ឯកអគ្គរាជទូតកម្ពុជាបង្ហាញភស្តុតាងដែលភាគីថៃ រំលោភបទឈប់បាញ់ ទៅអគ្គលេខាធិការអង្គការសហប្រជាជាតិ

ឯកអគ្គរាជទូតកម្ពុជាប្រចាំអង្គការសហប្រជាជាតិ (UN) សម្ដែងក្តីបារម្ភអំពីបច្ចុប្បន្នភាពនៃជម្លោះព្រំដែនកម្ពុជា-ថៃ ចំពោះមុខអគ្គលេខាធិការអង្គការសហប្រជាជាតិ លោក António Guterres ពីសកម្មភាពរំលោភបទឈប់បាញ់ដែលបង្កឡើងដោយភាគីថៃ ម្តងហើយម្តងទៀតក្នុងពេលនេះ។

ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិ (អ.ស.ប.) នៅទីក្រុងញូវយ៉ក សរសេរលើទំព័រហ្វេសប៊ុករបស់ខ្លួននៅថ្ងៃទី២៩ សីហា ថា លោក កែវ ឈា ឯកអគ្គរាជទូតកម្ពុជាប្រចាំអង្គការសហប្រជាជាតិ បានជួបជាមួយអគ្គលេខាធិការអង្គការសហប្រជាជាតិ លោក António Guterres កាលពីថ្ងៃទី២៩ ខែសីហា នេះ។

ប្រភពដដែលអះអាងថា លោក កែវ ឈា បានរៀបរាប់ពីសកម្មភាពបង្កហេតុថ្មីៗរបស់ភាគីថៃ ជាពិសេសការដាក់លួសបន្លាកាត់យកភូមិពលរដ្ឋខ្មែរ និងបណ្តេញពលរដ្ឋទាំងនោះចេញពីផ្ទះសម្បែងដែលពួកគេបានរស់នៅជាយូរមកហើយនោះ ខណៈទាហានថៃ ក៏បានបំផ្លាញផ្ទះសម្បែងពលរដ្ឋទាំងនោះចោលគ្មានសល់ថែមទៀត។

ជាងនេះទៀត លោក កែវ ឈា ក៏បានច្រានចោលការប្រកាន់របស់ភាគីថៃ ដែលថាកម្ពុជា បានរំលោភបទឈប់បាញ់ ដូចជា ការដាក់មីនថ្មី ជាដើម។ លោកថា កម្ពុជាតែងតែគោរពបទឈប់បាញ់ដែលភាគីទាំងពីរបានព្រមព្រៀងគ្នា ខណៈកម្ពុជា បានអត់ធ្មត់ខ្ពស់បំផុត ទោះបីជាទាហានថៃ បានធ្វើសកម្មភាពរំលោភបទឈប់បាញ់ម្តងហើយម្តងទៀតជាបន្តបន្ទាប់ក៏ដោយ។

ឯកអគ្គរាជទូតកម្ពុជារូបនេះបញ្ជាក់ថា មីននៅកម្ពុជា គឺជាមីនចាស់ដែលសល់ពីសម័យសង្គ្រាមស៊ីវិល ហើយកម្ពុជាក៏បានពន្យល់ទៅស្ថាប័នពាក់ព័ន្ធរបស់អង្គការសហប្រជាជាតិរួចហើយដែរ។

លោកគូសបញ្ជាក់ថា កម្ពុជាក៏បានប្រគល់ភស្តុតាងនៃការដាក់រាយបន្លាលួសរបស់ទាហានថៃ កាត់ភូមិពលរដ្ឋកម្ពុជា និងភស្តុតាងនៃការពន្យល់អំពីមីនដែលធ្វើឡើងដោយអង្គភាពសកម្មភាពកម្ចាត់មីនកម្ពុជា (CMAC) ថែមទៀត។

សារព័ត៌មានថៃ Enquirer បានចុះផ្សាយកាលពីថ្ងៃទី២៨ សីហា ថា ឯកអគ្គរាជទូតថៃ ប្រចាំអង្គការសហប្រជាជាតិ លោក Cherdchai Chaivaivid បានជួបជាមួយអគ្គលេខាធិការអង្គការសហប្រជាជាតិ លោក António Guterres នៅថ្ងៃព្រហស្បតិ៍ ដោយបង្ហាញពីក្ដីបារម្ភបន្ទាប់ពីទាហាន ៦នាក់រងនូវពិការភាពពីឧប្បត្តិហេតុជាន់មីននាពេលថ្មីៗនេះ។

ប្រភពដដែលអះអាងថា ឯកអគ្គរដ្ឋទូតថៃ រូបនេះ បានចោទកម្ពុជាថាបានប្រើប្រាស់មីនថ្មីចំពោះមុខលោក António Guterres និងស្នើសុំឱ្យមានការបំភ្លឺក្រោមអនុសញ្ញាហាមឃាត់មីនប្រឆាំងមនុស្សផងដែរ។

យ៉ាងណាក៏ដោយ អ្នកជំនាញច្បាប់ និងឧក្រិដ្ឋកម្មអន្តរជាតិ លោក ឆាំង យុ បានលើកឡើងកាលពីថ្ងៃទី២៨ សីហា នេះថា ការលើកយកបញ្ហាគ្រាប់មីន និងយុទ្ធភណ្ឌមិនទាន់ផ្ទុះ មកធ្វើជាប្រធានបទ គ្រាន់តែជាយុទ្ធសាស្ត្ររបស់ថៃ ជុំវិញជម្លោះព្រំដែនជាមួយកម្ពុជា ប៉ុណ្ណោះ។

អ្នកជំនាញច្បាប់ឧក្រិដ្ឋកម្មអន្តរជាតិរូបនេះ ជំរុញឱ្យរដ្ឋាភិបាលថៃ បញ្ឈប់ការបង្វែរប្រធានបទទៅរកបញ្ហាមីនដែលជាបញ្ហាបន្ទាប់បន្សំ ដោយងាកទៅដោះស្រាយបញ្ហាចម្បងនៅចំពោះមុខវិញ គឺការប្ដេជ្ញាចិត្តប្រកបដោយតម្លាភាព ស្មោះត្រង់ និងឥតលក្ខខណ្ឌ ដើម្បីសម្រេចបាននូវសន្តិភាពតាមបណ្តោយព្រំដែនរវាងប្រទេសទាំងពីរ៕

ឯកអគ្គរាជទូតកម្ពុជាបង្ហាញភស្តុតាងដែលភាគីថៃ រំលោភបទឈប់បាញ់ ទៅអគ្គលេខាធិការអង្គការសហប្រជាជាតិ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

រដ្ឋបាលខេត្តប៉ៃលិន ច្រានចោលព័ត៌មានដែលថាទាហានថៃ ឈ្លានពានចូលកាន់កាប់ទឹកដីរបស់ខ្លួន

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន