ស៊ុន ចន្ធី

តើ​រាជរដ្ឋាភិបាល​គួរ​ដោះលែង​អ្នក​ដែល​មាន​ទោស​ដោយ​ប្រើ​សិទ្ធិ​សេរីភាព​បញ្ចេញមតិ​ស្រប​ច្បាប់ ហៅថា​អ្នកទោស​មនសិការ​ម្តង​ម្នាក់ ឬ​ទាំងអស់​គ្នា? កាលពី​ថ្ងៃ​ពុធ លោក ម៉ែន ណាត អ្នក​ឃ្លាំមើល​ស្ថានការណ៍​កម្ពុជា ផ្តល់​គំនិត​ថា រាជរដ្ឋាភិបាល​គួរ​ដោះស្រាយ​បញ្ហា​ផ្ទៃក្នុង​រវាង​ខ្មែរ​និង​ខ្មែរ តាមរយៈ​ការ​ដោះលែង​ជន​ជាប់​ពន្ធនាគារ​ដោយ​អយុត្តិធម៌​ទាំងអស់ ដើម្បី​នាំមក​នូវ​សាមគ្គីភាព និង​ឯកភាព​ជាតិ​ជា​មុន។ មន្ត្រី​ជាន់ខ្ពស់​គណបក្ស​ប្រជាធិបតេយ្យ​ជឿនលឿន លោក សួន រីដា ជឿជាក់​ថា ការ​ផ្សះផ្សា និង​ការ​បង្រួបបង្រួម​ជាតិ នឹង​កើតមាន​យ៉ាង​ពិតប្រាកដ បើ​រាជរដ្ឋាភិបាល​ខ្មែរ​ស្នើ​ព្រះមហាក្សត្រ​ព្រះរាជទាន​លើកលែង​ទោស​ជា​ទ្រង់ទ្រាយ​ធំ​នោះ ដែល​មាន​ប្រធាន​គណបក្ស​សង្គ្រោះ​ជាតិ លោក កឹម សុខា...

អតីតប្រធានគណបក្សកម្លាំងជាតិដែលកំពុងជាប់ឃុំ ស្នើសុំឱ្យ ប្រធានគណបក្សភ្លើងទៀនដកពាក្យបណ្តឹងពីបទ ឆបោកលុយ អតីត​ប្រធាន​គណបក្ស​កម្លាំង​ជាតិ ដែល​កំពុង​ជាប់​ឃុំ លោក ស៊ុន ចន្ធី ស្នើសុំ​ឱ្យ​ប្រធាន​គណបក្ស​ភ្លើងទៀន លោក ទាវ វណ្ណុល ជួយ​សម្រួល​ដក​ពាក្យបណ្ដឹង​ដែល​សមាជិក​បក្ស​ភ្លើងទៀន ខេត្ត​កំពង់ធំ ទាំង ៧​នាក់ ប្តឹង​លោក​ពី​បទ​ឆបោក​លុយ​ជាង ១២​លាន​រៀល កាលពី​ដើម​ឆ្នាំ​២០២៤ កន្លង​ទៅ។ លោក ស៊ុន ចន្ធី បាន​សរសេរ​លិខិត​ចេញពី​ពន្ធនាគារ​កាលពី​ថ្ងៃទី​១ ខែ​វិច្ឆិកា...

អតីត​ប្រធាន​បក្ស​ក្រៅ​រដ្ឋាភិបាល​ដែល​កំពុង​ជាប់​ឃុំ ច្រានចោល​សេចក្តី​សម្រេច​ពី​សាលាដំបូង​រាជធានី​ភ្នំពេញ ប៉ុន្តែ​បែរជា​បដិសេធ​ប្តឹង​ជំទាស់​ទៅ​សាលា​ឧទ្ធរណ៍ ដោយសារតែ​អស់​ជំនឿ​លើ​ប្រព័ន្ធ​យុត្តិធម៌​នៅ​ប្រទេស​កម្ពុជា។ អតីត​ប្រធាន​គណបក្ស​កម្លាំង​ជាតិ លោក ស៊ុន ចន្ធី បាន​ចេញ​សេចក្តី​ថ្លែងការណ៍​ពី​ពន្ធនាគារ​កាលពី​ពេល​ថ្មីៗ​នេះ​ថា លោក​បាន​ស្គាល់​តុលាការ​នៅ​ប្រទេស​កម្ពុជា​គ្រប់​ជាន់ថ្នាក់​អស់​ហើយ តាំងពី​សាលាដំបូង​រហូត​ដល់​សាលា​កំពូល គឺជា​ស្ថាប័ន​គ្មាន​ឯករាជ្យ គ្មាន​យុត្តិធម៌ និង​ជា​ស្ថាប័ន​ដែល​ពោរពេញ​ដោយ​អំពើពុករលួយ ធ្វើ​តាម​តែ​បញ្ជា​អ្នក​មាន​អំណាច​តែប៉ុណ្ណោះ។ លោក ស៊ុន ចន្ធី លើកឡើង​ថា ការ​ចាប់​ខ្លួន​លោក​ដាក់​ពន្ធនាគារ​នៅ​ពេលនេះ គឺជា​ហេតុផល​នយោបាយ​សុទ្ធសាធ ដើម្បី​បង្ក្រាប​សំឡេង​ប្រឆាំង​ពិតប្រាកដ​នៅ​ប្រទេស​កម្ពុជា ព្រោះ​ការ​ដក​សិទ្ធិ​នយោបាយ​របស់​លោក​អស់​មួយ​ជីវិត​នៅ​ពេលនេះ គឺជា​ភស្តុតាង​បញ្ជាក់​យ៉ាង​ច្បាស់​ថា លោក ហ៊ុន...

គណបក្ស​កម្លាំង​ជាតិ គ្រោង​រៀបចំ​សមាជ​បក្ស​ក្នុង​ពេល​ឆាប់ៗ ដើម្បី​បោះឆ្នោត​ជ្រើសរើស​ប្រធាន​បក្ស​ថ្មី ក្រោយពី​តុលាការ​បាន​សម្រេច​ដក​សិទ្ធិ​ធ្វើ​នយោបាយ​របស់​លោក ស៊ុន ចន្ធី អស់​មួយ​ជីវិត ក្រោម​បទ​ចោទ «ញុះញង់​បង្ក​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម»។ ទីប្រឹក្សា​គណបក្ស​កម្លាំង​ជាតិ លោក រ៉ុង ឈុន បាន​ប្រាប់​អ្នក​សារព័ត៌មាន​ថា គណបក្ស​កម្លាំង​ជាតិ នឹង​ពិភាក្សា​ជាមួយ​ថ្នាក់ដឹកនាំ​បក្ស ដើម្បី​កំណត់​ថ្ងៃ​ធ្វើ​សមាជ ដើម្បី​រៀបចំ​ក្បាលម៉ាស៊ីន​គណបក្ស​ឱ្យ​ត្រូវ​ទៅ​តាម​នីតិវិធី ពីព្រោះ​មុខនាទី​ប្រធាន​បក្ស​មិន​អាច​ទុក​នៅ​ទំនេរ​បាន​ទេ។ លោក​បន្ថែម​ថា គណបក្ស​កម្លាំង​ជាតិ នឹង​ស្វែងរក​យុត្តិធម៌​ដល់​លោក ស៊ុន ចន្ធី និង​សកម្មជន​នយោបាយ​ផ្សេង​ទៀត​ដែល​កំពុង​ជាប់​ឃុំ​ក្នុង​ពន្ធនាគារ​ឲ្យ​មាន​សេរីភាព​ឡើងវិញ។ គណបក្ស​កម្លាំង​ជាតិ...

សាលាដំបូង​ក្រុង​ភ្នំពេញ សម្រេច​ផ្ដន្ទាទោស​អតីត​ប្រធាន​គណបក្ស​កម្លាំង​ជាតិ លោក ស៊ុន ចន្ធី ឱ្យ​ជាប់​ពន្ធនាគារ ២​ឆ្នាំ ពិន័យ​ប្រាក់ ៤​លាន​រៀល និង​ដកហូត​សិទ្ធិ​បោះឆ្នោត និង​សិទ្ធិ​ឈរឈ្មោះ​ឲ្យ​គេ​បោះឆ្នោត​អស់​មួយ​ជីវិត។ សាលាដំបូង​រាជធានី​ភ្នំពេញ នៅ​ថ្ងៃទី​២៦ ខែ​ធ្នូ ឆ្នាំ​២០២៤ នេះ បាន​បើក​សវនាការ​លើ​សំណុំរឿង​អតីត​ប្រធាន​គណបក្ស​កម្លាំង​ជាតិ លោក ស៊ុន ចន្ធី ពី​បទ «ញុះញង់​បង្ក​ឱ្យ​មាន​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម»។ តុលាការ​បាន​ដាក់​បម្រាម​មិន​អនុញ្ញាត​ឱ្យ​សាច់ញាតិ សកម្មជន និង​មន្ត្រី​គណបក្ស​កម្លាំង​ជាតិ​ចូលរួម​ស្តាប់​ក្នុង​ពេល​ប្រកាស​សាលក្រម​នេះ​ទេ...

អ្នក​ឃ្លាំមើល​ស្ថានការណ៍​កម្ពុជា លើក​ទឹកចិត្ត​ឱ្យ​អង្គ​សមាជ​របស់​គណបក្ស​កម្លាំង​ជាតិ ពិនិត្យ​សមាសភាព​មេដឹកនាំ និង​កំណត់​សកម្មភាព​នយោបាយ​ឱ្យ​បាន​ត្រឹមត្រូវ ដើម្បី​ចៀស​ផុត​ពី​ការ​ធ្វើ​ទុក្ខបុកម្នេញ​របស់​បក្ស​កាន់​អំណាច​ក្នុង​គោលដៅ​បម្រើ​នយោបាយ​របស់​ពួកគេ។ ប្រធាន​ក្រុមប្រឹក្សា​ឃ្លាំមើល​កម្ពុជា និង​ជា​អនុប្រធាន​វេទិកា​ពលរដ្ឋ លោក ម៉ែន ណាត ប្រាប់​សារព័ត៌មាន The Cambodia Daily នៅ​ថ្ងៃទី​១២ កញ្ញា នេះ​ថា ក្នុង​ស្ថានភាព​ដ៏​តឹងតែង​ដែល​កំពុង​រង​នូវ​ការ​គាបសង្កត់​ពី​បក្ស​កាន់​អំណាច​នៅ​ពេលនេះ គណបក្ស​កម្លាំង​ជាតិ ត្រូវតែ​រួបរួម​កម្លាំង​ផ្ទៃក្នុង​របស់​ខ្លួន​ជាមួយ​នឹង​ពលរដ្ឋ​ឱ្យ​កាន់តែ​ខ្លាំង។ លោក​ថា នៅ​ពេលនេះ គណបក្ស​ប្រជាជន​កម្ពុជា​កំពុង​ព្យាយាម​ធ្វើ​ឱ្យ​បែកបាក់​សាមគ្គីភាព​របស់​បក្ស​នេះ​យ៉ាង​គំហុក។ លោក ម៉ែន ណាត...

គណបក្ស​កម្លាំង​ជាតិ ប្រកាស​លើក​ពេល​ប្រារព្ធ​ពិធី​សមាជ​វិសាមញ្ញ​របស់​ខ្លួន​ទៅ​ពេល​ក្រោយ តាម​ការ​ស្នើ​របស់​រដ្ឋបាល​រាជធានី​ភ្នំពេញ ក្រោម​ហេតុផល​ទប់ស្កាត់​ផែនការ​ប្រមូលផ្ដុំ​ដើម្បី​ផ្តួល​រំលំ​រដ្ឋាភិបាល​កម្ពុជា​នៅ​ពេលនេះ។ គណបក្ស​កម្លាំង​ជាតិ ចេញ​សេចក្តី​ប្រកាស​ព័ត៌មាន​នៅ​ថ្ងៃទី​២២ ខែ​សីហា ឆ្នាំ​២០២៤ នេះ​ថា គណបក្ស​សូម​ប្រកាស​លើក​ពេល​រៀបចំ​ពិធី​សមាជ​វិសាមញ្ញ​របស់​ខ្លួន​ទៅ​ពេល​ក្រោយ​វិញ ហើយ​គណបក្ស​នឹង​ជូនដំណឹង​សាជាថ្មី​អំពី​ពេលវេលា និង​ទីតាំង​ជាក់លាក់​តាម​ក្រោយ។ ប្រភព​ដដែល​បញ្ជាក់​ថា គណបក្ស​គ្រោង​នឹង​រៀបចំ​ពិធី​សមាជ​វិសាមញ្ញ​របស់​ខ្លួន​នៅ​ថ្ងៃទី​២៥ ខែ​សីហា ខាងមុខ​នេះ ប៉ុន្តែ​ក្រោយ​ប្រជុំ​ពិភាក្សា​ជាមួយ​តំណាង​សាលា​រាជធានី​ភ្នំពេញ ខាង​សាលាក្រុង​ភ្នំពេញ​បាន​សម្រេច​មិន​អនុញ្ញាត​ឱ្យ​គណបក្ស​រៀបចំ​ពិធី​សមាជ​វិសាមញ្ញ​នេះ​ទេ ដោយ​ស្នើ​ឱ្យ​លើក​ពេល​ទៅ​ថ្ងៃ​ក្រោយ​វិញ។ កាលពី​ថ្ងៃទី​២០ ខែ​សីហា ឆ្នាំ​២០២៤ រដ្ឋបាល​រាជធានី​ភ្នំពេញ បាន​ចេញ​សេចក្តី​ជូនដំណឹង​មួយ​ទៅ​កាន់​គណបក្ស​កម្លាំង​ជាតិ ដោយ​ស្នើ​ឱ្យ​គណបក្ស​កម្លាំង​ជាតិ លើក​ពេល​ប្រារព្ធ​ពិធី​សមាជ​ដែល​គ្រោង​ធ្វើ​នៅ​ថ្ងៃទី​២៥ សីហា...

គណបក្ស​កម្លាំង​ជាតិ ប្រកាស​ធ្វើ​សមាជ​វិសាមញ្ញ​នៅ​ចុង​ខែ​សីហា ឆ្នាំ​២០២៤ នេះ ដែល​មាន​សមាជិក​ចូលរួម​ប្រមាណ​ជា ១៥០០​នាក់ ស្រប​ពេល​ដែល​ប្រធាន​គណបក្ស លោក ស៊ុន ចន្ធី កំពុង​ត្រូវ​បាន​ឃុំ​ខ្លួន​ក្នុង​ពន្ធនាគារ​នៅឡើយ។ គណបក្ស​កម្លាំង​ជាតិ ចេញ​សេចក្តី​ជូនដំណឹង​មួយ​ទៅ​កាន់​អភិបាល​រាជធានី​ភ្នំពេញ នៅ​ថ្ងៃទី​១២ ខែ​សីហា ឆ្នាំ​២០២៤ នេះ ដោយ​ស្នើសុំ​ទីលាន​ប្រជាធិបតេយ្យ​ប្រារព្ធ​ពិធី​សមាជ​វិសាមញ្ញ​របស់​ខ្លួន​នៅ​ថ្ងៃទី​២៥ ខែ​សីហា ឆ្នាំ​២០២៤ ខាងមុខ​នេះ។ ប្រភព​ដដែល​បញ្ជាក់​ថា ការ​ស្នើសុំ​ទីលាន​ប្រជាធិបតេយ្យ​ប្រារព្ធ​ពិធី​សមាជ​នេះ ព្រោះ​ទីតាំង​នោះ​មាន​ទីធ្លា​ធំ​ទូលាយ និង​មិន​ប៉ះពាល់​ដល់​សន្តិសុខ​សណ្ដាប់ធ្នាប់​សាធារណៈ និង​ធ្វើ​ចរាចរណ៍​របស់​ប្រជាពលរដ្ឋ​ឡើយ។ ការ​ប្រកាស​ប្រារព្ធ​ពិធី​សមាជ​វិសាមញ្ញ​នេះ...

គណបក្ស​កម្លាំង​ជាតិ ស្នើ​ឱ្យ​លោក ហ៊ុន ម៉ាណែត ដោះលែង​លោក ស៊ុន ចន្ធី ឱ្យ​មាន​សេរីភាព​ឡើងវិញ ដើម្បី​ការ​ផ្សះផ្សា​ជាតិ សាមគ្គីភាព និង​ឯកភាព​ផ្ទៃក្នុង​ជាតិ បន្ទាប់ពី​ប្រធាន​គណបក្ស​រូប​នេះ​ត្រូវ​បាន​ឃុំ​ខ្លួន​អស់​រយៈពេល​ជាង ២​ខែ​កន្លង​មក​នេះ។ ប្រធាន​ស្តីទី​របស់​គណបក្ស​កម្លាំង​ជាតិ លោក ជា មុនី បាន​ចេញ​លិខិត​មួយ​ទៅ​កាន់​នាយករដ្ឋមន្ត្រី​កម្ពុជា លោក ហ៊ុន ម៉ាណែត កាលពី​ថ្ងៃទី​២២ ខែ​កក្កដា ឆ្នាំ​២០២៤ ដែល​ទើប​នឹង​ត្រូវ​បាន​ផ្សព្វផ្សាយ​នៅ​ថ្ងៃទី​២៣...

ទីប្រឹក្សា​គណបក្ស​កម្លាំង​ជាតិ លោក រ៉ុង ឈុន អះអាង​ថា​លោក ស៊ុន ចន្ធី ប្រធាន​គណបក្ស​កម្លាំង​ជាតិ នៅតែ​រក្សា​ឧត្ដមគតិ​ដើម​របស់​ខ្លួន​ដដែល បើ​ទោះជា​បាន​ផ្ដិត​មេដៃ​លើ​លិខិត​សុំទោស​លោក ហ៊ុន ម៉ាណែត ក៏ដោយ។ ថ្លែង​នៅ​ព្រឹក​ថ្ងៃទី​១៥ ខែ​កក្កដា បន្ទាប់ពី​តុលាការ​កំពូល បាន​លើក​យក​បណ្ដឹង​សុំ​នៅ​ក្រៅ​ឃុំ​របស់​លោក ស៊ុន ចន្ធី ធ្វើការ​ជំនុំជម្រះ​ដោយ​ប្រកាស​លទ្ធផល​នៅ​ថ្ងៃទី​២៩ ខែ​កក្កដា ខាងមុខ​នេះ លោក រ៉ុង ឈុន...