TAG
ព្រៃឡង់
អង្គការអន្តរជាតិ៖ ព្រៃឈើជាង៦ពាន់ហិកតារនៅកម្ពុជាត្រូវបានបំផ្លាញដោយក្រុមមន្ត្រីពុករលួយ
អង្គការលើកលែងទោសអន្តរជាតិ បង្ហាញរបាយការណ៍ថ្មីមួយថា នៅក្នុងឆ្នាំ២០២១ នេះ ព្រៃឈើជាង ៦ពាន់ហិកតារក្នុងដែនជម្រកសត្វព្រៃចំនួនពីរនៅកម្ពុជា ត្រូវបានបំផ្លាញដោយសារដៃរបស់ក្រុមមន្ត្រីពុករលួយ។
អង្គការលើកលែងទោសអន្តរជាតិ (Amnesty International) បានចេញរបាយការណ៍មួយនៅថ្ងៃទី២៨ ខែមករា ឆ្នាំ២០២២ ដែលមានចំណងជើងថា «ការកាប់ឈើខុសច្បាប់ធ្វើឱ្យប៉ះពាល់ដល់សិទ្ធិ និងវប្បធម៌របស់ជនជាតិដើមភាគតិច»។
របាយការណ៍នោះបានលើកឡើងថា នៅក្នុងឆ្នាំ២០២១ ព្រៃឈើចំនួន ៦២៧១ហិកតារត្រូវបានកាប់បំផ្លាញនៅក្នុងដែនជម្រកសត្វព្រៃចំនួនពីរ ក្នុងនោះមានដែនជម្រកសត្វព្រៃឡង់ និងដែនជម្រកសត្វព្រៃព្រះរការ ដោយការកាប់ឈើដោយខុសច្បាប់យ៉ាងច្រើនសន្ធឹកសន្ធាប់កំពុងប៉ះពាល់ធ្ងន់ធ្ងរដល់សិទ្ធិ និងវប្បធម៌របស់ជនជាតិដើមភាគតិច។
អង្គការលើកលែងទោសអន្តរជាតិនេះបញ្ជាក់ថា ព្រៃឈើដែនជម្រកសត្វព្រៃចំនួនពីរដែលត្រូវបានកាប់បំផ្លាញអស់ជាង ៦ពាន់ហិកតារ...
ប្រជាសហគមន៍អះអាងថាព្រៃឡង់នឹងវិនាសនៅឆ្នាំ២០២២ បើរដ្ឋាភិបាលមិនអើពើទប់ស្កាត់បទល្មើស
ប្រជាសហគមន៍អះអាងថា ព្រៃឡង់នឹងវិនាសក្នុងឆ្នាំ២០២២ ប្រសិនបើរដ្ឋាភិបាលមិនអើពើទប់ស្កាត់ ខណៈសកម្មភាពកាប់បំផ្លាញ និងដឹកជញ្ជូនឈើចេញពីតំបន់ព្រៃឡង់នៅស្រុករវៀង ខេត្តព្រះវិហារ បានកើនឡើងខ្លាំងយ៉ាងគគ្រឹកគគ្រេងជាងពេលកន្លងមក។
ការអះអាងរបស់ប្រជាសហគមន៍ ធ្វើឡើងបន្ទាប់ពីពួកគេបានចុះល្បាតព្រៃចាប់ពីថ្ងៃទី១៩ ដល់ថ្ងៃទី២៣ ខែធ្នូ ឆ្នាំ២០២១ នៅទីតាំងចំនួន ១០កន្លែងផ្សេងគ្នាក្នុងតំបន់ព្រៃឡង់ ដោយរកឃើញបទល្មើសចំនួន ៣១០ករណី។
សហគមន៍ការពារព្រៃឡង់បានឲ្យដឹងទៀតថា ទីតាំង ១០កន្លែងដែលពួកគេចុះល្បាត ហើយបានរកឃើញបទល្មើសនោះមានដូចជា តំបន់ស្រុកចាស់ តំបន់ភ្នំគគឹល តំបន់ភ្នំចោទ តំបន់ស្រែចារ តំបន់ជ្រាប់ស្វាយ តំបន់អូរអាចម៍ដែក...
សកម្មជន៖ ក្រុមហ៊ុនវៀតណាម PNT នៅតែបន្តកាប់ឈើក្នុងតំបន់ព្រៃឡង់ជារៀងរាល់ថ្ងៃ
ក្រុមសកម្មជនបរិស្ថាន និងបណ្ដាញសហគមន៍ព្រៃឡង់ បានឲ្យដឹងថា សកម្មភាពរបស់កម្មករក្រុមហ៊ុនវៀតណាមមួយឈ្មោះ PNT មានទីតាំងនៅក្នុងឃុំរៀបរយ ស្រុករវៀង ខេត្តព្រះវិហារ កំពុងតែធ្វើសកម្មភាពកាប់ឈើ និងដឹកជញ្ជូនពីតំបន់ព្រៃឡង់ចូលទៅក្រុមហ៊ុនយ៉ាងសកម្មជារៀងរាល់ថ្ងៃ។
ប្រជាសហគមន៍ដែលបានចុះល្បាតតំបន់ព្រៃឡង់ កាលពីពេលថ្មីៗនេះបានឲ្យដឹងថា ក្រុមកម្មកររបស់ក្រុមហ៊ុនវៀតណាម PNT ទាំងនោះ ពួកគេធ្វើសកម្មភាពទាំងយប់ទាំងថ្ងៃ រួចដឹកជញ្ជូនឈើចេញពីតំបន់ព្រៃឡង់ចូលទៅក្នុងក្រុមហ៊ុននេះតែម្ដង។
ប្រជាសហគមន៍លើកឡើងថា ឈើមានតម្លៃជាច្រើនប្រភេទ រួមមាន គគីរ ឈើទាល ស្រឡៅ កកោះ និងពពេល ដែលមានមុខកាត់ចាប់ពី...
កម្ពុជាបរាជ័យលក់កាបូនឱ្យកូរ៉េ ដោយសារមិនអាចការពារព្រៃឈើក្នុងតំបន់គម្រោងរេដបូក
រដ្ឋាភិបាលកម្ពុជា បរាជ័យក្នុងការលក់កាបូនដែលបានមកពីព្រៃឈើទៅឱ្យរដ្ឋាភិបាលកូរ៉េ ដោយសារព្រៃឈើជាង ៣៧% នៅក្នុងតំបន់គម្រោង «គោលនយោបាយកាប់ឈើគ្មានជាតិកាបូន» ហៅកាត់ថា រេដបូក (REDD+) ត្រូវបានកាប់បំផ្លាញ និងខូចខាតក្នុងរយៈពេល ៦ឆ្នាំចុងក្រោយនេះ។
របាយការណ៍អង្កេតមួយចុះថ្ងៃទី២៤ ខែសីហា ឆ្នាំ២០២១ របស់ Korea Ferderation for Environmental Movements ឱ្យដឹងថា រដ្ឋាភិបាលកូរ៉េ បានចាប់ផ្តើមគម្រោងសាកល្បងរេដបូក (REDD+)...
តំណាងសកម្មជនព្រៃឡង់ថាការកែប្រែយុទ្ធសាស្ត្ររបស់ USAID នឹងមានប្រសិទ្ធភាពបើគ្មានការជ្រៀតជ្រែកពីរដ្ឋាភិបាលកម្ពុជា
តំណាងសហគមន៍ឃ្លាំមើលព្រៃឈើនៅកម្ពុជា បានអះអាងថា ការកែប្រែយុទ្ធសាស្ត្ររបស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ ហៅកាត់ថា USAID ក្នុងការជួយទៅដល់សហគមន៍មូលដ្ឋានដើម្បីពង្រឹងសមត្ថភាព និងបច្ចេកទេសការពារព្រៃឡង់ គឺជាយុទ្ធសាស្ត្រដែលមានប្រសិទ្ធភាព បើគ្មានការជ្រៀតជ្រែកណាមួយពីរដ្ឋាភិបាលកម្ពុជាទេនោះ។
តំណាងសហគមន៍ព្រៃឡង់ លោក ហឿន សុភាព ប្រាប់សារព័ត៌មាន The Cambodia Daily នៅថ្ងៃទី១ ខែកញ្ញា ឆ្នាំ២០២១ ថា ការជំរុញឱ្យសហគមន៍មូលដ្ឋានល្បាតព្រៃឈើក្នុងតំបន់ព្រៃឡង់បៃតងរបស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិនេះ នឹងទទួលបានប្រសិទ្ធភាពជាងពេលដែលសហការជាមួយរដ្ឋាភិបាល ព្រោះថារាល់កិច្ចការទាក់ទងនឹងការការពារព្រៃឈើនេះ នឹងមានតម្លាភាព...
តុលាការខេត្តព្រះវិហារបង្គាប់ឱ្យឈ្មោះ ដួង ស្រួច និងអ្នកពាក់ព័ន្ធកាប់ឈើតំបន់ព្រៃឡង់ចូលបំភ្លឺនៅខែកញ្ញាខាងមុខ
ព្រះរាជអាជ្ញាអមសាលាដំបូងខេត្តព្រះវិហារ បង្គាប់ឱ្យលោក ដួង ស្រួច ចូលបំភ្លឺនៅតុលាការនាខែកញ្ញា ខាងមុខនេះ ដើម្បីធ្វើការសាកសួរពីបទកាប់ ប្រមូល និងកែច្នៃឈើប្រណិតគ្រប់ប្រភេទ និងញុះញង់ឱ្យប្រព្រឹត្តបទឧក្រិដ្ឋជាអាទិ៍។
ក្នុងដីកាបង្គាប់របស់ព្រះរាជអាជ្ញាអមសាលាដំបូងខេត្តព្រះវិហារ លោក ទី សុវិនថាល់ ចុះថ្ងៃទី១៦ ខែសីហា ឆ្នាំ២០២១ ដែលសារព័ត៌មាន Cambodia Daily ទើបទទួលបានឱ្យដឹងថា នគរបាលយុត្តិធម៌ត្រូវបង្ខំឱ្យលោក ដួង ស្រួច រស់នៅភូមិបឹងជ្រោយ...
សកម្មជនព្រៃឈើ៖ ព្រៃឡង់វិនាសដោយសារមន្ត្រីបើកផ្លូវឱ្យឈ្មួញចូលកាប់ឈើយ៉ាងអនាធិបតេយ្យ
សកម្មជនការពារព្រៃឈើ ឱ្យដឹងថា ព្រៃឈើនៅតំបន់ព្រៃឡង់នឹងរងការវិនាសដោយសារមន្ត្រីបានឃុបឃិតជាមួយឈ្មួញទុច្ចរិតចូលកាប់ឈើក្នុងដែនជម្រកសត្វព្រៃយ៉ាងអនាធិបតេយ្យ ជ្រកក្រោមស្លាកក្រុមហ៊ុនវៀតណាម។
សកម្មជនការពារព្រៃឡង់ម្នាក់បានប្រាប់សារព័ត៌មាន The Cambodia Daily ក្នុងលក្ខខណ្ឌសុំមិនបញ្ចេញឈ្មោះ ឱ្យដឹងថា កម្មករក្រុមហ៊ុនម៉ាឃលឡូជីស្ទីក របស់លោក សយ សុផល និងមេការឈ្មោះ ចាប សារ៉ន ដែលបានអះអាងថាជាមន្ត្រីកងរាជអាវុធហត្ថ កំពុងតែជ្រកក្រោមស្លាកក្រុមហ៊ុន PNT របស់វៀតណាម បានចូលទៅកាប់ឈើក្នុងដែនជម្រកសត្វព្រៃព្រៃឡង់អស់យ៉ាងរង្គាល ស្របពេលដែលរដ្ឋាភិបាលកំពុងបិទខ្ទប់ខេត្តព្រះវិហារ ដើម្បីទប់ស្កាត់ Covid-19។
ប្រភពដដែលបានបញ្ជាក់ថា...
សកម្មជនបរិស្ថាន៖ បើមិនចាប់អ្នកប្រព្រឹត្តមកដាក់ទោស ព្រៃឈើនឹងវិនាស
សកម្មជនបរិស្ថាន លើកឡើងថា ការដាំដើមឈើឡើងវិញជារឿងល្អ ប៉ុន្តែបើសិនមិនចាប់ខ្លួនអ្នកកាប់ និងអ្នកនៅពីក្រោយខ្នង រួមទាំងមន្ត្រីដែលពាក់ព័ន្ធការកាប់បំផ្លាញព្រៃឈើមកដាក់ទោសតាមច្បាប់នោះទេ ព្រៃឈើនៅក្នុងកម្ពុជានឹងវិនាសអស់ដដែល។
ការលើកឡើងរបស់ក្រុមសកម្មជនបរិស្ថាននេះ បន្ទាប់ពីលោកនាយករដ្ឋមន្ត្រី ហ៊ុន សែន បានសរសេរនៅលើទំព័រ Facebook របស់លោកនៅថ្ងៃពិធីបុណ្យ «រុក្ខទិវា» កាលពីថ្ងៃទី០៩ ខែកក្កដា ឆ្នាំ២០២១ ដោយអំពាវនាវដល់ប្រជាពលរដ្ឋទាំងអស់ចូលរួមដាំដុះ និងការពារព្រៃឈើឱ្យបានគង់វង្ស ដើម្បីជាប្រយោជន៍សម្រាប់មនុស្សគ្រប់ជំនាន់។
សកម្មជនបរិស្ថានម្នាក់ទៀត លោក ឆឺយ ឧត្ដមរស្មី ចាត់ទុកការអំពាវនាវឱ្យដាំដើមឈើឡើងវិញជាការរួមចំណែកមួយ...
ក្រុមហ៊ុនវៀតណាម ភីអ៊ិនធី កាប់ឈើមូលធំៗក្នុងតំបន់ព្រៃឡង់យ៉ាងរង្គាលដោយគ្មានការរារាំងពីមន្ត្រីក្រសួងបរិស្ថាន
ប្រជាសហគមន៍ព្រៃឡង់ខេត្តព្រះវិហារ ចោទក្រុមហ៊ុនវៀតណាម ភីអ៊ិនធី (PNT) ថាប្រើកម្លាំងកម្មករកាប់ឈើមូលធំៗក្នុងព្រៃឡង់យ៉ាងរង្គាល បានរាលដាលដល់តំបន់ស្នូលដែលក្រសួងកំណត់តំបន់នោះថាជាមរតកជាតិដ៏សំខាន់ក្នុងដែនអភិរក្សនេះ។
ពលរដ្ឋថាប្រភេទឈើដែលក្រុមហ៊ុនបានកាប់ទាំងនោះ ភាគច្រើនដើមស្រឡៅ គគីរ និងដើមច្បោះ កំពុងទទួលរងការកាប់បំផ្លិចបំផ្លាញជាប្រព័ន្ធ ដោយគ្មានការរារាំងពីមន្ត្រីឧទ្យានុរក្សរបស់ក្រសួងបរិស្ថាន។
ប្រជាសហគមន៍ព្រៃឡង់ខេត្តព្រះវិហារ ដែលសុំមិនបញ្ចេញឈ្មោះ បានថ្លែងឱ្យដឹងនៅថ្ងៃទី១៥ ខែកក្កដា ថា ក្រុមល្បាតសហគមន៍មានគ្នា ៩នាក់បានប្រថុយចុះល្បាតព្រៃឡង់រយៈពេល ៥ថ្ងៃ និង ៤យប់ កាលពីសប្តាហ៍មុន ដោយរកឃើញដើមឈើធំៗត្រូវគេអាររំលំនៅសល់តែគល់ ស្ថិតនៅចំណុចអូរអាចម៍ដែក និងចំណុចប្រាសាទគោល...
សហរដ្ឋអាមេរិកផ្តាច់ជំនួយពីរដ្ឋាភិបាលកម្ពុជាលើគម្រោងតំបន់អភិរក្សព្រៃឡង់
ស្ថានទូតសហរដ្ឋអាមេរិកប្រចាំនៅកម្ពុជា អះអាងថា ខ្លួនបានសម្រេចបញ្ចប់ជំនួយចំពោះរដ្ឋាភិបាលកម្ពុជា លើគម្រោងព្រៃឡង់បៃតងហើយ ប៉ុន្តែជំនួយនេះនឹងត្រូវបង្វែរទៅជួយវិស័យឯកជន សង្គមស៊ីវិល និងការងាររបស់សហគមន៍មូលដ្ឋាន ដើម្បីកែលំអមុខរបរប្រកបជីវភាពរស់នៅ និងពង្រីកកសិកម្មដែលមិនប៉ះពាល់ដល់បរិស្ថានជំនួសវិញ។
ស្ថានទូតសហរដ្ឋអាមេរិកប្រចាំនៅកម្ពុជា បានចេញសេចក្តីថ្លែងការណ៍របស់ខ្លួននៅថ្ងៃទី១៧ ខែមិថុនា ឆ្នាំ២០២១ ថា អាមេរិកបានធ្វើការចំណាយថវិកាចំនួនជាង ១០០លានដុល្លារលើកម្មវិធីមួយចំនួនសម្រាប់ប្រយុទ្ធប្រឆាំងនឹងការកាប់បំផ្លាញព្រៃឈើខុសច្បាប់នៅកម្ពុជា ប៉ុន្តែវាជារឿងគួរឲ្យស្តាយដែលស្ថានភាពកាន់តែអាក្រក់ទៅៗ ដែលពុំមានការថមថយនៃបទល្មើសព្រៃឈើខ្មែរទាល់តែសោះ។
ប្រភពដដែលរិះគន់ថា ការកាប់ឈើខុសច្បាប់នៅកម្ពុជា នៅតែបន្តកើតមាននៅក្នុងតំបន់ និងជុំវិញដែនជម្រកសត្វព្រៃព្រៃឡង់ ប៉ុន្តែអាជ្ញាធរកម្ពុជាមិនបានធ្វើការកាត់ទោស ឬចាត់វិធានការច្បាប់ចំពោះឈ្មួញទុច្ចរិតដែលបានប្រព្រឹត្តបទល្មើសលើសត្វព្រៃ ឬបញ្ឈប់សកម្មភាពខុសច្បាប់ក្នុងតំបន់អភិរក្សព្រៃឡង់នោះឡើយ។
ស្ថានទូតសហរដ្ឋអាមេរិក អះអាងទៀតថា...