មន្ត្រីបក្សជំទាស់ជំរុញលោក ហ៊ុន ម៉ាណែត ត្រូវប្តឹងទៅតុលាការអន្តរជាតិរឿងកោះគុតជាមួយថៃ

មន្ត្រីជាន់ខ្ពស់បក្សប្រឆាំង អំពាវនាវឱ្យពលរដ្ឋខ្មែរយកគំរូតាមពលរដ្ឋថៃ ទាមទារឱ្យនាយករដ្ឋមន្ត្រីរបស់ខ្លួន គឺលោក ហ៊ុន ម៉ាណែត ប្ដឹងទៅតុលាការអាជ្ញាកណ្ដាលអន្តរជាតិទីក្រុងឡាអេ ទាមទារយកទឹកដី ២ភាគ៣ នៃកោះគុត មកគ្រប់គ្រងជាកម្មសិទ្ធិរបស់ខ្មែរវិញ។

តំណាងរាស្ត្រគណបក្សសង្គ្រោះជាតិ លោក អ៊ុំ សំអាន សរសេរលើទំព័រហ្វេសប៊ុករបស់ខ្លួនកាលពីថ្ងៃទី១០ វិច្ឆិកា នេះថា បើយោងតាមគេហទំព័រ Siam នៅថៃ ដែលបានចុះផ្សាយអំពីកោះគុត បញ្ជាក់ថា កោះនេះត្រូវបានថៃ កាន់កាប់ជាកម្មសិទ្ធិផ្ដាច់មុខទាំងស្រុងទៅហើយ។

មន្ត្រីបក្សប្រឆាំងរូបនេះលើកឡើងថា ពលរដ្ឋខ្មែរត្រូវដាក់សម្ពាធលើលោក ហ៊ុន ម៉ាណែត ឱ្យប្តឹងទៅតុលាការអចិន្ត្រៃយ៍មជ្ឈត្តវិនិច្ឆ័យ ឬតុលាការអាជ្ញាកណ្ដាលអន្តរជាតិ (PCA) ទាមទារយកទឹកដីរបស់ខ្លួននៅកោះគុត ត្រឡប់មកវិញ ដូចដែលពលរដ្ឋថៃ កំពុងទាមទារឱ្យនាយករដ្ឋមន្ត្រីថៃ ការពារកោះគុត កុំប្រគល់មកប្រទេសកម្ពុជាវិញដូច្នោះដែរ។

លោក អ៊ុំ សំអាន ព្រមានថា ការសហការរកស៊ីរួមគ្នារវាងកម្ពុជា និងថៃ ក្នុងដែនសមុទ្រត្រួតស៊ីគ្នាអំពីប្រេង និងឧស្ម័ន នឹងនាំឱ្យកម្ពុជាបាត់បង់កោះគុត និងដែនសមុទ្រខ្មែរទៅប្រទេសថៃ បើកម្ពុជាមិនបានកំណត់ព្រំដែនសមុទ្រជាមួយថៃ មុននឹងធ្វើការសហការរកស៊ីនេះទេនោះ។

កាលពីដើមខែវិច្ឆិកា ឆ្នាំ២០២៤ នាយករដ្ឋមន្ត្រីថៃ អ្នកស្រី ផែថងថាន ស៊ីណាវ៉ាត់ បានអះអាងទៅកាន់ប្រជាពលរដ្ឋថៃ ថា គ្មានការសង្ស័យទេ កោះគុតជាទឹកដីអធិបតេយ្យរបស់ថៃ ផ្ដាច់មុខទៅហើយ។

ទាក់ទិននឹងបញ្ហានេះ គេហទំព័រ Thailandblog របស់ថៃ បានចុះផ្សាយកាលពីពេលកន្លងទៅថា កោះគុត ជាកោះធំជាងគេទី៤ របស់ប្រទេសថៃ ហើយក៏ជាកោះដ៏ស្រស់ស្អាតបំផុតរបស់ប្រទេសថៃ ដែរ។

កោះគុត មានប្រវែងបណ្តោយប្រមាណជា ២៣គីឡូម៉ែត្រ និងទទឹងប្រវែងប្រមាណជា ៩គីឡូម៉ែត្រ ដែលលាតសន្ធឹងលើផ្ទៃក្រឡាសរុបប្រមាណជា ១០៥គីឡូម៉ែត្រការ៉េ។

យោងតាមសន្ធិសញ្ញាបារាំង-សៀមឆ្នាំ១៩០៧ គេបានកំណត់ថា ប្រទេសកម្ពុជាត្រូវទទួលបានទឹកដី ២/៣ នៃកោះគុត ចំណែកឯប្រទេសថៃ ទទួលបានតែ ១/៣ប៉ុណ្ណោះ ព្រោះព្រំដែនសមុទ្រខ្មែរត្រូវគិតចាប់ពីចំណុចកំពូលភ្នំខ្ពស់បំផុតនៃកោះគុត ឆ្ពោះមកចំណុចរួមលើគោកនៅតំបន់ចាំយាម ស្រុកមណ្ឌលសីមា នៃខេត្តកោះកុង។

ចាប់តាំងពីនាយករដ្ឋមន្ត្រីថៃ ប្រកាសថា កោះគុតជាកម្មសិទ្ធិរបស់ថៃ មក គេនៅមិនទាន់ឃើញនាយករដ្ឋមន្ត្រីខ្មែរ លោក ហ៊ុន ម៉ាណែត ធ្វើការស្រាយបំភ្លឺជុំវិញបញ្ហានេះនៅឡើយទេ ខណៈសារព័ត៌មាន The Cambodia Daily ក៏នៅមិនទាន់អាចទាក់ទងអ្នកនាំពាក្យរាជរដ្ឋាភិបាល លោក ប៉ែន បូណា សុំការបំភ្លឺជុំវិញបញ្ហានេះបាននៅឡើយដែររហូតដល់ពេលនេះ៕

មន្ត្រីបក្សជំទាស់ជំរុញលោក ហ៊ុន ម៉ាណែត ត្រូវប្តឹងទៅតុលាការអន្តរជាតិរឿងកោះគុតជាមួយថៃ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

នាយករដ្ឋមន្រ្តីខ្មែរ សម្ពោធថ្នល់ជាតិលេខ៧ ប្រើថវិកាចិន ក្នុងគម្រោង ខ្សែក្រវាត់និងផ្លូវ

ពលរដ្ឋថៃជិត ៣០០០នាក់ ចូលទស្សនាប្រាសាទតាក្របី និងភ្នំ៣៥០ មុនការបិទជាបណ្តោះអាសន្ន

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

មន្ត្រី​បក្ស​ជំទាស់​ជំរុញ​លោក ហ៊ុន ម៉ាណែត ត្រូវ​ប្តឹង​ទៅ​តុលាការ​អន្តរជាតិ​រឿង​កោះ​គុត​ជាមួយ​ថៃ

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

មន្ត្រីបក្សជំទាស់ជំរុញលោក ហ៊ុន ម៉ាណែត ត្រូវប្តឹងទៅតុលាការអន្តរជាតិរឿងកោះគុតជាមួយថៃ