TAG
ហ្វីលីពីន
មេដឹកនាំថ្មីហ្វីលីពីនមិនត្រូវចិនទិញឧត្តមគតិបានដូចលោក ឌូទើតេ និងមេដឹកនាំអាស៊ានខ្លះនោះទេ
បុរសម្នាក់ដែលទើបឡើងកាន់តំណែងជាប្រធានាធិបតីហ្វីលីពីន កាលពីខែមិថុនា ឆ្នាំ២០២២ បានថ្លែងប្រាប់ពិភពលោកថា លោកខ្វល់ជាខ្លាំងអំពីមហិច្ឆតារបស់ចិន ដែលនៅតែបំពាន់ដែនទឹករបស់ហ្វីលីពីន នៅសមុទ្រចិនខាងត្បូង ដែលលោកថាចិនមិនបានបោះបង់ចោលគំនិត និងសកម្មភាពអនុត្តរភាពនោះទេ។
លោក Ferdinand Marcos Jr បានថ្លែងវាយប្រហារចិនដូចនេះនៅឯវេទិកាសេដ្ឋកិច្ចពិភពលោកក្នុងទីក្រុងដាវ៉ូស ប្រទេសស្វីស កាលពីថ្ងៃពុធ ក្នុងសប្ដាហ៍នេះ។ តែយ៉ាងណា លោកមានជំនឿថា នឹងមិនមានដំណោះស្រាយដោយកម្លាំងទ័ពនោះទេនូវភាពតានតឹងរវាងចិន និងហ្វីលីពីន ក្នុងករណីជម្លោះដែនទឹកនៅសមុទ្រចិនខាងត្បូង។ លោកថ្លែងបន្តថា ដោយសារតែរឿងនេះនាំឱ្យលោកខ្វល់ខ្វាយជាខ្លាំង។
តាមការធ្វើសេចក្ដីរាយការណ៍របស់សារព័ត៌មានជប៉ុន Nikkei...
តើប្រធានាធិបតីហ្វីលីពីនអាចត្រូវចិនទិញឧត្តមគតិបានដូចលោក ឌូទើតេ ដែរឬទេ?
ប្រធានាធិបតីហ្វីលីពីន Ferdinand Marcos Jr. បានទៅដល់ក្រុងប៉េកាំងហើយនៅថ្ងៃអង្គារ ទី៣ ខែមករា ឆ្នាំ២០២៣ នេះ ដែលលោកត្រូវជួបសមភាគីចិន លោកប្រធានាធិបតី ស៊ី ជីនពីង។
បើតាមសារព័ត៌មានចិន CGTN លោក Marcos Jr. នឹងវិលមកប្រទេសហ្វីលីពីន វិញនៅថ្ងៃព្រហស្បតិ៍ ទី៥ មករា។ នេះជាលើកដំបូងហើយដែលមេដឹកនាំហ្វីលីពីនរូបនេះទៅធ្វើទស្សនកិច្ចនៅក្រុងប៉េកាំង បន្ទាប់ពីលោកចូលកាន់តំណែងនៅថ្ងៃទី៣០ ខែមិថុនា...
អាមេរិកថាចិនពុំមែនជាអ្នកគោរពសណ្ដាប់ធ្នាប់ពិភពលោកអ្វីទេ ព្រោះដើរតែឈ្លានពានប្រទេសទន់ខ្សោយ
សហរដ្ឋអាមេរិកប្រាប់ចិនឱ្យគោរពសេចក្ដីសម្រេចរបស់តុលាការអន្តរជាតិ ដែលសម្រេចឱ្យហ្វីលីពីនឈ្នះក្ដីលើជម្លោះដែនសមុទ្រនៅសមុទ្រចិនខាងត្បូង បើចិនតាំងខ្លួនថាជាអ្នកពង្រឹងសណ្ដាប់ធ្នាប់ពិភពលោក។
ការថ្លែងរបស់លោក Antony Blinken ជាការឆ្លើយតបចំពោះលោករដ្ឋមន្ត្រីការបរទេសចិន វ៉ាង យី ដែលបានព្យាយាមប្រដៅប្រមុខការទូតអាមេរិករូបនេះនៅក្នុងជំនួបមួយនៅក្រៅកិច្ចប្រជុំថ្នាក់រដ្ឋមន្ត្រីការបរទេសនៃប្រទេសសេដ្ឋកិច្ច G-20 ដែលបានធ្វើឡើងកាលពីថ្ងៃទី៨ កក្កដា នៅកោះបាលី ប្រទេសឥណ្ឌូនេស៊ី។ តែការថ្លែងរបស់លោក Blinken ដែលត្រូវបានបណ្ដាញផ្សាយព័ត៌មានអាល្លឺម៉ង់ DW បានចុះផ្សាយនៅថ្ងៃទី១៣ កក្កដា ដោយបានស្រង់ចេញពីសេចក្ដីថ្លែងការណ៍នៃស្ថានទូតអាមេរិកប្រចាំនៅប្រទេសហ្វីលីពីន។
តាមរយៈសេចក្ដីថ្លែងការណ៍នេះ លោករដ្ឋមន្ត្រីការបរទេសអាមេរិក Blinken បានប្រាប់ទៅទីក្រុងប៉េកាំង...
មេដឹកនាំថ្មីហ្វីលីពីនបន្តប្រាប់ចិនថាលោកចង់ឱ្យចំណងទាក់ទងល្អជាជាងបង្កជម្លោះ
ប្រធានាធិបតីថ្មីនៃសាធារណរដ្ឋហ្វីលីពីន គឺលោក Ferdinand Marcos Jr ហៅ Bongbong បានរំឭកទៅកាន់ទីក្រុងប៉េកាំង ថា ក្នុងរដ្ឋការរបស់លោក ៦ឆ្នាំទៅមុខនេះ គឺលោកចង់ឃើញហ្វីលីពីន និងចិន មានទំនាក់ទំនងល្អ ជាជាងបង្កភាពតានតឹង និងជម្លោះដាក់គ្នា។
លោក Bongbong ដែលទើបបានចូលកាន់តំណែងកាលពីថ្ងៃទី៣០ ខែមិថុនា គឺលោកបានថ្លែងដូចនេះនៅក្នុងសន្និសីទសារព័ត៌មានមួយនៅទីក្រុងម៉ានីល នៅថ្ងៃទី៥ កក្កដា។ ការថ្លែងរបស់ប្រធានាធិបតីហ្វីលីពីនថ្មីរូបនេះ ធ្វើឡើងនៅមុនទស្សនកិច្ចរបស់រដ្ឋមន្ត្រីការបរទេសចិន...
កូនប្រុសអតីតជនផ្ដាច់ការហ្វីលីពីនស្បថចូលកាន់តំណែងដោយសច្ចាការពារទឹកដីនិងឯកភាពជាតិ
៣៦ឆ្នាំបានកន្លងផុតទៅ តែថ្ងៃនេះ គឺជាថ្ងៃទី៣០ ខែមិថុនា ការលេចមកវិញ គឺកូនប្រុសម្នាក់របស់អតីតជនផ្ដាច់ការនៃសាធារណរដ្ឋហ្វីលីពីន លោក Ferdinand Marcos ដែលបុរសម្នាក់នេះមានឈ្មោះថា Ferdinand Marcos Jr ឬហៅថា Bongbong Marcos បានស្បថចូលកាន់តំណែងប្រធានាធិបតីរបស់ប្រទេសអាស៊ីអាគ្នេយ៍មួយនេះ។
នៅក្នុងពិធីស្បថចូលកាន់តំណែងនេះ មានការដាក់ពង្រាយកងប៉ូលិសដល់ទៅ ១ម៉ឺន ៥ពាន់នាក់នៅទូទាំងរដ្ឋធានីម៉ានីល។ សេចក្ដីថ្លែងការណ៍ដែលធ្វើឲ្យអ្នកសង្កេតការណ៍ចាប់អារម្មណ៍ជាខ្លាំង គឺលោក Bongbong បានបន្តរំឭកកេរ្តិ៍ដំណែលរបស់ឪពុកលោក...
មេដឹកនាំថ្មីហ្វីលីពីនថាលោកមិនមែនជាមិត្តផងជាអាយ៉ងផងរបស់ចិនទេ និងប្រាប់ចិនឱ្យបញ្ឈប់ការឈ្លានពាន
ប្រធានាធិបតីថ្មីហ្វីលីពីន ដែលចិនគិតថាអាចក្លាយជាអាយ៉ងរបស់ខ្លួន បានថ្លែងប្រាប់ក្រុងប៉េកាំង ថា លោកមិនបណ្តោយឲ្យចិនជាន់ឈ្លីសិទ្ធិ និងបំពានដែនទឹកហ្វីលីពីននៅសមុទ្រចិនខាងត្បូងបានទៀតឡើយ។
នេះជាសារមួយដ៏ធ្ងន់របស់លោក Ferdinand Marcos Jr. អនាគតប្រធានាធិបតីថ្មីនៃសាធារណរដ្ឋហ្វលីពីន ដែលប្រាប់ទៅទីក្រុងប៉េកាំង ខណៈលោកថ្លែងក្នុងបទសម្ភាសន៍ជាមួយសារព័ត៌មានក្នុងស្រុករបស់ប្រទេសនេះកាលពីថ្ងៃព្រហស្បតិ៍ ទី២៦ ឧសភា។
កាលពីថ្ងៃពុធ ទី២៥ ឧសភា សភានៃប្រទេសហ្វីលីពីន បានអនុម័តទទួលស្គាល់ជាផ្លូវការថា លោក Ferdinand Marcos Jr. បានទទួលជ័យជម្នះនៅក្នុងការបោះឆ្នោតប្រធានាធិបតីកាលពីថ្ងៃទី៩ ខែឧសភា...
បទវិភាគ៖ មេដឹកនាំថ្មីមួយនៅអាស៊ីដែលចិនគិតថាក្លាយជាមិត្តផងជាអាយ៉ងរបស់ខ្លួនផង ទំនងមិនដូចបំណងទេ
នៅក្នុងរយៈពេលតែ ២ខែប៉ុណ្ណោះ តំបន់អាស៊ីប៉ាស៊ីហ្វិកមានមេដឹកនាំថ្មីដល់ទៅ ៥រូប។ ប្រទេសដែលមានមេដឹកនាំថ្មី គេអាចរាប់ពីប្រទេសប៉ាគីស្ថាន ប្រទេសស្រីលង្កា កូរ៉េខាងត្បូង អូស្ត្រាលី និងហ្វីលីពីន។ ប៉ុន្តែក្នុងចំណោមមេដឹកនាំ ៥ប្រទេសនេះ គឺមេដឹកនាំប្រទេសប៉ាគីស្ថាន និងស្រីលង្កា ដែលនៅភូមិភាគអាស៊ីខាងត្បូង ពុំបានឆ្លងកាត់ការបោះឆ្នោតចេញពីឆន្ទៈរបស់ប្រជាជននោះទេ។
លោក Shehbaz Sharif ត្រូវបានសភារបស់ប្រទេសប៉ាគីស្ថាន បោះឆ្នោតទុកចិត្តដំឡើងជានាយករដ្ឋមន្ត្រីជំនួសលោក Imran Khan ដែលត្រូវបានសភាទម្លាក់ពីតំណែង។ លោក...
កូនប្រុសអតីតជនផ្ដាច់ការឈ្នះឆ្នោតនៅក្នុងការបោះឆ្នោតប្រធានាធិបតីហ្វីលីពីន
ការបោះឆ្នោតនៅប្រទេសហ្វីលីពីន ដែលមានទាំងការបោះឆ្នោតប្រធានាធិបតី អនុប្រធានាធិបតី សមាជិកព្រឹទ្ធសភា សមាជិកសភា និងអភិបាលខេត្តក្រុងនៅទូទាំងប្រទេស បានបិទបញ្ចប់ហើយ។
ការបោះឆ្នោតបានប្រព្រឹត្តទៅកាលពីថ្ងៃទី៩ ខែឧសភា ដោយប្រើពេលវេលាសឹងពេញមួយថ្ងៃ។ អ្វីជាការចាប់អារម្មណ៍ខ្លាំងការបោះឆ្នោតសម្រាប់ជ្រើសរើសតំណែងប្រធានាធិបតីថ្មីជំនួសលោក Rodrigo Duterte ដែលត្រូវចាកចេញពីតំណែងនៅក្រោមអាណត្តិរដ្ឋធម្មនុញ្ញដែលផ្ដល់ឱកាសឱ្យអ្នកនយោបាយហ្វីលីពីន កាន់អំណាចបានតែ ៦ឆ្នាំក្នុងមួយអាណត្តិតែប៉ុណ្ណោះ។
បណ្ដាញផ្សាយព័ត៌មាន BBC បានចុះផ្សាយថា បេក្ខជនសម្រាប់តំណែងប្រធានាធិបតីមាន ១០រូប ប៉ុន្តែមានតែ ៥រូបប៉ុណ្ណោះដែលលេចធ្លោជាងគេ។ ទោះជាបែបនេះក្តី ដល់ថ្ងៃលទ្ធផលបោះឆ្នោត គឺមានតែបេក្ខជន...
ការស្ទង់មតិ៖ កូនប្រុសអតីតជនផ្ដាច់ការហ្វីលីពីនអាចឈ្នះការបោះឆ្នោតនាពេលខាងមុខ
ហ្វីលីពីន គឺជាប្រទេសមួយស្ថិតក្នុងតំបន់អាស៊ីអាគ្នេយ៍។ ប្រទេសដីកោះមួយនេះប្រកាន់យករបបប្រជាធិបតេយ្យបែបសាធារណរដ្ឋ ហើយការបោះឆ្នោតប្រហាក់ប្រហែលទៅនឹងសហរដ្ឋអាមេរិក។
នៅថ្ងៃទី៩ ខែឧសភា ប៉ុន្មានសប្ដាហ៍ទៀតនេះ សាធារណរដ្ឋហ្វីលីពីន នឹងមានការបោះឆ្នោតប្រធានាធិបតីផង អនុប្រធានាធិបតីផង ហើយក៏មានការបោះឆ្នោតជ្រើសរើសសមាជិកព្រឹទ្ធសភា និងសមាជិកសភាផងដែរ។ ប៉ុន្តែមានតែការបោះឆ្នោតប្រធានាធិបតីមួយគត់ត្រូវបានកំណត់ថាជាការបោះឆ្នោតឆ្លងកាត់ដំណាក់កាល ៦ឆ្នាំម្ដងតាមការកំណត់ដែលមានចែងក្នុងរដ្ឋធម្មនុញ្ញរបស់ប្រទេសនេះ។
យោងតាមរដ្ឋធម្មនុញ្ញរបស់សាធារណរដ្ឋហ្វីលីពីន ប្រធានាធិបតីកាន់អំណាចបានតែ ៦ឆ្នាំប៉ុណ្ណោះ គឺមួយអាណត្តិ។ រដ្ឋធម្មនុញ្ញរបស់ប្រទេសនេះមិនបានបើកផ្លូវឲ្យធ្វើការរុះរើអាណត្តិប្រធានាធិបតីបានឡើយ ទោះជាប្រធានាធិបតីរូបនោះមានអំណាចនីតិប្រតិបត្តិខ្លាំងយ៉ាងណាក៏ដោយ។
ប្រធានាធិបតីបច្ចុប្បន្ន គឺលោក រ៉ូឌ្រីហ្គោ ឌូទើតេ។ បុរសខ្លាំងរូបនេះប៉ុនប៉ងរុះរើរដ្ឋធម្មនុញ្ញ តែទៅពុំរួចនោះទេ ព្រោះតែព្រឹទ្ធសភា...
បេក្ខជន២រូបមានការគាំទ្រច្រើនជាងគេក្នុងការបោះឆ្នោតប្រធានាធិបតីហ្វីលីពីនពេលខាងមុខ
ហ្វីលីពីន ដែលជាប្រទេសប្រកាន់របបប្រជាធិបតេយ្យសេរីនិយម កំពុងបោះពួយទៅរកធ្វើការបោះឆ្នោតជាតិនាពេលខាងមុខនេះ។ ការបោះឆ្នោតនៅក្នុងប្រទេសមួយនេះមានលំនាំប្រហាក់ប្រហែលការបោះឆ្នោតប្រធានាធិបតីនៅសហរដ្ឋអាមេរិកដែរ។
នៅថ្ងៃទី៩ ខែឧសភា ខាងមុខ គឺជាព្រឹត្តិការណ៍នៃការបោះឆ្នោតប្រធានាធិបតីរបស់ប្រទេសអាស៊ីអាគ្នេយ៍មួយនេះ។ ប្រព័ន្ធបោះឆ្នោតនៅក្នុងប្រទេសនេះមានភាពចម្រុះ គឺសន្លឹកឆ្នោតប្រធានាធិបតី និងសន្លឹកឆ្នោតអនុប្រធានាធិបតីដាច់ដោយឡែកពីគ្នា។ ចំណែកឯការបោះឆ្នោតនៅថ្ងៃនោះដែរ ក៏មានការបោះឆ្នោតជ្រើសតាំងសមាជិកព្រឹទ្ធសភាផងដែរ។ បេក្ខជនអនុប្រធានាធិបតីណាមួយដែលបានសំឡេងឆ្នោតច្រើនជាងគេក្នុងចំណោមបេក្ខជនអនុប្រធានាធិបតី នឹងក្លាយជាអនុប្រធានាធិបតីរបស់សាធារណរដ្ឋនេះ។
គេមិនអាចហៅអនុប្រធានាធិបតីជាជំនួយការរបស់ប្រធានាធិបតីនោះទេ ព្រោះអនុប្រធានាធិបតីរបស់ប្រទេសនេះមានខុទ្ទកាល័យដាច់ដោយឡែកពីគ្នា ប៉ុន្តែអ្នកសង្កេតការណ៍មើលឃើញថា បើបេក្ខជនអនុប្រធានាធិបតីណាមានប្រជាប្រិយភាពខ្លាំង ក៏អាចទាញសន្លឹកឆ្នោតឱ្យបេក្ខជនប្រធានាធិបតីនោះកើនឡើងផងដែរ។
សម្រាប់ការបោះឆ្នោតនៅថ្ងៃទី៩ ខែឧសភា ឆ្នាំ២០២២ ខាងមុខនេះដែរ យុទ្ធនាការរកសំឡេងឆ្នោតកំពុងតែពុះកញ្ជ្រោល ហើយបេក្ខជនទាំងអស់សូម្បីតែបេក្ខជនសមាជិកព្រឹទ្ធសភា និងបក្សនយោបាយ...