ម៉ែន ណាត

អ្នកឃ្លាំមើល៖ កិច្ចសហប្រតិបត្តិការលើការគ្រប់គ្រងពាណិជ្ជកម្មអាវុធមហាប្រល័យជាមួយអាមេរិកបង្ហាញពីនយោបាយការទូតល្អរបស់កម្ពុជា អ្នក​ឃ្លាំមើល​ចាត់ទុក​កិច្ចសហប្រតិបត្តិការ​លើ​ការ​គ្រប់គ្រង​ពាណិជ្ជកម្ម​អាវុធ​មហា​ប្រល័យ​ជាមួយ​អាមេរិក បង្ហាញ​ពី​នយោបាយ​ការទូត​របស់​កម្ពុជា ល្អ​ជាង​មុន​ចំពោះ​អាមេរិក ដែល​មិន​ផ្កាប់មុខ​ទៅ​លើ​សម្ពន្ធមិត្ត​ណា​មួយ​ដូច​ពេល​កន្លង​មក។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត បាន​ប្រាប់​សារព័ត៌មាន The Cambodia Daily នៅ​ថ្ងៃទី​២ តុលា នេះ​ថា ការ​សម្រេច​ចិត្ត​ក្នុង​កិច្ចសហការ​លើ​ការ​គ្រប់គ្រង​ពាណិជ្ជកម្ម​អាវុធ​មហា​ប្រល័យ គឺជា​ដំណើរ​ដ៏​ត្រឹមត្រូវ​របស់​កម្ពុជា ក្នុង​ការ​ចូលរួម​ទប់ស្កាត់​ការ​ជួញដូរ​អាវុធ​ខុស​ច្បាប់ និង​ទប់ស្កាត់​ការ​ផលិត​អាវុធ​មហា​ប្រល័យ​ផង​ដែរ។ លោក ម៉ែន ណាត លើកឡើង​ថា កិច្ចសហការ​នេះ​ក៏​អាច​ធានា​ការពារ​កម្ពុជា...

រដ្ឋបាល​ខេត្ត​បន្ទាយមានជ័យ លោក អ៊ុំ រាត្រី ជំទាស់​ដាច់ខាត​ចំពោះ​វិធានការ​រដ្ឋបាល​ខេត្ត​ស្រះកែវ ប្រទេស​ថៃ ក្នុង​ការ​ប្រកាស​អនុវត្ត​ច្បាប់​ថៃ លើ​ពលរដ្ឋ​កម្ពុជា ដែល​បាន​រស់នៅ​ក្នុង​ភូមិ​ជោគជ័យ និង​ភូមិ​ព្រៃចាន់ ឃុំ​អូរបីជាន់ ស្រុក​អូរជ្រៅ ខេត្ត​បន្ទាយមានជ័យ។ លោក អ៊ុំ រាត្រី បាន​ចេញ​លិខិត​តវ៉ា​ប្រឆាំង​ដាច់អហង្ការ​នៅ​ថ្ងៃទី​២៩ កញ្ញា ចំពោះ​ការ​ប្រកាស​អនុវត្ត​ច្បាប់​ថៃ លើ​ពលរដ្ឋ​កម្ពុជា ដែល​បាន​រស់នៅ​ក្នុង​ភូមិ​ជោគជ័យ និង​ភូមិ​ព្រៃចាន់ ដោយ​ចាត់ទុក​ទង្វើ​បែប​នេះ​ជា​ការ​គំរាមកំហែង​យ៉ាង​ធ្ងន់ធ្ងរ​លើ​សិទ្ធិ​របស់​ពលរដ្ឋ​កម្ពុជា ដែល​បាន​រស់នៅ​ក្នុង​ភូមិ​ទាំង​ពីរ​នេះ និង​បាន​អាស្រ័យ​ផល​ជា​យូរ​ណាស់​មក​ហើយ​នោះ។ លោក​អះអាង​ថា...

អ្នក​ឃ្លាំមើល​ស្ថានការណ៍​កម្ពុជា ទាមទារ​ឱ្យ​រដ្ឋាភិបាល​បដិសេធ​លិខិត​យោធភូមិភាគ​៥ ដែល​ទទួល​យក​សំណើ​ថៃ ព្រម​រុះរើ​ផ្ទះ​ប្រជាពលរដ្ឋ​ខ្មែរ និង​ប៉ុស្តិ៍​នគរបាល​ច្រក​ជ័យជម្នះ ក្នុង​ស្រុក​វាលវែង ខេត្ត​ពោធិ៍សាត់ ជាបន្ទាន់ ដើម្បី​ចៀសវាង​ការ​បង្ក​កំហុស​ឆ្គង​ដែល​អាច​នាំ​ទៅ​ដល់​ការ​បាត់បង់​ទឹកដី​ជាតិ​ខ្មែរ។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily នៅ​ថ្ងៃទី​២៦ កញ្ញា នេះ​ថា តាម​គោលការណ៍​ច្បាប់ ការ​កែសម្រួល និង​រុះរើ​ទីតាំង​ក្នុង​ចំណុច​ណា​មួយ​នៅ​តំបន់​ព្រំដែន វា​គឺជា​សិទ្ធិ​សម្រេច​កម្រិត​រដ្ឋាភិបាល ដូច្នេះ​គ្មាន​ហេតុផល​ណា​ដែល​មេបញ្ជាការ​ព្រំដែន​ថ្លើម​ធំ​ធ្វើការ​សម្រេច​ចិត្ត​តាម​បំណង​ថៃ...

អតីត​មេធាវី​នៃ​សាលាក្ដី​ខ្មែរក្រហម ចាត់ទុក​មហាអំណាច​ចិន ជា​សម្ព័ន្ធមិត្ត​ដ៏​ចង្រៃ​បំផុត​ដែល​ទំនង​ជា​ខ្លួន​មួយ​ចង់​ជិះ​ទូក​ពីរ ទាំង​ថៃ និង​កម្ពុជា ជាពិសេស​ការ​ធ្វើ​សមយុទ្ធ​យោធា​រវាង​ចិន និង​ថៃ ក្នុង​ពេល​កម្ពុជា មាន​ជម្លោះ​ព្រំដែន​ជាមួយ​ថៃ នា​ពេលនេះ។ អតីត​មេធាវី​សាលាក្ដី​ខ្មែរក្រហម លោក កង ឫទ្ធិគិរី សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​១៧ កញ្ញា នេះ​ថា ចិន​ទំនង​ជា​ចង់​ដណ្តើម​តំណែង​ជា​អ្នកដឹកនាំ​សណ្ដាប់ធ្នាប់​ពិភពលោក​ថ្មី​មួយ​ទាំង​ផ្នែក​សេដ្ឋកិច្ច និង​យោធា ទៅ​ថ្ងៃ​អនាគត។ លោក កង ឫទ្ធិគិរី លើកឡើង​ថា ទាំង​កម្ពុជា និង​ថៃ...

នាយករដ្ឋមន្ត្រី​ខ្មែរ ហ៊ុន ម៉ាណែត អះអាង​ថា កិច្ចចរចា​លើ​បទ​ឈប់​បាញ់​គ្នា គ្មាន​លក្ខខណ្ឌ​ឱ្យ​ដក​កងទ័ព​ភាគី​ណា​ចេញពី​ទីតាំង​ឈរជើង​របស់​ខ្លួន ឬ​ដាក់​លក្ខខណ្ឌ​កាត់​ទឹកដី​ចរចា​ឡើយ ខណៈ​រដ្ឋាភិបាល​ប្រទេស​កម្ពុជា ក៏​មិន​មាន​ដាក់​បទបញ្ជា​ឱ្យ​ដកថយ​កម្លាំង​ក្រោយពី​មាន​បទ​ឈប់​បាញ់​គ្នា​ដែរ។ លោក ហ៊ុន ម៉ាណែត សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​៩ ខែ​កញ្ញា នេះ ដោយ​អំពាវនាវ​ឱ្យ​ប្រជាពលរដ្ឋ​ជឿ​ទុកចិត្ត​លើ​រាជរដ្ឋាភិបាល​ដែល​កំពុង​ស្វែងរក​ដំណោះស្រាយ​បញ្ចប់​បញ្ហា​ឱ្យ​បាន​ឆាប់​រហ័ស ដើម្បី​ឧត្ដម​ប្រយោជន៍​ជាតិ និង​ប្រជាជន បើ​ទោះជា​កិច្ចការ​ជាច្រើន​មិន​ត្រូវ​បាន​ផ្សព្វផ្សាយ​ជា​សាធារណៈ ដែល​មើល​ទៅ​រដ្ឋាភិបាល​ហាក់ដូចជា​ស្ងាត់ស្ងៀម​ក៏ដោយ។ លោក​ធ្លាប់​បាន​ថ្លែង​ប្រាប់​ពលរដ្ឋ​នៅ​កន្លែង​ខ្លះ​ថា ទឹកដី​ខ្មែរ​សព្វថ្ងៃ​រីក​ធំ​ជាង​មុន​ផង ក្រោម​កិច្ចដឹកនាំ​រាជរដ្ឋាភិបាល​នៃ​គណបក្ស​ប្រជាជន​កម្ពុជា។ នេះ​មាន​ន័យ​ថា ផ្ទៃដី​នៃ​ប្រទេស​កម្ពុជា មិនមែន​នៅតែ​១៨១០៣៥​គីឡូម៉ែត្រ​ក្រឡា​នោះ​ទេ។ លោក...

អ្នក​ឃ្លាំមើល​ស្ថានការណ៍​កម្ពុជា លោក ម៉ែន ណាត ចាត់ទុក​ច្បាប់​ដក​សញ្ជាតិ​ខ្មែរ​ពី​កំណើត​ជា​ច្បាប់​បម្រើ​នយោបាយ​មិន​ប្រជាធិបតេយ្យ​របស់​គណបក្ស​ប្រជាជន​កម្ពុជា និង​បម្រើ​គំនិត​ផ្ដាច់ការ​គាប​សង្កត់​របស់​មេដឹកនាំ​បក្ស​កាន់​អំណាច លោក ហ៊ុន សែន។ ថ្ងៃ​ចន្ទ ទី​៨ ខែ​កញ្ញា នេះ ជា​ថ្ងៃ​រាជរដ្ឋាភិបាល​ចាប់ផ្តើម​អនុវត្ត​ច្បាប់​ដក​សញ្ជាតិ​ជាតិ ឬ​កំណើត​ខ្មែរ​ខ្លួនឯង​ហើយ។ លោក សម រង្ស៊ី មេដឹកនាំ​បក្ស​ជំទាស់ ធ្លាប់​ហៅ​ស្ថាប័ន​ជាតិ​កំពូលៗ​ដែល​ចាក់​បណ្តោយ​ឱ្យ​លោក ហ៊ុន សែន ធ្វើ​អ្វី​តាម​ចិត្ត ជា​ស្ថាប័ន​ទីងមោង ឬ​អាយ៉ង។ ប្រធាន​ក្រុមប្រឹក្សា​ឃ្លាំមើល​កម្ពុជា...

អ្នក​សង្កេតការណ៍​ចាត់ទុក​ដំណើរ​ទស្សនកិច្ច​មេដឹកនាំ​បក្ស​កាន់​អំណាច លោក ហ៊ុន សែន ទៅ​ចូលរួម​ខួប​បដិវត្តន៍​លើក​ទី​៨០ នៅ​ប្រទេស​វៀតណាម គ្រាន់តែ​ដើម្បី​បញ្ជាក់​ជំហរ​ស្មោះត្រង់​របស់​ខ្លួន​ចំពោះ​មេដឹកនាំ​វៀតណាម បន្ត​ទៀត​ប៉ុណ្ណោះ។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily នៅ​ថ្ងៃទី​៣ កញ្ញា នេះ​ថា ដំណើរ​ទស្សនកិច្ច​នេះ​មិន​មាន​ប្រយោជន៍​អ្វី​សម្រាប់​កម្ពុជា ជុំវិញ​ទំនាស់​ព្រំដែន​កម្ពុជា-ថៃ នោះ​ទេ ប៉ុន្តែ​មាន​ប្រយោជន៍​សម្រាប់​វៀតណាម ក្នុង​ការ​បន្ត​ភាព​ជា​ចៅហ្វាយនាយ និង​គណបក្ស​ប្រជាជន​កម្ពុជា...

អ្នក​ឃ្លាំមើល​ស្ថានការណ៍​ព្រំដែន​កម្ពុជា-ថៃ ជំរុញ​ឱ្យ​រដ្ឋាភិបាល​បញ្ជូន​កំណត់​ទូត​ទៅ​ភាគី​ថៃ និង​ចេញ​សេចក្តី​ថ្លែងការណ៍ រួម​ទាំង​ប្រើប្រាស់​យន្តការ​អន្តរជាតិ​ជុំវិញ​ការ​គំរាម​របស់​ភាគី​ថៃ ដែល​ប៉ុនប៉ង​បិទ​ប្រាសាទ​តាមាន់ធំ​ដោយ​ឯកតោភាគី បន្ទាប់ពី​ពលរដ្ឋ​ខ្មែរ​ចូល​ទៅ​លេង​ប្រាសាទ​នេះ​កាន់តែ​ច្រើន​នោះ។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​២២ កក្កដា នេះ​ថា ដើម្បី​ដាក់​សម្ពាធ​ទៅ​កាន់​រដ្ឋាភិបាល​ថៃ រដ្ឋាភិបាល​កម្ពុជា​ត្រូវតែ​ជូនដំណឹង​ទៅ​អាស៊ាន (ASEAN) និង​ស្នើ​កោះ​ប្រជុំ​រំឭក​កិច្ចព្រមព្រៀង​ទីក្រុង​ប៉ារីស​ឆ្នាំ​១៩៩១ ស្ដីពី​ការ​ការពារ​បូរណភាព​ទឹកដី និង​អធិបតេយ្យភាព​របស់​កម្ពុជា ចំពោះ​ការ​ឈ្លានពាន​របស់​ថៃ មក​លើ​ខ្លួន​នា​ពេលនេះ។ ជាង​នេះ​ទៀត កម្ពុជា​ក៏​ត្រូវ​ជូនដំណឹង​ទៅ​កាន់​ក្រុមប្រឹក្សា​សន្តិសុខ​នៃ​អង្គការ​សហប្រជាជាតិ​ផង​ដែរ ស្រប​ពេល​ដែល​ខ្លួន​កំពុង​បន្ត​យន្តការ​ច្បាប់​ប្តឹង​ថៃ ទៅ​តុលាការ​អន្តរជាតិ...

តំណាងរាស្ត្រ​គណបក្ស​សង្គ្រោះ​ជាតិ អះអាង​ថា ពលរដ្ឋ​ខ្មែរ​ដែល​បាត់បង់​សញ្ជាតិ​ខ្មែរ នឹង​ត្រូវ​ប្រគល់​ទាំង​ដីធ្លី រួម​ទាំង​សញ្ជាតិ​ខ្មែរ​ទៅ​ឱ្យ​ជនជាតិ​វៀតណាម ដែល​រស់នៅ​ខុស​ច្បាប់ បន្ទាប់ពី​ពួកគេ​ត្រូវ​បាន​រដ្ឋាភិបាល​កម្ពុជា​ធ្វើការ​បម្លាស់ទី​ពី​ការ​រស់នៅ​លើ​ផ្ទះ​បណ្តែត​ទឹក​ក្នុង​បឹង​ទន្លេសាប ឱ្យ​ទៅ​រស់នៅ​លើ​ដី​គោក​វិញ។ លោក អ៊ុំ សំអាន ប្រាប់​សារព័ត៌មាន The Cambodia Daily នៅ​ថ្ងៃទី​១៤ កក្កដា នេះ​ថា វិធានការ​បម្លាស់ទី​ជនជាតិ​វៀតណាម ដែល​រស់នៅ​លើ​ផ្ទះ​បណ្តែត​ទឹក​ខុស​ច្បាប់ ឱ្យ​មក​រស់នៅ​លើ​ដី​គោក និង​ផ្តល់​ដី​សម្បទាន​សង្គមកិច្ច ជា​ករណី​ដែល​គួរ​ឱ្យ​សង្ស័យ​បំផុត ព្រោះ​វិធានការ​នេះ​ធ្វើឡើង​ស្រប​ពេល​ដែល​រដ្ឋសភា​សម្រេច​កែប្រែ​ច្បាប់​ដក​សញ្ជាតិ​ខ្មែរ​ពី​ពលរដ្ឋ​ខ្មែរ​នា​ពេលនេះ។ លោក អ៊ុំ...

នៅ​ថ្ងៃទី​១១ ខែ​កក្កដា ឆ្នាំ​២០២៥ នេះ សមាជិក​រដ្ឋសភា​នៃ​បក្ស​កាន់​អំណាច ១២៥​រូប បាន​លើក​ដៃ​ព្រមៗ​គ្នា​អនុម័ត​មាត្រា​៣៣ នៃ​រដ្ឋធម្មនុញ្ញ កែប្រែ​ទៅ​ជា​ច្បាប់​ដក​សញ្ជាតិ​ខ្មែរ​ពី​កំណើត​វិញ ក្រោយពី​ទទួល​បញ្ជា​ពី​មេដឹកនាំ​បក្ស​កាន់​អំណាច លោក ហ៊ុន សែន បាន​ត្រឹមតែ ១៤​ថ្ងៃ​ប៉ុណ្ណោះ។ មាត្រា​៣៣ នៃ​រដ្ឋធម្មនុញ្ញ​ដែល​ជា​ច្បាប់​ការពារ​សញ្ជាតិ​ពី​កំណើត​របស់​ពលរដ្ឋ​ខ្មែរ ត្រូវ​សមាជិក​សភា​មក​ពី​គណបក្ស​ប្រជាជន​កម្ពុជា សម្រេច​កម្ទេច​ចោល​ជា​ឯកច្ឆន្ទ​នៅ​ថ្ងៃទី​១១ កក្កដា នេះ ដោយ​ជំនួស​មក​វិញ​ដោយ​ច្បាប់​ដក​សញ្ជាតិ​ខ្មែរ​ពី​កំណើត​វិញ។ ជុំវិញ​ការ​អនុម័ត​លើ​មាត្រា​ច្បាប់​នេះ រដ្ឋមន្ត្រី​ក្រសួង​យុត្តិធម៌ លោក កើត...