TAG
VOD
សង្គមស៊ីវិលទាមទាររដ្ឋាភិបាលអនុញ្ញាតឱ្យបើកដំណើរការវិទ្យុសំឡេងប្រជាធិបតេយ្យឡើងវិញ
អង្គការសង្គមស៊ីវិលស្នើទៅរដ្ឋាភិបាលកម្ពុជា អនុញ្ញាតឲ្យវិទ្យុសំឡេងប្រជាធិបតេយ្យ វីអូឌី (VOD) បើកដំណើរឡើងវិញ ដើម្បីធានាថាសេរីភាពសារព័ត៌មាននៅកម្ពុជាមិនរងការគំរាមកំហែង និងរឹតត្បិត។
នៅក្នុងពិធីប្រារព្ធខួប ៣០ឆ្នាំនៃទិវាសេរីភាពសារព័ត៌មានពិភពលោក នាថ្ងៃទី២ ខែឧសភា ឆ្នាំ២០២៣ នាយិកានៃមជ្ឈមណ្ឌលសិទ្ធិមនុស្សកម្ពុជា (CCHR) អ្នកស្រី ចក់ សុភាព លើកឡើងថា ថ្មីៗនេះរដ្ឋាភិបាលកម្ពុជាបានអនុគ្រោះឲ្យសកម្មជនគណបក្សប្រឆាំងដែលរងការចោទប្រកាន់ និងជាប់ឃុំខ្លួនក្នុងពន្ធនាគារជាបន្តបន្ទាប់ រហូតជួយអន្តរាគមន៍ឲ្យដោះលែងផងដែរ។
អ្នកស្រីថា ក្រៅពីអន្តរាគមន៍ហើយ រដ្ឋាភិបាលក៏បានផ្ដល់តួនាទី តំណែងជារដ្ឋលេខាធិការ និងអនុរដ្ឋលេខាធិការដល់សកម្មជនបក្សប្រឆាំងទាំងនោះ...
លោក ខៀវ កាញារីទ្ធ ថាកម្ពុជាបានបើកសិទ្ធិបញ្ចេញមតិនិងសេរីភាពសារព័ត៌មានទូលំទូលាយ
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ អះអាងថា សព្វថ្ងៃនេះ កម្ពុជាមានទីភ្នាក់ងារព័ត៌មានបរទេសចំនួន ១៧អង្គភាព និងសមាគមសារព័ត៌មានសរុបមានចំនួន ៥១អង្គភាព ដែលបង្ហាញថាកម្ពុជាបានបើកឱ្យមានសិទ្ធិសេរីភាពបញ្ចេញមតិ និងសេរីភាពខាងសារព័ត៌មានយ៉ាងទូលំទូលាយ។
លោក ខៀវ កាញារីទ្ធ លើកឡើងក្នុងពិធីបើកសន្និបាតបូកសរុបលទ្ធផលការងារ ៥ឆ្នាំ និងលើកទិសដៅការងារបន្តសម្រាប់ឆ្នាំ២០២៣ ដល់ឆ្នាំ២០២៨ របស់ក្រសួងព័ត៌មាន នៅថ្ងៃទី៥ ខែមេសា នេះថា ប្រទេសកម្ពុជាគឺជាប្រទេសតែមួយគត់ដែលបានរាប់បញ្ចូលអ្នកសារព័ត៌មានជាក្រុមអាទិភាពនៅអំឡុងពេលយុទ្ធនាការប្រឆាំងជំងឺកូវីដ-១៩ ដោយទទួលបានការចាក់វ៉ាក់សាំងបង្ការជំងឺនេះគ្រប់ៗគ្នា...
លោក ហ៊ុន សែន ប្រកាសមិនឱ្យសារព័ត៌មានដែលមានមតិផ្ទុយរដ្ឋាភិបាលដំណើរការនៅកម្ពុជា
បុរសខ្លាំងក្រាញអំណាចនៅកម្ពុជា ប្រកាសហាមមិនឲ្យសារព័ត៌មានដែលមានមតិផ្ទុយរដ្ឋាភិបាល ដំណើរការនៅកម្ពុជាឡើយ ដោយលោកចោទថាជាសារព័ត៌មានអាក្រក់ និងទុច្ចរិត។
ក្នុងពិធីដាក់ឲ្យប្រើប្រាស់មន្ទីរពេទ្យបង្អែកស្រុកក្រូចឆ្មារ ខេត្តត្បូងឃ្មុំ កាលពីថ្ងៃទី៣ មេសា លោក ហ៊ុន សែន ប្រកាសថាមនុស្សមួយចំនួនចូលចិត្តតែនិយាយអំពីសារព័ត៌មានដែលប្រព្រឹត្តខុស ហើយត្រូវដកអាជ្ញាប័ណ្ណ ប៉ុន្តែមិនបាននិយាយអំពីសារព័ត៌មានជាច្រើនដែលកំពុងដំណើរការនាពេលបច្ចុប្បន្ននៅកម្ពុជា។
ក្រៅពីលើកឡើងដូច្នេះហើយ បុរសខ្លាំងរូបនេះបានអំពាវនាវឲ្យពលរដ្ឋកុំទៅខ្វល់ជាមួយអ្នកដែលលើកឡើងអំពីសារព័ត៌មានដែលលោក ហ៊ុន សែន ចាត់ទុកថាប្រព្រឹត្តខុស ហើយត្រូវបានលោកលុប ឬដកអាជ្ញាប័ណ្ណចោលទៀត។
លោក ហ៊ុន សែន ចាត់ទុកសារព័ត៌មានដែលហ៊ាននិយាយការពិត និងមានមតិផ្ទុយ...
សកម្មជនសង្គមដាក់ញត្តិទៅក្រសួងព័ត៌មានស្នើសុំឱ្យផ្ដល់អាជ្ញាប័ណ្ណដល់ VOD ឡើងវិញ
សកម្មជនសង្គមជាច្រើននាក់ យកញត្តិទៅដាក់ជូនក្រសួងព័ត៌មាន ដើម្បីស្នើសុំឱ្យផ្តល់អាជ្ញាប័ណ្ណដល់អង្គភាពសារព័ត៌មានសំឡេងប្រជាធិបតេយ្យ វីអូឌី ឡើងវិញ បន្ទាប់ពីអង្គភាពសារព័ត៌មានមួយនេះត្រូវបានរដ្ឋាភិបាលបិទលែងឱ្យដំណើរការកាលពីពាក់កណ្តាលខែកុម្ភៈ កន្លងទៅ។
យុវជនសង្គមជាង ១០នាក់ នៅថ្ងៃទី៣១ ខែមីនា ឆ្នាំ២០២៣ បាននាំគ្នាយកញត្តិទៅដាក់នៅក្រសួងព័ត៌មាន ដើម្បីស្នើសុំឱ្យក្រសួងផ្តល់អាជ្ញាប័ណ្ណដល់អង្គភាពសារព័ត៌មាន វីអូឌី ឡើងវិញ ដើម្បីជួយផ្តល់ព័ត៌មានពិតពីប្រជាពលរដ្ឋនៅមូលដ្ឋានទៅកាន់រដ្ឋាភិបាល និងផ្តល់ការផ្សព្វផ្សាយរបស់រដ្ឋាភិបាលទៅកាន់ប្រជាពលរដ្ឋផងដែរ។
ក្រុមយុវជនសង្គមខាងលើលើកឡើងថា អង្គភាពសារព័ត៌មាន វីអូឌី បានដើរតួនាទីយ៉ាងសំខាន់ក្នុងការផ្តល់ព័ត៌មានពិតជូនរដ្ឋាភិបាលពីប្រជាពលរដ្ឋដែលជាម្ចាស់ឆ្នោត ហើយកាន់តែសំខាន់ទៀតនោះ កម្ពុជាក៏នឹងរៀបចំការបោះឆ្នោតជាតិនៅអាណត្តិទី៧ របស់ខ្លួនថែមទៀត ដូច្នេះដើម្បីធានានូវសេរីភាពបញ្ចេញមតិ...
អតីតបុគ្គលិកVODចំនួន២៦នាក់បានចូលជាមន្ត្រីរាជការក្នុងចំណោម២៨នាក់ដែលដាក់ពាក្យចូលក្របខ័ណ្ឌ
អតីតបុគ្គលិកវិទ្យុ VOD ចំនួន ២៦នាក់ក្នុងចំណោម ២៨នាក់ ត្រូវបានសម្រេចឲ្យចូលធ្វើជាមន្ត្រីរាជការ ខណៈអតីតបុគ្គលិក ២នាក់ផ្សេងទៀតបានបដិសេធមិនទទួលយកឲ្យចូលក្របខ័ណ្ឌរដ្ឋ ព្រោះមិនមានលក្ខខណ្ឌគ្រប់គ្រាន់។
បើតាមរដ្ឋលេខាធិការក្រសួងព័ត៌មាន និងជាអនុប្រធាននៃគណៈកម្មការរៀបចំការទទួលពាក្យរបស់អតីតបុគ្គលិកវិទ្យុសំឡេងប្រជាធិបតេយ្យ (VOD) និងជានិពន្ធនាយកទូរទស្សន៍ PNN លោក ប៉ែន បូណា បានប្រាប់សារព័ត៌មានក្នុងស្រុកនៅថ្ងៃសុក្រ ទី៣ ខែមីនា ឆ្នាំ២០២៣ នេះថា អតីតបុគ្គលិកវិទ្យុ VOD ចំនួន...
អតីតបុគ្គលិក VOD ជិត៣០នាក់ដាក់ពាក្យចូលក្របខ័ណ្ឌរដ្ឋបន្ទាប់ពីលោក ហ៊ុន សែន បិទសារព័ត៌មាននេះ
មន្ត្រីជាន់ខ្ពស់ក្រសួងព័ត៌មាន អះអាងថា គិតត្រឹមថ្ងៃទី២៨ ខែកុម្ភៈ កន្លងទៅ អតីតបុគ្គលិកវិទ្យុ VOD ជិត ៣០នាក់បានដាក់ពាក្យបម្រើការងារក្របខ័ណ្ឌរដ្ឋដែលលោក ហ៊ុន សែន ផ្ដល់ឲ្យបន្ទាប់ពីលោកបិទសារព័ត៌មាន VOD កាលពីថ្ងៃទី១៣ ខែកុម្ភៈ។
រដ្ឋមន្ត្រីក្រសួងមុខងារសាធារណៈ លោក ព្រុំ សុខា បានប្រាប់សារព័ត៌មានក្នុងស្រុកនៅថ្ងៃទី១ ខែមីនា នេះថា អតីតបុគ្គលិកវិទ្យុ VOD ចំនួន...
អតីតបុគ្គលិក VOD ចំនួន២៥នាក់ទទួលយកក្របខ័ណ្ឌរដ្ឋដែលលោក ហ៊ុន សែន ផ្ដល់ឱ្យ
រដ្ឋមន្ត្រីក្រសួងមុខងារសាធារណៈ ឲ្យដឹងថា រហូតដល់ថ្ងៃទី២៨ ខែកុម្ភៈ ឆ្នាំ២០២៣ ដែលជាថ្ងៃផុតឱសានវាទ អតីតបុគ្គលិក VOD ចំនួន ២៥នាក់បានសម្រេចទទួលយកក្របខ័ណ្ឌរដ្ឋដែលលោក ហ៊ុន សែន ផ្ដល់ឲ្យបន្ទាប់ពីលោកបានបញ្ជាឲ្យក្រសួងព័ត៌មានដកអាជ្ញាប័ណ្ណសារព័ត៌មាន VOD ដោយប្រើរយៈពេលត្រឹមតែ ២៤ម៉ោង។
ការប្រកាសរបស់រដ្ឋមន្ត្រីក្រសួងមុខងារសាធារណៈនៅពេលនេះ ដោយសារថ្ងៃទី២៨ ខែកុម្ភៈ ឆ្នាំ២០២៣ នេះជាថ្ងៃផុតឱសានវាទដែលលោក ហ៊ុន សែន បានដាក់លក្ខខណ្ឌឲ្យអតីតបុគ្គលិក VOD...
GDP ទទូចឱ្យតំណាងរាស្ត្រកោះហៅរដ្ឋាភិបាលសាកសួរជុំវិញការបិទវិទ្យុ VOD
គណបក្សប្រជាធិបតេយ្យមូលដ្ឋាន (GDP) ទទូចឲ្យតំណាងរាស្ត្រកោះហៅរដ្ឋាភិបាលទៅសាកសួរ ជុំវិញការបិទសារព័ត៌មាន វីអូឌី ដើម្បីឆ្លុះបញ្ចាំងអំពីការគោរព និងអនុវត្តនូវសិទ្ធិទទួលបានព័ត៌មានដែលធានាដោយរដ្ឋធម្មនុញ្ញ។
ក្នុងញត្តិរបស់គណបក្សប្រជាធិបតេយ្យមូលដ្ឋាន (GDP) ចុះថ្ងៃទី២៣ ខែកុម្ភៈ ឆ្នាំ២០២៣ បានឲ្យដឹងថា ការស្នើសុំឲ្យតំណាងរាស្ត្រអាណត្តិទី៦ កោះហៅរដ្ឋាភិបាលដោយមើលឃើញថាការសម្រេចភ្លាមៗលុបចោលអាជ្ញាប័ណ្ណវិទ្យុសំឡេងប្រជាធិបតេយ្យ (VOD) ដែលបានដំណើរការអស់រយៈពេលជាង ២០ឆ្នាំនេះ បង្ហាញពីមន្ទិលសង្ស័យ ខណៈស្ថាប័នសារព័ត៌មាន VOD មានការគាំទ្រពីសំណាក់ប្រជាពលរដ្ឋកម្ពុជាជាច្រើន។
GDP បន្តថា តំណាងរាស្ត្រត្រូវហៅរដ្ឋាភិបាលមកសួរអំពីមូលហេតុដែលសម្រេចលុបចោលអាជ្ញាប័ណ្ណ VOD...
បទវិភាគ៖ តើអ្វីទៅជាអាថ៌កំបាំងនៃការបិទវិទ្យុសំឡេងប្រជាធិបតេយ្យ VOD?
សាធារណជនខ្មែរបានសម្ដែងប្រតិកម្មផ្សេងៗគ្នាចំពោះការសម្រេចតក់ក្រហល់បិទសារព័ត៌មានសំឡេងប្រជាធិបតេយ្យ វីអូឌី។
អ្នកមាននិន្នាការគាំទ្រមានប្រយោជន៍នឹងរបបគ្រប់គ្រងបែបសព្វថ្ងៃ នាំគ្នារីករាយនឹងការបិទ ព្រោះគេថាជាសារព័ត៌មានប្រឆាំង និយាយរឿងមិនពិត។ ពលរដ្ឋស្នេហាយុត្តិធម៌ ស្នេហាសិទ្ធិសេរីភាព សោកស្តាយឥតឧបមាព្រោះថានឹងលែងមានសារព័ត៌មានដែលហ៊ាននិយាយប្រាប់ការពិតហើយនៅប្រទេសកម្ពុជា ប៉ុន្តែមិនដឹងធ្វើដូចម្តេច។
តើឫសគល់នៃរឿងហេតុបិទ វីអូឌី អាចចេញមកពីរឿងអ្វី?
មតិប្រជាពលរដ្ឋខ្មែរ មតិជនបរទេស ទាំងរដ្ឋាភិបាលលោកសេរី ទាំងក្រុមអង្គការសង្គមស៊ីវិល បានត្រឹមតែសម្ដែងក្តីសោកស្តាយចំពោះសេចក្តីសម្រេចចិត្តរបស់ប្រមុខរាជរដ្ឋាភិបាលលោក ហ៊ុន សែន បញ្ជាឲ្យបិទសារព័ត៌មានឯករាជ្យចុងក្រោយសេសសល់ក្នុងរាជាណាចក្រកម្ពុជា គឺសំឡេងប្រជាធិបតេយ្យ (VOD) តែពុំមាននីតិវិធីអ្វីដែលអាចយកទៅតតាំងគ្នាក្នុងតុលាការនោះទេ។ នេះមកពីប្រទេសកម្ពុជា អំណាចស្ថិតក្នុងដៃបុគ្គលតេជវន្ត មិនស្ថិតក្នុងស្ថាប័នដូចប្រទេសប្រកាន់ប្រជាធិបតេយ្យ។
បើគេយករឿងហ្នឹងមកវិភាគ...
លោក ផែង វណ្ណៈ ប្រកាសជប់លៀងក្រោយពីលោក ហ៊ុន សែន ចេញមុខការពាររឿងប្រមាថស្ត្រីនិងវាយប្រហារVOD
លោក ផែង វណ្ណៈ ប្រកាសជប់លៀងអ្នកគាំទ្ររាជរដ្ឋាភិបាលនៅតាមបណ្ដាញសង្គមហ្វេសប៊ុកទូទាំង ២៥រាជធានី-ខេត្ត ក្រោយពីលោក ហ៊ុន សែន បានចេញមុខការពារចំពោះវិធានការច្បាប់ ទោះបីជាលោកបានជេរប្រមាថមាក់ងាយលើស្ត្រី និងវាយប្រហារលើស្ថាប័នសារព័ត៌មាន VOD។
បើតាមហ្វេសប៊ុកឈ្មោះ ផែង វណ្ណៈ បានសរសេរនៅថ្ងៃទី២២ ខែកុម្ភៈ នេះថា ខ្លួននឹងហៅអ្នកគាំទ្ររាជរដ្ឋាភិបាលនៅតាមបណ្ដាញសង្គមហ្វេសប៊ុកទូទាំង ២៥រាជធានី-ខេត្តសរុបចំនួន ៥០០នាក់ ជួបជុំគ្នានៅភោជនីយដ្ឋានមួយក្នុងរាជធានីភ្នំពេញ។
លោកបញ្ជាក់ថា ការជួបជុំនៅថ្ងៃទី២៥ ខែមីនា ឆ្នាំ២០២៣...