ឌឹ ខេមបូឌា ដេលី

ក្រុមសង្គមស៊ីវិល និងពលរដ្ឋខេត្តក្រចេះឲ្យ​ដឹង​នៅ​ថ្ងៃ​ទី​៨ មីនា នេះ​ថា ក្រុម​សមត្ថកិច្ច​ចម្រុះបាន​បាញ់​ពលរដ្ឋដែលនាំគ្នា​តវ៉ាករណី​ជម្លោះដីធ្លី​នៅ​ក្នុង​ស្រុក​ស្នួល ខែត្រ​ក្រចេះ បណ្តាលឲ្យស្លាប់ចំនួន៨​នាក់ ជាង​១០​នាក់​ទៀត​របួស ​៤០​នាក់​ទៀត​ត្រូវ​ចាប់ខ្លួន ហើយផ្ទះចំនួនជាង១០ខ្នងទៀតត្រូវបានដុតបំផ្លាញចោល។

សមាគមគ្រូបង្រៀនកម្ពុជាឯករាជ្យទាមទារឲ្យលោកហ៊ុន សែនអន្ដរាគមន៍លើករណីបុគ្គលិកអប់រំមួយចំនួនដែលត្រូវបានលុបឈ្មោះចេញពីក្របខណ្ឌរបស់ក្រសួងអប់រំយុវជននិងកីឡា។

អ្នកនាំពាក្យស្ថានទូតសហរដ្ឋអាមេរិកប្រចាំនៅកម្ពុជាបញ្ជាក់ថា រដ្ឋាភិបាលក្រុងភ្នំពេញកន្លងមកបានស្នើសុំឲ្យរដ្ឋាភិបាលសហរដ្ឋអាមេរិកបន្តផ្តល់ជំនួយផ្នែកពន្ធដាជាច្រើនលើកច្រើនសារ ហើយសហរដ្ឋអាមេរិកបានដាក់ការស្នើសុំនេះ ស្ថិតក្នុងភាពពិចារណារហូតមកដល់ពេលបច្ចុប្បន្ន គឺក្រោយពេលរដ្ឋាភិបាលអាមេរិកបានផ្ដាច់ជំនួយនេះតាំងពីឆ្នាំ២០១៦។

អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាអ្នកស្រីរ៉ូណាស្មីត បានជួបពិភាក្សាជាមួយរដ្ឋមន្ត្រីក្រសួងយុត្តិធម៌លោកអង្គវង្សវឌ្ឍានា កាលពីម្សិលម៉ិញដើម្បីពិភាក្សាអំពីការលើកកម្ពស់ដល់ការកែលំអរប្រព័ន្ធយុត្តិធម៌នៅកម្ពុជា។

មេធាវីការពារក្តីឲ្យរដ្ឋាភិបាលទីក្រុងភ្នំពេញ គឺលោកគី តិចត្រូវបានដំឡើងឋានៈស្មើនឹងរដ្ឋមន្រ្តីនៅតាមបណ្តាក្រសួងនានា ក្រោយពីមេធាវីមួយនេះខិតខំធ្វើកិច្ចការបានសំរេចក្នុងការជួយលោកហ៊ុន សែន រម្លាយបក្សប្រឆាំងបានសំរេចដូចក្តីប្រាថ្នា។

ក្រសួងយុត្តិធម៌កំពុងធ្វើសេចក្តីព្រាងច្បាប់ស្តីពីការពរពោះជំនួស ដែលអនុញ្ញាតឲ្យមានការជួលឱ្យស្ត្រីដែលមានកាយសម្បទា និងសុខភាពល្អ ដើម្បីបង្កើតកូនជំនួសឱ្យអ្នកដែលពុំមានលទ្ធភាពបង្កើតកូនដោយខ្លួនឯង។

រដ្ឋមន្រ្តីក្រសួងមហាផ្ទៃលោកស ខេង កាលពីថ្ងៃច័ន្ទម្សិលម៉ិញបានផ្ញើរលិខិតទៅលោកគុជ លីតំណាងស្ថាបនិកគណបក្សកែម ឡី ឲ្យបំពេញលក្ខខណ្ឌនានាដែលបានកំណត់ក្នុងបទប្បញ្ញត្តិមាត្រា១១ថ្មី មាត្រា១៩ថ្មីនិងមាត្រា២០នៃច្បាប់ស្តីពីគណបក្សនយោបាយ។

តុលាការនៃរបបដឹកនាំរបស់លោកហ៊ុន សែន បានចេញដីកាបន្តឃុំខ្លួនកឹម សុខាប្រធានគណបក្សសង្គ្រោះជាតិ រយៈពេល៦ខែទៀត ក្រោយពេលបញ្ចប់ការសួរនាំពេញមួយថ្ងៃនៅក្នុងពន្ធនាគារត្រពាំងផ្លុងខេត្តត្បូងឃ្មុំកាលពីម្សិលម៉ិញ។

មន្រ្តីខុទ្ទកាល័យរបស់លោក ហ៊ុន សែន បញ្ជាក់មូលហេតុដែលពួកគេមិនអាចទទួលយកញ្ញត្តិទាមទារឲ្យដោះលែងអ្នកស្រីទេព វន្នី ដោយសារញត្តិនោះ ថាបានភ្ជាប់សាលក្រមសា្ថពររបស់តុលាការកំពូលនោះឡើយ។

តំណាងរាស្រ្តពីខាងគណបក្សពលកររបស់ប្រទេសអូស្រ្តាលីលោក ហុង លីមកាលពីថ្ងៃច័ន្ទបានបន្តអំពាវនាវឲ្យពលរដ្ឋខ្មែរក្នុងប្រទេស អូស្រ្តាលីនាំគ្នាចូលរួមមហាបាតុកម្មប្រឆាំងវត្តមានរបស់ លោក ហ៊ុន សែនដែលនឹងមកចូលរួមកិច្ចប្រជុំកំពូលអាស៊ានអូស្រ្តាលី នៅថ្ងៃទី១៧ ខែមីនាខាងមុខ។