TAG
គ.ជ.ប
គណបក្សបីចុះបញ្ជីឈរឈ្មោះបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ ឆ្នាំ២០២៤
ខណៈខ្មែរនៅអូស្ត្រាលី ទាមទារចង់បានលទ្ធិប្រជាធិបតេយ្យពិតប្រាកដ ការគោរពសិទ្ធិមនុស្ស សិទ្ធិពលរដ្ឋ បើកលំហសេរីភាពដល់សកម្មជននៃអង្គការសង្គមស៊ីវិលក្នុងប្រទេសកម្ពុជា គណបក្សចំនួន ៣ បានចុះបញ្ជីគណបក្សនយោបាយឈរឈ្មោះបោះឆ្នោត និងបេក្ខជនឈរឈ្មោះសម្រាប់ការបោះឆ្នោតជ្រើសរើសក្រុមប្រឹក្សារាជធានី-ខេត្ត ក្រុមប្រឹក្សាក្រុង ស្រុក ខណ្ឌ អាណត្តិទី៤ ឆ្នាំ២០២៤។
យោងតាមសេចក្តីប្រកាសព័ត៌មានពីគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា មានគណបក្សចំនួន ៣ បានចុះបញ្ជីគណបក្សនយោបាយឈរឈ្មោះបោះឆ្នោត និងបេក្ខជនឈរឈ្មោះសម្រាប់ការបោះឆ្នោតជ្រើសរើសក្រុមប្រឹក្សារាជធានី-ខេត្ត ក្រុមប្រឹក្សាក្រុង ស្រុក ខណ្ឌ អាណត្តិទី៤...
គ.ជ.ប អំពាវនាវឱ្យបក្សនយោបាយគោរពច្បាប់ និងនីតិវិធីសម្រាប់ការបោះឆ្នោតជ្រើសតាំងសមាជិកព្រឹទ្ធសភា
គណៈកម្មាធិការជាតិរៀបចំការបោះឆ្នោត (គ.ជ.ប) អំពាវនាវឱ្យគណបក្សនយោបាយ បេក្ខជនគ្រប់ប្រភេទ រួមទាំងអ្នកគ្រប់គ្រងបណ្ដាញផ្សព្វផ្សាយព័ត៌មាន ត្រូវចូលរួមគោរពច្បាប់ បទបញ្ជា និងនីតិវិធីសម្រាប់ការបោះឆ្នោតជ្រើសតាំងសមាជិកព្រឹទ្ធសភា រួមទាំងក្រមសីលធម៌សម្រាប់ការបោះឆ្នោត។
យោងតាមសេចក្ដីអំពាវនាវរបស់ គ.ជ.ប ដែលចេញផ្សាយនៅថ្ងៃទី២៣ កុម្ភៈ នេះបានឲ្យដឹងថា ចាប់ពីម៉ោង ១០យប់ថ្ងៃទី២៣ ដល់ម៉ោង ១២យប់ថ្ងៃទី២៥ កុម្ភៈ គ.ជ.ប អំពាវនាវឱ្យគណបក្សនយោបាយ បេក្ខជនគ្រប់ប្រភេទ ត្រូវរក្សាភាពស្ងប់ស្ងាត់។
គ.ជ.ប បន្ថែមថា រួមទាំងអ្នកគ្រប់គ្រងបណ្ដាញផ្សព្វផ្សាយព័ត៌មាន...
គ.ជ.ប អំពាវនាវឱ្យគណបក្សភ្លើងទៀនបញ្ឈប់ធ្វើសកម្មភាពខុសច្បាប់ជាបន្ទាន់
គណៈកម្មាធិការជាតិរៀបចំការបោះឆ្នោត (គ.ជ.ប) ព្រមានដោយមិនចំឈ្មោះ ប៉ុន្តែគេដឹងថាជាគណបក្សភ្លើងទៀន ដោយអំពាវនាវឲ្យបញ្ឈប់ធ្វើសកម្មភាពខុសច្បាប់ជាបន្ទាន់ បន្ទាប់ពីមេដឹកនាំគណបក្សនេះបានចុះណែនាំ និងផ្សព្វផ្សាយដល់សមាជិកក្រុមប្រឹក្សាឃុំ-សង្កាត់ជាប់ឆ្នោតរបស់ខ្លួន ឲ្យពិចារណាប្រើសិទ្ធិគាំទ្រគណបក្សឆន្ទៈខ្មែរ ដែលតំណាងឲ្យបក្សភ្លើងទៀន នៅក្នុងការបោះឆ្នោតជ្រើសតាំងសមាជិកព្រឹទ្ធសភានីតិកាលទី៥។
នៅថ្ងៃទី១៥ ខែកុម្ភៈ ឆ្នាំ២០២៤ គ.ជ.ប បានចេញសេចក្តីថ្លែងការណ៍របស់ខ្លួនដោយយល់ឃើញថា គណបក្សនយោបាយមួយដែលគ្មានបញ្ជីបេក្ខជនឈរឈ្មោះបោះឆ្នោត បានធ្វើសកម្មភាពគំរាមកំហែងសមាជិកក្រុមប្រឹក្សាឃុំ-សង្កាត់របស់ខ្លួនឲ្យបោះឆ្នោតជូនគណបក្សនេះ ឬគណបក្សនោះ ដែលជាការរំលោភសិទ្ធិក្នុងការសម្រេចចិត្តរបស់អ្នកបោះឆ្នោត រំលោភការណ៍សម្ងាត់នៃការបោះឆ្នោត និងធ្វើឲ្យបាត់ទំនុកចិត្តលើការបោះឆ្នោត។
គ.ជ.ប បានអំពាវនាវឲ្យគណបក្សដែលធ្វើសកម្មភាពខុសច្បាប់ បញ្ឈប់ជាបន្ទាន់ និងត្រៀមចាត់វិធានការផ្លូវច្បាប់ចំពោះគណបក្សដែលប្រព្រឹត្តផ្ទុយនឹងមាត្រា៧១ នៃច្បាប់ស្ដីពីការជ្រើសតាំងតំណាងរាស្ត្រ...
គ.ជ.ប អំពាវនាវដល់គ្រប់បក្សនយោបាយឱ្យគោរពច្បាប់ពេលឃោសនារើសសមាជិកព្រឹទ្ធសភា
គណៈកម្មាធិការជាតិរៀបចំការបោះឆ្នោត (គ.ជ.ប) អំពាវនាវឱ្យគណបក្សនយោបាយទាំងអស់ ត្រូវប្រកាន់ខ្ជាប់គោលការណ៍ដែលស្ថាប័នរៀបចំការបោះឆ្នោតបានកំណត់ នៅក្នុងពេលឃោសនាបោះឆ្នោតជ្រើសតាំងសមាជិកព្រឹទ្ធសភា ដែលនឹងចាប់ផ្តើមពីថ្ងៃទី១០ រហូតដល់ថ្ងៃទី២៤ ខែកុម្ភៈ ឆ្នាំ២០២៤ ខាងមុខនេះ។
យោងតាមសេចក្តីអំពាវនាវរបស់ គ.ជ.ប ចេញផ្សាយនៅថ្ងៃទី៧ ខែកុម្ភៈ គ.ជ.ប អំពាវនាវដល់គណបក្សនយោបាយ បេក្ខជន សមាជិក និងអ្នកគាំទ្រគណបក្សនយោបាយទាំងអស់ ត្រូវតែគោរពតាមវិធាន បទប្បញ្ញត្តិ និងគោលការណ៍ដែលបានចែងក្នុងច្បាប់ស្ដីពីវិសោធនកម្មច្បាប់បោះឆ្នោត បទបញ្ជា និងនីតិវិធីសម្រាប់ការបោះឆ្នោតជ្រើសតាំងសមាជិកព្រឹទ្ធសភា និងគោរពតាមក្រមសីលធម៌...
គ.ជ.ប បើកយុទ្ធនាការ១៩ថ្ងៃពិនិត្យបញ្ជីឈ្មោះបោះឆ្នោតនិងចុះឈ្មោះបោះឆ្នោតទូទាំងប្រទេស
គណៈកម្មាធិការជាតិរៀបចំការបោះឆ្នោត (គ.ជ.ប) បើកយុទ្ធនាការពិនិត្យបញ្ជីឈ្មោះបោះឆ្នោត និងការចុះឈ្មោះបោះឆ្នោតរយៈពេល ១៩ថ្ងៃនៅទូទាំងប្រទេសចាប់ពីថ្ងៃទី១ រហូតដល់ថ្ងៃទី១៩ ខែតុលា ឆ្នាំ២០២៣។
គ.ជ.ប បានចេញសេចក្តីប្រកាសព័ត៌មានកាលពីថ្ងៃទី១ ខែតុលា ឆ្នាំ២០២៣ នេះថា ដំណើរការនៃការពិនិត្យបញ្ជីឈ្មោះបោះឆ្នោត និងការចុះឈ្មោះបោះឆ្នោតរយៈពេល ១៩ថ្ងៃនេះ គឺរាប់បញ្ចូលទាំងថ្ងៃសៅរ៍ និងថ្ងៃអាទិត្យផងដែរ ប៉ុន្តែការិយាល័យចុះឈ្មោះបោះឆ្នោត នឹងត្រូវផ្អាកតែ ១ថ្ងៃប៉ុណ្ណោះ គឺនៅថ្ងៃទី១៤ ខែតុលា ដើម្បីឱ្យក្រុមប្រឹក្សាឃុំ-សង្កាត់ និងក្រុមការងារចុះឈ្មោះបោះឆ្នោត...
គ.ជ.ប ប្រកាសប្ដូរយកថ្ងៃទី៤ សីហា ប្រកាសលទ្ធផលបោះឆ្នោតផ្លូវការវិញ
គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចប្តូរកាលបរិច្ឆេទនៃការប្រកាសលទ្ធផលបោះឆ្នោតផ្លូវការពីថ្ងៃទី៩ ខែសីហា មកនៅថ្ងៃទី៤ ខែសីហា និងថ្ងៃទី៤ ខែកញ្ញា ឆ្នាំ២០២៣។
សេចក្ដីប្រកាសព័ត៌មានស្ដីពីលទ្ធផលនៃកិច្ចប្រជុំរបស់គណៈកម្មាធិការជាតិរៀបចំការបោះឆ្នោត នាព្រឹកថ្ងៃទី៣១ ខែកក្កដា ឆ្នាំ២០២៣ ឲ្យដឹងថា គ.ជ.ប នឹងប្រកាសលទ្ធផលបោះឆ្នោតបណ្ដោះអាសន្ននៅថ្ងៃទី១ សីហា នេះ។ ចំណែកការប្រកាសលទ្ធផលផ្លូវការវិញ គ.ជ.ប សម្រេចប្តូរកាលបរិច្ឆេទនៃការប្រកាសផ្លូវការអំពីលទ្ធផលបោះឆ្នោត ដោយប្តូរពីថ្ងៃទី៩ សីហា មកថ្ងៃទី៤ សីហា...
គ.ជ.ប រងការរិះគន់ដែលមិនចាត់វិធានការលើលោក ខាន់ ចាន់សុផល សកម្មជនបក្សកាន់អំណាច
អ្នកប្រើប្រាស់បណ្ដាញសង្គមបានចេញប្រតិកម្មរិះគន់លើគណៈកម្មាធិការជាតិរៀបចំការបោះឆ្នោត (គ.ជ.ប) ដែលប្រកាសមិនចាត់វិធានការទៅលើសកម្មជនគណបក្សប្រជាជនកម្ពុជាលោក ខាន់ ចាន់សុផល ទោះបីបុគ្គលរូបនេះបានបំភ័យ និងបង្ខំពលរដ្ឋឲ្យទៅបោះឆ្នោតក៏ដោយ។
បើតាមហ្វេសប៊ុកឈ្មោះ Sovan Ran បានសរសេររិះគន់ថា អ្នកគាំទ្រគណបក្សប្រជាជនកម្ពុជាធ្វើខុស ហើយសុំទោសវិញ ពួកគេរួចពីសំណាញ់ច្បាប់ ប៉ុន្តែបើអ្នកមិនគាំទ្រគណបក្សប្រជាជនកម្ពុជាវិញ ពួកគេជៀសមិនផុតពីការជាប់គុក និងការពិន័យជាប្រាក់នោះទេ។
សកម្មជនការពារសិទ្ធិមនុស្ស លោក សាន់ ម៉ាឡា បង្ហាញការហួសចិត្តក្រោយពីគណៈកម្មាធិការរៀបចំការបោះឆ្នោតឆ្លើយតបថា ឝ.ជ.ប មិនចាត់វិធានការច្បាប់លើលោក ខាន់ ចាន់សុផល...
គ.ជ.ប ប្រកាសព្យួរសមាសភាពទាំង៩រូបមិនឱ្យចូលរួមបោះឆ្នោតថ្ងៃទី២៣ខែកក្កដាឆ្នាំ២០២៣
គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសព្យួរសិទ្ធិប្រធាន អនុប្រធាន និងសមាជិក គ.ជ.ប ទាំង ៩រូបជាបណ្ដោះអាសន្ន ក្នុងការបោះឆ្នោតជ្រើសតាំងតំណាងរាស្ត្រអាណត្តិទី៧ ឆ្នាំ២០២៣ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ ដើម្បីធានានូវឯករាជភាពនៃស្ថាប័នមួយនេះក្នុងតួនាទីជាអាជ្ញាកណ្ដាល។
គ.ជ.ប បានចេញសេចក្ដីសម្រេចដែលត្រូវបានផ្សព្វផ្សាយនៅថ្ងៃទី១៤ មិថុនា នេះ ស្ដីពីការព្យួរសិទ្ធិបោះឆ្នោតជាបណ្ដោះអាសន្នចំពោះប្រធាន អនុប្រធាន និងសមាជិករបស់ខ្លួនមិនឱ្យចូលរួមបោះឆ្នោតនៅខែកក្កដា ឆ្នាំ២០២៣ ខាងមុខនេះ ដើម្បីធានានូវឯករាជភាពនៃស្ថាប័នមួយនេះក្នុងតួនាទីជាអាជ្ញាកណ្ដាលលើការរៀបចំដំណើរការនៃការបោះឆ្នោតជាតិនាពេលដ៏ខ្លីខាងមុខនេះ។
គ.ជ.ប...
គ.ជ.ប ស្នើចាត់វិធានការទប់ស្កាត់យុទ្ធនាការលើបណ្ដាញហ្វេសប៊ុកមិនឱ្យពលរដ្ឋទៅបោះឆ្នោត
គណៈកម្មាធិការជាតិរៀបចំការបោះឆ្នោត (គ.ជ.ប) បានដាក់ពាក្យទៅអគ្គលេខាធិការដ្ឋាននៃគណៈកម្មការសន្តិសុខបោះឆ្នោត ស្នើសុំចាត់វិធានការទប់ស្កាត់ចំពោះយុទ្ធនាការដែលចែកចាយនូវសារជារូបភាព និងវីដេអូនៅលើបណ្ដាញសង្គមហ្វេសប៊ុក ដែលឲ្យប្រជាពលរដ្ឋគូសសន្លឹកឆ្នោតចោល និងមិនឲ្យទៅបោះឆ្នោត។
អ្នកនាំពាក្យ គ.ជ.ប លោក ហង្ស ពុទ្ធា បានប្រាប់សារព័ត៌មានក្នុងស្រុកថា គ.ជ.ប បានដាក់ពាក្យទៅអគ្គលេខាធិការដ្ឋាននៃគណៈកម្មការសន្តិសុខបោះឆ្នោត ស្នើសុំចាត់វិធានការទប់ស្កាត់ចំពោះយុទ្ធនាការដែលចែកចាយនូវសារជារូបភាព និងវីដេអូនៅលើបណ្ដាញសង្គមហ្វេសប៊ុក ដែលឲ្យប្រជាពលរដ្ឋគូសសន្លឹកឆ្នោតចោល និងមិនឲ្យទៅបោះឆ្នោត។
លោក ហង្ស ពុទ្ធា បន្តថា ការស្នើរបស់ គ.ជ.ប ធ្វើឡើងបន្ទាប់ពីជនមួយចំនួនបានធ្វើយុទ្ធនាការតាមរយៈខិត្តប័ណ្ណ...
គ.ជ.ប អំពាវនាវឱ្យបញ្ឈប់ជាបន្ទាន់ចំពោះការចែកចាយវីដេអូមិនឱ្យពលរដ្ឋទៅបោះឆ្នោត
គណៈកម្មាធិការជាតិរៀបចំការបោះឆ្នោត (គ.ជ.ប) អំពាវនាវឲ្យបញ្ឈប់ជាបន្ទាន់ចំពោះការចែកចាយនូវសារជារូបភាព និងវីដេអូនៅលើបណ្ដាញសង្គមហ្វេសប៊ុក ដែលបង្រៀនពលរដ្ឋឲ្យគូសសន្លឹកឆ្នោតចោល និងមិនឲ្យទៅបោះឆ្នោត។
គ.ជ.ប កាលពីថ្ងៃទី៦ មិថុនា អំពាវនាវឲ្យបញ្ឈប់ជាបន្ទាន់នូវសកម្មភាពទាំងឡាយណាដែលរារាំងដល់ដំណើរការបោះឆ្នោត ជាពិសេសការចែកចាយនូវសារជារូបភាព និងវីដេអូមួយចំនួនលើបណ្ដាញសង្គមហ្វេសប៊ុកកាលពីពេលថ្មីៗនេះ ក្នុងបំណងឲ្យពលរដ្ឋគូសសន្លឹកឆ្នោតចោល ឬមិនឲ្យទៅបោះឆ្នោត ជាដើម។
គ.ជ.ប អះអាងថា យុទ្ធនាការនេះគឺជាការរំលោភបំពានលើមាត្រា១៤២ នៃច្បាប់ស្ដីពីការបោះឆ្នោតជ្រើសតាំងតំណាងរាស្ត្រយ៉ាងធ្ងន់ធ្ងរ ដែលតម្រូវឱ្យផាកពិន័យជាប្រាក់ពី ៥,០០០,០០០ (ប្រាំលាន) រៀលទៅ ២០,០០០,០០០ (ម្ភៃលាន) រៀល...