TAG
នី សុខា
សង្គមស៊ីវិលអំពាវនាវរដ្ឋាភិបាលផ្សព្វផ្សាយលក្ខខណ្ឌអប្បបរមាស្ដីពីសិទ្ធិលំនៅឋានដែលកំណត់ដោយអង្គការសហប្រជាជាតិដល់អាជ្ញាធរមូលដ្ឋាន
មន្ត្រីជាន់ខ្ពស់នៃសមាគមការពារសិទ្ធិមនុស្សអាដហុក (Adhoc) អំពាវនាវរដ្ឋាភិបាលអាណត្តិថ្មីរបស់លោក ហ៊ុន ម៉ាណែត ផ្សព្វផ្សាយពីសិទ្ធិលំនៅឋានសមរម្យ និងលក្ខខណ្ឌអប្បបរមាស្ដីពីសិទ្ធិលំនៅឋានដែលកំណត់ដោយអង្គការសហប្រជាជាតិ ឱ្យបានទូលំទូលាយទៅដល់អាជ្ញាធរមូលដ្ឋានគ្រប់លំដាប់ថ្នាក់ ដើម្បីធានាការរស់នៅរបស់ពលរដ្ឋប្រកបដោយសុវត្ថិភាព។
ប្រធានសមាគមការពារសិទ្ធិមនុស្ស និងអភិវឌ្ឍន៍នៅកម្ពុជា លោក នី សុខា លើកឡើងពីដំណោះស្រាយសិទ្ធិលំនៅឋាននៅថ្ងៃទី២៦ ធ្នូ នេះថា រយៈពេលជាង ៣០ឆ្នាំមកនេះ រដ្ឋាភិបាលមិនដែលបានផ្សព្វផ្សាយពីសិទ្ធិលំនៅឋានទៅដល់អាជ្ញាធរ និងប្រជាពលរដ្ឋឱ្យមានការយល់ដឹងនោះទេ ដែលនេះគឺជាបញ្ហាមួយក្នុងការធានានូវសិទ្ធិលំនៅឋានរបស់ប្រជាពលរដ្ឋដោយសមរម្យ ខណៈការបណ្តេញពីលំនៅឋានក្រោមវិធានការរបស់អាជ្ញាធរ តែងតែកើតមានជាបន្តបន្ទាប់។
លោក នី...
អង្គការសង្គមស៊ីវិលអំពាវនាវឱ្យរដ្ឋាភិបាលលើកកម្ពស់និងធានាសិទ្ធិមូលដ្ឋានពលរដ្ឋចែងក្នុងរដ្ឋធម្មនុញ្ញ
អង្គការសង្គមស៊ីវិលដែលធ្វើការលើវិស័យសិទ្ធិមនុស្ស អំពាវនាវឱ្យរាជរដ្ឋាភិបាលកម្ពុជាលើកកម្ពស់ និងធានាធ្វើយ៉ាងណាឱ្យប្រជាពលរដ្ឋទូទាំងប្រទេសទទួលបាននូវសិទ្ធីសេរីភាពពេញលេញ និងគ្រប់ៗគ្នា ដោយគ្មានការរើសអើងដូចមានចែងក្នុងរដ្ឋធម្មនុញ្ញ។
ប្រធានសមាគមការពារសិទ្ធិមនុស្ស និងការអភិវឌ្ឍន៍នៅកម្ពុជា ដែលហៅកាត់ថាអាដហុក (ADHOC) លោក នី សុខា បានលើកឡើងក្នុងកម្មវិធីអបអរសាទរទិវាសិទ្ធិមនុស្សអន្តរជាតិ ១០ធ្នូ កាលពីថ្ងៃព្រហស្បតិ៍ ទី៨ ធ្នូ ថា ទិវាសិទ្ធិមនុស្សតែងតែប្រារព្វនៅថ្ងៃទី១០ ខែធ្នូ ជារៀងរាល់ឆ្នាំក៏ពិតមែន ប៉ុន្តែពលរដ្ឋខ្មែរគ្រប់រូបមិនមែនមានសិទ្ធិតែមួយថ្ងៃនេះទេ គឺមានសិទ្ធិគ្រប់ពេល គ្រប់វេលាទាំងអស់ ដែលត្រូវបានធានាដោយច្បាប់កំពូលរបស់ប្រទេសកម្ពុជា។
ប្រធានសមាគមការពារសិទ្ធិមនុស្សអាដហុករូបនេះលើកឡើងថា...
មន្ត្រីអាដហុកថាពួកគេនឹងទទួលបានយុត្តិធម៌ បើតុលាការសម្រេចក្តីមិនពាក់ព័ន្ធនយោបាយ
ប្រធានសមាគមការពារសិទ្ធិមនុស្សអាដហុក លោក នី សុខា លើកឡើងថា ពួកគាត់ទាំង ៥រូបនឹងទទួលបានយុត្តិធម៌ បើតុលាការកំពូលឈរទៅលើឯករាជភាពក្នុងការសម្រេចសេចក្ដីដោយមិនពាក់ព័ន្ធរឿងនយោបាយ ខណៈតុលាការនឹងសម្រេចប្រកាសសាលដីកានៅថ្ងៃទី១៨ ខែវិច្ឆិកា ឆ្នាំ២០២២ ខាងមុខនេះ។
តុលាការកំពូល នៅថ្ងៃសុក្រ ទី៤ វិច្ឆិកា នេះ បានបើកសវនាការជំនុំជម្រះបណ្ដឹងសាទុក្ខមន្ត្រីជាន់ខ្ពស់ និងអតីតមន្ត្រីសមាគមការពារសិទ្ធិមនុស្សអាដហុក ៥រូប បន្ទាប់ពីសាលាឧទ្ធរណ៍រាជធានីភ្នំពេញកាលពីខែឧសភា ឆ្នាំ២០២២ កន្លងទៅ បានតម្កល់សាលក្រមសាលាដំបូងរាជធានីភ្នំពេញដែលបានកាត់ទោសឲ្យពួកគាត់ជាប់ពន្ធនាគារម្នាក់ៗ ៥ឆ្នាំទុកជាបានការដដែល។
ប្រធានសមាគមការពារសិទ្ធិមនុស្សអាដហុក...
សង្គមស៊ីវិលថាការធ្វើវិសោធនកម្មរដ្ឋធម្មនុញ្ញដោយឯកបក្សមិនឆ្លុះបញ្ចាំងពីការរួបរួមជាតិ
ក្រុមសង្គមស៊ីវិលក្នុងស្រុកអះអាងថា ការធ្វើវិសោធនកម្មច្បាប់រដ្ឋធម្មនុញ្ញដែលមានតែសភាឯកបក្ស មិនបានឆ្លុះបញ្ចាំងអំពីការរួបរួមជាតិតែមួយ និងឆន្ទៈរបស់ពលរដ្ឋឡើយ ក្រៅតែបម្រើឲ្យផលប្រយោជន៍បក្សកាន់អំណាចតែប៉ុណ្ណោះ។
ប្រធានវេទិកាពលរដ្ឋ និងជាអ្នកវិភាគនយោបាយ លោក គឹម សុខ អះអាងថា លោក ហ៊ុន សែន ដឹកនាំប្រទេសខ្វល់តែរឿងកែរដ្ឋធម្មនុញ្ញ ឬធ្វើច្បាប់បំពេញបំណងអំណាចរបស់ខ្លួន។ លោកយល់ថា នេះជាការធ្វើវិសោធនកម្មរដ្ឋធម្មនុញ្ញលើកទី១១ ហើយ ក្នុងការកែរដ្ឋធម្មនុញ្ញជាតិកម្ពុជាក្នុងរយៈពេលតែជាង ២០ឆ្នាំ និងភាគច្រើនលើសលប់មានគោលដៅបញ្ចូលខ្លឹមសារថ្មីៗក្នុងរដ្ឋធម្មនុញ្ញ ព្រមទាំងស៊កសៀតច្បាប់ថ្មីៗទៀតដើម្បីបំពេញផែនការផ្ទេរអំណាចគ្រួសារត្រកូល ហ៊ុន តែប៉ុណ្ណោះ។
លោកអះអាងថា...
មេធាវីមន្ត្រីអាដហុកខកចិត្តដែលសាលាឧទ្ធរណ៍សម្រេចឱ្យកូនក្ដីជាប់ពន្ធនាគារ៥ឆ្នាំដដែល
មេធាវីការពារក្ដីឱ្យបុគ្គលិក និងអតីតបុគ្គលិកសមាគមការពារសិទ្ធិមនុស្សអាដហុក ៥រូប ខកចិត្តចំពោះសាលាឧទ្ធរណ៍ភ្នំពេញដែលបានសម្រេចកាត់ទោសឱ្យកូនក្តីរបស់ខ្លួនជាប់ពន្ធនាគារចំនួន ៥ឆ្នាំដូចការសម្រេចរបស់សាលាដំបូងរាជធានីភ្នំពេញដដែល។
នៅថ្ងៃចន្ទ ទី២៣ ឧសភា នេះ ប្រធានក្រុមប្រឹក្សាជំនុំជម្រះសាលាឧទ្ធរណ៍រាជធានីភ្នំពេញ លោក ស៊ិន វិសាល បានប្រកាសតម្កល់សាលក្រមសាលាដំបូងរាជធានីភ្នំពេញទុកជាបានការដដែល ដោយអះអាងថា ការសម្រេចសេចក្ដីរបស់តុលាការថ្នាក់ក្រោមជារឿងត្រឹមត្រូវ។
មេធាវីការពារក្ដី លោក សំ ទិត្យសីហា បង្ហាញការសោកស្ដាយដែលសាលាឧទ្ធរណ៍នៅតែកាត់ទោសកូនក្ដីឱ្យជាប់ពន្ធនាគារ ៥ឆ្នាំដូចការសម្រេចរបស់សាលាដំបូងរាជធានីភ្នំពេញដែរ។ លោកបន្តថា ដំណើរការសវនាការសំណុំរឿងនេះ តុលាការមិនបានកោះហៅនាង ខុម...
អាដហុកទាមទាររដ្ឋាភិបាលអនុវត្តរបបប្រជាធិបតេយ្យសេរីឱ្យបានពេញលេញ
មន្ត្រីជាន់ខ្ពស់សមាគមការពារសិទ្ធិមនុស្សអាដហុក ទាមទារឱ្យរដ្ឋាភិបាលកម្ពុជាអនុវត្តនូវរបបប្រជាធិបតេយ្យសេរីឱ្យបានពេញលេញ ដើម្បីធានានូវសិទ្ធិមូលដ្ឋានរបស់ពលរដ្ឋគ្មានការរំលោភបំពាន ជាពិសេសសិទ្ធិសេរីភាពជាមូលដ្ឋានដែលជាមូលដ្ឋានគ្រឹះរឹងមាំរបស់លទ្ធិប្រជាធិបតេយ្យ។
ប្រធានសមាគមការពារសិទ្ធិមនុស្សអាដហុក លោក នី សុខា បានលើកឡើងក្នុងពិធីបើកសិក្ខាសាលាថ្នាក់តំបន់ស្ដីពីការលើកកម្ពស់សេរីភាពមូលដ្ឋាន នៅថ្ងៃទី៣ និងទី៤ ខែឧសភា ឆ្នាំ២០២២ នេះថា កម្ពុជាគឺជាប្រទេសកំពុងអនុវត្តនូវរបបប្រជាធិបតេយ្យសេរី ដូច្នេះពលរដ្ឋដែលជាម្ចាស់ប្រទេស ត្រូវតែមានសិទ្ធិសេរីភាពពេញលេញស្របតាមច្បាប់ ដោយគ្មានការរារាំងណាមួយនោះឡើយ។
លោក នី សុខា អះអាងថា កន្លងមកនេះ ក្រុមអង្គការសមាគមតែងសង្កេតឃើញថា ការអនុវត្តជាក់ស្តែងរបស់អាជ្ញាធរកម្ពុជានៅក្នុងមូលដ្ឋានមួយចំនួន នៅតែបន្តធ្វើការរឹតត្បិតសិទ្ធិមូលដ្ឋានរបស់ពលរដ្ឋយ៉ាងធ្ងន់ធ្ងរ...
ឧទ្ធរណ៍នឹងប្រកាសដីកាបណ្ដឹងសារទុក្ខអតីតនិងមន្ត្រីអាដហុក៥រូបនៅពាក់កណ្ដាលខែក្រោយ
សាលាឧទ្ធរណ៍រាជធានីភ្នំពេញ នឹងប្រកាសដីកាបណ្ដឹងសារទុក្ខលើអតីត និងអ្នកការពារសិទ្ធិមនុស្សអាដហុក ៥រូបនៅពាក់កណ្ដាលខែក្រោយ ក្រោមបទចោទប្រកាន់ «សូកប៉ាន់សាក្សី និងសមគំនិតសូកប៉ាន់សាក្សី» ក្នុងសំណុំរឿង នាង ខុម ចាន់តារាទី ហៅស្រីមុំ។
ការលើកពេលនេះ ធ្វើឡើងបន្ទាប់ពីសាលាឧទ្ធរណ៍បានបើកសវនាការពេញមួយរសៀលនាថ្ងៃទី២៨ ខែមេសា ឆ្នាំ២០២២ តាមបណ្ដឹងសារទុក្ខរបស់មេធាវីការពារក្ដីឱ្យអ្នកការពារសិទ្ធិមនុស្សអាដហុក និងអតីតអាដហុកទាំង ៥រូប ដែលប្រឆាំងនឹងសាលក្រមសាលាដំបូងរាជធានីភ្នំពេញដែលបានកាត់ឱ្យពួកគាត់ជាប់ពន្ធនាគារ។
ក្នុងបន្ទប់សវនាការ ប្រធានក្រុមប្រឹក្សាសាលាឧទ្ធរណ៍ លោក ស៊ិន វិសាល បានសួរទៅអ្នកការពារសិទ្ធិមនុស្សទាំង...
សង្គមស៊ីវិលទាមទារឱ្យបន្តស៊ើបអង្កេតឃាតកម្មលើសកម្មជនការពារព្រៃឈើលោក ឈុត វុទ្ធី
ក្រុមសង្គមស៊ីវិលបន្តទាមទារឱ្យរដ្ឋាភិបាលស្វែងរកយុត្តិធម៌ជូនដល់លោក ឈុត វុទ្ធី និងគ្រួសារ រួមទាំងសកម្មជនផ្សេងទៀតដែលត្រូវខ្មាន់កាំភ្លើងបាញ់សម្លាប់នាពេលកន្លងមក ដើម្បីលុបបំបាត់វប្បធម៌និទ្ទណ្ឌភាពនៅកម្ពុជា។
ការទាមទារនេះ ធ្វើឡើងនៅក្នុងវិធីបុណ្យបង្សុកូលដើម្បីឧទ្ទិសកុសលមួយដល់លោក ឈុត វុទ្ធី សកម្មជនព្រៃឈើកម្ពុជាដែលត្រូវបានខ្មាន់កាំភ្លើងបាញ់សម្លាប់កាលពី ១០ឆ្នាំមុននៅថ្ងៃទី២៦ ខែមេសា ឆ្នាំ២០១២ នៅខេត្តកោះកុង។
ក្រៅពីពិធីបង្សុកូលនាព្រឹកនេះ ក្រុមសង្គមស៊ីវិលក៏បានបន្តទាមទារឱ្យរដ្ឋាភិបាលស្វែងរកយុត្តិធម៌ជូនដល់លោក ឈុត វុទ្ធី និងគ្រួសារ រួមទាំងសកម្មជនផ្សេងទៀតដែលត្រូវខ្មាន់កាំភ្លើងបាញ់សម្លាប់នាពេលកន្លងមក។
នាយិកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា (CCHR) អ្នកស្រី ចក់ សុភាព ថ្លែងថា...
សាលាឧទ្ធរណ៍នឹងបើកសវនាការសំណុំរឿងមន្ត្រីអាដហុកនៅចុងខែមេសា
សាលាឧទ្ធរណ៍រាជធានីភ្នំពេញ នឹងបើកសវនាការសំណុំរឿងមន្ត្រី និងអតីតមន្ត្រីសមាគមការពារសិទ្ធិមនុស្សអាដហុកចំនួន ៥នាក់ នៅចុងខែមេសា នេះ ក្រោមបទចោទ «សូកប៉ាន់សាក្សី និងសមគំនិតសូកប៉ាន់សាក្សី»។
នៅក្នុងដីកាដាច់ដោយឡែកពីគ្នាចុះថ្ងៃទី២៨ ខែមីនា ឆ្នាំ២០២២ ចេញដោយព្រះរាជអាជ្ញានៃមហាអយ្យការអមសាលាឧទ្ធរណ៍រាជធានីភ្នំពេញ លោក អ៊ឹម សុផាន បានកោះហៅមន្ត្រីសមាគមអាដហុក ៣រូប រួមមានលោក យី សុខសាន្ត លោក នី សុខា និងអ្នកស្រី...
សាលាឧទ្ធរណ៍លើកពេលសវនាការមន្ត្រីអាហុដក៥រូបដោយសារមេធាវីជាប់ធ្វើចត្តាឡីស័ក
សាលាឧទ្ធរណ៍រាជធានីភ្នំពេញ លើកពេលសវនាការក្នុងសំណុំរឿងអ្នកការពារសិទ្ធិមនុស្សអាដហុក ៥រូប ដោយសារមេធាវីមួយរូបជាប់ធ្វើចត្តាឡីស័ក។
កាលពីថ្ងៃទី២៣ ខែតុលា ឆ្នាំ២០១៨ មេធាវីការពារក្ដីឱ្យអ្នកការពារសិទ្ធិមនុស្សអាដហុកចំនួន ៤រូប និងមេធាវីការពារក្ដីឱ្យអគ្គលេខាធិការរងនៃគណៈកម្មាធិការជាតិរៀបចំការបោះឆ្នោត លោក នី ចរិយា បានដាក់បណ្ដឹងសារទុក្ខទៅសាលាឧទ្ធរណ៍ បន្ទាប់ពីសាលាដំបូងរាជធានីភ្នំពេញផ្ដន្ទាទោសអ្នកទាំង ៥រូបដាក់ពន្ធនាគារម្នាក់ៗចំនួន ៥ឆ្នាំពីបទចោទប្រកាន់ «សូកប៉ាន់សាក្សី និងសមគំនិតសូកប៉ាន់សាក្សី» កាលពីថ្ងៃទី២៦ ខែកញ្ញា ឆ្នាំ២០១៨។
ក្រោយពីដាក់បណ្ដឹងជិត ៥ឆ្នាំ សាលាឧទ្ធរណ៍បានយកបណ្ដឹងដែលក្រុមមេធាវីបានដាក់នោះមកបើកសវនាការនៅថ្ងៃទី២៥ មីនា...