អសន្តិសុខ គ្មាន​ស្ថិរភាព និង​គ្មាន​ការ​អភិវឌ្ឍ ជាដើម។ លោក​អំពាវនាវ​ឱ្យ​ពលរដ្ឋ​សិក្សា​អំពី​ការ​ឈឺចាប់​របស់​កម្ពុជា​កាលពី​អតីតកាល និង​រួម​គ្នា​ទប់ស្កាត់​របប​ប្រល័យ​ពូជសាសន៍ ដែល​ជា​ប្រវត្តិ​ដ៏​ឈឺចាប់​បំផុត​លើ​ប្រជាជន​កម្ពុជា...

លោក ហ៊ុន ម៉ាណែត ដែល​បន្ត​តំណែង​ពី​ឪពុក អះអាង​ថា រាជរដ្ឋាភិបាល​មិន​មាន​គម្រោង​លក់​ដី​អាកាសយានដ្ឋាន​អន្តរជាតិ​ភ្នំពេញ ឱ្យ​ទៅ​វិស័យ​ឯកជន​ដូច​មាន​ការ​លើកឡើង​ពី​សាធារណមតិ​មួយ​ចំនួន​នោះ​ឡើយ គឺ​ត្រូវ​រក្សា​ទុក​ជា​សម្បត្តិ​របស់​រដ្ឋ​ដដែល។ កូនប្រុស​លោក ហ៊ុន សែន គឺ​លោក ហ៊ុន ម៉ាណែត លើកឡើង​ក្នុង​ពិធី​អបអរ​សាទរ​ខួប​លើក​ទី​៨០ នៃ​ថ្ងៃកំណើត​នគរបាល​ជាតិ​កម្ពុជា នៅ​ថ្ងៃទី​១៦ ខែ​ឧសភា ឆ្នាំ​២០២៥ នេះ​ថា ដី​អាកាសយានដ្ឋាន​អន្តរជាតិ​ភ្នំពេញ នឹង​ប្រគល់​ទៅ​រដ្ឋលេខាធិការដ្ឋាន​អាកាសចរណ៍​ស៊ីវិល​ជា​អ្នក​គ្រប់គ្រង និង​ឱ្យ​សមត្ថកិច្ច​ជួយ​ថែរក្សា​ទ្រព្យសម្បត្តិ​នានា​របស់​អាកាសយានដ្ឋាន​នេះ​ផង​ដែរ។ លោក ហ៊ុន ម៉ាណែត...

នាយករដ្ឋមន្ត្រី​ត​ពូជ​កម្ពុជា លោក ហ៊ុន ម៉ាណែត លើកឡើង​ថា ជាច្រើន​ឆ្នាំ​កន្លង​មក​នេះ កងកម្លាំង​នគរបាល​ជាតិ​បាន​សម្រេច​នូវ​ស្នាដៃ​ជាច្រើន​ក្នុង​ការ​ជួយ​រដ្ឋាភិបាល ជាពិសេស​ការ​ជួយ​ទប់ស្កាត់​ការ​វិលត្រឡប់​មកវិញ​នៃ​របប​ប្រល័យ​ពូជសាសន៍។ លោក ហ៊ុន ម៉ាណែត បាន​ចេញ​លិខិត​ក្នុង​ទិវា​រំលឹក​ខួប​អនុស្សាវរីយ៍​លើក​ទី​៨០ នៃ​ថ្ងៃកំណើត​នគរបាល​ជាតិ​កម្ពុជា កាលពី​ថ្ងៃទី​៥ ឧសភា ដែល​ទើប​ត្រូវ​បាន​ផ្សព្វផ្សាយ​នៅ​ថ្ងៃទី​១៤ ឧសភា នេះ​ថា ក្រោយ​ថ្ងៃ​រំដោះ ៧​មករា ឆ្នាំ​១៩៧៩ កងកម្លាំង​នគរបាល​ជាតិ​ត្រូវ​បាន​រៀបចំ​បង្កើត​ឡើង​វិញ ដើម្បី​រក្សា​សន្តិសុខ​សាធារណៈ​បន្ទាប់ពី​ប្រទេស​ជាតិ​ត្រូវ​បាន​សង្គ្រោះ​ពី​របប​ប្រល័យ​ពូជសាសន៍ ប៉ុល ពត។ កូនប្រុស​មេដឹកនាំ​បក្ស​កាន់​អំណាច​រូប​នេះ​លើកឡើង​ថា...