ហ្វីលីពីន

ប្រទេស​ម្ញ៉ាន់ម៉ ឬ​ភូមា ដល់​វេន​ធ្វើ​ជា​ប្រធាន​សមាគម​ប្រជាជាតិ​អាស៊ីអាគ្នេយ៍ ឬ​អាស៊ាន​ក្នុង​ឆ្នាំ​ថ្មី​ឆ្នាំ​សកល ឆ្នាំ​២០២៦ នេះ ប៉ុន្តែ​ត្រូវ​បាន​មេដឹកនាំ​អាស៊ាន​ឯទៀត ១០​ប្រទេស បោះឆ្នោត​មិន​ឲ្យ​ធ្វើ​ប្រធាន​កាលពី ៣​ឆ្នាំ​មុន។ ការ​សម្រេច​របស់​មេដឹកនាំ​អាស៊ាន​នេះ ធ្វើឡើង​ដោយសារតែ​ក្រុម​យោធា​នៃ​ប្រទេស​ភូមា ដណ្តើម​អំណាច​ពី​រដ្ឋាភិបាល​ស៊ីវិល​ដឹកនាំ​ដោយ​អ្នក​ប្រជាធិបតេយ្យ អ្នកស្រី អ៊ុងសាន ស៊ូជី ហើយ​ជាមួយ​គ្នា​នេះ ចម្បាំង​ស៊ីវិល​ក្នុង​ស្រុក ក៏​បង្ក​ឲ្យ​មាន​អសន្តិសុខ ដែល​ពិបាក​នឹង​រៀបចំ​ប្រជុំ​មេដឹកនាំ​អាស៊ាន​គ្រប់​ជាន់ថ្នាក់។ ប្រទេស​ម៉ាឡេស៊ី បាន​ប្រគល់​ញញួរ​និមិត្តរូប​ប្រធាន​អាស៊ាន​ទៅ​ឲ្យ​ប្រទេស​ហ្វីលីពីន នៅ​ថ្ងៃទី​២៨ ខែ​តុលា ឆ្នាំ​២០២៥ ហើយ​ក្រុង​ម៉ានីល...

ពលរដ្ឋ និង អ្នកដឹកនាំ នៃប្រទេសពីរ ប្រឆាំងដាច់ខាតនឹងអំពើពុករលួយក្នុងរដ្ឋាភិបាល ប្រធានាធិបតី​ហ្វីលីពីន លោក Ferdinand Marcos Jr ព្រមាន​ថា ជន​ទាំងឡាយ​ណា​ដែល​នៅ​ពីក្រោយ​ការ​ប្រព្រឹត្ត​អំពើពុករលួយ​ក្នុង​គម្រោង​ហេដ្ឋារចនាសម្ព័ន្ធ​គ្រប់គ្រង​ទឹកជំនន់ នឹង​ត្រូវ​ចាប់​ខ្លួន។ តាម​ទីភ្នាក់ងារ​ព័ត៌មាន AFP ការ​ព្រមាន​របស់​លោក Marcos Jr បន្ទាប់ពី​ប្រទេស​ដែន​កោះ​មួយ​នេះ​ទើប​ទទួល​រងគ្រោះ​សាជាថ្មី​ដោយសារ​ព្យុះ​ទីហ្វុង​ធំៗ​ចំនួន​ពីរ បណ្ដាល​ឱ្យ​ជន់​លិច​យ៉ាង​ធ្ងន់ធ្ងរ។ ម្ចាស់​ក្រុមហ៊ុន​សំណង់ មន្ត្រី​រដ្ឋាភិបាល និង​សមាជិក​សភា​ជាច្រើន​នាក់​ដែល​រួម​មាន​ទាំង​បងប្អូន​ជីដូនមួយ​លោក Macros ផ្ទាល់​ផង ត្រូវ​បាន​ចោទប្រកាន់​ថា​លួច​កិបកេង​មូលនិធិ​សម្រាប់​គម្រោង​កសាង​ហេដ្ឋារចនាសម្ព័ន្ធ​ការពារ​គ្រោះ​ទឹកជំនន់។ ក្រសួង​ហិរញ្ញវត្ថុ​នៃ​ប្រទេស​ហ្វីលីពីន...

អង្គភាព​ការពារ​ប្រធានាធិបតី​ហ្វីលីពីន ទទួល​បទបញ្ជា​ឱ្យ​បង្កើន​ការ​ប្រុងប្រយ័ត្ន​បំផុត ដើម្បី​ការពារ​អាយុជីវិត​លោក​ប្រធានាធិបតី Ferdinand Marcos Jr បន្ទាប់ពី​អ្នកស្រី​អនុប្រធានាធិបតី Sara Duterte បាន​និយាយ​គំរាម​ឲ្យ​កង​អង្គរក្ស​របស់​អ្នកស្រី​សម្លាប់​លោក Marcos Jr ដែល​អ្នកស្រី Sara Duterte ថា​បើ​អ្នកស្រី​ត្រូវ​បាន​សម្លាប់ គឺ​កង​អង្គរក្ស​អ្នកស្រី​ត្រូវតែ​សម្លាប់​លោក Marcos Jr។ ក្នុង​ស្ថានភាព​ដ៏​រំជើប​នេះ ក្រសួង​យុត្តិធម៌​នៃ​ប្រទេស​ហ្វីលីពីន បាន​កសាង​សំណុំរឿង​ព្រហ្មទណ្ឌ​ដោយ​ចោទ​អនុប្រធានាធិបតី Sara Duterte ជា​មេខ្លោង​នៃ​គម្រោង​ធ្វើ​ឃាត​ប្រធានាធិបតី...

ប្រធានាធិបតី​ហ្វីលីពីន លោក Ferdinand Marcos Jr បាន​ចេញ​បញ្ជា​ឱ្យ​រដ្ឋាភិបាល​របស់​លោក ពង្រឹង​កិច្ចសហការ​បន្ថែម​ទៀត​ទៅ​លើ​សន្តិសុខ​ដែនសមុទ្រ ដើម្បី​ប្រឈម​បញ្ហា​ធំៗ​ជាច្រើន​ចំពោះ​បូរណភាព​ទឹកដី និង​សុខ​សន្តិភាព​ចំ​ពេល​ភាព​តានតឹង​ជាមួយ​ប្រទេស​ចិន កំពុង​បន្ត​កើន​ឡើង​នៅ​តំបន់​សមុទ្រ​ចិន​ខាងត្បូង។ ទីភ្នាក់ងារ​ព័ត៌មាន Reuters កាលពី​ថ្ងៃ​អាទិត្យ ទី​៣១ ខែ​មីនា បាន​ឱ្យ​ដឹង​ថា បទបញ្ជា​របស់​លោក Marcos Jr ដែល​ត្រូវ​បាន​ចុះហត្ថលេខា​កាលពី​ថ្ងៃ​ចន្ទ​ដើម​សប្តាហ៍​មុន និង​ទើប​ត្រូវ​បាន​ប្រកាស​ជា​សាធារណៈ​នៅ​ថ្ងៃ​អាទិត្យ ទី​៣១ ខែ​មីនា មិន​បាន​លើកឡើង​ឈ្មោះ​ប្រទេស​ចិន ចំៗ​នោះ​ទេ...

រដ្ឋមន្ត្រី​ការពារ​ជាតិ​ហ្វីលីពីន នា​ថ្ងៃ​ចន្ទ ទី​៥ កុម្ភៈ នេះ បាន​បង្ហាញ​ការ​ប្ដេជ្ញា​ចិត្ត ដើម្បី​ការពារ​អធិបតេយ្យ​ជាតិ ក្រោយ​ការ​គំរាម​ចង់​ធ្វើ​អបគមន៍​ដែនដី​ពី​សំណាក់​អតីត​ប្រធានាធិបតី​ហ្វីលីពីន លោក Rodrigo Duterte។ កាលពី​ថ្ងៃទី​៣០ ខែ​មករា កន្លង​ទៅ លោក Duterte បាន​អំពាវនាវ​ចង់​ឱ្យ​មាន​ការ​ផ្តល់​ឯករាជភាព​សម្រាប់​កោះ Mindanao ដែល​ជា​ទី​កំណើត​របស់​លោក​នៅ​ភាគ​ខាងត្បូង​ប្រទេស​ហ្វីលីពីន ខណៈ​សម្ព័ន្ធភាព​រវាង​លោក​ជាមួយ​ប្រធានាធិបតី​ហ្វីលីពីន គឺ​លោក Ferdinand Marcos Jr បាន​បែកបាក់​គ្នា​ទៅវិញ​កាលពី​សប្តាហ៍​មុន...

សេចក្ដី​រាយការណ៍​របស់​ទីភ្នាក់ងារ​សារព័ត៌មាន​រ៉យទ័រ បាន​ចុះផ្សាយ​នៅ​ថ្ងៃ​ចន្ទ ទី​២៩ មករា នេះ​បាន​ឱ្យ​ដឹង​ថា ប្រធានាធិបតី​ហ្វីលីពីន ហ្វឺឌឺណង់ ម៉ាសកូសជៀ បាន​ទៅ​ដល់​ប្រទេស​វៀតណាម ក្នុង​ដំណើរ​ទស្សនកិច្ច​រយៈពេល​ពីរ​ថ្ងៃ សំដៅ​ពង្រឹង​សហប្រតិបត្តិការ​ទ្វេភាគី​នៃ​ប្រទេស​ដែល​មាន​ជម្លោះ​ដែនសមុទ្រ​ចិន​ខាងត្បូង​ជាមួយ​នឹង​ប្រទេស​ចិន។ វៀតណាម ត្រូវ​គេ​មើល​ឃើញ​ថា​ជា​ប្រទេស​ខ្លាំង​មួយ ទាំង​សេដ្ឋកិច្ច នយោបាយ រួម​ទាំង​វិស័យ​យោធា​ផង​ដែរ។ ប្រទេស​ក្នុង​តំបន់​អាស៊ី​អាគ្នេយ៍​មួយ​នេះ បើ​ទោះជា​ប្រកាន់​យក​របប​ដឹកនាំ​កុម្មុយនីស្ត​ក៏ដោយ តែ​ទីក្រុង​ហាណូយ នេះ ត្រូវ​គេ​មើល​ឃើញ​ថា​កំពុងតែ​ពង្រឹង​សម្ព័ន្ធភាព​ជាមួយ​នឹង​ប្រទេស​ដែល​មាន​ជម្លោះ​ព្រំដែន​សមុទ្រ​ជាមួយ​នឹង​ចិន ហើយ​ក្នុង​នោះ​មាន​ទាំង​សហរដ្ឋ​អាមេរិក​ផង​ដែរ។ ប្រធានាធិបតី​ហ្វីលីពីន បាន​ហៅ​ប្រទេស​វៀតណាម ជា​កម្លាំង​យុទ្ធសាស្ត្រ​ដ៏​ធំ​មួយ​នៅ​ក្នុង​តំបន់​អាស៊ី​អាគ្នេយ៍ ក្នុង​ការ​ធ្វើ​ឱ្យ​មាន​ស្ថិរភាព​តំបន់​សមុទ្រ​ចិន​ខាងត្បូង។...

ប្រទេស​ហ្វីលីពីន សម្រេច​ទម្លាក់​ចោល​ការ​ខ្ចី​ប្រាក់​ពី​ប្រទេស​ចិន ដើម្បី​យក​មក​ស្ថាបនា​ហេដ្ឋារចនាសម្ព័ន្ធ​ផ្លូវ​ថ្នល់ និង​ផ្លូវ​រថភ្លើង​ល្បឿន​លឿន​ចំនួន ៣​ខ្សែ ដែល​ចិន​បាន​ឱ្យ​ខ្ចី​ក្នុង​អំឡុង​ប្រទេស​ហ្វីលីពីន ស្ថិត​នៅ​ក្រោម​ការ​ដឹកនាំ​របស់​លោក​ប្រធានាធិបតី ដ្រូឌ្រីងហ្គូ ឌូទើតេ កាន់​អំណាច​រយៈពេល ៦​ឆ្នាំ។ បច្ចុប្បន្ន ប្រទេស​អាស៊ី​អាគ្នេយ៍​មួយ​នេះ​កំពុង​ស្ថិត​ក្រោម​ការ​ដឹកនាំ​របស់​លោក ហ្វីឌឺណង់ ម៉ាកូស ជូន្ញើ ដែល​គេ​ថា​ជា​មេដឹកនាំ​មាន​ទំនោរ​ទៅ​រក​សហរដ្ឋ​អាមេរិក។ ហ្វីលីពីន អាច​ជា​ប្រទេស​ទី​១ ក្នុង​តំបន់​អាស៊ី ដែល​សម្រេច​លែង​ខ្ចី​ប្រាក់​ពី​ប្រទេស​ចិន ក្នុង​គម្រោង​ផ្លូវ​មួយ​ខ្សែក្រវាត់​មួយ​របស់​ចិន (Belt and Road...

ជម្លោះ​ដែនទឹក​នៅ​សមុទ្រ​ចិន​ខាងត្បូង​រវាង​ប្រទេស​ហ្វីលីពីន និង​មហា​យក្ស​ចិន កំពុងតែ​ទាញ​ទៅ​រក​ការ​អាច​ប៉ះទង្គិច​គ្នា​ដោយ​អាវុធ ប្រសិនបើ​ប្រទេស​ទាំង​ពីរ​នេះ​ពុំ​អាច​ដក​ថយ​ជំហរ​មានះ​រៀងៗ​ខ្លួន។ នៅ​ថ្ងៃទី​២៦ កញ្ញា នេះ សេចក្ដី​រាយការណ៍​របស់​បណ្ដាញ​ផ្សាយ​ព័ត៌មាន Channel News Asia នៃ​ប្រទេស​សិង្ហបុរី បាន​ចុះផ្សាយ​ថា ហ្វីលីពីន​បាន​បញ្ជូន​នាវា​ល្បាត​ដែល​បំពាក់​ដោយ​កាំភ្លើងយន្ត​ទៅ​រុះរើ និង​រឹបអូស​សំណង់​បារ៉ាស់​របស់​ចិន ប្រវែង ៣០០​ម៉ែត្រ ដែល​ចិន​បាន​ដាក់​នៅ​លើ​ផ្ទៃ​ទឹក​នៅ​តំបន់​ខ្សែទឹក​ដែល​ហ្វីលីពីន​ចាត់ទុក​ជា​ដែនទឹក​របស់​ខ្លួន។ ហ្វីលីពីន​បាន​ចោទ​ចិន ករណី​សាងសង់​សំណង់​បារ៉ាស់​នៅ​លើ​សមុទ្រ​ហ្វីលីពីន មាន ៣០០​ម៉ែត្រ ត្រង់​កន្លែង​ដែល​សម្បូរ​ត្រី​ច្រើន​នៅ​ប្រជុំ​កោះ Scarborough នា​សមុទ្រ​ចិន​ខាងត្បូង។ សំណង់​បារ៉ាស់​របស់​ចិន...

កាលពី​ថ្ងៃទី​៨ សីហា មហាយក្ស​ចិន​បាន​ទាមទារ​សាជាថ្មី​ឲ្យ​ហ្វីលីពីន អូស​នាវា​ខ្មោច​របស់​ខ្លួន​ចេញពី​តំបន់​ជម្លោះ​នៅ​សមុទ្រ​ចិន​ខាងត្បូង។ មិន​តែប៉ុណ្ណោះ ហ្វីលីពីន​បាន​កោះហៅ​ឯកអគ្គរដ្ឋទូត​ចិន នៅ​ម៉ានីល ដើម្បី​តវ៉ា​ប្រឆាំង​ឆ្មាំ​សមុទ្រ​ចិន​ដែល​បាន​បាញ់​ទឹក​រារាំង​មិន​ឲ្យ​ទូក​ហ្វីលីពីន​ដឹក​ស្បៀង​ទៅ​ផ្គត់ផ្គង់​ទ័ព​ជើងទឹក​ដែល​កំពុង​ប្រចាំការ​នៅ​លើ​ខ្មោច​នាវាចម្បាំង​នោះ។ មក​ដល់​ថ្ងៃទី​១០ ខែ​សីហា នេះ ហ្វីលីពីន ប្រកាស​ថា​តំបន់​នោះ​ស្ថិត​ក្នុង​តំបន់​នៃ​កោះ​ថ្ម​ប៉ប្រះ​ទឹក Second Thomas របស់​ហ្វីលីពីន គឺ​គ្មាន​អ្វី​ដែល​ត្រូវ​ធ្វើ​តាម​ការ​គាបសង្កត់​របស់​ក្រុង​ប៉េកាំង នោះ​ទេ។ បច្ចុប្បន្ន​នេះ ហ្វីលីពីន​លែង​ស្ថិត​នៅ​ក្រោម​ឥទ្ធិពល​ចិន​ដូច​សម័យ​លោក រ៉ូឌ្រីងហ្គូ ឌូទើតេ ទៀត​ហើយ។ ក្រសួង​ការបរទេស​ចិន បាន​ទាមទារ​សាជាថ្មី​ឲ្យ​ហ្វីលីពីន អូស​ខ្មោច​នាវាចម្បាំង​របស់​ខ្លួន​ចេញពី​តំបន់​ថ្ម​ប៉ប្រះ​ទឹក​នោះ...

បុរស​ម្នាក់​ដែល​ទើប​ឡើង​កាន់​តំណែង​ជា​ប្រធានាធិបតី​ហ្វីលីពីន កាលពី​ខែ​មិថុនា ឆ្នាំ​២០២២ បាន​ថ្លែង​ប្រាប់​ពិភពលោក​ថា លោក​ខ្វល់​ជា​ខ្លាំង​អំពី​មហិច្ឆតា​របស់​ចិន ដែល​នៅតែ​បំពាន់​ដែនទឹក​របស់​ហ្វីលីពីន នៅ​សមុទ្រ​ចិន​ខាងត្បូង ដែល​លោក​ថា​ចិន​មិន​បាន​បោះបង់​ចោល​គំនិត និង​សកម្មភាព​អនុត្តរភាព​នោះ​ទេ។ លោក Ferdinand Marcos Jr បាន​ថ្លែង​វាយប្រហារ​ចិន​ដូចនេះ​នៅ​ឯ​វេទិកា​សេដ្ឋកិច្ច​ពិភពលោក​ក្នុង​ទីក្រុង​ដាវ៉ូស ប្រទេស​ស្វីស កាល​ពី​ថ្ងៃ​ពុធ ក្នុង​សប្ដាហ៍​នេះ។ តែ​យ៉ាងណា លោក​មាន​ជំនឿ​ថា នឹង​មិន​មាន​ដំណោះស្រាយ​ដោយ​កម្លាំង​ទ័ព​នោះ​ទេ​នូវ​ភាព​តានតឹង​រវាង​ចិន និង​ហ្វីលីពីន ក្នុង​ករណី​ជម្លោះ​ដែនទឹក​នៅ​សមុទ្រ​ចិន​ខាងត្បូង។ លោក​ថ្លែង​បន្ត​ថា ដោយសារតែ​រឿង​នេះ​នាំ​ឱ្យ​លោក​ខ្វល់ខ្វាយ​ជា​ខ្លាំង។ តាម​ការ​ធ្វើ​សេចក្ដី​រាយការណ៍​របស់​សារព័ត៌មាន​ជប៉ុន Nikkei...