ហ៊ុន ម៉ាណែត

លោក ប្រាក់ សុខុន បាន​វិលត្រឡប់​មក​កាន់​តំណែង​ជា​រដ្ឋមន្ត្រី​ក្រសួង​ការបរទេស និង​សហប្រតិបត្តិការ​អន្តរជាតិ បន្ទាប់ពី​រដ្ឋសភា​សម្រេច​ជា​ឯកច្ឆន្ទ​នៅ​ថ្ងៃ​ពុធ​នេះ បន្ទាប់ពី​លោក​បាន​ចាកចេញ​ពី​តំណែង​នេះ​អស់​រយៈពេល ១៤​ខែ។ រដ្ឋសភា​កម្ពុជា នៅ​ថ្ងៃទី​២០ ខែ​វិច្ឆិកា នេះ បាន​បើក​កិច្ចប្រជុំ​ពេញអង្គ​របស់​ខ្លួន ដើម្បី​អនុម័ត​ឱ្យ​លោក ប្រាក់ សុខុន មក​ដឹកនាំ​ក្រសួង​ការបរទេស​វិញ ដោយ​សំឡេង​ជា​ឯកច្ឆន្ទ​ទាំង ១១២​សំឡេង។ ចំណែក​លោក សុខ ចិន្តាសោភា ដែល​បាន​ដឹកនាំ​ក្រសួង​នេះ​អស់​រយៈពេល ១៤​ខែ​មក​ហើយ​នោះ ក៏​ត្រូវ​បាន​បញ្ចប់​ត្រឹម​ថ្ងៃ​នេះ​ដែរ ខណៈ​រដ្ឋសភា​ក៏​បាន​អនុម័ត​តែងតាំង​លោក​ឱ្យ​ក្លាយ​ជា​ឧបនាយករដ្ឋមន្ត្រី​ជំនួស​វិញ។ ការ​ផ្លាស់ប្ដូរ​សមាសភាព​សមាជិក​គណៈរដ្ឋមន្ត្រី​នៃ​រដ្ឋាភិបាល​ថ្មី​នេះ...

ចលនា​ខ្មែរ​ដើម្បី​ប្រជាធិបតេយ្យ (KMD) ប្រកាស​ធ្វើ​សមាជ​ប្រជាពលរដ្ឋ​នៅ​សហរដ្ឋ​អាមេរិក នៅ​ដើម​ខែ​ធ្នូ ចុង​ឆ្នាំ​២០២៤ នេះ ស្ដីពី​តំបន់​ត្រីកោណ​អភិវឌ្ឍន៍ (CLV-DTA) និង​កិច្ចព្រមព្រៀង​សន្តិភាព​ទីក្រុង​ប៉ារីស (PPA)។ ចលនា​ខ្មែរ​ដើម្បី​ប្រជាធិបតេយ្យ (Khmer Movement for Democracy) ចេញ​សេចក្តី​ប្រកាស​ព័ត៌មាន​របស់​ខ្លួន​នៅ​ថ្ងៃទី​១៤ វិច្ឆិកា ថា ពិធី​សមាជ​នេះ​នឹង​ធ្វើ​ឡើង​នៅ​ថ្ងៃទី​៨ ខែ​ធ្នូ ឆ្នាំ​២០២៤ នៅ​ទីក្រុង​ឡងប៊ិច សហរដ្ឋ​អាមេរិក ចាប់ពី​ម៉ោង ២​រសៀល...

តំណាងរាស្ត្រ​គណបក្ស​សង្គ្រោះ​ជាតិ អះអាង​ថា បើ​កម្ពុជា​បាត់បង់​កោះ​គុត គឺ​មាន​ន័យ​ថា កម្ពុជា​បាត់បង់​ទឹកដី​ទៅ​ប្រទេស​ថៃ ធំ​ជាង​កម្ពុជា​បាត់បង់​កោះត្រល់​ទៅ​ប្រទេស​វៀតណាម ទៀត។ មន្ត្រី​ជាន់ខ្ពស់​បក្ស​ប្រឆាំង លោក អ៊ុំ សំអាន លើកឡើង​ក្នុង​កម្មវិធី Idea Talk នៃ​សារព័ត៌មាន The Cambodia Daily កាលពី​រាត្រី​ថ្ងៃទី​១៣ វិច្ឆិកា នេះ​ថា កោះត្រល់​ដែល​វៀតណាម បាន​ឈ្លានពាន​គឺ​មាន​ទំហំ ៥៧៤​គីឡូម៉ែត្រ​ការ៉េ ប៉ុន្តែ​បើ​បាត់​កោះ​គុត...

នាយករដ្ឋមន្ត្រី​ខ្មែរ​លោក ហ៊ុន ម៉ាណែត លើកឡើង​ថា គណបក្ស​ប្រជាជន​កម្ពុជា មាន​បំណង​លើក​កម្ពស់​លទ្ធិប្រជាធិបតេយ្យ​និយម​កណ្ដាល ដើម្បី​រួម​គ្នា​ជាមួយ​នឹង​ប្រទេស​ណា និង​គណបក្ស​នយោបាយ​ណា​ដែល​មាន​ផ្នត់គំនិត​ដូច​គ្នា​គាំទ្រ​ពហុភាគី​និយម និង​ភាព​ចម្រុះ​នៅ​ក្នុង​អភិបាលកិច្ច​នយោបាយ។ លោក ហ៊ុន ម៉ាណែត លើកឡើង​ក្នុង​កិច្ចប្រជុំ​គណៈកម្មាធិការ​ប្រតិបត្តិ​អង្គការ​អ្នក​ប្រជាធិបតេយ្យ​និយម​កណ្តាល​អន្តរជាតិ (IDC-CDI) នៅ​ថ្ងៃទី​១៨ វិច្ឆិកា នេះ​ថា កម្ពុជា​ក្នុង​នាម​ជា​ប្រទេស​តូច តែ​ប្រកាន់ខ្ជាប់​នូវ​គោលនយោបាយ​ការបរទេស​ឯករាជ្យ ដោយ​អនុលោម​តាម​ច្បាប់​អន្តរជាតិ ដើម្បី​រួម​ចំណែក​ដល់​សន្តិភាព​នៅ​ទូទាំង​តំបន់។ លោក ហ៊ុន ម៉ាណែត លើកឡើង​ថា ក្នុង​នាម​គណបក្ស​ប្រជាជន​កម្ពុជា​ជា​អនុប្រធាន​អង្គការ​អ្នក​ប្រជាធិបតេយ្យ​និយម​កណ្តាល​អន្តរជាតិ...

មន្ត្រី​ជាន់ខ្ពស់​បក្ស​ប្រឆាំង អំពាវនាវ​ឱ្យ​ពលរដ្ឋ​ខ្មែរ​យក​គំរូ​តាម​ពលរដ្ឋ​ថៃ ទាមទារ​ឱ្យ​នាយករដ្ឋមន្ត្រី​របស់​ខ្លួន គឺ​លោក ហ៊ុន ម៉ាណែត ប្ដឹង​ទៅ​តុលាការ​អាជ្ញាកណ្ដាល​អន្តរជាតិ​ទីក្រុង​ឡាអេ ទាមទារ​យក​ទឹកដី ២​ភាគ​៣ នៃ​កោះ​គុត មក​គ្រប់គ្រង​ជា​កម្មសិទ្ធិ​របស់​ខ្មែរ​វិញ។ តំណាងរាស្ត្រ​គណបក្ស​សង្គ្រោះ​ជាតិ លោក អ៊ុំ សំអាន សរសេរ​លើ​ទំព័រ​ហ្វេសប៊ុក​របស់​ខ្លួន​កាលពី​ថ្ងៃទី​១០ វិច្ឆិកា នេះ​ថា បើ​យោង​តាម​គេហទំព័រ Siam នៅ​ថៃ ដែល​បាន​ចុះផ្សាយ​អំពី​កោះ​គុត បញ្ជាក់​ថា កោះ​នេះ​ត្រូវ​បាន​ថៃ កាន់កាប់​ជា​កម្មសិទ្ធិ​ផ្ដាច់មុខ​ទាំងស្រុង​ទៅ​ហើយ។ មន្ត្រី​បក្ស​ប្រឆាំង​រូប​នេះ​លើកឡើង​ថា...

នាយករដ្ឋមន្ត្រី ហ៊ុន ម៉ាណែត ចាត់ទុក​ការ​បង្កើត «ចលនា​ជាតិ​តស៊ូ» ខាង​អតីត​មេដឹកនាំ​បក្ស​ប្រឆាំង​លោក សម រង្ស៊ី ជា​ល្បិច​បង្កើត​ព្រឹត្តិការណ៍​ដើម្បី​ទប់ស្កាត់​សមាជិក​របស់​ខ្លួន​កុំ​ឱ្យ​ចុះចូល​ជាមួយ​បក្ស​ប្រជាជន​កម្ពុជា ហើយ​ក៏​អាច​ជា​ល្បិច​ដើម្បី​ប្រមូល​លុយ​ពី​អ្នក​ចូលរួម​ផង​ដែរ។ លោក ហ៊ុន ម៉ាណែត លើកឡើង​ក្នុង​ពិធី​សម្ពោធ «វិថី​តេជោ​សន្តិភាព​ឆ្នេរ​អង្កោល» ស្ថិត​ក្នុង​ខេត្ត​កែប នៅ​ថ្ងៃទី​១១ ខែ​វិច្ឆិកា ឆ្នាំ​២០២៤ នេះ​ថា ការ​ប្រកាស​បង្កើត​ចលនា​តស៊ូ​ក្រៅ​ប្រទេស គ្រាន់តែ​ជា​ការ​បង្កើត​ព្រឹត្តិការណ៍​ទាក់ទាញ​ចំណាប់អារម្មណ៍​តែប៉ុណ្ណោះ ខណៈ​ដែល​មនុស្ស​ធ្លាប់​គាំទ្រ​ស្ម័គ្រស្មោះ​នឹង​ក្រុម​ប្រឆាំង កំពុង​អស់​ជំនឿ ហើយ​ចុះចូល​ជាមួយ​បក្ស​កាន់​អំណាច​កាន់តែ​ច្រើន​ឡើងៗ​ទៅ​ហើយ​នោះ។ លោក...

តំណាងរាស្ត្រ​បក្ស​ប្រឆាំង​ថា​បើ​រាជរដ្ឋាភិបាល​ប្រទេស​កម្ពុជា​ហ៊ាន​ប្រគល់​កោះ​គុត ទៅ​ឱ្យ​ប្រទេស​ថៃ ទាំងស្រុង​ដូច​នាយករដ្ឋមន្ត្រី​ថៃ អះអាង​មែន​នោះ គឺ​បញ្ជាក់​យ៉ាង​ច្បាស់​ថា​ត្រកូល​ហ៊ុន​ជា​ជន​ក្បត់​ជាតិ​ខ្មែរ។ មន្ត្រី​ជាន់ខ្ពស់​បក្ស​ប្រឆាំង លោក អ៊ុំ សំអាន សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​៧ វិច្ឆិកា នេះ​ថា មាន​ភស្តុតាង​ច្រើន​ណាស់​ដែល​បញ្ជាក់​ថា ២​ភាគ​៣ នៃ​ទឹកដី​កោះ​គុត គឺជា​របស់​ខ្មែរ។ លោក​ថា ការពិត​ជាក់ស្តែង សន្ធិសញ្ញា​បារាំង-សៀម ចុះ​ថ្ងៃទី​២៣ ខែ​មីនា ឆ្នាំ​១៩០៧ ចែង​ថា «ព្រំប្រទល់​រវាង​ប្រទេស​ឥណ្ឌូចិន​បារាំង​សែស និង​ប្រទេស​សៀម...

អ្នក​ឃ្លាំមើល​និយាយ​ថា បើ​កម្ពុជា​ធូររលុង​ក្នុង​ការ​អនុវត្ត​ច្បាប់​លើ​មន្ត្រី​របស់​ខ្លួន​ក្នុង​ការ​រៀបចំ​បក្ខពួក​ក្នុង​ប្រព័ន្ធ​ដឹកនាំ​រដ្ឋ ទោះ​ដក​អ្នក​ចាស់​តែងតាំង​អ្នក​ថ្មី ក៏​នៅតែ​កើតមាន​អំពើពុករលួយ​ដដែល។ អ្នក​ប្រឹក្សា​យោបល់​ផ្នែក​អភិវឌ្ឍន៍​ផ្នត់គំនិត និង​ការ​ស្រាវជ្រាវ លោក សេក សុជាតិ ប្រាប់​សារព័ត៌មាន The Cambodia Daily នៅ​ថ្ងៃទី​៥ វិច្ឆិកា នេះ​ថា ដើម្បី​ឱ្យ​ក្លាយ​ទៅ​ជា​រដ្ឋាភិបាល​មួយ​ដែល​មាន​សុខភាព​ល្អ ហើយ​ដឹកនាំ​ប្រទេស​រីកចម្រើន​ជឿនលឿន​ឆាប់​រហ័ស ទាល់តែ​រដ្ឋាភិបាល​នោះ​ហ៊ាន​វះកាត់​សាច់​ស្អុយ​របស់​ខ្លួន​ចោល។ លោក​បន្ត​ថា រដ្ឋាភិបាល​ត្រូវតែ​ស្រាវជ្រាវ​រក​អ្នក​ប្រព្រឹត្ត និង​អ្នក​ពាក់ព័ន្ធ​ទាំងអស់​យក​មក​ទទួល​ខុសត្រូវ​ចំពោះ​មុខ​ច្បាប់ នោះ​ទើប​អាច​ធានា​ថា​អំពើពុករលួយ​ត្រូវ​បាន​បោស​សម្អាត។ ផ្ទុយទៅវិញ បើ​អនុវត្ត​ដោយ​ភាព​លម្អៀង នោះ​អំពើពុករលួយ​ក៏​នៅតែ​កើតមាន...

ប្រធាន​កាកបាទ​ក្រហម​កម្ពុជា អ្នកស្រី ប៊ុន រ៉ានី ហ៊ុន សែន ថ្លែង​អំណរគុណ​ដល់​រដ្ឋាភិបាល​វៀតណាម ដោយ​អះអាង​ថា​បាន​បង្ក​ភាព​ងាយស្រួល​ដល់​ពលរដ្ឋ​ខ្មែរក្រោម​ក្នុង​ការ​រស់នៅ គោរព​ប្រតិបត្តិ​សាសនា វប្បធម៌​ប្រពៃណី ទំនៀមទម្លាប់​ខ្មែរ​រហូត​មក និង​រាប់​ជំនាន់​ទៅ​មុខ​ទៀត ដើម្បី​រួម​ចំណែក​ក្នុង​ការ​ថែរក្សា​បេតិកភណ្ឌ​មនុស្ស​ជាតិ។ អ្នកស្រី ប៊ុន រ៉ានី បាន​លើកឡើង​ក្នុង​ពិធី​អង្គ​កឋិនទាន​មហា​សាមគ្គី​គ្រួសារ​ខ្មែរ នៅ​វត្ត​ពោធិគិរីវង្សារាម ខេត្ត​ត្រាវិញ សាធារណរដ្ឋ​សង្គម​និយម​វៀតណាម កាលពី​ថ្ងៃទី​០៤ ខែ​វិច្ឆិកា ដោយ​វាយតម្លៃ​ខ្ពស់​ចំពោះ​ពលរដ្ឋ​ខ្មែរក្រោម​ដែល​បាន​បន្ត​ថែរក្សា​បាន​នូវ​វប្បធម៌​ប្រពៃណី​ខ្មែរ​ត​ជំនាន់​កន្លង​មក។ អ្នកស្រី​បញ្ជាក់​ថា អង្គ​កឋិនទាន​នេះ​គឺជា​អង្គ​កឋិនទាន​ជា​ប្រវត្តិសាស្ត្រ​មួយ​ដែល​ប្រព្រឹត្ត​ទៅ​ដើម្បី​ភាតរភាព មិត្តភាព...

តំណាងរាស្ត្រ​គណបក្ស​សង្គ្រោះ​ជាតិ ជំរុញ​ឱ្យ​រដ្ឋាភិបាល​កម្ពុជា​ប្តឹង​ទៅ​តុលាការ​អាជ្ញាកណ្ដាល​អន្តរជាតិ (Permanent Court of Arbitration = PCA) នៅ​ទីក្រុង​ឡាអេ ទាមទារ​ទឹកដី​ខ្មែរ​ដែល​កំពុង​ស្ថិត​នៅ​ក្នុង​តំបន់​ត្រួត​ស៊ី​គ្នា​ជាមួយ​ប្រទេស​ថៃ យក​មក​គ្រប់គ្រង​វិញ។ លោក អ៊ុំ សំអាន បាន​សរសេរ​លើ​ទំព័រ​ហ្វេសប៊ុក​របស់​លោក​នៅ​ថ្ងៃទី​៤ វិច្ឆិកា នេះ​ថា កម្ពុជា​ត្រូវតែ​ប្រើប្រាស់​សន្ធិសញ្ញា​បារាំង-សៀម ឆ្នាំ​១៩០៧ និង​អនុសញ្ញា​អង្គការ​សហប្រជាជាតិ​ស្ដីពី​ច្បាប់​សមុទ្រ (UNCLOS) ឆ្នាំ​១៩៨២ ដើម្បី​ទាមទារ​យក​ដែនដី ២​ភាគ​៣ នៃ​កោះ​គុត...