TAG
កូវីដ-១៩
លោក ស ខេង ផ្អាកចូលរួមកម្មវិធីការងារនានាក្រោយពីធ្វើតេស្ដឃើញវិជ្ជមានកូវីដ-១៩
រដ្ឋមន្ត្រីក្រសួងមហាផ្ទៃ លោក ស ខេង បានធ្វើតេស្ដរកឃើញវិជ្ជមានជំងឺកូវីដ-១៩ នៅថ្ងៃសុក្រ ទី១២ ឧសភា នេះ ស្របពេលដែលកម្ពុជាកំពុងដំណើរការការប្រកួតកីឡាស៊ីហ្គេម ដែលត្រូវជំរុញឱ្យលោកត្រូវលុបចោលកម្មវិធីនានាដែលលោកត្រូវចូលរួមនៅពេលនេះទាំងអស់។
រដ្ឋមន្ត្រីក្រសួងមហាផ្ទៃ លោក ស ខេង សរសេរលើទំព័រហ្វេសប៊ុករបស់លោកនៅថ្ងៃទី១២ ឧសភា នេះថា បន្ទាប់ពីមានអាការៈសុខភាពខុសប្លែកពីធម្មតា លោកបានធ្វើតេស្ដរកឃើញថាមានវិជ្ជមានជំងឺកូវីដ-១៩។ បន្ទាប់ពីរកឃើញភ្លាម លោកក៏បានណែនាំឲ្យក្រុមគ្រួសារ និងអ្នកនៅជុំវិញខ្លួនរបស់លោកធ្វើតេស្ដ និងតាមដានសុខភាពដូចគ្នាដែរ។
លោក ស...
បុរសខ្លាំងប្រកាសលើកលែងកាតព្វកិច្ចពាក់ម៉ាស់និងតេស្ដរហ័សរកមេរោគកូវីដ-១៩
ប្រមុខរាជរដ្ឋាភិបាលកម្ពុជា លោក ហ៊ុន សែន ប្រកាសលើកលែងកាតព្វកិច្ចពាក់ម៉ាស់ និងការធ្វើតេស្ដរហ័សរកមេរោគកូវីដ-១៩ សម្រាប់ការជួបជុំគ្រប់ប្រភេទទាំងអស់នៅទូទាំងប្រទេសចាប់ពីពេលនេះតទៅ ជាពិសេសការចូលរួមទស្សនាព្រឹត្តិការណ៍ស៊ីហ្គេមនាពេលខាងមុខនេះក៏មិនតម្រូវឱ្យពាក់ម៉ាស់ និងធ្វើតេស្ដរកជំងឺកូវីដ-១៩ ដែរ។
លោក ហ៊ុន សែន ចេញខ្សែអាត់សំឡេងនៅថ្ងៃទី១៩ មេសា នេះថា អ្នកដែលត្រូវចូលរួមក្នុងពិធីណាមួយ មិនតម្រូវឱ្យពាក់ម៉ាស់ទៀតទេ ប៉ុន្តែបុគ្គលម្នាក់ៗអាចពាក់ម៉ាស់តាមភាពចាំបាច់របស់ខ្លួន។ ជាងនេះទៀត ក៏មិនតម្រូវឱ្យធ្វើតេស្តរហ័សណាមួយទៀតដែរសម្រាប់ការជួបជុំនានា ប៉ុន្តែបុគ្គលម្នាក់ៗអាចធ្វើតេស្ដដោយខ្លួនឯងបាន បើមានលក្ខណៈសង្ស័យណាមួយនោះ។
លោក ហ៊ុន សែន...
ពលរដ្ឋចិនឆ្លងជំងឺកូវីដ-១៩ហក់ឡើងជាង ១ពាន់លាននាក់នៅរយៈពេលជាងមួយខែ
ក្រសួងសុខាភិបាលប្រទេសចិន ចាប់ផ្ដើមទទួលស្គាល់នូវភាពកម្សោយរបស់ខ្លួនចំពោះការទប់ស្កាត់មិនបានសម្រេចនូវការរីករាលដាលការឆ្លងជំងឺកូវីដ-១៩។
បើតាមការចុះផ្សាយរបស់បណ្ដាញផ្សាយព័ត៌មាន Bloomberg ឲ្យដឹងថា ៨០ភាគរយនៃចំនួនប្រជាជនចិន ១៤១០លាននាក់ បានឆ្លងជំងឺនេះនៅទូទាំងប្រទេស ហើយតួលេខនេះគឺជាការបញ្ជាក់របស់អ្នកជំនាញចិន Wu Zunyou ដែលជាប្រធាននៃមជ្ឈមណ្ឌលជាតិចិនគ្រប់គ្រង និងបង្ការជំងឺឆ្លង។ តែលោកបញ្ជាក់ថា ទោះជាបែបនេះក្ដី ពលរដ្ឋចិនបានធន់នឹងជំងឺនេះហើយ។ ដូចនេះ វាមិនសូវជាធ្ងន់ធ្ងរពេកនោះទេ។
ការបញ្ជាក់របស់អ្នកជំនាញនេះ ទំនងឆ្លើយតបទៅអង្គការសុខភាពពិភពលោកដែលបារម្ភខ្លាំងថា រដូវចូលឆ្នាំចិននៅរដូវត្រជាក់នេះ នឹងនាំឲ្យមេរោគផ្លូវដង្ហើមស្ទុះឆ្លងរីករាលដាលខ្លាំងនៅក្នុងប្រទេសចិន។
ក្រសួងសុខាភិបាលចិន បានរាយការណ៍ឱ្យដឹងថា មនុស្សជិត ១ម៉ឺន ៣ពាន់នាក់បានស្លាប់ដោយសារជំងឺកូវីដ-១៩...
ចិនប្រឈមការសាយភាយការឆ្លងកូវីដដូចការសាយភាយគ្រាប់នុយក្លេអ៊ែរក្នុងរដូវត្រជាក់ឆ្នាំ១៩៤៥
អ្នកជំនាញផ្នែកជំងឺឆ្លងព្យាករថា ៩០% នៃប្រជាជនចិនជាង ១៤០០លាននាក់ អាចប្រឈមមុខនឹងការឆ្លងជំងឺកូវីដ-១៩។
អ្នកជំនាញ Feng Zijian អតីតអនុប្រធានមជ្ឈមណ្ឌលគ្រប់គ្រង និងបង្ការជំងឺឆ្លងនៃក្រសួងសុខាភិបាលប្រទេសចិន បានបញ្ជាក់បន្ថែមថា ៦០% នឹងឆ្លងជំងឺនេះដោយជៀសពុំរួចនោះទេនៅក្នុងរលកដំបូងនេះ។
នៅក្នុងបទសម្ភាសន៍ជាមួយសារព័ត៌មាន Bloomberg News លោក Feng Zijian ថាប្រទេសចិនមិនបានត្រៀមខ្លួនដើម្បីទប់ទល់នឹងស្ថានភាពនេះទេ ព្រោះអាងថាចិនបានឈ្នះជំងឺនេះមុនគេទាំងអស់។ លោកថា រលកឆ្លងនៅចិនពេលនេះមានសន្ទុះខ្លាំង ដែលវាផ្ទុះដំបូងចេញពីក្រុងប៉េកាំង។
អ្នករស់នៅក្រុងប៉េកាំងម្នាក់ដែលប្រាប់ថាខ្លួនគេមានឈ្មោះ Lin បានផ្ដល់បទសម្ភាសន៍ជាមួយសារព័ត៌មាន...
សង្គមស៊ីវិលថាកម្ពុជាអាចរងការដាក់លក្ខខណ្ឌពីប្រទេសនានាដូចចិន បើគ្មានវិធានការត្រួតពិនិត្យកូវីដ-១៩ពីភ្ញៀវចិន
មន្ត្រីអង្គការក្រៅរដ្ឋាភិបាលថា ប្រទេសកម្ពុជាអាចនឹងរងនូវការដាក់លក្ខខណ្ឌពីប្រទេសនានាដូចប្រទេសចិនដែរ ប្រសិនបើកម្ពុជាគ្មានវិធានការត្រួតពិនិត្យរកវីរុសកូវីដ-១៩ ពីភ្ញៀវចិន ឬភ្ញៀវដែលឆ្លងកាត់ប្រទេសចិនទេនោះ។
នាយកមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) លោក មឿន តុលា ប្រាប់សារព័ត៌មាន The Cambodia Daily នៅថ្ងៃទី៤ មករា នេះថា ប្រសិនបើកម្ពុជាវិលទៅរកការឆ្លងជំងឺនេះឡើងវិញដូចប្រទេសចិន ដែលកំពុងផ្ទុះឡើងវិញនៅពេលនេះ គឺជាការលំបាកបំផុតមួយសម្រាប់កម្ពុជាក្នុងការស្ដារវិស័យទេសចរណ៍របស់ខ្លួន ស្របពេលដែលប្រទេសជិតខាងនឹងស្រូបទាញភ្ញៀវទេសចរទាំងនោះអំឡុងពេលដែលពួកគេអាចទប់ស្កាត់ការឆ្លងជំងឺនេះមានប្រសិទ្ធភាព។
លោក មឿន តុលា លើកឡើងថា...
ពិភពលោកចាប់ផ្ដើមបារម្ភចិនផ្ទុះកូវីដដោយធ្វើតេស្ដចំពោះអ្នកដំណើរមកពីប្រទេសចិន
សហរដ្ឋអាមេរិក គឺជាប្រទេសថ្មីចុងក្រោយគេដែលចាប់ផ្ដើមអនុវត្តការធ្វើតេស្ដកូវីដលើអ្នកដំណើរដែលមកពីប្រទេសចិន បន្ទាប់ពីប្រទេសចិនដ៏ធំនេះត្រូវបានសារព័ត៌មានបស្ចិមប្រទេសទម្លាយឱ្យដឹងថា តំបន់ខ្លះមនុស្សឆ្លងកូវីដមានពី ១លាននាក់ឡើងទៅ ហើយគិតត្រឹមថ្ងៃទី២៨ ធ្នូ រយៈពេល ២៨ថ្ងៃក្នុងខែនេះ ប្រជាជនចិនជិត ២៦០លាននាក់បានឆ្លងកូវីដ ខណៈមន្ទីរពេទ្យនៅក្រុងប៉េកាំងពោរពេញដោយអ្នកជំងឺកូវីដ។
បណ្ដាញផ្សាយព័ត៌មាន BBC ចុះផ្សាយថា ប្រទេសដែលចាប់ផ្ដើមធ្វើតេស្តអ្នកដំណើរមកពីចិនមុនគេ គឺប្រទេសជប៉ុន ឥណ្ឌា ម៉ាឡេស៊ី កោះតៃវ៉ាន់ អ៊ីតាលី ខណៈអង់គ្លេស និងអូស្ត្រាលី ក៏ចាប់ពិនិត្យពលរដ្ឋចិនចូលប្រទេសពួកគេដែរ។ បន្ទាប់ពីបិទពិភពលោករយៈពេល...
រដ្ឋាភិបាលអំពាវនាវឱ្យពលរដ្ឋមិនទាន់ចាក់វ៉ាក់សាំងកូវីដ-១៩ដូសទី៣នាំគ្នាទៅចាក់ឱ្យបានគ្រប់គ្នា
ប្រមុខរាជរដ្ឋាភិបាលកម្ពុជា លោក ហ៊ុន សែន អំពាវនាវឱ្យប្រជាពលរដ្ឋដែលមិនទាន់បានចាក់វ៉ាក់សាំងបង្ការជំងឺកូវីដ-១៩ ដូសទី៣ ត្រូវនាំគ្នាទៅចាក់ថ្នាំបង្ការនេះឱ្យបានគ្រប់ៗគ្នា ព្រោះជំងឺនេះអាចនឹងកើតមានឡើងវិញគ្រប់ពេល ខណៈប្រទេសជិតខាងកំពុងតែផ្ទុះការឆ្លងរាលដាលឡើងវិញ។
មេដឹកនាំបក្សកាន់អំណាច លោក ហ៊ុន សែន លើកឡើងក្នុងពិធីបើកការដ្ឋានស្ដារផ្លូវជាតិក្នុងខេត្តកំពត នៅថ្ងៃទី៣០ ខែធ្នូ ឆ្នាំ២០២២ នេះថា វីរុសកូវីដ-១៩ អាចនឹងប្រែទៅជាវីរុសកាចសាហាវជាងពេលបច្ចុប្បន្ន ព្រោះថានៅពេលនេះ ជំងឺកូវីដ-១៩កំពុងតែងើបឡើងវិញ និងកំពុងឆ្លងខ្លាំងក្លានៅក្នុងប្រទេសក្នុងតំបន់មួយចំនួនដែលជាកត្តាគួរឱ្យព្រួយបារម្ភ។
លោកនាយករដ្ឋមន្ត្រី ហ៊ុន សែន...
IDEA TALK៖ តើហានិភ័យអ្វីខ្លះនឹងកើតដល់ប្រទេសចិន ប្រសិនបើមនុស្ស ២លាននាក់អាចស្លាប់ដោយសារកូវីដ-១៩?
កម្មវិធី Idea Talk សម្រាប់រាត្រីថ្ងៃទី២៧ ខែធ្នូ ឆ្នាំ២០២២ ស្តីអំពី៖ «តើហានិភ័យអ្វីខ្លះនឹងកើតដល់ប្រទេសចិន ប្រសិនបើមនុស្ស ២លាននាក់អាចស្លាប់ដោយសារកូវីដ-១៩?»។
ចិនបន្តលាក់ទិន្នន័យអ្នកឆ្លងកូវីដ ខណៈអ្នកឆ្លងហក់ឡើង២៥០លាននាក់អំឡុងតែ២០ថ្ងៃ
នៅទីបំផុត រដ្ឋាភិបាលកុម្មុយនីស្តចិននៅបន្តលាក់ទិន្នន័យនៃអ្នកឆ្លងជំងឺកូវីដ-១៩ ដែលតាមការចុះផ្សាយរបស់សារព័ត៌មាន India Today បានចុះផ្សាយនៅថ្ងៃទី២៥ ធ្នូ បានឱ្យដឹងថា សឹងទូទាំងប្រទេសចិនបានកំពុងផ្ទុះការឆ្លងជំងឺកូវីដ។
បើតាមប្រភពដដែលនេះ អំឡុងតែ ២០ថ្ងៃប៉ុណ្ណោះមានអ្នកឆ្លងកើនឡើងដល់ទៅ ២៥០លាននាក់ ខណៈប្រទេសធំនេះមានប្រជាជនជាង ១៤០០លាននាក់។
យ៉ាងណា បើតាមទីភ្នាក់ងារសារព័ត៌មាន Reuters គណៈកម្មការសុខភាពជាតិប្រទេសចិនបានទទួលស្គាល់ថាពិតជាមានការហក់ឡើងនូវអ្នកឆ្លងជំងឺផ្លូវដង្ហើមនេះនៅក្នុងរយៈពេលមួយខែចុងក្រោយនេះ។
តែប្រភពរបស់ Reuters ថាគណៈកម្មការនេះមិនបានប្រកាសថាមានចំនួនប៉ុន្មាននាក់នៅទូទាំងប្រទេសដែលកំពុងធ្លាក់ខ្លួនឈឺ និងស្លាប់នោះទេ ប៉ុន្តែមន្ទីរពេទ្យនៅបណ្ដាក្រុងធំៗ រួមទាំងនៅក្រុងប៉េកាំង ដែលមានប្រជាជនជិត ២១លាននាក់...
ឥណ្ឌូនេស៊ីហាមលោក ហ៊ុន សែន ចូលរួមកិច្ចប្រជុំ G20 ដោយសារឆ្លងកូវីដ-១៩
លោក ហ៊ុន សែន សម្រេចចិត្តដឹកនាំគណៈប្រតិភូជាន់ខ្ពស់កម្ពុជាវិលត្រឡប់មកប្រទេសវិញ ដោយខកខានមិនបានចូលរួមកិច្ចប្រជុំ G20 បន្ទាប់ពីគ្រូពេទ្យឥណ្ឌូនេស៊ីធ្វើតេស្ត និងរកឃើញថាលោកវិជ្ជមានជំងឺកូវីដ-១៩។
កាលពីថ្ងៃទី១៤ ខែវិច្ឆិកា ឆ្នាំ២០២២ លោក ហ៊ុន សែន បានដឹកនាំគណៈប្រតិភូជាន់ខ្ពស់កម្ពុជាធ្វើដំណើរទៅដល់កោះបាលីនៃប្រទេសឥណ្ឌូនេស៊ី ដើម្បីអញ្ជើញចូលរួមក្នុងកិច្ចប្រជុំ G20 បន្ទាប់ពីបញ្ចប់កិច្ចប្រជុំកំពូលអាស៊ានឆ្នាំ២០២២ ដែលកម្ពុជាជាម្ចាស់ផ្ទះ។
ទំព័រហ្វេសប៊ុករបស់លោក ហ៊ុន សែន ឲ្យដឹងនៅព្រឹកថ្ងៃអង្គារ ទី១៥ វិច្ឆិកា នេះថា...