TAG
វេទិកាពលរដ្ឋ
វេទិកាពលរដ្ឋអំពាវនាវឱ្យអន្តរជាតិដាក់ទណ្ឌកម្មលោក ហ៊ុន សែន ពាក់ព័ន្ធការឃុំខ្លួនលោក កឹម សុខា ក្នុងផ្ទះ
ក្រុមអ្នកតស៊ូមតិនៅក្រៅស្រុកដែលមានឈ្មោះថា វេទិកាពលរដ្ឋ អំពាវនាវឱ្យសហគមន៍អន្តរជាតិដាក់ទណ្ឌកម្មលើមេដឹកនាំបក្សកាន់អំណាច លោក ហ៊ុន សែន និងក្រុមគ្រួសាររបស់គាត់ រួមជាមួយអ្នកពាក់ព័ន្ធផ្សេងទៀតនៅកម្ពុជា ដែលចូលរួមសមគំនិតកាត់ក្តីឲ្យមេដឹកនាំបក្សប្រឆាំងលោក កឹម សុខា មានទោសក្បត់ជាតិទាំងអយុត្តិធម៌កាលពីពេលថ្មីៗនេះ។
វេទិកាពលរដ្ឋបានចេញសេចក្តីថ្លែងការណ៍កាលពីថ្ងៃទី៥ ខែមីនា ឆ្នាំ២០២៣ ថា ការកាត់ក្តីទាំងបំពានលើលោក កឹម សុខា ឲ្យមានទោសក្បត់ជាតិ មិនមែនត្រឹមតែជាការដើរថយក្រោយនៃប្រជាធិបតេយ្យនោះទេ ប៉ុន្តែថែមទាំងធ្វើឲ្យប្រជាធិបតេយ្យនៅកម្ពុជាក្រឡាប់ចាក់ទាំងស្រុងទៅវិញ។
វេទិកាពលរដ្ឋអះអាងថា ដើម្បីស្ដារស្ថានភាពក្រឡាប់ចាក់នេះ សហគមន៍អន្តរជាតិ អង្គការសហប្រជាជាតិ...
អ្នកឃ្លាំមើលបារម្ភថាកម្ចីនិងអំណោយដែលកម្ពុជាទទួលពីចិនគឺជាថ្នូរប្រគល់សម្បត្តិជាតិឱ្យចិនគ្រប់គ្រង
វេទិកាពលរដ្ឋ សម្ដែងការព្រួយបារម្ភថា កម្ចីនិងអំណោយនានាដែលលោក ហ៊ុន សែន ទទួលបានរាប់សែនលានដុល្លារក្នុងអំឡុងដំណើរទស្សនកិច្ចទៅកាន់ប្រទេសចិន កាលពីពេលថ្មីៗនេះ អាចជាថ្នូរនឹងការប្រគល់សម្បត្តិជាតិខ្មែរឲ្យភាគីចិន ដើម្បីទូទាត់បំណុលក្នុងរូបភាពបន្លំជាវិនិយោគ។
សេចក្តីថ្លែងការណ៍របស់វេទិកាពលរដ្ឋដែលចេញផ្សាយកាលពីថ្ងៃទី១៤ កុម្ភៈ ឲ្យដឹងថា ផ្អែកលើស្ថានភាពដុនដាបនៃសេដ្ឋកិច្ចកម្ពុជាសព្វថ្ងៃនេះ ភាគីចិនមិនសង្ឃឹមថារដ្ឋាភិបាលលោក ហ៊ុន សែន មានលទ្ធភាពសងបំណុលឱ្យចិនវិញតាមការកំណត់នោះទេ គឺមានតែខ្ចីថែមទៀតប៉ុណ្ណោះ។
ប្រភពដដែលឲ្យដឹងថា ក្នុងសភាពការណ៍ប្រកួតប្រជែងដ៏តានតឹងរវាងចិន និងអាមេរិក បាននាំឲ្យចិនត្រូវការត្រៀមខ្លួនយ៉ាងហ្មត់ចត់ ជាពិសេសការត្បិតត្បៀតលើប្រព័ន្ធចំណាយហិរញ្ញវត្ថុ ទាំងការព្យាយាមកាត់បន្ថយជាអតិបរមានូវកញ្ចប់ជំនួយ និងកម្ចីរបស់ខ្លួនដល់បណ្ដាសម្ពន្ធមិត្តសព្វថ្ងៃនេះ។
ចាប់ពីឆ្នាំ២០១៩ ដល់ឆ្នាំ២០២២...
វេទិកាពលរដ្ឋជំរុញឱ្យអ្នកនយោបាយនិងពលរដ្ឋទាមទារឱ្យមានការស្ដារលទ្ធិប្រជាធិបតេយ្យឡើងវិញ
ក្រុមអ្នកតស៊ូមតិនៅក្រៅស្រុកជំរុញឱ្យមេដឹកនាំនយោបាយ សង្គមស៊ីវិល សកម្មជនសង្គម និងពលរដ្ឋខ្មែរ នាំគ្នាចេញទាមទារឲ្យមេដឹកនាំខ្មែរ លោក ហ៊ុន សែន ស្ដារលទ្ធិប្រជាធិបតេយ្យឡើងវិញ ស្របពេលដែលប្រមុខរដ្ឋដែលជារដ្ឋហត្ថលេខីនៃកិច្ចព្រមព្រៀងសន្តិភាពទីក្រុងប៉ារីស ឆ្នាំ១៩៩១ មានវត្តមាននៅកម្ពុជាក្នុងកិច្ចប្រជុំកំពូលអាស៊ាន និងអាស៊ានបូក។
ប្រធានវេទិកាពលរដ្ឋ លោក គឹម សុខ បានចេញសេចក្តីថ្លែងការណ៍នៅថ្ងៃទី៧ ខែវិច្ឆិកា ឆ្នាំ២០២២ នេះថា ការចេញមុខបង្ហាញសំឡេងកាន់តែខ្លាំងក្លា និងជំហរទទូចចង់បានលទ្ធិប្រជាធិបតេយ្យនៅពេលនេះ គឺពិតជាមានសារសំខាន់ណាស់ដែលអាចលើកទឹកចិត្តឲ្យមេដឹកនាំរដ្ឋាភិបាល ឬប្រមុខរដ្ឋនៃបស្ចិមប្រទេស...
វេទិកាពលរដ្ឋអំពាវនាវឱ្យលោក ហ៊ុន សែន បោះបង់មនោគមវិជ្ជាពង្វក់ពលរដ្ឋឱ្យស្អប់ខ្ពើមចងអាឃាតគ្នា
វេទិកាពលរដ្ឋអំពាវនាវឲ្យលោក ហ៊ុន សែន បោះបង់មនោគមវិជ្ជាពង្វក់ពលរដ្ឋខ្មែរឲ្យស្អប់ខ្ពើមចងអាឃាតគ្នា ដោយងាកមកបំពេញកាតព្វកិច្ចផ្សះផ្សាបង្រួបបង្រួមជាតិតាមស្មារតីរដ្ឋធម្មនុញ្ញ និងកិច្ចព្រមព្រៀងសន្តិភាពទីក្រុងប៉ារីស ២៣ តុលា ១៩៩១។
សេចក្តីថ្លែងការណ៍របស់វេទិកាពលរដ្ឋ ចេញផ្សាយកាលពីថ្ងៃទី២៣ ខែតុលា ឆ្នាំ២០២២ ឲ្យដឹងថា ក្នុងនាមជាអ្នកដឹកនាំប្រទេស លោក ហ៊ុន សែន មានតួនាទីសំខាន់ក្នុងការនាំមុខបំពេញកាតព្វកិច្ចផ្សះផ្សាបង្រួបបង្រួមជាតិ ដើម្បីបម្រើសេចក្ដីត្រូវការរបស់ប្រជាពលរដ្ឋតាមស្មារតីរដ្ឋធម្មនុញ្ញ និងកិច្ចព្រមព្រៀងសន្តិភាពទីក្រុងប៉ារីស ២៣ តុលា ១៩៩១ ប៉ុន្តែលោក...
វេទិកាពលរដ្ឋជំរុញឲ្យរដ្ឋាភិបាលធ្វើសមាជជាតិចំពោះការកែរដ្ឋធម្មនុញ្ញលើកទី១០
វេទិកាពលរដ្ឋជំរុញរដ្ឋាភិបាលធ្វើសមាជជាតិដើម្បីឲ្យពលរដ្ឋចូលរួមបញ្ចេញមតិចំពោះការកែរដ្ឋធម្មនុញ្ញលើកទី១០ នេះ ជាជាងអញ្ជើញគណបក្សនយោបាយ និងអង្គការសង្គមស៊ីវិលឲ្យទៅស្ដាប់ការបកស្រាយដដែលៗរបស់ក្រសួងយុត្តិធម៌ ដែលនឹងគ្រោងធ្វើនៅរសៀលថ្ងៃទី២ ទី៣ និងទី៤ ខែសីហា ឆ្នាំ២០២២។
ការជំរុញរបស់វេទិកាពលរដ្ឋ ធ្វើឡើងឆ្លើយតបនឹងសេចក្ដីប្រកាសព័ត៌មានរបស់ក្រសួងយុត្តិធម៌ ដែលចេញនៅថ្ងៃទី២៩ ខែកក្កដា ដោយអំពាវនាវទៅគណបក្សនយោបាយ អង្គការសង្គមស៊ីវិលដែលជំទាស់នឹងការធ្វើវិសោធនកម្មរដ្ឋធម្មនុញ្ញលើកទី១០ ឱ្យចូលស្តាប់ការពន្យល់ និងបកស្រាយបំភ្លឺដោយផ្ទាល់បន្ថែមទៀតជុំវិញបញ្ហានេះ នៅដើមខែក្រោយ ដើម្បីជម្រះចោលនូវរាល់កង្វល់ទាំងឡាយ។
ក្នុងសេចក្ដីថ្លែងការណ៍របស់វេទិកាពលរដ្ឋចុះថ្ងៃទី៣០ ខែកក្កដា ឆ្នាំ២០២២ ឲ្យដឹងថា ការធ្វើសមាជជាតិឲ្យពលរដ្ឋខ្មែរទូទៅចូលរួមស្ដាប់ និងមានយោបល់ មានប្រយោជន៍ធំធេងណាស់...
វេទិកាពលរដ្ឋស្នើលោក ហ៊ុន សែន បញ្ឈប់គម្រោងធ្វើវិសោធនកម្មរដ្ឋធម្មនុញ្ញបំណងផ្ទេរអំណាច
វេទិកាពលរដ្ឋស្នើឲ្យលោក ហ៊ុន សែន ប្រធានគណបក្សកាន់អំណាចត្រូវបញ្ឈប់ជាបន្ទាន់នូវគម្រោងធ្វើវិសោធនកម្មរដ្ឋធម្មនុញ្ញ ដោយសារគម្រោងនេះគ្រាន់តែជាការអនុវត្តផែនការផ្ទេរអំណាចឱ្យលោក ហ៊ុន ម៉ាណែត តែប៉ុណ្ណោះ មិនបានបម្រើដល់ផលប្រយោជន៍ជាតិ និងពលរដ្ឋនោះទេ។
ក្នុងសេចក្ដីថ្លែងការណ៍របស់វេទិកាពលរដ្ឋ ចុះថ្ងៃទី១៧ ខែកក្កដា ឆ្នាំ២០២២ ឱ្យដឹងថា ការធ្វើវិសោធនកម្មរដ្ឋធម្មនុញ្ញដែលលោក ហ៊ុន សែន បានស្នើនោះ មិនបានបម្រើផលប្រយោជន៍ពលរដ្ឋឡើយ។ ផ្ទុយទៅវិញ ការកែនេះដើម្បីបំពេញសេចក្ដីត្រូវការអំណាចអ្នកដឹកនាំ និងធ្វើឲ្យជាតិកាន់តែស្មុគស្មាញ។
ជាក់ស្ដែង ការកែមាត្រា១២៥ថ្មី ធ្វើឡើងដើម្បីបើកផ្លូវឲ្យមានការចាត់តាំងនាយករដ្ឋមន្ត្រីថ្មី...
វេទិកាពលរដ្ឋថា គ.ជ.ប បាត់បង់តម្លៃដោយសារឃុបឃិតជាមួយបក្សកាន់អំណាចប្លន់ប្រព័ន្ធបោះឆ្នោត
ប្រធានវេទិកាពលរដ្ឋ លើកឡើងថា គណៈកម្មាធិការជាតិរៀបចំការបោះឆ្នោត (គ.ជ.ប) ធ្វើឱ្យបាត់បង់សេចក្តីថ្លៃថ្នូរ និងតម្លៃជាស្ថាប័នអនុវត្តច្បាប់បោះឆ្នោតដោយខ្លួនឯង ដោយសារតែឃុបឃិតជាមួយបក្សកាន់អំណាចប្លន់ប្រព័ន្ធបោះឆ្នោតនៅកម្ពុជា ដើម្បីបំពេញគោលដៅនយោបាយរបស់លោក ហ៊ុន សែន។
ប្រធានវេទិកាពលរដ្ឋ លោក គឹម សុខ បានចេញសេចក្តីថ្លែងការណ៍របស់ខ្លួនកាលពីថ្ងៃទី១៣ ខែមិថុនា នេះថា ការបាត់បង់សេចក្តីថ្លៃថ្នូររបស់ស្ថាប័នជាតិរៀបចំការបោះឆ្នោតនោះ គឺមកពីមូលហេតុថា ស្ថាប័នថ្នាក់ក្រោមរបស់ គ.ជ.ប បានរំលោភច្បាប់យ៉ាងធ្ងន់ធ្ងរ ដូចជាការបិទទ្វារការិយាល័យរាប់សន្លឹកឆ្នោត និងការមិនបង្ហាញតម្លាភាពដល់ពលរដ្ឋ ជាដើម...
វេទិកាពលរដ្ឋអំពាវនាវសាជាថ្មីឱ្យរដ្ឋាភិបាលដោះលែងលោក អៀ ចាន់ណា ដើម្បីធានានូវសិទ្ធិនយោបាយរបស់ពលរដ្ឋ
ប្រធានវេទិកាពលរដ្ឋ អំពាវនាវសាជាថ្មីទៅរដ្ឋាភិបាលកម្ពុជា ត្រូវតែដោះលែងលោក អៀ ចាន់ណា អនុប្រធានក្រុមការងារគណបក្សភ្លើងទៀនខេត្តតាកែវ ឱ្យមានសិទ្ធិសេរីភាពពេញលេញឡើងវិញ ដើម្បីធានានូវការអនុវត្តតាមបែបប្រជាធិបតេយ្យ និងធានានូវសិទ្ធិនយោបាយរបស់ពលរដ្ឋ។
ប្រធានវេទិកាពលរដ្ឋ លោក គឹម សុខ បានចេញសេចក្តីថ្លែងការណ៍កាលពីថ្ងៃទី២ ខែមិថុនា ឆ្នាំ២០២២ ថា វេទិកាពលរដ្ឋបានតាមដានយ៉ាងយកចិត្តទុកដាក់ចំពោះករណីចាប់ឃុំខ្លួនអនុប្រធានក្រុមការងារគណបក្សភ្លើងទៀនខេត្តតាកែវ លោក អៀ ចាន់ណា។ លោកថា នេះគឺជាចេតនារបស់បក្សកាន់អំណាចមានគោលដៅបំបិទសិទ្ធិ ដើម្បីបំផ្លាញឱកាសនយោបាយរបស់គាត់ក្នុងនាមជាពលរដ្ឋខ្មែរម្នាក់ដែលមិនជាប់ពាក់ព័ន្ធនឹងបទឧក្រិដ្ឋ។
ប្រធានវេទិកាពលរដ្ឋរូបនេះបញ្ជាក់ថា ដើម្បីធានានូវការអនុវត្តតាមបែបប្រជាធិបតេយ្យ...