អ្នកឃ្លាំមើលជំរុញឱ្យរដ្ឋាភិបាលកម្ពុជាប្រើប្រាស់យន្តការអន្តរជាតិចំពោះការគំរាមរបស់ភាគីថៃ ដែលប៉ុនប៉ងបិទប្រសាទតាមាន់ធំ

អ្នកឃ្លាំមើលស្ថានការណ៍ព្រំដែនកម្ពុជា-ថៃ ជំរុញឱ្យរដ្ឋាភិបាលបញ្ជូនកំណត់ទូតទៅភាគីថៃ និងចេញសេចក្តីថ្លែងការណ៍ រួមទាំងប្រើប្រាស់យន្តការអន្តរជាតិជុំវិញការគំរាមរបស់ភាគីថៃ ដែលប៉ុនប៉ងបិទប្រាសាទតាមាន់ធំដោយឯកតោភាគី បន្ទាប់ពីពលរដ្ឋខ្មែរចូលទៅលេងប្រាសាទនេះកាន់តែច្រើននោះ។

ប្រធានក្រុមប្រឹក្សាឃ្លាំមើលកម្ពុជា លោក ម៉ែន ណាត សរសេរលើគណនីហ្វេសប៊ុករបស់ខ្លួននៅថ្ងៃទី២២ កក្កដា នេះថា ដើម្បីដាក់សម្ពាធទៅកាន់រដ្ឋាភិបាលថៃ រដ្ឋាភិបាលកម្ពុជាត្រូវតែជូនដំណឹងទៅអាស៊ាន (ASEAN) និងស្នើកោះប្រជុំរំឭកកិច្ចព្រមព្រៀងទីក្រុងប៉ារីសឆ្នាំ១៩៩១ ស្ដីពីការការពារបូរណភាពទឹកដី និងអធិបតេយ្យភាពរបស់កម្ពុជា ចំពោះការឈ្លានពានរបស់ថៃ មកលើខ្លួននាពេលនេះ។ ជាងនេះទៀត កម្ពុជាក៏ត្រូវជូនដំណឹងទៅកាន់ក្រុមប្រឹក្សាសន្តិសុខនៃអង្គការសហប្រជាជាតិផងដែរ ស្របពេលដែលខ្លួនកំពុងបន្តយន្តការច្បាប់ប្តឹងថៃ ទៅតុលាការអន្តរជាតិ (ICJ) នោះ។

លោក ម៉ែន ណាត លើកឡើងថា ភាគីថៃ កំពុងដើរតួធ្វើជាម្ចាស់ប្រាសាទតាមាន់ធំ ដោយចាត់ទុកពលរដ្ឋខ្មែរដែលទៅលេងប្រាសាទនេះ គ្រាន់តែជាភ្ញៀវទេសចរ ដែលទង្វើនេះគឺជាភាពគឃ្លើនរបស់ថៃ ក្នុងការឈ្លានពានកម្ពុជា និងចង់បានប្រាសាទរបស់ខ្មែរដោយគ្មានការអៀនខ្មាស។

អ្នកសង្កេតការណ៍រូបនេះ បញ្ជាក់ថា ចំពោះការដែលថៃ បានសាងសង់ផ្លូវនៅក្នុងតំបន់ជម្លោះមុំបី និងជីកលេណដ្ឋានកងទ័ពក្បែរប្រាសាទតាមាន់ធំ គឺជាភស្តុតាងយ៉ាងច្បាស់ពីការរំលោភឈ្លានពានរបស់ថៃ លើទឹកដីកម្ពុជា ដែលទង្វើនេះគឺផ្ទុយទៅនឹងច្បាប់អន្តរជាតិយ៉ាងធ្ងន់ធ្ងរ។

នៅថ្ងៃទី២២ កក្កដា នេះ កាសែតថៃ The Nation បានស្រង់សម្ដីមេបញ្ជាការភូមិភាគ២ របស់ថៃ លោក ប៊ុនស៊ីន ផាតក្លាង (Boonsin Padklang) ដែលបានព្រមានបិទប្រាសាទតាមាន់ធំរយៈពេល ៧ថ្ងៃ ដោយចោទកម្ពុជាថាមិនអាចគ្រប់គ្រងប្រជាពលរដ្ឋខ្មែរដែលទៅលេងប្រាសាទនេះឱ្យបានត្រឹមត្រូវ។

ជាងនេះទៀត នាយករដ្ឋមន្ត្រីស្តីទីរបស់ថៃ លោក ភូមិថាំ វិឆាយ៉ាឆៃ (Phumtham Wechayachai) ក៏បានព្រមានកាលពីថ្ងចន្ទដើមសប្តាហ៍នេះដែរថា ប៉ូលិសថៃ ចំនួនពីរក្រុមដែលបំពាក់ឧបករណ៍បង្ក្រាបកុប្បកម្ម បានដាក់ពង្រាយនៅតាមប្រាសាទតាមាន់ធំរួចជាស្រេច ដើម្បីការពារ និងគ្រប់គ្រងអាកប្បកិរិយាមិនសមរម្យ ដែលអាចកើតមានពីភ្ញៀវទេសចរខ្មែរដែលចូលទៅលេងប្រាសាទនោះ។

ប្រាសាទតាមាន់ធំ គឺជាតំបន់មួយក្នុងចំណោមតំបន់បីផ្សេងទៀត ដូចជា តំបន់មុំបី ប្រាសាទតាមាន់តូច និងប្រាសាទតាក្របី ដែលរដ្ឋាភិបាលកម្ពុជាបានប្រកាសប្តឹងថៃ ទៅកាន់តុលាការអន្តរជាតិ (ICJ) ប៉ុន្តែរហូតដល់ពេលនេះ គេមិនទាន់ឃើញពាក្យបណ្ដឹងដែលរដ្ឋាភិបាលកម្ពុជាបានប្តឹងថៃ នៅឡើយទេ។

ជុំវិញសំណុំរឿងប្តឹងថៃ ទៅកាន់តុលាការអន្តរជាតិពាក់ព័ន្ធនឹងតំបន់ទាំង ៤ នេះ ពលរដ្ឋខ្មែរសង្ស័យថារដ្ឋាភិបាលកម្ពុជាកំពុងកុហកពួកគេ ព្រោះភាគីថៃ នៅតែបន្តឈ្លានពានដោយមិនញញើត ខណៈរដ្ឋាភិបាលខ្មែរមិនមានវិធានការណាមួយទប់ស្កាត់ការឈ្លានពានទាំងនោះឡើយ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន