TAG
ចិន-ហ្វីលីពីន
ស្ថានភាពនៅសមុទ្រចិនខាងត្បូង៖ នាវាចិនដេញនាវាល្បាតរបស់ហ្វីលីពីនចេញពីទីតាំងប្រឈមមុខគ្នា
រយៈពេលប៉ុន្មានសប្ដាហ៍ចុងក្រោយនេះ ស្ថានភាពយោធានៅសមុទ្រចិនខាងត្បូង ដែលប្រឈមមុខដាក់គ្នាក្នុងដែនទឹកជម្លោះរវាងចិន និងហ្វីលីពីន កាន់តែឡើងកម្ដៅខ្លាំងឡើង។
កាលពីថ្ងៃទី៣០ ខែមេសា ហ្វីលីពីន បានហៅសកម្មភាពរបស់នាវាល្បាតរបស់ចិន ដែលធ្វើសកម្មភាពយាយីរារាំង និងរហូតដល់បាញ់ទឹកទៅលើនាវាល្បាតរបស់ហ្វីលីពីន គឺជាសកម្មភាពនៃការបង្កើតជម្លោះ ហើយឈានទៅដល់ការអាចប៉ះទង្គិចគ្នាដោយប្រដាប់អាវុធ។
បណ្ដាញផ្សាយព័ត៌មាន Channel News Asia បានចុះផ្សាយនូវសេចក្ដីរាយការណ៍របស់ខ្លួននៅថ្ងៃទី១ ខែឧសភា នេះថា នាវាចម្បាំងរបស់ចិន បានបណ្ដេញនាវាល្បាត ២គ្រឿងរបស់ហ្វីលីពីន ឱ្យចេញពីតំបន់ដែនទឹកនៃប្រជុំកោះដែលប្រទេសចិន និងហ្វីលីពីន ប្រទាញប្រទង់គ្នាដណ្ដើមកាន់កាប់។
ប្រភពដដែលបានឱ្យដឹងថា...
ហ្វីលីពីនចោទប្រទេសចិនជាផ្លូវការចំពោះមុខមន្ត្រីទូតចិន ករណីរំលោភបំពានដែនទឹកហ្វីលីពីន
រដ្ឋាភិបាលប្រទេសហ្វីលីពីន នៅថ្ងៃចន្ទ ទី២៥ មីនា នេះ បានកោះហៅអ្នកការទូតប្រទេសចិន ដើម្បីសម្ដែងការតវ៉ាចំពោះអ្វីដែលក្រុងម៉ានីល ចាត់ទុកថាជាសកម្មភាពរំលោភបំពានពីសំណាក់ឆ្មាំល្បាតដែនសមុទ្រចិន នៅឯតំបន់សមុទ្រចិនខាងត្បូង កាលពីចុងសប្តាហ៍កន្លងទៅ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃចន្ទ ទី២៥ ខែមីនា នេះ។
ក្រសួងការបរទេសហ្វីលីពីន បានចោទប្រកាន់ថា ឆ្មាំសមុទ្រចិន បានបាញ់ទឹកទៅលើកប៉ាល់ដឹកស្បៀងរបស់ហ្វីលីពីន ដែលដឹកទៅផ្គត់ផ្គង់កងទ័ពនៅឯចំណុចថ្មប៉ប្រះទឹក Second Thomas Shoal កាលពីថ្ងៃសៅរ៍...
ហ្វីលីពីនថាមិនត្រូវការសន្តិភាពពីអ្នកឈ្លានពានទេ ខណៈចិនបញ្ជូននាវាចម្បាំង៥០គ្រឿងចូលដែនទឹករបស់ខ្លួន
ប្រធានាធិបតីហ្វីលីពីន លោក Ferdinand Romualdez Marcos Jr. បានប្រាប់សភាអូស្ត្រាលី នៅថ្ងៃព្រហស្បតិ៍ ទី២៩ ខែកុម្ភៈ នេះថា ប្រទេសរបស់លោកនៅពេលនេះកំពុងស្ថិតនៅលើសមរភូមិនៃការប្រយុទ្ធតស៊ូមួយដើម្បីសន្តិភាពក្នុងតំបន់។
ការថ្លែងរបស់ប្រធានាធិបតីហ្វីលីពីន ធ្វើឡើងក្រោយពីលោកទទួលបានព័ត៌មានពីកងទ័ពឆ្មាំល្បាតសមុទ្រហ្វីលីពីន ថា នាវាចម្បាំងចិន នៅក្នុងដែនទឹកនៃសមុទ្ររបស់ហ្វីលីពីន អាចមានដល់ទៅ ៥០គ្រឿង។
លោក Marcos Jr. បានប្រាប់សមាជិកសភាអូស្ត្រាលី ថា ហ្វីលីពីន បច្ចុប្បន្នកំពុងស្ថិតនៅលើសមរភូមិប្រឆាំងនឹងសកម្មភាពដែលកំពុងបំផ្លាញដល់សន្តិភាពស្ថិរភាពក្នុងតំបន់...
ហ្វីលីពីនបន្តបង្ខំចិនឱ្យចូលខ្លួនដោះស្រាយជម្លោះដែនសមុទ្រដោយការធ្វើសមយុទ្ធជាមួយអាមេរិកនៅសមុទ្រចិនខាងត្បូង
កងទ័ពនាវាជើងទឹកសហរដ្ឋអាមេរិក និងហ្វីលីពីន ចាប់ផ្ដើមធ្វើសមយុទ្ធរួមគ្នាដោយមានការចូលរួមពីក្រុមនាវាផ្ទុកយន្តហោះ USS Carl Vinson។
សមយុទ្ធនេះ ធ្វើឡើងនៅសមុទ្រចិនខាងត្បូង ក្នុងរយៈពេលពីរថ្ងៃ ចាប់ផ្ដើមពីថ្ងៃទី៤ ដល់ថ្ងៃទី៥ ខែមករា នេះ។ សមយុទ្ធនេះជាព្រឹត្តិការណ៍ប្រចាំឆ្នាំ ប៉ុន្តែជាលើកដំបូងដែលមានក្រុមនាវាផ្ទុកយន្តហោះ USS Carl Vinson អមដោយនាវាចម្បាំងជាច្រើនមកចូលរួម ក្នុងគោលដៅពង្រឹងសមត្ថភាពកងទ័ពរវាងប្រទេសទាំងពីរជាសម្ព័ន្ធមិត្តយោធាជាមួយគ្នា។ នេះបើតាមសេចក្តីថ្លែងការណ៍របស់កងទ័ពជើងទឹកសហរដ្ឋអាមេរិក។
តាមសារព័ត៌មាន Philstar Global សមយុទ្ធសហរដ្ឋអាមេរិក-ហ្វីលីពីន ធ្វើឡើងក្រោយពីចិននៅតែបន្តចោទហ្វីលីពីន...
បទវិភាគ៖ ហ្វីលីពីនលេងហ្គេមជាមួយចិនដើម្បីអូសចិនទៅកាន់តុលាការអន្តរជាតិសាជាថ្មីទៀតករណីជម្លោះដែនសមុទ្រ
កាលពីឆ្នាំ២០១៦ តុលាការមជ្ឈត្តការអន្តរជាតិជាស្ថាប័នយុត្តិធម៌មួយរបស់អង្គការសហប្រជាជាតិ បានកាត់សេចក្ដីឱ្យក្រុងម៉ានីល មានសិទ្ធិចូលកាន់កាប់នៅប្រជុំកោះមួយចំនួននៅសមុទ្រចិនខាងត្បូង ក្នុងតំបន់នៃប្រជុំកោះស្ព្រាលី ដែលសេចក្ដីសម្រេចរបស់តុលាការអន្តរជាតិមួយនេះបានសំអាងលើភស្តុតាងប្រវត្តិសាស្ត្រ និងតាមនិយាមនៃច្បាប់សមុទ្រឆ្នាំ១៩៨២ ដែលថាករណីដោះស្រាយជម្លោះដូចនេះ ត្រូវយោងលើរយៈចម្ងាយនៃដែនទឹករបស់ប្រទេសមួយទៅនឹងតំបន់ជម្លោះ។
ដោយសំអាងលើភស្តុតាងប្រវត្តិសាស្ត្រ និងតាមនិយាមនៃច្បាប់សមុទ្រអន្តរជាតិឆ្នាំ១៩៨២ តុលាការនេះបានសម្រេចថា ប្រទេសហ្វីលីពីន មានប្រៀបខ្លាំងជាងចិន ដោយសាររយៈចម្ងាយពីដែនទឹកហ្វីលីពីន កំពុងគ្រប់គ្រង មានជិតជាងចិន ហើយមានភស្តុតាងប្រវត្តិសាស្ត្រទៀតផង។
តែយ៉ាងណា ក្រុងប៉េកាំងបានប្រកាសទាត់ចោលសាលដីការបស់តុលាការមជ្ឈត្តការអន្តរជាតិអង្គការសហប្រជាជាតិមួយនេះ ដោយចាត់ទុកថាសេចក្ដីសម្រេចរបស់តុលាការនេះពុំមានយុត្តិធម៌សម្រាប់ចិននោះទេ ដែលចិនក៏មានភស្តុតាងប្រវត្តិសាស្ត្រផងដែរ ហើយថាចិនជាប្រទេសធំដែលមានដែនអធិបតេយ្យលើសហ្វីលីពីនច្រើនដងទៀត។ ម្យ៉ាងទៀត ក្រុងប៉េកាំងចាត់ទុកថាតុលាការនេះពុំមានដែនយុត្តាធិការក្នុងការកាត់សេចក្ដីសំណុំរឿងជម្លោះដែនទឹកសមុទ្រនោះទេ។
តែពេលនោះ ចិនដែលដឹងថាខ្លួនអាចចាញ់ក្ដី...
ចិនព្រមានហ្វីលីពីនពីទំនាក់ទំនងលើផ្លូវបំបែក ខណៈក្រុងប៉េកាំងនៅរក្សាដាក់សម្ពាធលើក្រុងម៉ានីល
រដ្ឋមន្ត្រីការបរទេសចិន លោក វ៉ាង យី ព្រមានសមភាគីហ្វីលីពីនរបស់លោកថា ទីក្រុងម៉ានីល ត្រូវតែធ្វើសកម្មភាពប្រកបដោយការប្រុងប្រយ័ត្ន ហើយក្រុងប៉េកាំង នៅរក្សាដាក់សម្ពាធលើក្រុងម៉ានីល រហូតមានដំណោះស្រាយរួមមួយ។
ការព្រមានរបស់ប្រមុខការទូតចិន ធ្វើឡើងក្រោយពីហ្វីលីពីន សម្រេចបញ្ជូននាវាល្បាតទៅប្រឈមមុខនឹងនាវាល្បាតចិននៅក្នុងតំបន់ដែនទឹកនៃសមុទ្រចិនខាងត្បូង ដែលចិនអះអាងថាជាដែនអធិបតេយ្យរបស់ខ្លួន ហើយក៏ធ្វើឡើងបន្ទាប់ពីក្រុងម៉ានីល សម្រេចបោះបង់ចោលកញ្ចប់ប្រាក់កម្ចីពីចិនក្នុងគម្រោងអភិវឌ្ឍន៍ផ្លូវមួយខ្សែក្រវាត់មួយ។ នេះបើតាមការចុះផ្សាយរបស់ទីភ្នាក់ងារសារព័ត៌មានចិន ស៊ីនហួរ នៅថ្ងៃទី២១ ខែធ្នូ។
ការព្រមានរបស់ចិន ក៏កើតឡើងខណៈទំនាក់ទំនងប្រទេសទាំងពីរកាន់តែតានតឹងទាំងការទូត និងយោធា។
បើតាមសេចក្ដីថ្លែងការណ៍របស់ក្រសួងការបរទេសចិន ការព្រមានរបស់លោក វ៉ាង យី...
ហ្វីលីពីនបញ្ជាឱ្យកងទ័ពការពារដែនទឹករបស់ខ្លួន ខណៈភាពតានតឹងជាមួយចិនកាន់តែកើនឡើង
លោកប្រធានាធិបតី Ferdinand Marcos Jr បាននិយាយនៅថ្ងៃសុក្រ ទី២៩ កញ្ញា ថា ហ្វីលីពីនត្រូវពង្រឹងការការពារទឹកដី ក៏ដូចជាសិទ្ធិនៃអ្នកនេសាទរបស់ខ្លួន ក្នុងក្របខ័ណ្ឌដែលបានកំណត់ដោយច្បាប់សមុទ្រអន្តរជាតិ ដែលលោកថា ហ្វីលីពីនមិនមានបំណងបង្កបញ្ហានោះទេ។
ការថ្លែងរបស់ប្រធានាធិបតីហ្វីលីពីន ចំពេលដែលមានការប្រឈមមុខដាក់គ្នាកាន់តែខ្លាំងជាមួយចិន ជុំវិញសកម្មភាពក្នុងតំបន់ជម្លោះសមុទ្រចិនខាងត្បូង។
សារព័ត៌មានបារាំង AFP នៅថ្ងៃសុក្រ ទី២៩ ខែកញ្ញា បានឱ្យដឹងថា ឆ្មាំសមុទ្រហ្វីលីពីនក្នុងសប្តាហ៍នេះបានរុះរើរបាំងបណ្តែតទឹកប្រវែង ៣០០ម៉ែត្រ ដែលចិនបានដាក់នៅតំបន់ថ្មប៉ប្រះទឹក Scarborough...
ហ្វីលីពីនមិនលុតជង្គង់ចំពោះមុខចិន ដោយបញ្ជូននាវាល្បាតទៅរឹបអូសបារ៉ាស់ចិននៅសមុទ្រចិនខាងត្បូងថែមទៀត
ជម្លោះដែនទឹកនៅសមុទ្រចិនខាងត្បូងរវាងប្រទេសហ្វីលីពីន និងមហាយក្សចិន កំពុងតែទាញទៅរកការអាចប៉ះទង្គិចគ្នាដោយអាវុធ ប្រសិនបើប្រទេសទាំងពីរនេះពុំអាចដកថយជំហរមានះរៀងៗខ្លួន។
នៅថ្ងៃទី២៦ កញ្ញា នេះ សេចក្ដីរាយការណ៍របស់បណ្ដាញផ្សាយព័ត៌មាន Channel News Asia នៃប្រទេសសិង្ហបុរី បានចុះផ្សាយថា ហ្វីលីពីនបានបញ្ជូននាវាល្បាតដែលបំពាក់ដោយកាំភ្លើងយន្តទៅរុះរើ និងរឹបអូសសំណង់បារ៉ាស់របស់ចិន ប្រវែង ៣០០ម៉ែត្រ ដែលចិនបានដាក់នៅលើផ្ទៃទឹកនៅតំបន់ខ្សែទឹកដែលហ្វីលីពីនចាត់ទុកជាដែនទឹករបស់ខ្លួន។
ហ្វីលីពីនបានចោទចិន ករណីសាងសង់សំណង់បារ៉ាស់នៅលើសមុទ្រហ្វីលីពីន មាន ៣០០ម៉ែត្រ ត្រង់កន្លែងដែលសម្បូរត្រីច្រើននៅប្រជុំកោះ Scarborough នាសមុទ្រចិនខាងត្បូង។ សំណង់បារ៉ាស់របស់ចិន...