TAG
ម៉ែន ណាត
ព្រះមហាក្សត្រ៖ ក្រោមដំបូលនៃរដ្ឋធម្មនុញ្ញ ប្រជារាស្ត្រនឹងមានជីវភាពធូរធារសម្បូររុងរឿងជានិច្ចនិរន្តរ៍
ព្រះមហាក្សត្រខ្មែរសម្តេចព្រះបរមនាថ នរោត្ដម សីហមុនី សម្ដែងនូវព្រះទ័យជឿជាក់យ៉ាងមុតមាំថា ក្រោមដំបូលនៃរដ្ឋធម្មនុញ្ញ គ្រប់ស្ថាប័នជាតិនានារបស់កម្ពុជានឹងបន្តបំពេញភារកិច្ចតាមតួនាទីរបស់ខ្លួនប្រកបដោយការទទួលខុសត្រូវខ្ពស់ ដើម្បីធានាដល់ការអភិវឌ្ឍឱ្យក្លាយជាប្រទេសរីកចម្រើនរឹងមាំ ប្រជារាស្ត្រខ្មែរមានជីវភាពធូរធារសម្បូររុងរឿង រស់ក្នុងសុខសន្តិភាព ស្ថិរភាពជានិច្ចនិរន្តរ៍។
ព្រះមហាក្សត្រខ្មែរសម្តេចព្រះបរមនាថ សីហមុនី មានព្រះរាជបន្ទូលក្នុងព្រះរាជពិធីអបអរសាទរខួប ៣០ឆ្នាំនៃការប្រកាសឱ្យប្រើប្រាស់រដ្ឋធម្មនុញ្ញ នៅថ្ងៃទី៦ ខែតុលា ឆ្នាំ២០២៣ នេះថា រដ្ឋធម្មនុញ្ញកម្ពុជាត្រូវបានផ្ដួចផ្ដើមបង្កើតឡើងក្រោមព្រះរាជតម្រិះចុងក្រោយរបស់ព្រះករុណាសម្តេចព្រះ នរោត្តម សីហនុ ហើយក៏បានឆ្លងការអនុម័តរបស់សភាធម្មនុញ្ញ នៅថ្ងៃទី២១ ខែកញ្ញា ឆ្នាំ១៩៩៣...
អ្នកឃ្លាំមើលជំរុញឱ្យមានការស៊ើបអង្កេតរកអ្នកនៅពីក្រោយការជួញដូរគ្រឿងញៀន ជាជាងគ្រាន់តែលុបឈ្មោះទាហានចេញពីក្របខ័ណ្ឌ
អ្នកឃ្លាំមើលចាត់ទុកការលុបឈ្មោះទាហានចេញពីក្របខ័ណ្ឌ ដោយមិនស៊ើបអង្កេតរកអ្នកពាក់ព័ន្ធនឹងបញ្ហាគ្រឿងញៀននោះ ថាជាការបំបាត់ភស្តុតាងក្នុងការស្វែងរកចាប់ខ្លួនមេខ្លោងជួញដូរគ្រឿងញៀនធំ ដែលជំរុញឲ្យបញ្ហានេះបន្តកើតឡើងដដែលៗ។
ក្នុងសេចក្ដីប្រកាសចំនួនពីរដាច់ដោយឡែកពីគ្នារបស់រដ្ឋមន្ត្រីក្រសួងការពារជាតិ លោក ទៀ សីហា បានសម្រេចលុបឈ្មោះនាយទាហានចំនួន ៣នាក់ចេញពីក្របខ័ណ្ឌនៃកងយោធពលខេមរភូមិន្ទចាប់ពីថ្ងៃចុះហត្ថលេខាតទៅ។
នាយទាហានដែលត្រូវបានក្រសួងការពារជាតិលុបឈ្មោះចេញពីក្របខ័ណ្ឌនៃកងយោធពលខេមរភូមិន្ទ ជាគ្រូបច្ចេកទេសថ្មើរជើងនៃសាលានាយទាហានសកម្ម ដោយសារពួកគេពាក់ព័ន្ធនឹងការប្រើប្រាស់គ្រឿងញៀន។
នាយទាហានទាំង ៣នាក់ ក្នុងនោះមានឈ្មោះ ពោន ធា និងឈ្មោះ សាន្ត គឹមសៀង រួមទាំងឈ្មោះ យ៉ែន ច័ន្ទវិសាល។
ការលុបឈ្មោះនាយទាហានទាំង ៣នាក់នេះ ធ្វើឡើងបន្ទាប់ពីលោក ទៀ...
ពលរដ្ឋក្រៅស្រុកត្រៀមធ្វើបាតុកម្មប្រឆាំងវត្តមានលោក ហ៊ុន ម៉ាណែត នៅអង្គការសហប្រជាជាតិ
ពលរដ្ឋខ្មែរអ្នកស្នេហាប្រជាធិបតេយ្យនៅសហរដ្ឋអាមេរិករាប់រយនាក់ ត្រៀមខ្លួនធ្វើបាតុកម្មប្រឆាំងនឹងវត្តមានរបស់នាយករដ្ឋមន្ត្រីតពូជថ្មីរបស់កម្ពុជា គឺលោក ហ៊ុន ម៉ាណែត នៅអង្គការសហប្រជាជាតិនៅចុងខែកញ្ញា នេះ ដោយសារតែពួកគេមិនចាត់ទុកលោក ហ៊ុន ម៉ាណែត ជានាយករដ្ឋមន្ត្រីស្របច្បាប់របស់ពលរដ្ឋកម្ពុជាឡើយ។
អ្នកនាំពាក្យអង្គការសង្គ្រោះកម្ពុជាលោក សោម កុលវឌ្ឍន៍ បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី១២ ខែកញ្ញា នេះថា វត្តមានរបស់លោក...
លោក ស ខេង ប្រកាសជំហរគាំទ្រលោក ហ៊ុន ម៉ាណែត ដើម្បីបញ្ចៀសការយកឈ្មោះរបស់លោកទៅប្រើ
អតីតរដ្ឋមន្ត្រីក្រសួងមហាផ្ទៃ និងជាអនុប្រធានគណបក្សប្រជាជនកម្ពុជាលោក ស ខេង បានប្រកាសជំហរបន្តគាំទ្ររដ្ឋាភិបាលដឹកនាំដោយលោក ហ៊ុន ម៉ាណែត ដើម្បីបញ្ចៀសការយកឈ្មោះរបស់លោកទៅប្រើភ្ជាប់ជាមួយបក្សប្រឆាំង និងធ្វើឲ្យមានការភ័ន្តច្រឡំ។
លោក ស ខេង កាលពីថ្ងៃទី១១ ខែកញ្ញា នេះ បានសរសេរលើហ្វេសប៊ុករបស់លោកថា ការដែលលោកចេញគាំទ្រដូច្នេះដោយសារតែអ្នកមាននិន្នាការប្រឆាំងនៅតែបន្តលើកឡើងដដែលៗតាមរយៈបណ្ដាញសង្គម និងសារព័ត៌មាននានា ហើយជាពិសេសតាមការឃោសនាអកុសល ដោយប្រតិដ្ឋនូវព័ត៌មានចោទប្រកាន់លោក។
លោក ស ខេង ចោទថា បណ្ដាញសារព័ត៌មានបានយកឈ្មោះលោកធ្វើជាប្រធានបទនេះក្នុងបំណងដ៏កខ្វក់ដើម្បីបំបែកបំបាក់ផ្ទៃក្នុងបក្សប្រជាជនកម្ពុជា។ តែទោះជាយ៉ាងណាក៏ដោយ...
លោក ហ៊ុន ម៉ាណែត យល់ព្រមជាមួយវៀតណាម-ឡាវក្នុងការអនុវត្តយន្តការបញ្ចប់ការកំណត់ព្រំដែនឱ្យបានឆាប់
នាយករដ្ឋមន្ត្រីថ្មីរបស់កម្ពុជា ដែលទើបត្រូវបានឪពុកលើកបន្តុប គឺលោក ហ៊ុន ម៉ាណែត នៅថ្ងៃទី៥ ខែកញ្ញា ឆ្នាំ២០២៣ បានឯកភាពជាមួយនាយករដ្ឋមន្ត្រីវៀតណាម លោក ផាម មីញជីញ និងលោក សនសៃ ស៊ីផាន់ដន នាយករដ្ឋមន្ត្រីឡាវ បន្តអនុវត្តយន្តការបញ្ចប់ការកំណត់ព្រំដែនរវាងប្រទេសទាំងបីឱ្យបានទាំងស្រុងនាពេលដ៏ខ្លីខាងមុខ។
ការសម្រេចឯកភាពជាមួយនាយករដ្ឋមន្ត្រីវៀតណាម និងនាយករដ្ឋមន្ត្រីឡាវ នេះ ធ្វើឡើងអំឡុងពេលចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធនៅទីក្រុងហ្សាកាតា ប្រទេសឥណ្ឌូនេស៊ី ទៅលើកិច្ចសហប្រតិបត្តិការមួយចំនួនដើម្បីផ្តល់ផលប្រយោជន៍ដល់ប្រជាជននៃប្រទេសទាំងបី។
នាយករដ្ឋមន្ត្រីនៃប្រទេសទាំងបី សម្រេចអនុវត្តគោលការណ៍មួយចំនួន...
អ្នកឃ្លាំមើលទាមទារឱ្យលោក ហ៊ុន ម៉ាណែត លុបចោលឧត្តមក្រុមប្រឹក្សាពិគ្រោះយោបល់ចេញ
អ្នកឃ្លាំមើល និងអ្នកប្រើប្រាស់បណ្ដាញសង្គម ទាមទារឲ្យរដ្ឋាភិបាលលោក ហ៊ុន ម៉ាណែត លុបចោលឧត្ដមក្រុមប្រឹក្សាពិគ្រោះយោបល់ ដោយថាការបង្កើតឧត្ដមក្រុមប្រឹក្សានេះជាការចាយថវិកាជាតិអត់ប្រយោជន៍។
អំឡុងពេលបើកកិច្ចប្រជុំដំបូងនៃគណៈរដ្ឋមន្ត្រីថ្មីកាលពីថ្ងៃទី២៤ ខែសីហា ឆ្នាំ២០២៣ លោក ហ៊ុន ម៉ាណែត នាយករដ្ឋមន្ត្រីអាណត្តិទី៧ បានបញ្ជាទៅរដ្ឋមន្ត្រីក្រសួងយុត្តិធម៌លោក កើត រិទ្ធ និងលោក អូន ព័ន្ធមុនីរ័ត្ន ដែលជាឧបនាយករដ្ឋមន្ត្រី ស្នើព្រះរាជក្រឹត្យរៀបចំឧត្ដមក្រុមប្រឹក្សាពិគ្រោះ និងផ្តល់យោបល់អាណត្តិថ្មី ដោយនឹងពង្រីកសមាសភាពចូលរួមឲ្យច្រើនជាងមុន។
ជុំវិញរឿងបក្សនយោបាយមួយចំនួន ក្នុងនោះមានគណបក្សប្រជាធិបតេយ្យមូលដ្ឋាន...
អ្នកឃ្លាំមើលថាការចុះចូលជាមួយបក្សកាន់អំណាចជាទង្វើជាន់ពន្លិចអ្នកប្រជាធិបតេយ្យ
ក្រុមអ្នកឃ្លាំមើលនិយាយថា ការចុះចូលជាមួយបក្សកាន់អំណាចរបស់សកម្មជន និងមន្ត្រីបក្សក្រៅរដ្ឋាភិបាល គឺជាទង្វើជាន់ពន្លិចអ្នកប្រជាធិបតេយ្យ និងគាំទ្រនយោបាយទុច្ចរិតរបស់បក្សកាន់អំណាចលោក ហ៊ុន សែន។
អនុប្រធានវេទិកាពលរដ្ឋ លោក ម៉ែន ណាត ប្រាប់សារព័ត៌មាន The Cambodia Daily នៅថ្ងៃទី១ ឧសភា នេះថា ការចុះចូលជាមួយគណបក្សប្រជាជនកម្ពុជាពិតមែនថាជាសេរីភាពស្របច្បាប់របស់បុគ្គលម្នាក់ៗ ប៉ុន្តែសេរីភាពក៏ត្រូវភ្ជាប់ជាមួយឧត្តមគតិដែរ។ លោកបន្ថែមថា គណបក្សប្រជាជនកម្ពុជាចាប់តាំងពីបង្កើតមក និងផែនការរៀបចំទៅថ្ងៃអនាគត មិនមែនដើម្បីលទ្ធិប្រជាធិបតេយ្យសម្រាប់ប្រទេសកម្ពុជានោះទេ ត្បិតទង្វើជាក់ស្តែងដែលបក្សនេះបានធ្វើកន្លងមក...
លោក ហ៊ុន សែន ទូលព្រះមហាក្សត្រដំឡើងឋានន្តរស័ក្តិលោក ហ៊ុន ម៉ាណែត ផ្កាយមាស៤
បុរសខ្លាំងកាន់អំណាចតត្រកូល លោក ហ៊ុន សែន ទូលថ្វាយព្រះមហាក្សត្រឱ្យដំឡើងឋានន្តរស័ក្តិលោក ហ៊ុន ម៉ាណែត ជានាយឧត្តមសេនីយ៍ផ្កាយមាសបួន ស្របពេលដែលកូនប្រុសច្បងរបស់លោក ហ៊ុន សែន រូបនេះកំពុងស្ថិតក្នុងលេខរៀងជាបេក្ខភាពនាយករដ្ឋមន្ត្រីដ៏ចម្រូងចម្រាសរបស់បក្សកាន់អំណាច។
ក្នុងព្រះរាជក្រឹត្យដែលឡាយព្រះហស្តលេខាដោយព្រះករុណាព្រះបាទ សម្តេចព្រះ បរមនាថ នរោត្តម សីហមុនី នាថ្ងៃទី១៧ ខែមីនា ឆ្នាំ២០២៣ បានត្រាស់បង្គាប់ដំឡើងឋានន្តរស័ក្តិថ្នាក់ «នាយឧត្តមសេនីយ៍» ដល់លោក ហ៊ុន ម៉ាណែត។
ព្រះរាជក្រឹត្យនេះក៏បានបញ្ជាក់ថា...
លោក ហ៊ុន សែន ប្រកាសចាក់ផ្សាយរឿងកូនប្រុសក្រោមពន្លឺព្រះចន្ទពេញបូណ៌មីជាផ្លូវការនៅចុងខែនេះ
មេដឹកនាំខ្មែរដែលវៀតណាមលើកបន្តុប លោក ហ៊ុន សែន ប្រកាសចាក់ផ្សាយខ្សែភាពយន្តរឿង «កូនប្រុសក្រោមពន្លឺព្រះចន្ទពេញបូណ៌មី» ដែលជាប្រវត្តិផ្ទាល់របស់លោកក្នុងរយៈពេល ១០ថ្ងៃទៀត ដែលនឹងចាក់ផ្សាយតាមទូរទស្សន៍ផង និងបង្ហោះតាមប្រព័ន្ធតេឡេក្រាមផង ដើម្បីឲ្យប្រជាពលរដ្ឋមើលរឿងនេះឲ្យបានកាន់តែច្រើន។
មេដឹកនាំអតីតបក្សកុម្មុយនីស្តវៀតណាម លោក ហ៊ុន សែន លើកឡើងក្នុងពិធីពិនិត្យការសាងសង់ទំនប់វារីអគ្គិសនីនៅខេត្តពោធិ៍សាត់ នៅថ្ងៃទី១៤ ខែមីនា ឆ្នាំ២០២៣ នេះថា ខ្សែភាពយន្តរឿង កូនប្រុសក្រោមពន្លឺព្រះចន្ទពេញបូណ៌មី ដែលជាប្រវត្តិផ្ទាល់ខ្លួនរបស់លោក នឹងចាក់បញ្ចាំងជាផ្លូវការតាមទូរទស្សន៍បាយ័ន នៅថ្ងៃទី២០...
ក្រុមតស៊ូមតិថាការចុះចូលរបស់អតីតយុវជនចលនាមាតាធម្មជាតិនឹងធ្វើឱ្យខូចប្រយោជន៍ជាតិធ្ងន់ធ្ងរ
ក្រុមអ្នកតស៊ូមតិនៅក្រៅស្រុក ថាការសម្រេចចិត្តរបស់អតីតយុវជនចលនាមាតាធម្មជាតិ ទៅចុះចូលជាមួយបក្សកាន់អំណាចជាសិទ្ធិក្នុងការជ្រើសរើសរបស់ពួកគេ ប៉ុន្តែនឹងធ្វើឲ្យខាតប្រយោជន៍ជាតិទៅថ្ងៃក្រោយ។
អនុប្រធានវេទិកាពលរដ្ឋ លោក ម៉ែន ណាត ប្រាប់សារព័ត៌មាន The Cambodia Daily នៅថ្ងៃទី១៣ មីនា នេះថា ការទាក់ទងដោយផ្ទាល់ពីសំណាក់មេដឹកនាំបក្សកាន់អំណាច លោក ហ៊ុន សែន ទៅអតីតក្រុមយុវជនការពារបរិស្ថានទាំងនោះ ដោយសារគាត់មើលឃើញពីប្រយោជន៍សម្រាប់នយោបាយ និងប្រយោជន៍សម្រាប់ក្រុមគ្រួសាររបស់គាត់ទៅថ្ងៃក្រោយ មិនមែនដោយសារតែប្រយោជន៍ប្រទេសជាតិនោះទេ។
អនុប្រធានវេទិកាពលរដ្ឋរូបនេះបញ្ជាក់ថា ការដឹកនាំរបស់មេដឹកនាំបក្សកាន់អំណាច លោក...