ប្រធានរដ្ឋសភាអាមេរិកអាចនឹងធ្វើដំណើរតាមជើងយន្តហោះយោធាទៅតៃវ៉ាន់
ប្រធានរដ្ឋសភាសហរដ្ឋអាមេរិកដ៏មានឥទ្ធិពល អ្នកស្រី Nancy Pelosi អាចនឹងត្រូវធ្វើដំណើរតាមជើងយន្តហោះរបស់កងទ័ពអាមេរិកទៅកាន់កោះតៃវ៉ាន់។ នេះបើតាមសេចក្ដីរាយការណ៍របស់ទីភ្នាក់ងារសារព័ត៌មាន AP ដែលបានចុះផ្សាយនៅថ្ងៃទី២៧ កក្កដា នេះ។
បើតាមប្រភពព័ត៌មានដដែលនេះ មន្ទីរប៉ុងតាហ្គូនកំពុងតែរៀបចំយន្តហោះចម្បាំងដើម្បីដឹកអ្នកស្រី Pelosi និងគណៈប្រតិភូសមាជិកសភា ប្រសិនបើអ្នកស្រី Pelosi សម្រេចទៅកាន់កោះតៃវ៉ាន់ ទោះបីមានការគំរាមកំហែងយ៉ាងខ្លាំងពីចិន ក៏ដោយនោះ។
មន្ត្រីអាមេរិកនិយាយថា អាមេរិកពុំមានការភ័យច្រើនទេចំពោះការគំរាមកំហែងរបស់ចិន ដែលថានឹងចាត់វិធានការដោយកម្លាំង និងដោយបង្ខំទៅលើយន្តហោះដែលដឹកអ្នកស្រី Pelosi ទៅកោះតៃវ៉ាន់ នៅខែសីហា...
អង្គការក្រៅរដ្ឋាភិបាលថ្កោលទោសរបបសឹកភូមាដែលប្រហារជីវិតសកម្មជននយោបាយ៤រូប
អង្គការសមាគមមិនមែនរដ្ឋាភិបាលក្នុងស្រុក ថ្កោលទោសលើរបបយោធាភូមា ដែលបានប្រហារជីវិតសកម្មជននយោបាយ ៤រូបមកពីគណបក្សសម្ពន្ធជាតិដើម្បីប្រជាធិបតេយ្យ ដោយចាត់ទុកការប្រហារជីវិតនេះជាអំពើអមនុស្សធម៌ រំលោភលើសិទ្ធិមនុស្ស និងសិទ្ធិជាមូលដ្ឋានរបស់មនុស្សជាតិ ព្រមទាំងសិទ្ធិចូលរួមក្នុងវិស័យនយោបាយរបស់ពលរដ្ឋភូមា។
សេចក្ដីថ្លែងការណ៍រួមរបស់សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ក្រុមខ្មែរថាវរៈ ចលនាមាតាធម្មជាតិ សហព័ន្ធនិស្សិតបញ្ញវន្តកម្ពុជា និងសមាគមសម្ពន្ធនិស្សិតបញ្ញវន្តខ្មែរ ចេញកាលពីថ្ងៃទី២៥ ខែកក្កដា ឆ្នាំ២០២២។
អង្គការសមាគមមិនមែនរដ្ឋាភិបាលបានបង្ហាញការសោកស្ដាយ និងព្រួយបារម្ភយ៉ាងខ្លាំងចំពោះសេចក្ដីសម្រេចប្រហារជីវិតសកម្មជននយោបាយភូមា ៤រូបពីសំណាក់របបយោធាភូមា ដោយថាការប្រហារជីវិតនេះជាអំពើអមនុស្សធម៌ រំលោភលើសិទ្ធិមនុស្ស និងសិទ្ធិជាមូលដ្ឋានរបស់មនុស្សជាតិ ព្រមទាំងសិទ្ធិចូលរួមក្នុងវិស័យនយោបាយរបស់ពលរដ្ឋភូមា។
សកម្មជននយោបាយដែលរបបសឹកភូមាប្រហារជីវិតនោះមានលោក ភ្យូ ហ្សេយ៉ា លោក...
ពលរដ្ឋសង្កាត់ជើងឯកជំរុញឲ្យអាជ្ញាធរពន្លឿនដោះស្រាយបញ្ហាដីធ្លីដោយបារម្ភមានការបណ្ដេញចេញ
ពលរដ្ឋប្រមាណ ៤០នាក់តំណាងឲ្យពលរដ្ឋចំនួន ៨៤ខ្នងផ្ទះរស់នៅក្នុងសង្កាត់ជើងឯក ខណ្ឌដង្កោ ជំរុញឲ្យសាលារាជធានីភ្នំពេញពន្លឿនការដោះស្រាយបញ្ហាដីធ្លីជូនពួកគេ ដោយបារម្ភខ្លាចមានការបណ្ដេញចេញទាំងបង្ខំក្រោយពីលោក ហ៊ុន សែន កាត់ដីផ្ទៃបឹងជើងឯកប្រគល់ឲ្យក្រសួងមហាផ្ទៃ និងឧកញ៉ាល្បីឈ្មោះខាងរំលោភយកដីធ្លីម្នាក់។
ការនាំគ្នាទៅប្រមូលផ្ដុំនៅមុខសាលារាជធានីភ្នំពេញរបស់ពលរដ្ឋ ៤០នាក់ដែលតំណាងពលរដ្ឋចំនួន ៨៤ខ្នងផ្ទះ នាថ្ងៃទី២៧ កក្កដា នេះ បន្ទាប់ពីអាជ្ញាធរមិនទាន់បានឆ្លើយតបញត្តិដែលពួកគេបានដាក់ញត្តិកាលពីអំឡុងឆ្នាំ២០២០។ ក្រៅពីដាក់ញត្តិទៅសាលារាជធានីភ្នំពេញ ក្រុមពលរដ្ឋទាំងនោះក៏បានដាក់ទៅក្រសួងរៀបចំដែនដី នគរូបនីយកម្ម និងសំណង់ ផងដែរ។
ពលរដ្ឋសហគមន៍ដូនឪ សង្កាត់ជើងឯក លោកស្រី វង់...
IDEA TALK៖ តើកម្ពុជាក្នុងនាមជាប្រធានអាស៊ានត្រូវមានវិធានការបែបណា ដើម្បីឆ្លើយតបទៅនឹងការប្រហារជីវិតពលរដ្ឋភូមា ៤រូបដោយរបបសឹក?
កម្មវិធី Idea Talk សម្រាប់រាត្រីថ្ងៃទី២៧ ខែកក្កដា ឆ្នាំ២០២២ ស្តីអំពី៖ «តើកម្ពុជាក្នុងនាមជាប្រធានអាស៊ានត្រូវមានវិធានការបែបណា ដើម្បីឆ្លើយតបទៅនឹងការប្រហារជីវិតពលរដ្ឋភូមា ៤រូបដោយរបបសឹក?»។
ADB ផ្តល់ប្រាក់កម្ចី១៥លានដុល្លារអាមេរិកដល់ក្រុមហ៊ុនផលិតចំណីសត្វនៅកម្ពុជា
ធនាគារអភិវឌ្ឍន៍អាស៊ី (ADB) បានផ្តល់ប្រាក់កម្ចីចំនួន ១៥លានដុល្លារអាមេរិកដល់ក្រុមហ៊ុន ឌី ហឹស្ស ធី អិម អេច (De Heus TMH) ដែលជាក្រុមហ៊ុនផលិតចំណីសត្វដ៏ធំតែមួយគត់នៅកម្ពុជា ដើម្បីធានាក្នុងការប្រមូលទិញវត្ថុធាតុដើមរបស់កសិករខ្មែរឱ្យបានកាន់តែច្រើនក្នុងការរួមចំណែកការពារសន្តិសុខស្បៀងនៅកម្ពុជាទៅថ្ងៃមុខ។
ADB បានចេញសេចក្តីប្រកាសព័ត៌មានរបស់ខ្លួនកាលពីថ្ងៃទី២៦ ខែកក្កដា ឆ្នាំ២០២២ នេះថា ក្រុមហ៊ុន De Heus TMH Company Limited...
សង្គមស៊ីវិលជំរុញឱ្យដោះស្រាយសំណុំរឿងលោក កឹម សុខា តាមផ្លូវនយោបាយជំនួសវិញ
មន្ត្រីសង្គមស៊ីវិលដែលតាមដានសវនាការលើកទី៥០ របស់ប្រធានគណបក្សសង្គ្រោះជាតិ នៅថ្ងៃពុធ ទី២៧ កក្កដា នេះ ជំរុញឱ្យអ្នកនយោបាយដោះស្រាយសំណុំរឿងរបស់មេដឹកនាំបក្សប្រឆាំង លោក កឹម សុខា តាមផ្លូវនយោបាយ ជាជាងយកមករកយុត្តិធម៌តាមផ្លូវតុលាការដែលនឹងបន្តអូសបន្លាយពេលវេលាកាន់តែយូរ។
មន្ត្រីឃ្លាំមើលរបស់សមាគមការពារសិទ្ធិមនុស្សអាដហុក លោក យី សុខសាន្ត បានប្រាប់ក្រុមអ្នកសារព័ត៌មាននៅមុខសាលាដំបូងរាជធានីភ្នំពេញ បន្ទាប់ពីសវនាការពេញមួយព្រឹកនៅថ្ងៃទី២៧ ខែកក្កដា ឆ្នាំ២០២២ នេះថា ក្នុងសវនាការពេញមួយព្រឹកនេះ គឺមានភាពតានតឹងខ្លាំងចាប់តាំងពីចាប់ផ្តើមសំណួររបស់តំណាងអយ្យការជុំវិញការធ្វើបាតុកម្មនៅក្នុងទីក្រុងភ្នំពេញ ត្រង់ចំណុចទីតាំងស្ទឹងមានជ័យ កាលពីឆ្នាំ២០១៣...
ក្រុមអង្គការជាតិនិងអន្តរជាតិបារម្ភថាកម្ពុជានៅតែបង្កើនការខ្ចីបុលពីបរទេសកាន់តែច្រើន
ក្រុមការងារថវិកានៃអង្គការសង្គមស៊ីវិលជាតិ និងអន្តរជាតិជាច្រើនស្ថាប័ន បារម្ភថាកម្ពុជានឹងនៅតែបង្កើនការខ្ចីបុលពីបរទេសកាន់តែច្រើនបន្ថែមទៀត ប្រសិនបើប្រទេសនេះមិនធានានូវតម្លាភាពចំណូល និងចំណាយថវិកាជាតិឱ្យបានច្បាស់លាស់ទេនោះ។
ក្រុមការងារថវិកានៃអង្គការសង្គមស៊ីវិលជាតិ និងអន្តរជាតិចំនួន ២០ស្ថាប័ន បានបង្ហាញជំហររួមគ្នាកាលពីថ្ងៃទី២៦ ខែកក្កដា ឆ្នាំ២០២២ ថា កម្ពុជាគួរតែបន្តយកចិត្តទុកដាក់បន្ថែមទៀតក្នុងការធ្វើឱ្យប្រសើរនូវតម្លាភាពនៃការគ្រប់គ្រងថវិកាជាតិ និងកំណែទម្រង់ហិរញ្ញវត្ថុសាធារណៈផងដែរ។
ប្រភពដដែលលើកឡើងថា រដ្ឋាភិបាលកម្ពុជាក៏គួរតែធ្វើការផ្សព្វផ្សាយសេចក្តីព្រាងច្បាប់ថវិកាជាតិឱ្យបានពេញលេញសម្រាប់ពលរដ្ឋ និងបង្កើតឱ្យមានការពិភាក្សារវាងរដ្ឋសភា ស្ថាប័នរដ្ឋ ពលរដ្ឋ និងសង្គមស៊ីវិលផងដែរ ដើម្បីចូលរួមចំណែកជាមួយនឹងរដ្ឋាភិបាលក្នុងការពង្រឹងតម្លាភាពថវិកាជាតិក្នុងការកសាងផែនការជាតិ និងផែនការថ្នាក់ក្រោមជាតិទៅថ្ងៃមុខ។
ក្រុមការងារថវិកានៃអង្គការសង្គមស៊ីវិលទាំងនេះ អំពាវនាវឱ្យរដ្ឋសភា ក្រសួងសេដ្ឋកិច្ច និងហិរញ្ញវត្ថុ ទទួលយកអនុសាសន៍របស់សង្គមស៊ីវិល...
សង្គមស៊ីវិលជាង១០០សម្ដែងការព្រួយបារម្ភចំពោះការធ្វើវិសោធនកម្មធម្មនុញ្ញស្នើដោយលោក ហ៊ុន សែន
អង្គការមិនមែនរដ្ឋាភិបាលជាង ១០០ស្ថាប័ន សម្ដែងការព្រួយបារម្ភចំពោះការធ្វើវិសោធនកម្មរដ្ឋធម្មនុញ្ញលើកទី១០ ដែលបានស្នើដោយលោក ហ៊ុន សែន ថាអាចប៉ះពាល់ដល់ស្ថិរភាពអំណាចរដ្ឋ អំណាចនីតិប្រតិបត្តិ និងការគោរពសិទ្ធិសេរីភាពរបស់ពលរដ្ឋខ្មែរ។
សេចក្ដីថ្លែងការណ៍ដែលចេញផ្សាយនាថ្ងៃទី២៧ ខែកក្កដា ឆ្នាំ២០២២ ដោយអង្គការមិនមែនរដ្ឋាភិបាល សហជីព សមាគម និងសហគមន៍ចំនួន ១០៤ស្ថាប័ន ក្នុងនោះសមាគមការពារសិទ្ធិមនុស្សអាដហុក មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) ខុមហ្វ្រែល គណៈកម្មាធិការអព្យាក្រឹត និងយុត្តិធម៌ដើម្បីការបោះឆ្នោតដោយសេរី និងត្រឹមត្រូវនៅកម្ពុជា...
ពិភពលោកថ្កោលទោសរបបសឹកភូមា ប៉ុន្តែចិនមិនទាន់ចេញសេចក្ដីថ្លែងការណ៍រឿងភូមាប្រហារជីវិតក្រុមប្រឆាំងនៅឡើយ
ដំណឹងនៃការប្រហារជីវិតអ្នកទោសនយោបាយនៅក្នុងប្រទេសភូមា ដោយរបបសឹក នាំឱ្យពិភពលោកប្រតិកម្ម និងថ្កោលទោសពួកយោធាដោយហៅថាជាអំពើឃោរឃៅបំផុត និងជាការប្រព្រឹត្តនូវឧក្រិដ្ឋកម្មប្រឆាំងមនុស្សជាតិ។
ប្រទេសដែលចេញសេចក្ដីថ្លែងការណ៍ថ្កោលទោសរបបសឹកភូមា គេអាចរាប់ពីប្រទេសនៃសមាគមអាស៊ាន ដែលសេចក្ដីថ្លែងការណ៍របស់សមាគមនេះធ្វើឡើងដោយប្រទេសកម្ពុជា ព្រោះកម្ពុជានៅឆ្នាំ២០២២ ជាប្រធានអាស៊ាន។
គេអាចរាប់បញ្ជូនថែមទៀតនៃសេចក្ដីថ្លែងការណ៍រួមរបស់រដ្ឋមន្ត្រីការបរទេសមួយចំនួន ដូចជាប្រទេសកាណាដា ន័រវែស ជប៉ុន ញូវហ្សេឡេន កូរ៉េខាងត្បូង អង់គ្លេស និងសហរដ្ឋអាមេរិក។
ចំណែកសហភាពអឺរ៉ុបដែលជាសហគមន៍មួយដ៏ធំមាន ២៧ប្រទេស ក៏បានចេញសេចក្ដីថ្លែងការណ៍ថ្កោលទោសរបបសឹកជាខ្លាំងផងដែរ។ ក្រៅពីនេះមានអង្គការសិទ្ធិមនុស្សអន្តរជាតិជាច្រើន រួមមានអង្គការ Human Rights Watch អង្គការ...
ប្រធានអាស៊ានថាការអនុវត្តទោសប្រហារជីវិតអ្នកប្រឆាំងនឹងរបបខ្លួនជាទង្វើមិនអាចអត់ឱនឱ្យបាន
កម្ពុជាក្នុងនាមប្រធានអាស៊ានប្តូរវេនឆ្នាំ២០២២ នេះ ព្រមានថា ការអនុវត្តទោសប្រហារជីវិតលើអ្នកដែលប្រឆាំងនឹងរបបខ្លួន គឺជាទង្វើមិនអាចអត់ឱនឱ្យបាន និងបង្ខំឲ្យអនុវត្តតាមកិច្ចព្រមព្រៀងជាឯកច្ឆន្ទ ៥ចំណុច និងធម្មនុញ្ញរបស់អាស៊ាន ដើម្បីទប់ស្កាត់ការបាត់បង់ជីវិតមនុស្សកាន់តែច្រើន និងបំបាត់នូវទុក្ខវេទនារបស់ពលរដ្ឋភូមា។
ប្រធានអាស៊ានប្តូរវេន លោក ហ៊ុន សែន បានចេញសេចក្តីថ្លែងការណ៍កាលពីថ្ងៃទី២៥ ខែកក្កដា ឆ្នាំ២០២២ នេះថា ក្នុងនាមប្រធានអាស៊ានពិតជាមានក្តីតក់ស្លុត និងសោកសៅយ៉ាងក្រៃលែង ដោយសារការប្រហារជីវិតលើអ្នកដែលប្រឆាំងនឹងរបបសឹកភូមាចំនួន ៤រូបនៅពេលនេះ ហើយបញ្ហានេះ គឺជាកិច្ចការដ៏សំខាន់បំផុតមួយដែលអាស៊ានត្រូវតែយកចិត្តទុកដាក់ឱ្យកាន់តែខ្លាំងបន្ថែមទៀត។
មេដឹកនាំកម្ពុជា លោក...