ឧកញ៉ា ហេង ហ៊ុយ

ប្រជាពលរដ្ឋ​មាន​ជម្លោះ​ដីធ្លី​ជាមួយ​ឧកញ៉ា ហេង ហ៊ុយ ជាច្រើន​នាក់ បាន​ទៅ​ប្រមូលផ្ដុំ​គ្នា​នៅ​ខាង​មុខ​សាលា​ឧទ្ធរណ៍​ខេត្ត​ព្រះសីហនុ ដើម្បី​ទាមទារ​ឲ្យ​ទម្លាក់​បទ​ចោទប្រកាន់​តំណាង​របស់​ពួកគេ​ទាំង ៩​នាក់​ឲ្យ​មាន​សេរីភាព​វិញ ស្រប​ពេល​ដែល​តុលាការ​សម្រេច​លើក​ពេល​ប្រកាស​សាលដីកា​ទៅ​ថ្ងៃ​ទី​១៦ ខែ​វិច្ឆិកា ឆ្នាំ​២០២៣ ខាងមុខ។ ការ​នាំគ្នា​ឡើង​ទៅ​ប្រមូលផ្ដុំ​គ្នា​នៅ​ខាង​មុខ​សាលា​ឧទ្ធរណ៍​ខេត្ត​ព្រះសីហនុ អំឡុង​ពេល​តុលាការ​ជាន់ខ្ពស់​នេះ​បើក​សវនាការ​បណ្ដឹង​សាទុក្ខ​តំណាង​សហគមន៍ ១៩៧​គ្រួសារ ចំនួន ៩​នាក់ ដែល​ជំទាស់​នឹង​សេចក្ដី​សម្រេច​របស់​តុលាការ​ខេត្ត​កោះកុង កាលពី​ថ្ងៃទី​១៥ ខែ​សីហា ឆ្នាំ​២០២៣។ បន្ទាប់ពី​បើក​សវនាការ​សួរ​ដេញដោល​ពេញ​មួយ​ព្រឹក​នា​ថ្ងៃទី​២៦ ខែ​តុលា នេះ ចៅក្រម​ជំនុំជម្រះ​សាលា​ឧទ្ធរណ៍​ខេត្ត​ព្រះសីហនុ លោក សួន...

សាលា​ឧទ្ធរណ៍​ខេត្ត​ព្រះសីហនុ សម្រេច​ដោះលែង​តំណាង​សកម្មជន​ដីធ្លី​នៅ​ខេត្ត​កោះកុង ពីរ​រូប​ឲ្យ​នៅ​ក្រៅ​ឃុំ​ជា​បណ្ដោះអាសន្ន បន្ទាប់ពី​ជាប់​ពន្ធនាគារ​ខេត្ត​នេះ​ជាង ៣​ខែ។ ការ​សម្រេច​នេះ បន្ទាប់ពី​សាលា​ឧទ្ធរណ៍​ខេត្ត​ព្រះសីហនុ បាន​បើក​សវនាការ​លើ​បណ្តឹង​សុំ​ដោះលែង​ឲ្យ​នៅ​ក្រៅ​ឃុំ​ករណី​លោកស្រី ផាវ ញ៉ើង និង​លោកស្រី សេង លីន ដែល​ជា​សកម្មជន​ដីធ្លី និង​តំណាង​សហគមន៍​នៅ​ស្រុក​ស្រែអំបិល ខេត្ត​កោះកុង នៅ​ថ្ងៃទី​៥ ខែ​តុលា ឆ្នាំ​២០២៣។ ក្រោយពី​បើក​សវនាការ សាលា​ឧទ្ធរណ៍​ខេត្ត​ព្រះសីហនុ បាន​សម្រេច​ប្រកាស​សាលដីកា​នៅ​ថ្ងៃ​ដដែល​នេះ ដោយ​សម្រេច​ដោះលែង​លោកស្រី ផាវ ញ៉ើង និង​លោកស្រី...

សហគមន៍​កសិករ​ក្រីក្រ​ខេត្ត​កោះកុង បន្ត​ទទូច​ឲ្យ​លោក ហ៊ុន ម៉ាណែត ជួយ​ធ្វើ​អន្តរាគមន៍​ទៅ​សាលាដំបូង​ខេត្ត​នេះ ដើម្បី​ដោះលែង​សកម្មជន​ដីធ្លី ២​រូប និង​កូន​តូច​ម្នាក់​ដែល​កំពុង​ជាប់​ពន្ធនាគារ​ជាមួយ​ម្ដាយ ឱ្យ​មាន​សេរីភាព​ឡើងវិញ ដោយ​ពួកគេ​ចាត់ទុក​ការ​ឃុំ​ខ្លួន​នេះ​ថា​ជា​រឿង​អយុត្តិធម៌​សម្រាប់​អ្នក​រងគ្រោះ​ដីធ្លី។ ការ​បន្ត​ទទូច​ដូច្នេះ ធ្វើឡើង​បន្ទាប់ពី​សាលា​ឧទ្ធរណ៍​ខេត្ត​កោះកុង កាលពី​ថ្ងៃទី​២៩ ខែ​សីហា ឆ្នាំ​២០២៣ សម្រេច​អនុញ្ញាត​ឲ្យ​តំណាង​សហគមន៍​ដីធ្លី​ចំនួន ៧​រូប​ក្នុង​ចំណោម ៩​រូប ដែល​ត្រូវ​បាន​តុលាការ​ខេត្ត​កោះកុង ចោទប្រកាន់​ពី​បទ «ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍» នោះ ស្ថិត​នៅ​ក្រៅ​ឃុំ​បណ្ដោះអាសន្ន ហើយ ២​រូប​ទៀត...

មន្ត្រី​សិទ្ធិមនុស្ស​ក្នុង​ស្រុក អំពាវនាវ​ឱ្យ​តុលាការ និង​សមត្ថកិច្ច​ពាក់ព័ន្ធ​ក្នុង​ខេត្ត​កោះកុង សិក្សា​លើ​ករណី​វិវាទ​ដីធ្លី​ដែល​ពលរដ្ឋ​រងគ្រោះ​នូវ​ការ​ចោទ​ប្តឹង​ពី​ឧកញ៉ា ហេង ហ៊ុយ នៅ​ស្រុក​ស្រែអំបិល ឱ្យ​បាន​លម្អិត ដើម្បី​រក​ឱ្យ​ឃើញ​ការពិត និង​ឈាន​ទៅ​រក​ដំណោះស្រាយ​ដោយ​ផ្តល់​យុត្តិធម៌​ដល់​ជន​រងគ្រោះ ជាជាង​ការ​ប្រើ​វិធានការ​ចោទ​ប្តឹង និង​ចាប់​ឃុំ​ខ្លួន​ពលរដ្ឋ​រងគ្រោះ​ដូច​ពេល​កន្លងមក។ អ្នក​នាំពាក្យ​សមាគម​ការពារ​សិទ្ធិមនុស្ស​អាដហុក លោក ស៊ឹង សែនករុណា ប្រាប់​សារព័ត៌មាន The Cambodia Daily នៅ​ថ្ងៃទី​៥ កញ្ញា នេះ​ថា ជុំវិញ​ទំនាស់​ដីធ្លី​នៅ​ក្នុង​ខេត្ត​កោះកុង​ភាគច្រើន​មិន​ត្រូវ​បាន​អាជ្ញាធរ​ចាត់​វិធានការ​សិក្សា​ស្រាវជ្រាវ ដើម្បី​រក​ដំណោះស្រាយ​នោះ​ទេ...

សាលា​ឧទ្ធរណ៍​ខេត្ត​ព្រះសីហនុ សម្រេច​ដោះលែង​តំណាង​សហគមន៍​រងគ្រោះ​ដីធ្លី​ខេត្ត​កោះកុង ៩​នាក់​ឲ្យ​នៅ​ក្រៅ​ឃុំ​បណ្ដោះអាសន្ន បន្ទាប់ពី​ពួកគេ​ត្រូវ​តុលាការ​ខេត្ត​កោះកុង ចោទប្រកាន់​និង​ឃុំ​ខ្លួន​នៅ​ពន្ធនាគារ​ប្រមាណ ២​ខែ។ ការ​សម្រេច​របស់​សាលា​ឧទ្ធរណ៍​ខេត្ត​ព្រះសីហនុ នា​ថ្ងៃទី​២៩ សីហា នេះ បន្ទាប់ពី​តុលាការ​បាន​បើក​សវនាការ​សំណុំរឿង​តំណាង​សហគមន៍​រងគ្រោះ​ដីធ្លី​ទាំង ៩​នាក់​នា​ព្រឹក​ថ្ងៃទី​២៩ ខែ​សីហា នេះ។ ប្រជាពលរដ្ឋ​ម្នាក់ អ្នកនាង យី ធីម បាន​ប្រាប់​សារព័ត៌មាន The Cambodia Daily ថា តុលាការ​សម្រេច​ឲ្យ​តំណាង​ពួកគាត់​ទាំង ៩​នាក់​នៅ​ក្រៅ​ឃុំ​បណ្ដោះអាសន្ន ប៉ុន្តែ​អ្នកនាង​ថា​ក្នុង​ចំណោម​តំណាង...

សហគមន៍​រងគ្រោះ​ដីធ្លី​នៅ​ខេត្ត​កោះកុង បន្ត​ស្នើ​ទៅ​លោក ហ៊ុន ម៉ាណែត ដែល​ជា​នាយករដ្ឋមន្ត្រី​កម្ពុជា​បន្ត​វេន​ពី​ឪពុក ឲ្យ​ជួយ​អន្តរាគមន៍​ដោះលែង​តំណាង​ពួកគេ​ចំនួន ៩​នាក់​ដែល​កំពុង​ជាប់​ពន្ធនាគារ​ដោយសារ​បញ្ហា​ដីធ្លី​ឲ្យ​មាន​សេរីភាព​វិញ។ ការ​ស្នើ​នេះ បន្ទាប់ពី​សមត្ថកិច្ច​ចាប់ និង​បញ្ជូន​ខ្លួន​តំណាង​សហគមន៍​រងគ្រោះ​ដីធ្លី​ទាំង ៩​នាក់​ទៅ​ឃុំ​នៅ​ពន្ធនាគារ​ខេត្ត​កោះកុង កាលពី​ចុង​ខែ​មិថុនា ឆ្នាំ​២០២៣។ គិត​ចាប់តាំងពី​ថ្ងៃ​ចាប់ និង​ឃុំ​ខ្លួន​មក​ដល់​ពេលនេះ តំណាង​សហគមន៍​ដីធ្លី​ទាំង ៩​នាក់​ដែល​សកម្ម​ចេញ​ទាមទារ​យុត្តិធម៌ និង​ដំណោះស្រាយ​ដីធ្លី​បាន​ជាប់​ឃុំ​ជិត ២​ខែ​ហើយ។ ជុំវិញ​រឿង​នេះ សហគមន៍​តានី​១៩៧ សរសេរ​លើ​បណ្ដាញ​សង្គម​ហ្វេសប៊ុក​ដោយ​បន្ត​ទទូច​ទៅ​លោក ហ៊ុន ម៉ាណែត ដែល​ជា​នាយករដ្ឋមន្ត្រី​កម្ពុជា ជួយ​អន្តរាគមន៍​ទៅ​តុលាការ​ដោះលែង​តំណាង​ទាំង...

សមាគម​សម្ព័ន្ធ​សហគមន៍​កសិករ​កម្ពុជា (CCFC) ស្នើ​ទៅ​រដ្ឋាភិបាល​ថ្មី​ដឹកនាំ​ដោយ​លោក ហ៊ុន ម៉ាណែត ជួយ​អន្តរាគមន៍​ដោះលែង​ពលរដ្ឋ​រងគ្រោះ​ដីធ្លី​ជាមួយ​ឧកញ៉ា ហេង ហ៊ុយ នៅ​ខេត្ត​កោះកុង ដែល​បច្ចុប្បន្ន​កំពុង​ជាប់​ពន្ធនាគារ ៩​នាក់ ឲ្យ​មាន​សេរីភាព​វិញ។ ការ​ស្នើសុំ​នេះ ធ្វើឡើង​បន្ទាប់ពី​លោក ហ៊ុន ម៉ាណែត ត្រូវ​បាន​រដ្ឋសភា​បោះឆ្នោត​គាំទ្រ​ឲ្យ​ធ្វើ​ជា​មេដឹកនាំ​រដ្ឋាភិបាល​កម្ពុជា​សម្រាប់​អាណត្តិ​ទី​៧ កាលពី​ថ្ងៃទី​២២ ខែ​សីហា ឆ្នាំ​២០២២ ដើម្បី​បន្ត​វេន​ពី​លោក ហ៊ុន សែន ជា​ឪពុក​ចាប់ពី​ខែ​សីហា ឆ្នាំ​២០២៣។ ប្រធាន​សមាគម​សម្ព័ន្ធ​សហគមន៍​កសិករ​កម្ពុជា...

ប្រជាពលរដ្ឋ​រងគ្រោះ​ដីធ្លី​នៅ​ខេត្ត​កោះកុង ប្រមាណ ១០០​នាក់ នាំគ្នា​ត្រឡប់​ទៅ​ផ្ទះ​វិញ​ដើម្បី​រង់ចាំ​ឲ្យ​រដ្ឋាភិបាល​ថ្មី​ឡើង​កាន់​តំណែង បន្ទាប់ពី​ពួកគេ​ប្រមូលផ្ដុំ​តវ៉ា​ខាង​មុខ​តុលាការ​ខេត្ត​ពេញ​មួយ​ថ្ងៃ​កាលពី​ម្សិលមិញ (ថ្ងៃទី​១៦ សីហា) ដើម្បី​ទាមទារ​ឲ្យ​តុលាការ​ទម្លាក់​បទ​ចោទប្រកាន់ និង​ដោះលែង​តំណាង​ពួកគេ​ដែល​កំពុង​ជាប់​ឃុំ​ពាក់ព័ន្ធ​នឹង​រឿង​វិវាទ​ដីធ្លី​ជាមួយ​ឧកញ៉ា ហេង ហ៊ុយ។ ការ​ប្រមូលផ្ដុំ​តវ៉ា​របស់​សហគមន៍​១៩៧ សហគមន៍​១៩៥ និង​សហគមន៍​ផ្សេង​ទៀត​នៅ​ខាង​មុខ​សាលាដំបូង​ខេត្ត​កោះកុង នា​ថ្ងៃទី​១៦ ខែ​សីហា បន្ទាប់ពី​តុលាការ​ខេត្ត​បាន​កាត់ទោស​តំណាង​ពួកគេ​ទាំង ៩​នាក់​ឲ្យ​ជាប់​ពន្ធនាគារ​ម្នាក់ៗ ១​ឆ្នាំ និង​បង្គាប់​ឲ្យ​បង់​ប្រាក់​ពិន័យ ៤០​លាន​រៀល​ទៅ​ឧកញ៉ា ហេង ហ៊ុយ ដោយ​តុលាការ​ចោទប្រកាន់​ពី​បទ «បរិហារ​បង្កាច់​កេរ្តិ៍...

តំណាង​សហគមន៍​ដីធ្លី​ម្នាក់​ក្នុង​ចំណោម ៩​នាក់​ទៀត​ខកចិត្ត​ដែល​តុលាការ​ខេត្ត​កោះកុង កាត់ទោស​លោកស្រី និង​អ្នក​ផ្សេង​ឲ្យ​ជាប់​ពន្ធនាគារ​ម្នាក់ៗ ១​ឆ្នាំ និង​បង្គាប់​ឲ្យ​បង់​ប្រាក់​ពិន័យ​ម្នាក់ៗ ៤០​លាន​រៀល ដោយសារ​ទាមទារ​រក​ដំណោះស្រាយ​ដីធ្លី និង​យុត្តិធម៌​ដែល​ត្រូវ​បាន​ឧកញ៉ា ហេង ហ៊ុយ រំលោភ​យក​កាលពី​ឆ្នាំ​២០០៧។ តំណាង​ទាំង ១០​នាក់ ត្រូវ​តុលាការ​កាត់ទោស​ឲ្យ​ជាប់​ពន្ធនាគារ​ម្នាក់ ១​ឆ្នាំ និង​បង្គាប់​ឲ្យ​តំណាង ៩​នាក់​បង់​ប្រាក់​ពិន័យ ៤០​លាន​រៀល ដោយ​ចោទប្រកាន់​ពី​បទ «ញុះញង់​ឲ្យ​ប្រព្រឹត្ត​អំពើ​បង្ក​ឱ្យ​មាន​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម និង​បទ​បរិហារ​បង្កាច់​កេរ្តិ៍» ពាក់ព័ន្ធ​នឹង​ជម្លោះ​ដីធ្លី​ដ៏​រ៉ាំរ៉ៃ​ជាមួយ​ឧកញ៉ា ហេង ហ៊ុយ...

សាលាដំបូង​ខេត្ត​កោះកុង នឹង​ប្រកាស​សាលក្រម​លើ​សំណុំរឿង​របស់​តំណាង​សហគមន៍​ដីធ្លី ១០​នាក់​ដែល​មាន​ជម្លោះ​ដីធ្លី​ដ៏​រ៉ាំរ៉ៃ​ជាមួយ​ឧកញ៉ា ហេង ហ៊ុយ ដែល​មាន​ទំនាក់ទំនង​ស្អិតល្មួត​ជាមួយ​គ្រួសារ​លោក ហ៊ុន សែន តាំងពី​អំឡុង​ឆ្នាំ​២០០៧ នៅ​ថ្ងៃទី​១៥ សីហា នេះ។ ការ​ប្រកាស​សាលក្រម​នេះ បន្ទាប់ពី​តុលាការ​ខេត្ត​កោះកុង បាន​បើក​សវនាការ​ជំនុំជម្រះ​តំណាង​សហគមន៍ ១០​នាក់​ដែល​តំណាង​ពលរដ្ឋ​រងគ្រោះ​ចំនួន ១៩៧​គ្រួសារ នៅ​ភូមិ​តានី ឃុំ​ជីខលើ ស្រុក​ស្រែអំបិល កាលពី​ថ្ងៃទី​២៤ ខែ​វិច្ឆិកា ឆ្នាំ​២០២១ និង​ថ្ងៃទី​២០ ខែ​មេសា...