ហ៊ុន ម៉ាណែត

នាយករដ្ឋមន្ត្រី​ថៃ អ្នកស្រី ផែថងថាន ស៊ីណាវ៉ាត់ (Paetongtarn Shinawatra) ចោទ​កម្ពុជា​ថា​ជា​មជ្ឈមណ្ឌល​ឧក្រិដ្ឋកម្ម​ឆ្លងដែន ដែល​ធ្វើ​ឱ្យ​ប្រទេស​ថៃ ខាតបង់​ទឹកប្រាក់​ជាង ៦០០​ពាន់​លាន​បាត​ក្នុង ១​ឆ្នាំៗ ដូច្នេះ​ប្រទេស​ថៃ កំពុង​រឹត​បន្តឹង​ការ​គ្រប់គ្រង​ព្រំដែន ដើម្បី​បង្ក្រាប​បណ្ដាញ​បោកប្រាស់ ស្រប​តាម​ការ​កំណត់​របស់​អង្គការ​សហប្រជាជាតិ ដែល​វិធានការ​នេះ​ត្រូវ​កំណត់​ពេល ៣​ខែ​សម្រាប់​អនុវត្ត។ នាយករដ្ឋមន្ត្រី​ថៃ រូប​នេះ​អះអាង​ថា ដើម្បី​បង្ក្រាប​ឧក្រិដ្ឋកម្ម​នេះ ថៃ​ត្រូវ​ពិនិត្យ​យ៉ាង​តឹងរ៉ឹង​តាម​ច្រក​ព្រំដែន​ជាមួយ​កម្ពុជា ខណៈ​ជើងហោះហើរ​ទៅ​កាន់​ខេត្ត​សៀមរាប ដើម្បី​លេង​ល្បែង ក៏​នឹង​ត្រូវ​ប្រឈម​នឹង​ការ​រឹត​បន្តឹង រីឯ​ការ​លេង​ល្បែង​នៅ​តាម​តំបន់​ព្រំដែន...

នាយករដ្ឋមន្ត្រី​ខ្មែរ លោក ហ៊ុន ម៉ាណែត លើកឡើង​ថា ទាល់តែ​ខ្មែរ​មាន​ស្មារតី​សាមគ្គី​ជាតិ ឯកភាព​ជាតិ ទើប​ធ្វើ​ឱ្យ​ប្រទេស​កម្ពុជា​ខ្លាំង​ក្នុង​ការ​ប្ដូរផ្ដាច់​ការពារ​ទឹកដី និង​អធិបតេយ្យភាព​ជាតិ​ពី​ការ​ឈ្លានពាន​របស់​បរទេស​ជិតខាង។ លោក ហ៊ុន ម៉ាណែត ថ្លែង​ក្នុង​ពិធី​បិទ​កិច្ចប្រជុំ​គណៈកម្មាធិការ​កណ្ដាល​សហភាព​សហព័ន្ធ​យុវជន​កម្ពុជា (ស.ស.យ.ក.) នៅ​ថ្ងៃទី​២៣ ខែ​មិថុនា ឆ្នាំ​២០២៥ នេះ​ថា ស្មារតី​ជាតិ​និយម និង​ស្មារតី​ស្នេហា​ជាតិ គឺជា​ស្មារតី​ត្រឹមត្រូវ និង​ពិតប្រាកដ​របស់​ប្រជាជន​កម្ពុជា ដែល​មិន​មាន​អ្នក​ណា​អាច​បំបែក​បំបាក់​ស្មារតី​ទាំងនេះ​បាន​ឡើយ ទោះបីជា​កម្ពុជា​ជា​ប្រទេស​តូច​ក៏ដោយ។ លោក ហ៊ុន...

ប្រធាន​គណបក្ស​កាន់​អំណាច លោក ហ៊ុន សែន ជំរុញ​ឲ្យ​លោក​នាយករដ្ឋមន្ត្រី ហ៊ុន ម៉ាណែត ទូល​ស្នើសុំ​ព្រះមហាក្សត្រ​ប្រគេន​សញ្ជាតិ​ខ្មែរ​ដល់​ព្រះតេជព្រះគុណ មហា​នរិន្ទ​ថន ដែល​ពុទ្ធបរិស័ទ​ខ្មែរ​ហៅ​ជាទូទៅ​ថា​លោកតា ស៊ុច ឬ​លោក​ឪ​ស៊ុច ដើម្បី​ព្រះអង្គ​បំពេញ​ការងារ​ជា​ជនជាតិ​ខ្មែរ។ លោក ហ៊ុន សែន នា​រសៀល​ថ្ងៃទី​២០ ខែ​មិថុនា នេះ បាន​សាទរ​ព្រះសង្ឃ​ថៃ ដើមកំណើត​ពី​ខេត្ត​បុរីរ៉ាំ គឺ​លោក​ឪ​ស៊ុច ដែល​ត្រូវ​បាន​លោក ហ៊ុន ម៉ាណែត...

អ្នក​ឃ្លាំមើល​ស្ថានការណ៍​កម្ពុជា លើកឡើង​ថា សារ​សំឡេង​ឆ្លើយឆ្លង​រវាង​នាយករដ្ឋមន្ត្រី​ថៃ អ្នកស្រី ផែថងថាន ស៊ីណាវ៉ាត់ ជាមួយ​ប្រធាន​ព្រឹទ្ធសភា​កម្ពុជា លោក ហ៊ុន សែន គឺជា​ការ​ស្នើសុំ​ជំនួយ​ពី​មេដឹកនាំ​កម្ពុជា ក្នុង​ការ​សម្រួល​បញ្ហា​ព្រំដែន ព្រោះ​ខ្លាច​ក្រុម​យោធា​ថៃ ធ្វើ​រដ្ឋប្រហារ​ទម្លាក់​ខ្លួន​ពី​អំណាច។ ប្រធាន​ក្រុមប្រឹក្សា​ឃ្លាំមើល​កម្ពុជា លោក ម៉ែន ណាត ប្រាប់​សារព័ត៌មាន The Cambodia Daily នៅ​ថ្ងៃទី​១៨ មិថុនា នេះ​ថា...

នាយករដ្ឋមន្ត្រី​ខ្មែរ លោក ហ៊ុន ម៉ាណែត ប្រតិកម្ម​ទៅ​នាយករដ្ឋមន្ត្រី ថៃ អ្នកស្រី ផែថងថាន ស៊ីណាវ៉ាត់ ថា​ពេល​មេដឹកនាំ​ខ្មែរ​មិន​តបត ខាង​ថៃ តាម​ជាន់ តែ​ពេល​កម្ពុជា​ឆ្លើយ​បក​ទៅវិញ បែរជា​ចោទ​កម្ពុជា​ថា​ធ្វើការ​គ្មាន​ជំនាញ ទាំង​ដែល​ថៃ លាប​ពណ៌ និង​គំរាម​កម្ពុជា​ជាបន្តបន្ទាប់​ឥត​ឈប់​ឈរ។ លោក ហ៊ុន ម៉ាណែត លើកឡើង​នៅ​ក្នុង​ពិធី​បិទ​មហាសន្និបាត​វិសាមញ្ញ​កាយរឹទ្ធិ​ជាតិ​កម្ពុជា នៅ​ថ្ងៃទី​១៧ ខែ​មិថុនា ឆ្នាំ​២០២៥ នេះ​ថា...

តំណាងរាស្ត្រ​គណបក្ស​សង្គ្រោះ​ជាតិ លោក អ៊ុំ សំអាន ចាត់ទុក​ផែនទី​ដែល​រដ្ឋាភិបាល​ថៃ គូរ​ដោយ​ខ្លួនឯង ហើយ​មាន​អក្សរ​ថៃ និង​អក្សរ​ឡាតាំង នៅ​អំឡុង​ឆ្នាំ​១៩៦៣ ខ្នាត ១/៥០០០០ គឺជា​ផែនទី​ចោរ ដើម្បី​លួច​កាត់​ទឹកដី​ខ្មែរ​តែប៉ុណ្ណោះ។ លោក អ៊ុំ សំអាន សរសេរ​លើ​ទំព័រ​ហ្វេសប៊ុក​របស់​លោក​នៅ​ថ្ងៃទី​១៧ មិថុនា នេះ​ថា ផែនទី​ដែល​រដ្ឋាភិបាល​ថៃ គូស​ដោយ​ឯកតោភាគី​គ្មាន​ការ​ទទួលស្គាល់​ដោយ​អន្តរជាតិ​ទេ ខណៈ​ផែនទី​នេះ​បាន​គូរ​ចូល​ទឹកដី​ខ្មែរ​យ៉ាង​ច្រើន ក្នុង​នោះ ប្រាសាទ​តាមាន់ធំ ប្រាសាទ​តាមាន់តូច...

លោក ហ៊ុន ម៉ាណែត បញ្ជា​ទៅ​បណ្តា​រដ្ឋមន្ត្រី និង​អភិបាល​ខេត្ត​ទាំង​៧ និង​ស្ថាប័ន​ពាក់ព័ន្ធ ឱ្យ​ត្រៀម​ខ្លួន​គ្រប់​បែប​យ៉ាង​ក្នុង​ការ​ជួយ​សម្រួល​ដំណើរ​ត្រឡប់​មក​ស្រុកកំណើត​វិញ​របស់​ពលករ​ខ្មែរ​ដែល​កំពុង​ធ្វើការ​នៅ​ប្រទេស​ថៃ ព្រមទាំង​ផ្តល់​ឱកាស​ការងារ​ក្នុង​ស្រុក​ដល់​ពួកគាត់។ នៅ​ព្រឹក​ថ្ងៃទី​១៦ ខែ​មិថុនា លោក ហ៊ុន ម៉ាណែត បាន​ផ្ញើ​សារ​សំឡេង​ពិសេស​មួយ​បន្ទាប់ពី​ទទួល​បាន​សំណួរ និង​សំណើ​ជាច្រើន​របស់​ពលករ​ដែល​កំពុង​ធ្វើការ​នៅ​ប្រទេស​ថៃ ដោយ​បាន​ណែនាំ​ទៅ​លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួង​ការបរទេស និង​សហប្រតិបត្តិការ​អន្តរជាតិ ឱ្យ​ចេញ​គោលការណ៍​ដល់​ស្ថានទូត​ខ្មែរ​ប្រចាំ​ក្រុង​បាងកក កុងស៊ុល​ខ្មែរ​នៅ​ខេត្ត​ស្រះកែវ និង​តំបន់​ផ្សេង​ទៀត ដើម្បី​សម្រួល​ឯកសារ​ជូន​ពលករ​ដែល​ត្រូវ​ត្រឡប់​មក​កម្ពុជា​វិញ។ លោក ហ៊ុន...

ដោយ ខៀវ សុភា មាន​ពាក្យ​ជាច្រើន​តែង​ចោទប្រកាន់​លើ​ព្រះពុទ្ធ​សាសនា ថា ព្រះពុទ្ធ​សាសនា​ធ្វើ​ឱ្យ​មនុស្ស​ទន់​ខ្សោយ ពុទ្ធសាសនា​ធ្វើ​ឱ្យ​មនុស្ស​ក្រ ឬ​អ្នក​កាន់​ព្រះពុទ្ធ​សាសនា ធ្វើ​ឲ្យ​មនុស្ស​ខ្ជិល ជាដើម។ ដើម្បី​ឆ្លើយ​នឹង​ពាក្យ​ចោទប្រកាន់​ទាំងនេះ ពលរដ្ឋ​ខ្មែរ​ត្រូវ​ស្វែងយល់​ឱ្យ​បាន​ស៊ីជម្រៅ​ជា​មុន​សិន​ថា តើ​ព្រះសង្ឃ និង​មេដឹកនាំ​ខ្មែរ បាន​ធ្វើ​អ្វី​ខ្លះ​ដើម្បី​ជា​ប្រយោជន៍​ដល់​ព្រះពុទ្ធ​សាសនា និង​សង្គម​ជាតិ​របស់​ខ្លួន? កញ្ញា ខៀវ សុភា សូម​ជូន​សេចក្តី​រាយការណ៍​បែប​ស៊ីជម្រៅ​មួយ​ដោយ​ផ្ដោត​ទៅ​លើ​ទស្សនទាន​នានា​ជុំវិញ​កិច្ច​បដិបត្តិ​របស់​ព្រះសង្ឃ និង​មេដឹកនាំ​ខ្មែរ​ក្នុង​សង្គម​បច្ចុប្បន្ន។ ចាប់តាំងពី​ឆ្នាំ​១៩៩៣ មក ព្រះពុទ្ធ​សាសនា​ត្រូវ​បាន​ប្រជាជន​ខ្មែរ​គោរព​ប្រតិបត្តិ​ជា​ផ្លូវការ​ឡើងវិញ បន្ទាប់ពី​ត្រូវ​បាន​កំណត់​ជា​បាវចនា​របស់​ជាតិ​ក្នុង​មាត្រា​៤ នៃ​រដ្ឋធម្មនុញ្ញ គឺ ជាតិ...

រយៈពេល ១១​ថ្ងៃ​ក្រោយ ក្រោយពី​ប្រទេស​ថៃ រំលោភ​បំពាន​ដោយ​អាវុធ​ពី​សំណាក់​យោធា​ថៃ នៅ​តំបន់​មុំ​បី ខេត្ត​ព្រះវិហារ ដែល​បណ្តាល​ឱ្យ​ទាហាន​ខ្មែរ​ម្នាក់​ស្លាប់​យ៉ាង​អយុត្តិធម៌ ប្រមុខ​ការទូត​កម្ពុជា​លោក ប្រាក់ សុខុន បាន​ផ្ញើ​លិខិត​មួយ​ច្បាប់​ជូន​ប្រមុខ​ការទូត​ថៃ ដើម្បី​ជំរុញ​ឱ្យ​ភាគី​ថៃ យល់ព្រម​ដឹក​ដៃ​គ្នា​ជាមួយ​កម្ពុជា​ឡើង​ទៅ​ដោះស្រាយ​វិវាទ​នៅ​តុលាការ​យុត្តិធម៌​អន្តរជាតិ ICJ។ សំណួរ​បាន​ចោទ​សួរ​ឡើង​ថា ហេតុ​អ្វី​បាន​ជា​កម្ពុជា​ត្រូវ​មាន​ការ​យល់ព្រម​ពី​ភាគី​ថៃ ដើម្បី​ប្តឹង​បញ្ហា​ព្រំដែន​ទៅ​តុលាការ ICJ? តើ​កម្ពុជា អាច​ប្តឹង​ថៃ ទៅ​តុលាការ ICJ ជា​ឯកតោភាគី​បាន​ដែរ​ឬ​ទេ? ប្រមុខ​ការទូត​កម្ពុជា​បញ្ជាក់​ទៅ​កាន់​ភាគី​ថៃ ថា នេះ​ជា​ឱកាស​សម្រាប់​ប្រទេស​ទាំង​ពីរ​ដើម្បី​បង្ហាញ​ពី​ការ​ប្ដេជ្ញាចិត្ត​រួម​គ្នា​ក្នុង​ការ​ដោះស្រាយ​ដោយ​សន្តិវិធី​តាម​ផ្លូវច្បាប់...

លោក ហ៊ុន សែន ដែល​កំពុង​ក្តាប់​អំណាច​ផ្ដាច់មុខ​នៅ​កម្ពុជា បញ្ជា​ឱ្យ​រដ្ឋាភិបាល​លោក ហ៊ុន ម៉ាណែត ឈប់​ទិញ​ទំនិញ​ថៃ គ្រប់​ប្រភេទ បើ​ថៃ នៅតែ​មិន​ព្រម​បើក​ច្រក​ព្រំដែន​ដែល​ពួកគេ​បាន​បិទ​ជា​ឯកតោភាគី​នោះ។ មេដឹកនាំ​បក្ស​កាន់​អំណាច លោក ហ៊ុន សែន សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១៣ មិថុនា នេះ​ថា បើ​ថៃ នៅតែ​មិន​ព្រម​បើក​ព្រំដែន កម្ពុជា​ត្រូវតែ​អនុវត្ត​នូវ​វិធានការ​ឆ្លើយតប​ទៅ​ភាគី​ថៃ វិញ​ជាបន្ទាន់ ដូចជា ឈប់​ទិញ​ទំនិញ​របស់​ថៃ ជំនួស​ដោយ​ការ​ប្រើ​ទំនិញ​ក្នុង​ស្រុក...