កោះគុត

អ្នក​តាមដាន​ភូមិសាស្ត្រ​នយោបាយ លោក សេង វណ្ណលី ចាត់ទុក​ពលរដ្ឋ​ខ្មែរ​ណា​ដែល​អះអាង​ថា​កោះ​គុត​ជា​ដែនដី​កម្មសិទ្ធិ​របស់​ប្រទេស​ថៃ ផ្ដាច់មុខ គឺជា​មនុស្ស​វង្វេង​ជាតិ​ឯង ព្រោះ​ពួកគេ​បាន​កាត់​សេចក្តី​ឱ្យ​ខ្មែរ​ចាញ់​ក្តី​ដោយ​បំពាន​លើ​សន្ធិសញ្ញា​បារាំង-សៀម ឆ្នាំ​១៩០៧។ លោក សេង វណ្ណលី សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​១៣ កុម្ភៈ នេះ​ថា ខ្មែរ​ស្នេហា​ជាតិ ផ្ទុយ​ពី​ខ្មែរ​វង្វេង​ជាតិ។ លោក​ថា ជាក់ស្តែង លោក រ៉ុង ឈុន គឺជា​ប្រភេទ​ខ្មែរ «អ្នក​ស្នេហា​ជាតិ» ដែល​គួរ​ទទួល​បាន​ការ​កោតសរសើរ​ចំពោះ​វីរភាព...

តំណាងរាស្ត្រ​គណបក្ស​សង្គ្រោះ​ជាតិ លើកឡើង​ថា មេដឹកនាំ​បក្ស​កាន់​អំណាច លោក ហ៊ុន សែន នឹង​មិន​លើក​យក​ករណី​កោះ​គុត​ប្តឹង​ថៃ ទៅ​តុលាការ​អន្តរជាតិ ដើម្បី​ទាមទារ​ទឹកដី​ខ្មែរ​ពី​ប្រទេស​ថៃ វិញ​ទេ។ កាលពី​ថ្ងៃទី​១០ ខែ​កុម្ភៈ ឆ្នាំ​២០២៥ សារ​សំឡេង​បែកធ្លាយ​របស់​មេដឹកនាំ​បក្ស​កាន់​អំណាច លោក ហ៊ុន សែន ប្រវែង​ជាង ២​នាទី ដែល​បាន​និយាយ​ទៅ​កាន់​យុវជន​ខ្មែរ​ម្នាក់​ឈ្មោះ សិទ្ធី ជា​ពលករ​នៅ​ប្រទេស​ជប៉ុន ដែល​បាន​លើកឡើង​បញ្ហា​កោះ​គុត។ ក្នុង​សារ​សំឡេង​នោះ លោក...

ពលរដ្ឋ​ខ្មែរ​រស់នៅ​ក្រៅ​ស្រុក ប្រកាស​ធ្វើ​មហា​បាតុកម្ម​នៅ​ប្រទេស​ជប៉ុន នៅ​ដើម​ខែ​ក្រោយ ក្នុង​បំណង​ទាមទារ​ឱ្យ​រាជរដ្ឋាភិបាល​ដឹកនាំ​ដោយ​ត្រកូល​ហ៊ុន លើក​យក​បញ្ហា​កោះ​គុត​ប្តឹង​ទៅ​តុលាការ​អន្តរជាតិ ដើម្បី​រក្សា​អធិបតេយ្យ​ជាតិ​ពី​ការ​រំលោភ​បំពាន​ដោយ​បរទេស​ជិតខាង។ ពលរដ្ឋ​ខ្មែរ​ដែល​កំពុង​រស់នៅ និង​ធ្វើការ​ក្នុង​ប្រទេស​ជប៉ុន ចេញ​លិខិត​ជូនដំណឹង​នៅ​ថ្ងៃទី​២៨ មករា នេះ​ថា ពួកគេ​នឹង​ប្រមូលផ្ដុំ​គ្នា​នៅ​សួន HIBIYA PARK TOKYO ក្នុង​ប្រទេស​ជប៉ុន ដើម្បី​ប្រារព្ធ​មហា​បាតុកម្ម​ដែល​នឹង​ប្រព្រឹត្ត​ទៅ​នៅ​ថ្ងៃ​អាទិត្យ ទី​៩ ខែ​កុម្ភៈ ឆ្នាំ​២០២៥ ខាង​មុខ​នេះ ចាប់ពី​វេលា​ម៉ោង ១២.៣០​នាទី​ថ្ងៃ​ត្រង់​តទៅ។ សេចក្តី​ជូនដំណឹង​ដដែល​នេះ បញ្ជាក់​ថា មហា​បាតុកម្ម​នេះ​មាន​បំណង​ជំរុញ​ឱ្យ​រាជរដ្ឋាភិបាល​កម្ពុជា​ប្តឹង​ថៃ...

អ្នកវិភាគ​នយោបាយ ព្រមាន​ថា ឱ្យ​តែ​ត្រកូល​ហ៊ុន​នៅតែ​បន្ត​ដឹកនាំ​ប្រទេស​ជាតិ កោះ​គុត​នៅតែ​ក្លាយ​ជា​ឧបករណ៍​នយោបាយ​របស់​ពួកគេ​ក្នុង​ការ​ដោះដូរ​ឱ្យ​ត្រកូល​ស៊ីណាវ៉ាត់ ជួយ​បោស​សម្អាត​ក្រុម​ប្រឆាំង​រស់នៅ​លើ​ទឹកដី​ថៃ។ អ្នកវិភាគ​នយោបាយ លោក គឹម សុខ លើកឡើង​ក្នុង​កម្មវិធី​សមាជ​ពលរដ្ឋ​ខ្មែរ-អាមេរិកាំង ស្ដីពី​បញ្ហា​កោះ​គុត នៅ​រដ្ឋ​ម៉ាហ្សាឈូសិត កាលពី​ថ្ងៃទី​១៩ មករា ថា រដ្ឋាភិបាល​ខ្មែរ​ដែល​ដឹកនាំ​ដោយ​ត្រកូល​ហ៊ុន កំពុង​ប្រើ​កោះ​គុត​ធ្វើ​ជា​ឧបករណ៍​នយោបាយ​ដើម្បី​ឱ្យ​ត្រកូល​ស៊ីណាវ៉ាត់ របស់​លោក ថាក់ស៊ីន ជួយ​បោស​សម្អាត​បក្ស​ប្រឆាំង​ដែល​កំពុង​រស់នៅ​លើ​ទឹកដី​ថៃ សព្វថ្ងៃ​នេះ។ ក្រៅ​ពី​នេះ​ទៀត គេ​ក៏​កំពុង​គប់គិត​គ្នា​ទាញ​យក​ផល​ប្រយោជន៍​ពី​ដែនសមុទ្រ​ត្រួត​គ្នា​រវាង​ប្រទេស​កម្ពុជា-ថៃ ទំហំ ២៦០០​គីឡូម៉ែត្រ​ក្រឡា ដែល​មាន​ទំហំ​ទឹកប្រាក់​ប្រមាណ​ជា...

ចលនា​ខ្មែរ​នៅ​ក្រៅ​ស្រុក សហការ​ជាមួយ​បក្ស​ប្រឆាំង កំណត់​យក​ថ្ងៃទី​១៩ ខែ​មករា ឆ្នាំ​២០២៥ ប្រារព្ធ​ពិធី​សមាជ​ពលរដ្ឋ​ខ្មែរ-អាមេរិកាំង​ស្ដីពី​បញ្ហា​កោះ​គុត នៅ​រដ្ឋ​ម៉ាហ្សាឈូសិត ដើម្បី​ប្រមូល​កម្លាំង​អ្នក​ចូលរួម​ឱ្យ​ជួយ​ជំរុញ​រដ្ឋាភិបាល​កម្ពុជា​ប្តឹង​ប្រទេស​ថៃ ទៅ​តុលាការ​អន្តរជាតិ។ គណៈកម្មាធិការ​សមាជ​នេះ​ជំរុញ​ឱ្យ​រដ្ឋាភិបាល​កម្ពុជា​ត្រូវតែ​ប្តឹង​ថៃ ទៅ​តុលាការ​អន្តរជាតិ​ទីក្រុង​ឡាអេ ដើម្បី​ទាមទារ​យក​ទឹកដី​របស់​ខ្លួន​ដែល​ថៃ បាន​រំលោភ​បំពាន​យក​មក​គ្រប់គ្រង​វិញ។ ក្រុម​នេះ​អះអាង​ថា ការ​ការពារ​កោះ​គុត គឺ​ដើម្បី​រក្សា​អធិបតេយ្យភាព​ជាតិ​របស់​កម្ពុជា ហើយ​ការ​ចូលរួម​សមាជ​នេះ គឺ​ក្នុង​បំណង​ប្រមូល​កម្លាំង​អ្នកគាំទ្រ​ឱ្យ​ជួយ​តវ៉ា​ទៅ​កាន់​របប​ក្រុង​ភ្នំពេញ ដើម្បី​ឱ្យ​លើក​យក​ករណី​កោះ​គុត​នេះ​ទៅ​តាំង​ជាមួយ​ថៃ នៅ​ចំពោះ​មុខ​តុលាការ​យុត្តិធម៌​អន្តរជាតិ។ មន្ត្រី​ជាន់ខ្ពស់​បក្ស​ប្រឆាំង លោក អ៊ុំ សំអាន បាន​សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១៧ មករា នេះ​ថា...

អគ្គនាយក​ក្រុមហ៊ុន Maritime Group លោក ហេង សិទ្ធី ដែល​កំពុង​រង​បណ្តឹង​ពី​ក្រុម​ឧក្រិដ្ឋជន អះអាង​ថា ការ​ទម្លាយ​រឿង​ឧក្រិដ្ឋកម្ម និង​អំពើពុករលួយ​របស់​ត្រកូល​ហ៊ុន រួម​ទាំង​មន្ត្រី​ជាន់ខ្ពស់​ក្នុង​ជួរ​រដ្ឋាភិបាល​កម្ពុជា គឺ​មិន​មែន​ដើម្បី​បង្វែរ​ព្រឹត្តិការណ៍​ពី​ការ​ទាមទារ​កោះ​គុត​ឡើយ ខណៈ​មន្ត្រី​ក្រោម​បង្គាប់​របស់​លោក ​ស សុខា កំពុង​នាំគ្នា​ប្រតិកម្ម​ថា​អតីត​អ្នកឧកញ៉ា​រូប​នេះ​ប្រឌិត​រឿង​ស្រមើស្រមៃ​ទាក់ទង​រឿង​លោក ស សុខា នៅ​ពី​ក្រោយ​ក្រុម​ឧក្រិដ្ឋជន។ អគ្គនាយក​ក្រុមហ៊ុន Maritime Group លោក ហេង សិទ្ធី...

ចលនា​ខ្មែរ​ដើម្បី​ប្រជាធិបតេយ្យ រួម​ជាមួយ​គណបក្ស​សង្គ្រោះ​ជាតិ​ប្រចាំ​សហរដ្ឋ​អាមេរិក បន្ត​ប្រកាស​ធ្វើ​សមាជ​ពលរដ្ឋ​ខ្មែរ-អាមេរិកាំង​ស្តីអំពី​បញ្ហា​កោះ​គុត នៅ​រដ្ឋ​ម៉ាហ្សាឈូសិត នៅ​ពាក់កណ្តាល​ខែ​មករា ដើម​ឆ្នាំ​នេះ ដើម្បី​កៀរគរ​កម្លាំង​អ្នក​ចូលរួម​ជួយ​ជំរុញ​រដ្ឋាភិបាល​ខ្មែរ​ឲ្យ​ប្តឹង​ថៃ ទៅ​តុលាការ​អន្តរជាតិ។ ចលនា​ខ្មែរ​ដើម្បី​ប្រជាធិបតេយ្យ បណ្ដាញ​យុវជន​សកល គណបក្ស​សង្គ្រោះ​ជាតិ​ប្រចាំ​សហរដ្ឋ​អាមេរិក វត្ត​ភ្នំសេរី និង​សកម្មជន​គណបក្ស​សង្គ្រោះ​ជាតិ បាន​ចេញ​សេចក្តី​ជូនដំណឹង​រួម​គ្នា​នៅ​ថ្ងៃទី​២ មករា នេះ ស្តីអំពី​ការ​ធ្វើ​សមាជ​ជុំវិញ​បញ្ហា​កោះ​គុត ក្នុង​បំណង​ជំរុញ​ឱ្យ​រដ្ឋាភិបាល​កម្ពុជា​បញ្ជាក់​ប្រាប់​ពលរដ្ឋ​របស់​ខ្លួន​ទូទាំង​ប្រទេស​ថា មួយ​ផ្នែក​នៃ​កោះ​គុត គឺជា​កម្មសិទ្ធិ​របស់​ខ្មែរ។ ជាង​នេះ​ទៀត ក៏​ត្រូវ​ប្តឹង​ថៃ ទៅ​តុលាការ​អន្តរជាតិ​ក្រុង​ឡាអេ ដើម្បី​ទាមទារ​យក​ទឹកដី​របស់​ខ្លួន​ដែល​ថៃ បាន​រំលោភ​បំពាន​យក​មក​គ្រប់គ្រង​វិញ​ផង​ដែរ។ ប្រភព​ដដែល​អះអាង​ថា ការ​ការពារ​កោះ​គុត...

តំណាងរាស្ត្រ​បក្ស​ប្រឆាំង លោក អ៊ុំ សំអាន ទាមទារ​ឱ្យ​អ្នក​នាំពាក្យ​គណបក្ស​ប្រជាជន​កម្ពុជា លោក សុខ ឥសាន ចេញ​មុខ​សុំទោស​ពលរដ្ឋ​ខ្មែរ​ជា​សាធារណៈ បន្ទាប់ពី​បាន​អះអាង​ថា​មិន​ដែល​មាន​មេដឹកនាំ​ខ្មែរ​ណា​ទាមទារ​កោះ​គុត​ពី​ប្រទេស​ថៃ ទេ ចាប់តាំងពី​ខ្លួន​ចាប់កំណើត​មក។ លោក អ៊ុំ សំអាន សរសេរ​លើ​ទំព័រ​ហ្វេសប៊ុក​របស់​ខ្លួន​កាលពី​យប់​ថ្ងៃទី​២៦ ធ្នូ ថា អ្នក​នាំពាក្យ​គណបក្ស​ប្រជាជន​កម្ពុជា លោក សុខ ឥសាន ជា​មន្ត្រី​វង្វេង​ប្រវត្តិសាស្ត្រ​ជាតិ ឬ​កំណើត​ខ្លួនឯង។ លោក​ថា...

អ្នក​ឃ្លាំមើល​ស្ថានការណ៍​កម្ពុជា លើកឡើង​ថា ការ​ទាមទារ​ឱ្យ​លុប​អនុស្សរណៈ​យោគយល់​គ្នា​ឆ្នាំ​២០០១ (MOU-2001 ឬ MOU44) ស្ដីពី​តំបន់​សមុទ្រ​ត្រួតស៊ីគ្នា (Overlapping Claims Area) ដែល​ហៅ​កាត់​ថា OCA របស់​ពលរដ្ឋ​ថៃ និង​ពលរដ្ឋ​ខ្មែរ គឺ​មាន​បំណង​តែ​មួយ តែ​ស្ថិត​ក្នុង​គោលដៅ​ផ្ទុយ​គ្នា។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily​នៅ​ថ្ងៃទី​២៥ ធ្នូ...

អ្នកជំនាញ​ផ្នែក​ច្បាប់ អះអាង​ថា ការ​បង្កើត​ច្បាប់​ភេរវកម្ម​ដើម្បី​បញ្ចូល​ក្រុម​មនុស្ស​មួយ​ចំនួន​ដែល​ប្រឆាំង​នឹង​រាជរដ្ឋាភិបាល ទៅ​ក្នុង​ក្រុម​ភេរវករ មាន​ន័យ​ស្មើ​នឹង​ប្រកាស​សង្គ្រាម​ជាមួយ​ខ្មែរ​គ្នា​ឯង ដែល​ធ្វើ​ឱ្យ​បែកបាក់​សាមគ្គី​ជាតិ​កាន់តែ​រីក​ធំ​ទ្វេ​ឡើង។ អ្នក​សិក្សា​ផ្នែក​ច្បាប់ លោក វ៉ន ចាន់ឡូត សរសេរ​លើ​គណនី​ហ្វេសប៊ុក​របស់​ខ្លួន​នៅ​ថ្ងៃទី​២៤ ធ្នូ នេះ​ថា ក្នុង​រយៈពេល​ចុងក្រោយ​នេះ​មាន​គណបក្ស​នយោបាយ​ដែល​ចំណុះ​ឱ្យ​បក្ស​កាន់​អំណាច និង​ក្រុម​អ្នកគាំទ្រ​គណបក្ស​ប្រជាជន​កម្ពុជា​មួយ​ចំនួន បាន​ចេញ​មុខ​ស្នើ​ឱ្យ​បង្កើត​ច្បាប់​ភេរវកម្ម​ដើម្បី​ដាក់​អ្នក​ប្រឆាំង​នឹង​រដ្ឋាភិបាល​ជា​ក្រុម​ភេរវករ​ជាបន្តបន្ទាប់។ អ្នក​សិក្សា​ផ្នែក​ច្បាប់​រូប​នេះ​បន្ត​ថា ករណី​ជា​ឧទាហរណ៍​ជាក់ស្តែង​ដូចជា ការ​រំលាយ​របប​របស់​លោក អាល់អាសាដ ក្នុង​ប្រទេស​ស៊ីរី និង​របប​ដឹកនាំ​របស់​អ្នកស្រី ហ្សេក ហាស៊ីណា មេដឹកនាំ​ផ្ដាច់ការ​នៅ​ប្រទេស​បង់ក្លាដេស ជាដើម។ លោក...