ឌឹ ខេមបូឌា ដេលី

ពលរដ្ឋរស់នៅភូមិ១ សង្កាត់១ បានចោទក្រុមហ៊ុនផលិតទឹកស្អាត អានកូ ដែលមានទីតាំនៅតំបន់ក្បាលឆាយ ក្រុងព្រះសីហនុ ថាជាដើមហេតុបង្ករឲ្យមានជំនន់ទឹកភ្លៀងជនលិចលំនៅដ្ឋាន របស់អ្នកភូមិពួកគាត់រាប់រយគ្រួសារ។ ផ្តើមពីបញ្ហានេះ ក្រុមពលរដ្ឋបានសំណូមពរដល់ លោក ហ៊ុន សែន ជួយអន្តរាគមន៍ទៅប្រធានក្រុមហ៊ុនអានកូ មានទីតាំងនៅតំបន់ក្បាលឆាយ ស្ថិតក្នុងសង្កាត់១ ក្រុងព្រះសីហនុ ឲ្យបើកប្រឡាយ ឬទំនប់ស្តុកទឹករបស់ខ្លួនដើម្បីឲ្យជំនន់ទឹកភ្លៀង ហូរចេញត្បិតរាល់ថ្ងៃនេះ ភ្លៀងបានបន្តធ្លាក់មកយ៉ាងខ្លាំង ជាហេតុធ្វើឲ្យជំនន់ទឹកភ្លៀង បានជន់លិចលំនៅដ្ឋានពួកគាត់កាន់តែធ្ងន់ធ្ងរឡើងៗ។ ពួកគេថាក្រុមហ៊ុនអានកូ បានចាក់ដីទប់ទំនប់មិនឲ្យទឹកទឹកភ្លៀងហូរធ្លាក់ចុះទៅក្រោមបណ្តាលឲ្យជំនន់ទឹកភ្លៀងជន់លេចផ្ទះសម្បែង របស់ពួកគាត់...

នៅសប្ដាហ៍ក្រោយនេះ នាយករដ្ឋមន្ត្រីជប៉ុនដែលទើបចូលកាន់តំណែង ជំនួសលោកស៊ីនហ្សូអាបេ នឹងធ្វើទស្សនកិច្ចនៅប្រទេសវៀតណាម ដែលក្នុងនោះមានការរំពឹងថា នាយករដ្ឋមន្ត្រីនៃប្រទេសទាំងពីរនឹងចុះកិច្ចព្រមព្រៀងរួមគ្នាមួយ អំពីការទិញអាវុធពីប្រទេសជប៉ុន។ តាមសារព័ត៌មាន The South China Morning Post ដែលមានមូលដ្ឋាននៅ ក្រុងហុងកុង លោកនាយករដ្ឋមន្រ្តីជប៉ុន Yoshihide Suga ក្រោយពីបញ្ជប់ទស្សនកិច្ចនៅវៀតណាម លោកនឹងធ្វើទៅកាន់ប្រទេសឥណ្ឌូនេស៊ី។ កាសែត ជប៉ុន Nikkei បានចុះផ្សាយថា នាយករដ្ឋមន្ត្រីវៀតណាម...

បើទោះបីជា អតីតព្រះមហាក្សត្រព្រះបរមរតនកោដ្ឋ សម្តេច ព្រះនរោត្តម សីហនុ សោយទីវង្គត់ អស់រយៈពេល៨ឆ្នាំទៅហើយក្តី ប៉ុន្តែបំណងប្រាថ្នាចុងក្រោយរបស់ព្រះអង្គ ដែលចង់ឃើញអ្នកដឹកនាំខ្មែរមានការរួបរួមឯកភាពជាតិ និងសាមគ្គីគ្នាជាធ្លុងមួយ  នៅមិនទាន់បានសម្រេចនៅឡើយទេ។ បំណងប្រាថ្នានេះ ត្រូវបានព្រះអង្គកាលនៅមានព្រះជន្ម តែងលើកឡើងអំពីព្រះរាជបន្ទូលថា ការរួបរួម ឯកភាពជាតិ និងសាមគ្គីគ្នាជាធ្លុងមួយ គឺជាអាវុធដ៏សំខាន់ ដើម្បីឱ្យជាតិកាន់តែរឹងមាំ។ ទាំងការថ្លែងជាសាធារណៈ និងស្នាមព្រះហស្ថសៀវភៅរបស់ទ្រង់ ព្រះបរមរតនកោដ្ឋ មិនភ្លេចឡើយ ក្នុងការដាស់ទឿនកូនខ្មែរ ពិសេសអ្នកដឹកនាំ មិនត្រូវធ្វើឱ្យបែកបាក់សាមគ្គីផ្ទៃក្នុងដែលជាហេតុធ្វើឱ្យ សត្រូវមើលងាយ...

សហរដ្ឋអាមេរិក បានលើកយកបញ្ហាយុត្តិធម៌សម្រាប់ជនជាប់ចោទនិងសិទ្ធិមនុស្ស ទៅជជែកពិភាក្សាទល់មុខជាមួយរដ្ឋមន្ត្រីក្រសួងយុត្តិធម៌កម្ពុជា ព្រមទាំងជំរុញឱ្យកម្ពុជាគោរពសេរីភាពបញ្ចេញមតិ និងការប្រមូលផ្តុំផងដែរ។ ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក Patrick Murphy បានលើកឡើងលើបណ្តាញសង្គម Twiter របស់លោកថា ក្នុងកិច្ចពិភាក្សាជាមួយរដ្ឋមន្ត្រីក្រសួងយុត្តិធម៌ថ្មី លោក កើត រិទ្ធិកាលពីថ្ងៃ ទី១៤ ខែតុលា ភាគីទាំងពីរបានពិភាក្សាលើប្រធានបទមួយចំនួន។ លោកបន្តថា ប្រធានបទសំខាន់ៗទាំងនោះ រួមមានការជំរុញការការពារសិទ្ធិសេរីភាពនៃការបញ្ចេញមតិ និងការប្រមូលផ្តុំនៅកម្ពុជា។ ការការពារកុមារ ប្រយុទ្ធប្រឆាំងការជួញដូរមនុស្ស បញ្ហាគ្រឿងញៀន និងការជជែកគ្នាអំពីការផ្តល់យុត្តិធម៌ដល់ជនជាប់ចោទ...

អ្នកនាំពាក្យរដ្ឋាភិបាល លើកឡើងថា កម្ពុជាតែងបើកចំហក្នុងការទទួលយកការរិះគន់ និងការផ្ដល់យោបល់ ប៉ុន្តែកម្ពុជាមិនទទួលយកការវាយប្រហារបែបប្រមាថ និងញុះញង់ ដែលនាំឲ្យកម្ពុជាបាត់បង់នៅសណ្តាប់សាធារណៈក្នុងសង្គមនោះឡើយ។ អ្នកនាំពាក្យរដ្ឋាភិបាល លោក ផៃ ស៊ីផាន អះអាងថា រដ្ឋាភិបាលយកសន្តិភាពជាអាទិភាពនៅក្នុងការរក្សាសណ្ដាប់ធ្នាប់សន្តិសុខសង្គម និងការទទួលខុសត្រូរបស់មន្ត្រីរាជការ ព្រមទាំងពលរដ្ឋផងដែរ ដូច្នេះ            រដ្ឋាភិបាលបានរៀបចំឲ្យមានអ្នកនាំពាក្យ ដើម្បីឆ្លើយឆ្លងការរិះគន់ និងទទួលយកការរិះគន់ទាំងនោះ។ លោកបញ្ចាក់ថា រដ្ឋាភិបាលនឹងមិនទទួលយកជាដាច់ខាតចំពោះការញុះញង់ ការធ្វើឱ្យមានចលាចលដល់អសន្តិសុខសង្គម។ លោកបន្តថា កម្ពុជាមិនមែនអត់ធន់ដូចសហរដ្ឋអាមេរិកទេ ក្នុងការឆ្លើយតបនឹងភាពវឹកវរដែលគ្មានសបណ្តាប់ធ្នាប់ទាំងនោះ ត្បិតកម្ពុជាតែងរក្សាអធិបតេយ្យជាតិជានិច្ចទោះក្នុងកាលទេសៈណាក៏ដោយ។ ការអះអាងនេះធ្វើឡើងក្រោយពេល...

ក្រសួងធនធានទឹក និងឧតុនិយម ឲ្យដឹងថាព្យុះទី១៧ ឈ្មោះ សូឌែល នឹងមកដល់ប្រទេសកម្ពុជាក្នុងរយៈពេលដ៏ខ្លីខាងមុខនេះ ដែលនឹងបង្ករឲ្យមានភ្លៀងធ្លាក់កាន់តែខ្លាំងចាប់ពីថ្ងៃទី១៧ ដល់ថ្ងៃទី១៩ ខែតុលា ឆ្នាំ២០២០ ពីមធ្យមទៅច្រើននៅទូទាំងប្រទេស។ រដ្ឋមន្ត្រីក្រសួងធនធានទឹក និងឧតុនិយម លោក លឹម គានហោ បានចេញសេចក្តីជូនដំណឹង នៅព្រឹកថ្ងៃនេះ ថា សម្ពាធទាបសកម្មមួយ កំពុងស្ថិតនៅលើភាគកណ្តាលប្រទេសហ្វីលីពីន ដោយធ្វើដំណើរចូលមកប៉ែកខាងលើភាគខាងត្បូងនៃប្រទេសវៀតណាម នៅថ្ងៃទី១៧ ខែតុលា ឆ្នាំ២០២០...

កម្មវិធី Idea Talk សំរាប់រាត្រីថ្ងៃទី១៤ ខែតុលា ឆ្នាំ២០២០ ស្តីអំពី៖ តើវត្តមាននៃរដ្ឋមន្រ្តីការបរទេសចិន លោក វ៉ាង យី នៅកម្ពុជានាំឲ្យមាន ការរំជើបរំជួលយ៉ាងណាដែរដល់សមាជិកសមាគមអាស៊ាន?

ទិដ្ឋភាពបាតុកកម្មចំនួន២បានកើតឡើងនៅទីក្រុងបាងកក រាជាណាចក្រថៃ នៅថ្ងៃទី១៤តុលានេះ។ គោលដៅនៃការធ្វើបាតុកម្មទាំង២នេះ មានសកម្មភាព និងចលនាខុសគ្នា ។ ក្រុមបាតុករពាក់អាវខ្មៅ មានផែនការបីគោលដៅ គឺទីមួយ រំលឹកខូប៤៧ឆ្នាំនៃការសម្លាប់រង្គាល ទៅលើបាតុករ ទាមទារអោយរុះរើរដ្ឋធម្មនុញ្ញ និងបញ្ចប់ការគ្រប់គ្រងបែបផ្ដាច់ការ។ ទី២ ទាមទារអោយ លោកប្រាយុទ្ធចុះចេញពីតំណែង រំលាយរដ្ឋសភាបោះឆ្នោតឡើងវិញ និង កាត់បន្ថយអំណាចព្រះមហាក្សត្រ ពាក់ព័ន្ធនឹងវិស័យយោធា។ ចំណែក បាតុកម្មរបស់ក្រុមអាវលឿង គឺជាបាតុកម្មមិនមានការព្រៀងទុក ប៉ុន្តែក្រុមនេះ...

អង្គការឃ្លាំមើលសិទ្ធិមនុស្សអន្តរជាតិ Human Rights Watchទាមទារឱ្យអាជ្ញាធរកម្ពុជា ទម្លាក់ចោលការចោទប្រកាន់ជាបន្ទាន់ និងដោយគ្មានលក្ខខណ្ឌនិងដោះលែងអតីតជំទប់ទី២ ឃុំអន្លង់រាប ខេត្តពោធិ៍សាត់ មកពីគណបក្សសង្រ្គោះជាតិមួយរូប។ កាលពីថ្ងៃទី ៦ ខែតុលាឆ្នាំ ២០២០ សមត្ថកិច្ចខេត្តពោធិ៍សាត់ បានចាប់ខ្លួនលោកជុំ សារ៉ាត់ អតីតជំទប់ទី២ឃុំអន្លង់រាប មកពីគណបក្សសង្គ្រោះជាតិ។ លោកត្រូវបានចាប់ខ្លួន និងចោទប្រកាន់ពាក់ព័ន្ធវិវាទដីធ្លីតាំងពីឆ្នាំ២០១៤ រវាងអ្នកភូមិដែលរងផលប៉ះពាល់ ជាមួយក្រុមហ៊ុនMDS របស់ឧកញ៉ាទ្រីភាព។ ក្រុមហ៊ុន M.D.S....

ជំនន់ទឹកភ្លៀង ក្នុងរយៈពេលប៉ុន្មានថ្ងៃនេះ បណ្តាលឱ្យមនុស្សយ៉ាងហោចណាស់១២នាក់ ស្លាប់ និងពលរដ្ឋជិត១៦ម៉ឺននាក់ទៀត រងផលប៉ះពាល់។ របាយការណ៍ស្តីពីការប៉ះពាល់ដោយសារគ្រោះទឹកជំនន់ របស់គណៈកម្មាធិការជាតិគ្រប់គ្រងគ្រោះមហន្តរាយនៅថ្ងៃនេះឱ្យដឹងថា គិតត្រឹមថ្ងៃទី១៤ ខែតុលា ស្ថានភាពទឹកជំនន់បង្កឡើងដោយភ្លៀងធ្លាក់បណ្តាលឱ្យមានរាជធានី-ខេត្តចំនួន១៩ រងផលប៉ះពាល់។ ក្នុងនោះមានប្រជាជនជិត៤ម៉ឺនគ្រួសារ ដែលស្មើនឹងចំនួនប្រជាជនជាង១០ម៉ឺននាក់រងផលប៉ះពាល់។ ដោយឡែក មានពលរដ្ឋចំនួន១២នាក់ បានស្លាប់ដោយសារជំនន់ទឹកភ្លៀង ហើយផ្ទះសម្បែងរបស់ពលរដ្ឋជិត៤០ម៉ឺនខ្នង រងការប៉ះពាល់។ លើសពីនេះ ដំណាំស្រូវ និងដំណាំផ្សេងទៀតរាប់ម៉ឺនហិកតា រួមនឹងហេដ្ឋារចនាសម្ព័ន្ធជាច្រើនទៀតខូចខាតផងដែរ។  ប្រភពដដែលបន្តថា រាជធានី-ខេត្តទាំង១៩ គឺមានខេត្តនិងរាជធានីចំនួន៦...