CATEGORY
ប័ណ្ណសារ
ម៉ាណែតវិលត្រឡប់មកពីសហរដ្ឋអាមេរិក ហើយបដិសេធពាក្យបណ្តឹង
កូនប្រុសច្បងលោកនាយករដ្ឋមន្ត្រី ហ៊ុន សែន គឺលោក ហ៊ុន ម៉ាណែត បានវិលមកដល់ក្រុងភ្នំពេញវិញកាលពីថ្ងៃច័ន្ទ បន្ទាប់ពីចំណាយពេលពីរសប្តាហ៍នៅក្នុងសហរដ្ឋអាមេរិកនិងប្រទេសកាណាដា ដោយទាត់ចោលបណ្តឹងប្រឆាំងនឹងរូបលោកក្នុងក្រុងឡូស អានជេឡេសពីបទការចាប់ដាក់គុកដោយខុសច្បាប់រួមទាំងភេរវកម្មអន្តរជាតិ។
ឧត្តមសេនីយ៍ឯក ម៉ាណែត ដែលជាប្រធាននាយកដ្ឋានប្រឆាំងភេរវកម្មនៃក្រសួងការពារជាតិត្រូវគេតាមរំខានម្តងហើយម្តងទៀតក្នុងអំឡុងពេលដំណើរទស្សកិច្ចនាបុណ្យចូលឆ្នាំខ្មែរ ដោយមានការតវ៉ា "គឺគ្មានម៉ាណែត" ដែលរៀបចំឡើងដោយសហគមន៍ខ្មែរដែលជឿថា លោកគឺជាអ្នកស្នងតំណែងឪពុករបស់លោក។
នៅឯសន្និសីទកាសែតនៅអាកាសយានដ្ឋានអន្តរជាតិភ្នំពេញ លោកបានមានប្រសាសន៍ថា លោកមិនទាន់បានពិនិត្យមើលរឿងក្តីនោះទេ ដែលបានប្តឹងក្នុងនាមជាមន្ត្រីគណបក្សសង្គ្រោះជាតិនិងពលរដ្ឋអាមេរិកាំងគឺ មាជ សុវណ្ណារ៉ា។ ពាក្យបណ្តឹងអះអាងថា លោក សុវណ្ណារ៉ា ត្រូវបានគេចាប់ដាក់ពន្ធនាគារដោយខុសច្បាប់ក្នុងក្រុងភ្នំពេញដោយគណបក្សប្រជាជនកម្ពុជា។
លោកបានមានប្រសាសន៍ថា "ករណី មាជ សុវណ្ណារ៉ា ខ្ញុំមិនបានឃើញដីកាហ្នឹងទេ។ ប៉ុន្តែខ្ញុំគ្រាន់តែបានឮតាមព័ត៌មានថាមានការប្តឹងខ្ញុំប៉ុន្មានចំណុច រួមទាំងភេរវកម្មអន្តរជាតិ ហើយខ្ញុំកប់យោបល់រឿងហ្នឹង"។
លោកបាននិយាយបន្ថែមថា "ព្រោះបើថាជ្រុលជាប្តឹង ដាក់រឿងសមហេតុផលតិចទៅ។ ឥឡូវ ប្រជាជនខ្មែររាប់លាននាក់នៅក្នុងស្រុកដែលស្គាល់ ហ៊ុន ម៉ាណែត ហើយតាមដានសកម្មភាពខ្ញុំ ហើយប្រហែលជាគាត់កប់យោបល់ដែរហើយ នៅពេលគេឮថា ខ្ញុំត្រូវគេប្តឹងពីបទភេរវកម្មអន្តរជាតិ"។
លោកបានមានប្រសាសន៍មុននឹងគូសបញ្ជាក់ថា លោកនឹងឆ្លើយតបនឹងការអះអាងដែលប្តឹងទៅតុលាការសហរដ្ឋអាមេរិក នៅពេលដែលលោកមានពេលវេលាថា "ខ្ញុំគិតថា គេប្តឹងខ្ញុំដែលគ្មានមូលដ្ឋានច្បាស់លាស់គឺគ្រាន់តែជាការចង់រៀបចំកេងចំណេញផ្នែកនយោបាយតែប៉ុណ្ណោះ"។
លោកបានមានប្រសាសន៍ថា "នៅពេលគេដំណើរការករណីនេះ ខ្ញុំនឹងឆ្លើយតប ព្រោះមានបញ្ហាច្រើនដទៃទៀតដែលគេបង្កើតឡើង ពេលខ្ញុំនៅក្រៅប្រទេស"។
លោក សុវណ្ណារ៉ា ត្រូវបានតុលាការកាត់ទោសឲ្យជាប់ពន្ធនាគាររយៈពេល២០ឆ្នាំពីបទដឹកនាំកុបកម្ម ដោយសារតែលោកមានវត្តមាននៅឯការតវ៉ានាខែកក្កដា ឆ្នាំ២០១៤ក្នុងក្រុងភ្នំពេញដែលបានក្លាយជាហិង្សា។ លោក សុវណ្ណារ៉ា បានផ្តល់ទឡ្ហីករណ៍ថា ការចាប់ខ្លួនលោកដាក់គុកគឺធ្វើស្រេចតែអំពើចិត្ត ហើយមេធាវីរបស់លោកអះអាងថា ករណីនេះក៏អាចបកស្រាយថាជាទង្វើភេរវកម្មស្ថិតក្រោមច្បាប់សហរដ្ឋអាមេរិកដែរ។
មេធាវីដែលកាន់រឿងក្តីនេះបានមានប្រសាសន៍ថា លោកជឿថាអ្នកកាន់ដីកាឈ្មោះ ផូល ហេ បានកោះហៅឧត្តមសេនីយ៍ឯក ម៉ាណែត កាលពីថ្ងៃទី៩ ខែមេសា។ មេធាវីរូបនេះនិយាយថា លោក ហេ បានចូលទៅជិតឧត្តមសេនីយ៍រូបនោះ ហើយជាបច្ចេកទេសក៏ប្រគល់ដីកា ក្នុងពេលដែលគេវាយតប់លោក គឺមានន័យថាឧត្តមសេនីយ៍ឯក ម៉ាណែត មានរយៈពេល៣០ថ្ងៃ ដើម្បីឆ្លើយតប។
លោក ម័រតុន សក្លា ជាមេធាវីមិនបានឆ្លើយតបសំណើសុំការធ្វើអត្ថាធិប្បាយទេ។ ទោះជាយ៉ាងនេះក្តី លោក ហេ បាននិយាយថា លោករងរបួសជាំឆ្អឹងខ្នង ហើយត្រូវគេបញ្ជូនទៅសង្គ្រោះបន្ទាន់ជិតមួយសប្តាហ៍ ក្រោយពីត្រូវវាយដោយអង្គរក្សរបស់ឧត្តមសេនីយ៍ឯក ម៉ាណែត ក្នុងពេលប្រគល់ដីកា ហើយថាលោកជំរុញឲ្យមានការចោទប្រកាន់។
លោក ហេ ក៏បានច្រានចោលថាគ្មានន័យទាល់តែសោះចំពោះការអះអាងរបស់ឧត្តមសេនីយ៍រូបនេះដែលថា លោកគ្រាន់តែដួលទៅលើដីនោះ។ ប៉ុន្តែកូនរបស់លោកនាយករដ្ឋមន្ត្រីលើកឡើងម្តងទៀតកាលពីថ្ងៃច័ន្ទថា អង្គរក្សរបស់លោកមិនដែលបានប៉ះបុរសនោះទេ។
លោកបានមានប្រសាសន៍ថា "មនុស្សប្របូកច្របល់ព្យាយាមចូលទៅខាងក្នុង អ៊ីចឹងគាត់ប្រហែលជាដួលពេលនោះ។ ដូច្នេះ ខ្ញុំសូមសោកស្តាយការដួលនេះ"៕
អ្នកគាំទ្របញ្ចាំងភាពយន្តប្រារព្ធខួបនៃការស្លាប់របស់លោក ឈុត វុទ្ធី
បួនឆ្នាំបន្ទាប់ពីលោក ឈុត វុទ្ធី សកម្មជនបរិស្ថានត្រូវបានខ្មាន់កាំភ្លើងបាញ់សម្លាប់ខណៈកំពុងស៊ើបអង្កេតការកាប់ឈើខុសច្បាប់នៅខេត្តកោះកុង ខ្សែភាពយន្តមួយពណ៌នាពីជីវិតប៉ុន្មានខែចុងក្រោយរបស់លោកដែលត្រូវបានហាមឃាត់នៅក្នុងប្រទេសកម្ពុជា នឹងត្រូវចាក់បញ្ចាំងទូទាំងពិភពលោកនៅថ្ងៃនេះ។
យោងតាមសេចក្ដីថ្លែងការណ៍មួយរបស់ Not1More ជាបណ្ដាញគាំទ្រអ្នកការពារបរិស្ថានទូទាំងពិភពលោកដែលទើបបង្កើតឡើងថ្មីៗបានឲ្យដឹងថា ខ្សែភាពយន្តរឿង "ខ្ញុំ...
មន្ត្រីសិទ្ធិមនុស្សប្រាំរូប មន្ត្រីអង្គការសហប្រជាជាតិមួយរូប និងមន្ត្រីរៀបចំការបោះឆ្នោតមួយរូប ត្រូវបានលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ (ACU) កោះហៅកាលពីម្សិលមិញដើម្បីសាកសួរពាក់ព័ន្ធការអះអាងថា...
គណបក្សប្រជាជនកម្ពុជាដាក់ពាក្យប្តឹងលោក អ៊ូ វីរៈ ពីបទបរិហារកេរ្តិ៍
កាលពីម្សិលមិញ គណបក្សប្រជាជនកម្ពុជាបានដាក់ពាក្យប្តឹងអ្នកវិភាគនយោបាយដ៏ឆ្នើមមួយរូបក្នុងប្រទេសកម្ពុជាចំពោះការលើកឡើងថា គណបក្សកាន់អំណាចកំពុងប្រើប្រាស់រឿងអាស្រូវផ្លូវភេទដែលមានរឿងក្តីក្តាំកាន់តែកើនឡើងពាក់ព័ន្ធលោក កឹម សុខា អនុប្រធានគណបក្សសង្គ្រោះជាតិ ជាវិធីដើម្បីបង្ខូចកេរ្តិ៍ឈ្មោះគណបក្សប្រឆាំង។
ពាក្យបណ្តឹងនេះធ្វើឡើងតែប៉ុន្មានម៉ោងប៉ុណ្ណោះបន្ទាប់ពីលោកនាយករដ្ឋមន្ត្រី ហ៊ុន សែន បានប្រើប្រាស់ទំព័រហេ្វសប៊ុករបស់លោកចេញសេចក្តីព្រមានដល់អ្នកធ្វើអត្ថាធិប្បាយទាំងអស់។
លោកនាយករដ្ឋមន្ត្រីក្រើនរំឭកអំពីការខ្វះទឹក នៅពេលកើតមានគ្រោះរាំងស្ងួត
លោកនាយករដ្ឋមន្ត្រី ហ៊ុន សែន កាលពីថ្ងៃសុក្របានយកទំព័រហ្វេសប៊ុកដើម្បីធ្វើការអំពាវនាវដល់ប្រជាពលរដ្ឋឲ្យប្រើទឹកដោយសន្សំសំចៃនៅពេលមានគ្រោះរាំងស្ងួតខ្លាំងបំផុតក្នុងរយៈពេលប៉ុន្មានទសវត្សរ៍នេះ ហើយលោកបានពន្យល់ដែរថា រដ្ឋាភិបាលកំពុងដឹកទឹកចែកចាយឲ្យអ្នកដែលត្រូវការទឹកបំផុត។
លោក ហ៊ុន សែន បានមានប្រសាសន៍ថា...
គណៈប្រតិភូសភារបស់គណបក្សសង្គ្រោះជាតិបានសរសេរលិខិតថ្វាយព្រះមហាក្សត្រ នរោត្តម សីហមុនី ដោយស្នើសុំព្រះអង្គជួយអន្តរាគមន៍ដោះលែងតំណាងរាស្ត្រ អ៊ុំ សំអាន ពីពន្ធនាគារ ដោយលើកឡើងថា ការជាប់ពន្ធនាគាររបស់តំណាងរាស្ត្ររូបនេះរំលោភអភ័យឯកសិទ្ធិតាមរដ្ឋធម្មនុញ្ញជាតំណាងរាស្ត្រ។
លោក សំអាន ត្រូវបាននគរបាលចាប់ខ្លួននៅថ្ងៃទី១០ ខែមេសា ដោយចោទប្រកាន់ពីបទញុះញង់ក្នុងការបង្ហោះហ្វេសប៊ុកមានអាយុកាល៦ខែ ហើយត្រូវបានបញ្ជូនចូលពន្ធនាគារដើម្បីរង់ចាំសវនាការ ដោយរដ្ឋាភិបាលគណបក្សប្រជាជនកម្ពុជាអះអាងថា អភ័យឯកសិទ្ធិរបស់លោករួចផុតពីការផ្តន្ទាទោស គឺមិនអាចអនុវត្តបានទេ ដោយសារតែប្រព្រឹត្តបទល្មើសជាក់ស្តែង។
គណបក្សសង្គ្រោះជាតិបានចង្អុលបង្ហាញថា ទោះបីករណីបែបហ្នឹងក៏ត្រូវការសំឡេង២ភាគ៣នៃសភា ដើម្បីអនុញ្ញាតឲ្យបន្តឃុំខ្លួនតំណាងរាស្ត្រម្នាក់ ពោលគឺជាសំឡេងឆ្នោតដែលគណបក្សប្រជាជនកម្ពុជាមិនបានស្វែងរក បន្ទាប់ពីការចាប់ខ្លួនតំណាងរាស្ត្រ ឬក៏មិនអាចរកបានតំណាងរាស្ត្រ៦៨រូបក្នុងបណ្តា១២៣រូបដែរ។
លិខិតគណបក្សសង្គ្រោះជាតិដែលមានចុះកាលបរិច្ឆេទកាលពីថ្ងៃសុក្រ ហើយទទួលបានកាលពីថ្ងៃអាទិត្យ កត់សម្គាល់ថា មាត្រាទី៩នៃរដ្ឋធម្មនុញ្ញផ្តល់ឲ្យព្រះមហាក្សត្រ"មានព្រះរាជតួនាទីដ៏ខ្ពង់ខ្ពស់ជាអាជ្ញាកណ្តាល ដើម្បីធានាការប្រព្រឹត្តទៅនៃអំណាចសាធារណៈឲ្យមានភាពទៀងទាត់" ហើយនិយាយថា ព្រះអង្គគួរធ្វើអន្តរាគមន៍ដើម្បីការពារអភ័យឯកសិទ្ធិតាមរដ្ឋធម្មនុញ្ញ។
លិខិតនោះនិយាយថា "ទួលព្រះបង្គំយើងខ្ញុំ សូមទ្រង់ព្រះមេត្តាជួយធ្វើព្រះរាជអន្តរាគមន៍ឲ្យមានការដោះលែង អ៊ុំ សំអាន ក្នុងព្រះឋានៈព្រះអង្គទ្រង់មានព្រះរាជតួនាទីដ៏ខ្ពង់ខ្ពស់ជាអាជ្ញាកណ្តាល ដើម្បីធានាការប្រព្រឹត្តទៅនៃអំណាចសាធារណៈឲ្យមានភាពទៀងទាត់ ដូចមានចែងក្នុងមាត្រា៩នៃព្រះរាជាណាចក្រកម្ពុជា"។
លោក សុខ ឥសាន អ្នកនាំពាក្យគណបក្សប្រជាជនកម្ពុជាបានលើកឡើងកាលពីថ្ងៃអាទិត្យអំពីការឆ្លើយតបរបស់រដ្ឋាភិបាល បន្ទាប់ពីការចាប់ខ្លួនលោក សំអាន ដោយមានប្រសាសន៍ថា តំណាងរាស្ត្ររូបនេះត្រូវបានចាប់ខ្លួនក្នុងបទល្មើសជាក់ស្តែងដោយមានការបង្ហោះសារញុះញង់តាមហ្វេសប៊ុកទាក់ទងនឹងព្រំដែនវៀតណាម គឺមានន័យថាសំឡេង២ភាគ៣នៅក្នុងសភាមិនត្រូវការចាំបាច់ ដើម្បីអនុញ្ញាតឲ្យបន្តការផ្តន្ទាទោសទេ។
លោក ឥសាន បានមានប្រសាសន៍ថា "ការអនុញ្ញាត ឲ្យបន្តនីតិវិធី គឺមិនមានចែងថាមានកូរ៉ុមប៉ុន្មានភាគរយទេ អ៊ីចឹងនៅពេលដែលមាន៥០បូកមួយ គឺទៅរួចហើយ។ ជាសិទ្ធិរបស់គេដែលស្្នើសុំព្រះមហាក្សត្រ ប៉ុន្តែការដោះស្រាយយ៉ាងម៉េចនោះ គឺស្រេចលើព្រះមហាក្សត្រ"៕
បម្រាមលើភាពយន្ត ខ្ញុំគឺ ឈុត វុទ្ធី គឺអនុវត្តនៅគ្រប់កន្លែងបញ្ចាំងសាធារណៈទាំងអស់
បន្ទាប់ពីផែនការបញ្ចាំងភាពយន្តឯកសារស្តីអំពីលោក ឈុត វុទ្ធី សកម្មជនបរិស្ថានដែលត្រូវគេធ្វើឃាត នៅផ្ទះមេត្តា (Meta House) ក្នុងក្រុងភ្នំពេញ ត្រូវបានលុបចោលតាមសំណើរបស់ក្រសួងវប្បធម៌កាលពីសប្តាហ៍មុនមក...
នគរបាលចាប់ខ្លួនក្រុមជួញដូរមនុស្សនៅបារមួយកណ្តាលរាជធានីភ្នំពេញ
កាលពីថ្ងៃអាទិត្យ នគរបាលបានចាប់ខ្លួនជនជាតិបង់ក្លាដែស៩នាក់អំឡុងការឆ្មក់ចូលបារមួយកណ្តាលរាជធានីភ្នំពេញដោយសង្ស័យ ថា មានក្រុមជួញដូរមនុស្សរួមមានមេខ្លោងម្នាក់ក្នុងចំណោមមេខ្លោងជាច្រើន និងជនរងគ្រោះផងដែរ។
ជនជាតិបាគីស្ថាន២នាក់ ជនជាតិអីុរ៉ង់១នាក់ និងជនជាតិហ្វីលីពីន១នាក់ ក៏ត្រូវបានចាប់ខ្លួនផងដែរក្នុងខេត្តកណ្តាល ជាផ្នែកមួយនៃប្រតិបត្តិការនេះ ខណៈដែលពួកគេធ្វើដំណើរតាមរថយន្តក្រុងទៅកាន់ក្រុងប៉ោយប៉ែតជាប់ព្រំដែនថៃ ប៉ុន្តែ ក្រោយមកត្រូវបានដោះលែងវិញ។
លោក អ៊ុក ហៃសិលា ប្រធានផ្នែកសើុបអង្កេតនៅនាយកដ្ឋានអន្តោប្រវេសន៍ក្រសួងមហាផ្ទៃ បានមានប្រសាសន៍កាលពីម្សិលមិញថា មន្ត្រីរបស់លោកបានឆ្មក់ចូលបារអឺរ៉ូ (Euro Bar) ស្ថិតនៅក្នុងផ្លូវលេខ៦៣នៅម៉ោងប្រហែល៧និង៣០នាទីព្រឹកថ្ងៃសៅរ៍...
គ្រោះថ្នាក់ចរាចរណ៍ក្នុងខេត្តបាត់ដំបងបណ្តាលឱ្យមនុស្ស៨នាក់ស្លាប់ និង២៥នាក់រងរបួស
មនុស្ស៨នាក់បានស្លាប់ និងប្រហែលជាង២០នាក់ទៀតរងរបួសធ្ងន់នៅពេលរថយន្តក្រុងដឹកអ្នកដំណើរបានបុកជាមួយរថយន្តសណ្ដោងមួយគ្រឿងតាមបណ្ដោយផ្លូវជាតិលេខ៥ ក្នុងស្រុកសង្កែ ខេត្តបាត់ដំបង កាល ពីថ្ងៃអាទិត្យ។
លោក សាត គឹមសាន នាយនគរបាលចរាចរខេត្តបានមានប្រសាសន៍ថា មនុស្ស៨នាក់បានស្លាប់ និង២៥នាក់ទៀតរងរបួសនៅពេលរថយន្តក្រុងមួយគ្រឿងដែលដឹកអ្នកដំណើរពេញបានចេញដំណើរពីរាជធានីភ្នំពេញទៅកាន់ក្រុងបាត់ដំបង បានរេចង្កូតចូលគន្លងផ្លូវមួយទៀត ហើយបានបុកជាមួយរថយន្តសណ្ដោងដែលមកពីខាងមុខនៅម៉ោងប្រហែល៣និង៣០នាទីរសៀល។
លោក គឹមសាន បានថ្លែងថា អ្នកស្លាប់រួមមានអ្នកបើកបររថយន្តក្រុងពីរនាក់របស់ក្រុមហ៊ុនភី.អេស ដឹកអ្នកដំណើរ...
ស្រីកំណាន់ប្ដឹងលោក កឹម សុខា ខណៈមេឃុំគណបក្សសង្គ្រោះជាតិមួយរូបត្រូវបានចាប់ខ្លួន
បន្ទាប់ពីកាលពីសប្ដាហ៍មុនបានបោះបង់ការបដិសេធស្នេហាលួចលាក់ជាមួយលោក កឹម សុខា អនុប្រធានគណបក្សប្រឆាំង ប៉ុន្តែនៅតែប្រឈមនឹងនគរបាលប្រឆាំងភេរវកម្មដែលព្យាយាមចោទប្រកាន់នាងពីបទសញ្ចរកម្មនោះ កាលពីថ្ងៃសុក្រ នាង ខុម ចាន់តារា៉ទី...
ព័ត៌មានថ្មីៗ
© 2021, ដេលី. All rights reserved.