គ្រួសារមានអំណាចខ្លាំងពីរនៅហ្វីលីពីនបែកបាក់គ្នា-មួយចោទមួយថាមានគម្រោងសម្លាប់គ្នា

អង្គភាពការពារប្រធានាធិបតីហ្វីលីពីន ទទួលបទបញ្ជាឱ្យបង្កើនការប្រុងប្រយ័ត្នបំផុត ដើម្បីការពារអាយុជីវិតលោកប្រធានាធិបតី Ferdinand Marcos Jr បន្ទាប់ពីអ្នកស្រីអនុប្រធានាធិបតី Sara Duterte បាននិយាយគំរាមឲ្យកងអង្គរក្សរបស់អ្នកស្រីសម្លាប់លោក Marcos Jr ដែលអ្នកស្រី Sara Duterte ថាបើអ្នកស្រីត្រូវបានសម្លាប់ គឺកងអង្គរក្សអ្នកស្រីត្រូវតែសម្លាប់លោក Marcos Jr។

ក្នុងស្ថានភាពដ៏រំជើបនេះ ក្រសួងយុត្តិធម៌នៃប្រទេសហ្វីលីពីន បានកសាងសំណុំរឿងព្រហ្មទណ្ឌដោយចោទអនុប្រធានាធិបតី Sara Duterte ជាមេខ្លោងនៃគម្រោងធ្វើឃាតប្រធានាធិបតី លោក Marcos Jr។

ក្រសួងយុត្តិធម៌ បានដាក់ឱសានវាទទុកពេល ៥ថ្ងៃឱ្យអ្នកស្រី Sara Duterte ចូលខ្លួនឆ្លើយតបចំពោះដីកាកោះហៅពីស្ថាប័នយុត្តិធម៌នេះ។ នេះបើតាមការចេញផ្សាយដោយសារព័ត៌មាន RTL Today នៅថ្ងៃចន្ទ ទី២៥ វិច្ឆិកា នេះ ដែលជាសម្រង់សេចក្តីរាយការណ៍ព័ត៌មានពីទីភ្នាក់ងារព័ត៌មាន AFP។

ការកោះហៅរបស់ក្រសួងយុត្តិធម៌ បន្ទាប់ពីអ្នកស្រី Sara Duterte ថ្លែងក្នុងសន្និសីទសារព័ត៌មានកាលពីចុងសប្តាហ៍កន្លងទៅ ដោយវាយប្រហារលោកប្រធានាធិបតី Marcos Jr ប៉ុន្តែចំណុចធ្ងន់គឺអ្នកស្រី Sara Duterte បាននិយាយថា អ្នកស្រីបានបង្គាប់ទៅអ្នកការពារអ្នកស្រីឱ្យធ្វើឃាតលោក Marcos Jr ប្រសិនបើអ្នកស្រីត្រូវបានគេសម្លាប់។

នៅចំពោះមុខក្រុមអ្នកសារព័ត៌មាន អនុរដ្ឋមន្ត្រីយុត្តិធម៌ហ្វីលីពីន លោក Jesse Andres បាននិយាយថា រដ្ឋាភិបាលកំពុងចាត់វិធានការដើម្បីការពារប្រធានាធិបតី Marcos Jr ហើយថាគម្រោងការគិតទុកជាមុនដើម្បីធ្វើឃាតលោកប្រធានាធិបតី ប្រកាសដោយមេខ្លោងដែលបានសារភាពខ្លួនឯងផ្ទាល់នេះ ឥឡូវនឹងត្រូវប្រឈមមុខជាមួយផលវិបាកតាមផ្លូវច្បាប់។

អំឡុងសន្និសីទសារព័ត៌មាន អ្នកស្រី Sarah Duterte បានអះអាងថា អ្នកស្រីកំពុងស្ថិតក្រោមហានិភ័យនៃគម្រោងប៉ុនប៉ងធ្វើឃាត ហើយបានណែនាំឱ្យសមាជិកនៃកងការពាររបស់អ្នកស្រីសម្លាប់លោក Marcos Jr ប្រសិនបើអ្នកស្រីគ្រោះថ្នាក់។

លោក Marcos Jr បានផ្ទុះកំហឹងដោយប្ដេជ្ញាតតាំងចំពោះមុខការគំរាមកំហែងនេះ ដែលចាត់ទុកថាសកម្មភាពប៉ុនប៉ងខុសច្បាប់បែបនេះ ដាច់ខាតត្រូវនាំអ្នកស្រី Sarah Duterte ទៅប្រឈមមុខនឹងផ្លូវច្បាប់។

អនុរដ្ឋមន្ត្រីក្រសួងយុត្តិធម៌ហ្វីលីពីន លោក Jesse Andres បានបញ្ជាក់ថា សមត្ថកិច្ចកំពុងតាមដាន និងវែកមុខរកបុគ្គលដែលទទួលបានការបង្គាប់បញ្ជាពីអ្នកស្រីអនុប្រធានាធិបតី Sarah Duterte។

នៅក្នុងការបោះឆ្នោតប្រធានាធិបតីហ្វីលីពីន កាលពីខែឧសភា ឆ្នាំ២០២២ គ្រួសារអតីតប្រធានាធិបតី Rodrigo Duterte ដែលគេហៅថាបុរសខ្លាំង និងគ្រួសារបុរសខ្លាំងម្នាក់ទៀត គឺលោក Ferdinand Marcos បានចងសម្ព័ន្ធភាពនឹងគ្នាចាប់ដៃគ្នាដណ្ដើមតំណែងប្រធានាធិបតី និងអនុប្រធានាធិបតី។

លោក Duterte បានចាត់តាំងកូនស្រី គឺអ្នកស្រី Sara Duterte ជាបេក្ខជនសម្រាប់អនុប្រធានាធិបតីរបស់បេក្ខជនប្រធានាធិបតី Marcos Jr ដែលគេថាគ្រួសារមហាអំណាចខ្លាំងពីរនៅហ្វីលីពីន មានផែនការចងភ្ជាប់អំណាចរដ្ឋជាអំណាចបែបសន្តតិវង្ស។ សម្ព័ន្ធភាពនេះ បានជួយឱ្យលោក Marcos និងអ្នកស្រី Sara Duterte ទទួលជ័យជម្នះឈ្នះឆ្នោតជាប់ជាប្រធានាធិបតី និងអនុប្រធានាធិបតីក្នុងការបោះឆ្នោតកាលពីខែឧសភា ឆ្នាំ២០២២។

នៅដើមឆ្នាំ២០២៤ នេះ គ្រួសារទាំងពីរដែលមានជម្លោះនឹងគ្នា ត្រូវគេមើលឃើញថាអាចផ្ដើមពីលោក Duterte ទាមទារឱ្យរុះរើរដ្ឋធម្មនុញ្ញដើម្បីឱ្យគាត់បានឈរជាបេក្ខជនប្រធានាធិបតីម្ដងទៀត ខណៈរដ្ឋធម្មនុញ្ញកំណត់ឱ្យតែ ៦ឆ្នាំក្នុងមួយអាណត្តិសម្រាប់ប្រធានាធិបតីនៃសាធារណរដ្ឋហ្វីលីពីន តែពេលនោះ លោក Marcos Jr ជំទាស់។

ម្យ៉ាងទៀត គ្រួសារលោក Duterte នៅតែមានទំនោរទៅរកចិន ដែលអាចជំទាស់លោក Marcos Jr ប្រកាន់ជំហរខ្លាំងប្រឆាំងចិន ករណីជម្លោះព្រំដែនសមុទ្រនៅសមុទ្រចិនខាងត្បូង ដែលក្រុងប៉េកាំង វាតទីចូលខាងខ្សែទឹករបស់ហ្វីលីពីន រហូតប្រទេសទាំងពីរបញ្ជូនទ័ព និងនាវាល្បាត នាវាចម្បាំងទៅប្រឈមមុខដាក់គ្នា។

ការបែកបាក់ខ្លាំងក៏ផ្ទុះចេញពីរឿងលោក Duterte ដែលត្រូវបានសភាកោះហៅឱ្យចូលខ្លួនបំភ្លឺករណីសង្គ្រាមប្រឆាំងគ្រឿងញៀនកាលពីលោកជាប្រធានាធិបតី ហើយមានការសម្លាប់រង្គាលរហូតតុលាការឧក្រិដ្ឋកម្មអន្តរជាតិ ICC ចេញដីកាចាប់ខ្លួនលោក។

ករណីនេះហើយដែលអាចបង្កឲ្យគ្រួសារមានអំណាចខ្លាំងទាំងពីរនៅហ្វីលីពីន បែកបាក់គ្នាខ្លាំងរហូតដល់មានការប៉ងធ្វើឃាតលោក Marcos Jr ឋានៈជាប្រធានាធិបតី ដោយអ្នកស្រី Sara Duterte អនុប្រធានាធិបតី៕

គ្រួសារមានអំណាចខ្លាំងពីរនៅហ្វីលីពីនបែកបាក់គ្នា-មួយចោទមួយថាមានគម្រោងសម្លាប់គ្នា

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ហ្វីលីពីនផ្ដើមកាន់តំណែងប្រធានអាស៊ានប្ដូរវេននៅដើមខែមករា នេះ ជំនួសភូមា ដែលធ្លាក់តំណែងតាំងពី ៣ឆ្នាំមុន

ប្រធានាធិបតីហ្វីលីពីន សន្យាចាប់ខ្លួនបុគ្គលពុករលួយក្នុងគម្រោងការពារគ្រោះទឹកជំនន់គ្មានករណីលើកលែង

បុរសខ្លាំងហ្វីលីពីនសម្លាប់មនុស្សក្នុងសង្គ្រាមគ្រឿងញៀនត្រូវបានចាប់ខ្លួនតាមដីកាតុលាការ ICC

ប្រធានាធិបតីហ្វីលីពីនបញ្ជាឱ្យពង្រឹងសន្តិសុខដែនសមុទ្ររបស់ខ្លួន

ប្រមុខការពារជាតិហ្វីលីពីនគំរាមកម្ទេចការប៉ងបំបែកទឹកដីក្រោយពីលោក Duterte ទាមទារឯករាជភាពសម្រាប់កោះ Mindanao

ប្រធានាធិបតីហ្វីលីពីនថាការពង្រឹងសម្ព័ន្ធភាពជាមូលដ្ឋានគ្រឹះនៃទស្សនកិច្ចទៅកាន់វៀតណាម

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

គ្រួសារ​មាន​អំណាច​ខ្លាំង​ពីរ​នៅ​ហ្វីលីពីន​បែកបាក់​គ្នា-មួយ​ចោទ​មួយ​ថា​មាន​គម្រោង​សម្លាប់​គ្នា

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

គ្រួសារមានអំណាចខ្លាំងពីរនៅហ្វីលីពីនបែកបាក់គ្នា-មួយចោទមួយថាមានគម្រោងសម្លាប់គ្នា