CATEGORY
ប័ណ្ណសារ
កាហ្វេនៅមណ្ឌលគិរីឡើងថ្លៃក្នុងពេលតម្រូវការកើនឡើងក្នុងចរន្តផ្គត់ផ្គង់នៅមានកម្រិត
យោងតាមមន្ត្រី និងកសិករ ក្នុងខេត្តមណ្ឌលគិរី បានឲ្យដឹងថា កាហ្វេខេត្តមណ្ឌលគិរី ដែលជាខេត្តមានផ្ទៃដីសម្រាប់ ដាំកាហ្វេច្រើនបំផុតក្នុងប្រទេសកម្ពុជា កំពុងបន្តឡើងថ្លៃ ដោយសារបរិមាណ ប្រើប្រាស់ផលិតផលកាហ្វេកំពុងកើនឡើង។
លោក ឆាយ ម៉ៅ ម្ចាស់ចម្ការកាហ្វេទំហំ ប្រាំហិកតា នៅក្រុងសែនមនោរម្យ បានមានប្រសាសន៍ថា ឥឡូវនេះគាត់អាចលក់ទិន្នផលកាហ្វេ បានចំនួន១០តោន ក្នុងតម្លៃ៨.០០០រៀល ឬ ប្រហែលពីរដុល្លារក្នុងមួយគីឡូក្រាមហើយ១ភាគ៣ នៃបរិមាណទិន្នផលត្រូវបានលក់ក្នុងតម្លៃជាង ៦.០០០រៀល ក្នុងមួយគីឡូក្រាមកាលពីពាក់កណ្តាលឆា្នាំមុន។
លោក ឆាយ ម៉ៅ បន្តទៀតថា "ឆ្នាំនេះ តម្លៃកាហ្វេកើនឡើង ដោយសារតែប្រជាជនគាំទ្រកាហ្វេ ក្នុងស្រុក ដោយពួកគេឲ្យតម្លៃថ្លៃជាងកាហ្វេនាំចូលពីប្រទេសជិតខាង"។
លោក ហេង សុខម មន្ត្រីមន្ទីរកសិកម្មខេត្តមណ្ឌលគិរី បានមានប្រសាសន៍ថាប្រជាជនក្នុងខេត្តមណ្ឌលគិរីដាំកាហ្វេបាន ១៥៣តោនលើផ្ទៃដីចម្ការកាហ្វេទំហំ៤១ហិកតា ជាបរិមាណទិន្នផលប្រហាក់ប្រហែលនឹងឆ្នាំមុន។
លោកហេងសុខមបានបន្ថែមថា"យើងគិតថា ផលិតផលកាហ្វេរបស់យើង អាចផ្គត់ផ្គង់ទៅទីផ្សារគ្រប់គ្រាន់ក្នុងពេលបច្ចុប្បន្ន ដូច្នេះ យើងមិនចំបាច់នាំចូលកាហ្វេពីប្រទេសដទៃទៀតទេ"។
លោកមានប្រសាសន៍បន្ថែមទៀតថាខេត្តមណ្ឌលគិរី បាននាំចេញកាហ្វេ ប្រហែលជា១០ភាគរយ នៃបរិមាណសរុប ទៅលក់ នៅប្រទេសថៃ ប្រទេសវៀតណាម និងសាធារណៈរដ្ឋប្រជាមានិតចិន"។
លោក ហេង សុខម ក៏បានបន្តថា កសិករខេត្តមណ្ឌលគិរីជាច្រើនកំពុងដំាដើមកាហ្វេថ្មីឡើងវិញ ស្របពេលដើមកាហ្វេជាច្រើនកំពុងឈានដល់អាយុ២០ឆ្នាំ។ យោងតាមម្ចាស់ហាងកាហ្វេ ដូចជា អ្នក ស្រីអួន ចន្ធី...
ប្រព័ន្ធផ្សព្វផ្សាយថៃបានរាយការណ៍ថាអគ្គមេបញ្ជាការកងទ័ពថៃបានសុំឲ្យមានការចរចាឡើងវិញអំពីតំបន់គ្មានយោធា ដែលតុលាការយុត្តិធម៌អន្តរជាតិ(ICJ)បានបញ្ជាឲ្យបង្កើតឡើងកាលពីឆ្នាំមុននៅជុំវិញតំបន់ប្រាសាទព្រះវិហារ។
តុលាការយុត្តិធម៌អន្តរជាតិបានបង្កើតតំបន់គ្មានយោធាទំហំ១៧,៣គីឡូម៉ែត្រក្រឡានៅជុំវិញប្រាសាទព្រះវិហារនិងតំបន់ព្រំដែនមានជម្លោះនៅក្នុងសេចក្ដីសម្រេចចុះថ្ងៃទី១៨ខែកក្កដា។
តុលាការនេះបានកំណត់កូអរដោនេច្បាស់លាស់សម្រាប់មុំទាំងបួននៃតំបន់នេះនិងបានបង្គាប់ឲ្យថៃនិងកម្ពុជាដកកងទ័ពរបស់ខ្លួនជាបន្ទាន់។វិធានការនេះ គឺជាមធ្យោបាយដើម្បីជួយទប់ស្កាត់មិនឲ្យមានការបាញ់គ្នាដដែលៗនៅទីនោះដូចកាលពីខែមេសា និងខែឧសភាឆ្នាំ២០១១ទៀត។
ប្រទេសទាំងពីរបានប្តេជ្ញាថានឹងអនុវត្តតាមសេចក្ដីសម្រេចនេះប៉ុន្តែមិនទាន់មានប្រទេសណាមួយអនុវត្តតាមសេចក្តីសម្រេចនេះនៅឡើយទេ។កាលពីខែធ្នូប្រទេសទាំងពីរបានយល់ព្រមបង្កើតក្រុមការងាររួមមួយដើម្បីរកវិធីដកកងទ័ព ប៉ុន្តែ ក្រុមការងារនេះ មិនទាន់បានជួបគ្នានៅឡើយទេ។
កាសែតបាងកកប៉ុស្តិ៍បានរាយការណ៍ថា លោក ថាណាសាក់ ប៉ាទីម៉ាប៉ាកន អគ្គមេបញ្ជាការកងទ័ពថៃបានថ្លែងក្នុងសប្ដាហ៍នេះថាពេលនេះក្រុមការងារនេះនឹង “ពិចារណាឡើងវិញ”អំពីតំបន់គ្មានយោធានេះ។
យោងតាមអត្ថបទមួយចុះផ្សាយតាមកាសែត ឌឹណេសិន របស់ថៃ ដែលមានចំណងជើងថា “ថៃព្យាយាមឲ្យមានការកែសម្រួលតំបន់គ្មានព្រំដែននៅជំុវិញប្រាសាទព្រះវិហារ”មានខ្លឹមសារថា “ យើងមិនដឹងថានរណាជាអ្នកបង្កើតតំបន់នេះ ឬនរណាជាអ្នកកំណត់ចំណុច...
ការព្រាងផែនទីស្នើសុំដាក់់ព្រៃឡង់ជាតំបន់ការពារថយមកត្រឹម ៤៨០.០០០ហិកតា
មន្ត្រីរដ្ឋបាលព្រៃឈើបាននិយាយថា សំណើររបស់រដ្ឋបាលព្រៃឈើក្នុងការដាក់បញ្ចូលព្រៃឡង់ ដែលជាព្រៃចុងក្រោយឲ្យជាតំបន់ការពារត្រូវបានកាត់បន្ថយជាង២០ភាគរយដោយសល់ត្រឹមតែ៤៨០.០០០ហិកតាប៉ុណ្ណេាះ។
ក្នុងពេលបើកសិក្ខាសាលាពិគ្រោះយោបល់នៅទីក្រុងភ្នំពេញកាលពីខែមុនរដ្ឋបាលព្រៃឈើនិងអ្នកភូមិបានពិភាក្សាគ្នាសុំរក្សាទុកព្រៃ ឡង់ទំហំ ៦១៥.០០០ហិកតាជាតំបន់ការពារក៏ប៉ុន្តែកាលពីម្សិលមិញ លោកធនសារ៉ាត់អ្នកនាំពាក្យរដ្ឋបាលព្រៃឈើបានមានប្រសាសន៍ថាឥឡូវនេះគេបានកាត់តំបន់ព្រៃឡង់មកនៅត្រឹមតែចំនួន៤៨៤.៨៧២ហិកតាប៉ុណ្ណេាះដើម្បីដាក់ជាតំបន់ការពារ ដែលស្ថិតនៅជាប់ខេត្តក្រចេះកំពង់ធំព្រះវិហារនិងស្ទឹងត្រែង។
លោកសារ៉ាត់ បានមានប្រសាសន៍ថារដ្ឋបាលព្រៃឈើបានរៀបចំសំណើរួចរាល់ហើយដោយគ្រោងបញ្ជូនសំណើនេះទៅក្រសួងកសិកម្មក្នុងពេលឆាប់ៗខាងមុខនេះបន្ទាប់មកបញ្ជូនទៅទីស្តីការគណៈរដ្ឋមន្ត្រីនិងក្រសួងពាក់ព័ន្ធផ្សេងៗទៀតដើម្បីធ្វើការអនុម័ត។
លោកសារ៉ាត់បានបន្ថែមទៀតថាកាលពីម្សិលមិញ រដ្ឋបាលព្រៃឈើបានទទួលការស្នើសុំរបស់អ្នកភូមិ...
អតីតអភិបាលក្រុង មានសេរីភាពវិញបន្ទាប់ពីសារភាពថា ខ្លួនបានដកកាំភ្លើងបាញ់
បើទោះជាសារភាព កាលពីម្សិលមិញថាខ្លួនបានដកកាំភ្លើងបាញ់ស្ត្រីបីនាក់អំឡុងការតវ៉ា កាលពីខែមុន នៅឯតំបន់សេដ្ឋកិច្ចពិសេស ក្នុងខេត្តស្វាយរៀង(SEZ) ក៏ដោយក៏លោកឈូក បណ្ឌិត អតីតអភិបាលក្រុងបាវិត នៅតែមានសេរីភាពអាចវិលត្រឡប់មកផ្ទះរបស់ខ្លួនវិញដែរបន្ទាប់ពីបានសារភាពនៅចំពោះមុខតុលាការ។
លោក ហ៊ឹង ប៊ុនជា ព្រះរាជអាជ្ញាអមសាលាដំបូងខេត្តស្វាយរៀង បានថ្លែងថា “លោក បណ្ឌិត បានចូលមកឆ្លើយទល់មុខខ្ញុំ ហើយបានសារភាពថា លោកបានទៅដល់ទីកន្លែងធ្វើបាតុកម្ម ដើម្បីចរចាជាមួយកម្មករដែលតវ៉ា និងបានបាញ់ឡើងលើ”។
េពលសួរថា តើលោក បណ្ឌិត សារភាពថា គ្រាប់កាំភ្លើង ដែលគាត់បាញ់ចេញពីកាំភ្លើងរបស់គាត់ បានត្រូវកម្មការិនី ដែលតវ៉ាបីនាក់ ដោយរបៀបណានោះ លោក ប៊ុនជាបានបដិសេធមិនធ្វើអត្ថាធិប្បាយ។ ព្រះរាជអាជ្ញារូបនេះបានបន្ថែមថា “ ពេលនេះគាត់បានវិលត្រឡប់មកផ្ទះវិញហើយ”។
លោកបណ្ឌិតគ្រោងនឹងចូលខ្លួនមកបំភ្លឺជំុវិញការចោទប្រកាន់ថា លោកបានបាញ់ស្ត្រីបីនាក់អំឡុងការតវ៉ា កាលពីថ្ងៃទី២០ ខែកុម្ភៈ...
ក្រុមហ៊ុន រ៉ូយ៉ាល់ គ្រុប បដិសេធថា ក្រុមហ៊ុន ថុល ហូលឌីង មិនបានចាកចេញពីគម្រោងផ្លូវដែកទេ
កាលពីម្សិលមិញ លោក គិត ម៉េង អគ្គនាយកក្រុមហ៊ុនរ៉ូយ៉ាល់គ្រុប បានបដិសេធរបាយការណ៍ដែលថា ក្រុមហ៊ុនអូស្ត្រាលីថុលហូលឌីង នឹងចាកចេញពីគម្រោងសហការ ស្តារប្រព័ន្ធផ្លូវដែកកម្ពុជាឡើងវិញដែលត្រូវចំណាយថវិកា១៤០លានដុល្លារ។
ក្រុមហ៊ុនថុលហូលឌីងដែលជាដៃគូពាណិជ្្ជកម្មរបស់ក្រុមហ៊ុនរ៉ូយ៉ាល់គ្រុបបានចុះហត្ថលេខារយៈពេល៣០ឆ្នាំ ជាមួយរាជរដ្ឋាភិបាល កាលពីខែមិថុនាឆ្នាំ២០០៩ដើម្បីអនុត្តការងារត្រួតពិនិត្យប្រតិបត្តិការក្នុងបណ្តាញផ្លូវដែកកម្ពុជា។ នៅក្នុងរបាយការណ៍ចេញផ្សាយកាលពីថ្ងៃអង្គារនោះសារព័ត៌មានស៊ីដនីម៉ណីងហ័ររ៉ាល់បានរាយការណ៍ដោយយោងតាមប្រភពគួរឲ្យទុកចិត្តមួថាក្រុមហ៊ុន ថុលហូលឌីងនឹងបោះបង់គម្រោងអាជីវកម្មនេះដោយដកខ្លួនចេញ។
មុនពេលបដិសេធ មិនធ្វើអត្ថាធិប្បាយបន្ថែមលោកគិតម៉េងបានមានប្រសាសន៍ថា"ទេមិនពិតទេ។វាគ្រាន់តែជាការប៉ាន់ស្មានប៉ុណ្ណោះ"។
ប៉ុន្តែលោកផៃស៊ីផានអ្នកនាំពាក្យទីស្តីការគណៈរដ្ឋមន្ត្រី បានមានប្រសាសន៍ កាលពីម្សិលមិញថាក្រុមវិនិយោគិនបរទេសដទៃទៀត...
កាលពីម្សិលមិញអ្នកភូមិបឹងកក់ប្រមាណ១០០នាក់ បានមកប្រមូលផ្តុំគ្នាតវ៉ា នៅមុខសាលារាជធានីភ្នំពេញ ដើម្បីទាមទារឲ្យរដ្ឋាភិបាលផ្តល់ប័ណ្ណកម្មសិទ្ធិកាន់កាប់លំនៅដ្ឋានដល់អ្នកភូមិបឹងកក់ចំនួន៥៨គ្រួសារទៀត ដែលត្រូវបានបណ្តេញចេញ។
កាលពីខែសីហា លោកនាយករដ្ឋមន្ត្រីហ៊ុនសែន បានបញ្ជាឲ្យកាត់ដីសហគមន៍នេះទំហំ ១២,៤៤ហិកតា ចេញពីគម្រោងអចលនទ្រព្យរបស់ក្រុមហ៊ុនលោក ឡៅ ម៉េងឃិនដែលជាសមាជិកព្រឹទ្ធសភាមកពីគណបក្សប្រជាជនកម្ពុជា និងបានបញ្ជាឲ្យអាជ្ញាធរ ប្រគល់ប័ណ្ណកម្មសិទ្វិដីឲ្យប្រជាជនរស់នៅក្នុងតំបន់នេះ។
នៅពេលមន្ត្រី ខណ្ឌដូនពេញ ប្រគល់ប័ណ្ណកម្មសិទ្ធិកាន់កាប់ដី ដល់អ្នកភូមិបឹងកក់ ចំនួន៦៣៨គ្រួសារ កាលពីសប្តាហ៍មុន ក្រុមមន្ត្រីទាំងនោះ បាននិយាយថា គ្រប់គ្រួសារដែលមានសិទ្ធិទទួលប័ណ្ណកម្មសិទ្ធិកាន់កាប់ដីធ្លី តាមបទបញ្ជា របស់លោកនាយករដ្ឋមន្ត្រី ហ៊ុន សែន អាចរស់នៅទីនោះបាន។ ប៉ុន្តែអ្នកភូមិបឹងកក់ រួមទាំង អ្នកមានប័ណ្ណកម្មសិទ្ធិកាន់កាប់ដីធ្លីផងនោះ និយាយថា អ្នកភូមិចំនួន៥៨គ្រួសារ ត្រូវបានដកចេញដោយគ្មានហេតុផល។
អ្នកស្រី ហេង មុំ ដែលនៅក្នុងចំណោមអ្នកភូមិបឹងកក់ ដែលទាមទារសិទ្ធិ កាន់កាប់ដីធ្លីដែរនោះ បាននិយាយថា "យើងចង់ឲ្យរដ្ឋាភិបាលដាក់បញ្ចូលអ្នកភូមិទាំង៥៨គ្រួសារនេះ ចូលទៅ ក្នុងដីទំហំ ១២,៤៤ហិកតាដែរ ពីព្រោះក្រុមគ្រួសារទំាងនេះក៏ជាអ្នកភូមិបឹងកក់ដែរ។ ពួកគេមានសិទ្ធិ
ស្នើសុំប័ណ្ណកម្មសិទ្ធិដី"។
ប្រជាជនទាំងនេះកំពុងស្នើឲ្យរដ្ឋាភិបាលកំណត់ព្រំដីទំហំ១២,៤៤ហិកតានេះ ឲ្យបានច្បាស់លាស់ ព្រោះអាជ្ញាធរ មិនដែលបានកំណត់ព្រំដីនេះទ េ និងស្នើសុំឲ្យរដ្ឋាភិបាលសាងសង់ប្រព័ន្ធលូ ដើម្បីរំដោះទឹកជំនន់ ដែលធ្លាប់តែជន់លិចសហគមន៍នេះចាប់តាំងពី ក្រុមហ៊ុនរបស់លោក ឡៅ ម៉េងឃិន គឺក្រុមហ៊ុន ស៊ូកាគូ អីុន បានចាប់ផ្តើមបូមខ្សាច់លុបបឹងកក់នេះក្នុងឆ្នាំ២០០៨។
អ្នកស្រី មុំ បាននិយាយថា រូបគាត់ និងអ្នកតវ៉ាប្រមាណ៩នាក់ផ្សេងទៀត បានជួបជាមួយលោក លី សាវេត ប្រធានរដ្ឋបាលសាលារាជធានីភ្នំពេញ ដើម្បីពិភាក្សាអំពីអ្វីដែលពួកគាត់បានទាមទារ។
អ្នកស្រី មំុ បានមានប្រសាសន៍ថា "លោកលី សាវេត បានទទួលយកញត្តិរបស់យើងហើយលោកបានសន្យាថា នឹងឆ្លើយតបក្នុងរយៈ ពេលមួយសប្តាហ៍ក្រោយពេលលោកជូនដំណឹងទៅថ្នាក់លើ។ អ្នកស្រីបានមានប្រសាសន៍បន្តថា "ក្នុងរយៈពេលមួយសប្តាហ៍ ប្រសិនបើនៅមិនមានការឆ្លើយតបពីសាលារាជធានីទេនោះ យើងនឹងធ្វើការតវ៉ា រហូតទាល់តែទទួលបានដំណោះស្រាយ"។
អ្នកភូមិបឹងកក់ម្នាក់ទៀត ឈ្មោះ ទេពវណ្ណី ដែលបានទទួលប័ណ្ណកម្មសិទ្ធិ កាន់កាប់ដីធ្លីរួចហើយ តែបានមកចូលរួមជាមួយអ្នកតវ៉ាក្នុងកិច្ចពិភាក្សាកាលពីម្សិលមិញដែរ នោះ បាននិយាយថា បន្ទាប់មកអ្នកភូមិ បានធ្វើដំណើរទៅកាន់ស្ថានទូតអាមេរិក បារាំងនិងអង់គ្លេស ដើម្បីដាក់ញត្តិរបស់ខ្លួនស្វែងរកការគាំទ្រពីស្ថានទូតទាំងនេះ។
អ្នស្រីបានបន្តថា ពួកគាត់មានគម្រោងទៅកាន់ស្ថានទូតផ្សេងៗទៀតនៅរសៀលនេះ ប៉ុន្តែពួកគាត់បានទទួលទូរស័ព្ទពីលោកសាវេត អង្វរសុំឲ្យពួកគាត់ឈប់តវ៉ា និងទុកពេលឲ្យលោកដោះស្រាយសំណើរបស់ពួកគាត់ ហើយពួកគាត់ ក៏បានយល់ព្រមតាមលោកទៅ៕
ប្រែសម្រួលដោយ ស៊ា សុ៊យឈាង
សាលាឧទ្ធរណ៍តម្កល់សាលក្រមនៅក្នុងរឿងក្តីដំបូងរបស់អង្គភាពប្រឆាំងអំពើពុករលួយ
កាលពីម្សិលមិញសាលាឧទ្ធរណ៍បានតម្កល់សាលក្រមផ្តន្ទាទោសលោកតុបច័ន្ទសិរីវុធអតីតព្រះរាជអាជ្ញាអមសាលាដំបូងខេត្តពោធិ៍សាត់និងអង្គរក្សរបស់លោកពីរនាក់ទៀតឲ្យជាប់ពន្ធនារគារចាប់ពី១៥ឆ្នាំដល់១៩ឆ្នាំពីបទទទួលសំណូកបង្ខាំងមនុស្សខុសច្បាប់និងជំរិតទារប្រាក់។
សាលាដំបូងខេត្តពោធិ៍សាត់បានផ្តន្ទាទោសលោកតុបច័ន្ទសិរីវុធ ឲ្យជាប់ពន្ធនាគារ១៩ឆ្នាំនិងអង្គរក្សរបស់លោកឈ្មោះរស់ សំណាងឲ្យជាប់ពន្ធនាគារ១៥ឆ្នាំហើយឈ្មោះឈិតវុទ្ធីឲ្យជាប់ពន្ធនាគារ១៦ឆ្នាំកាលពីខែឧសភាជារឿងក្តីដំបូងដែលអង្គភាពប្រឆាំងអំពើពុករលួយរបស់រដ្ឋាភិបាលបានប្តឹងទៅតុលាការ។
អ្នកទាំងបីត្រូវបានចាប់ខ្លួនកាលពីខែវិច្ឆិកា ឆ្នាំ២០១០បន្ទាប់ពីការស៊ើបអង្កេតរបស់អង្គភាពប្រឆាំងអំពើពុករលួយបានរកឃើញថាអតីតព្រះរាជអាជ្ញារូបនេះនិងអង្គរក្សរបស់លោកបានបង្ខាំងមនុស្សខុសច្បាប់ និងប៉ុនប៉ងជំរិតទារប្រាក់ពីមនុស្សដែលខ្លួនបង្ខាំងទាំងនោះជាថ្នូរនឹងការដោះលែង។
អង្គរក្សទីបីម្នាក់ទៀតឈ្មោះពេជ្រគង់យូដែលត្រូវជាប្អូនថ្លៃរបស់លោកតុបច័ន្ទសិរីវុធនោះកំពុងរត់គេចខ្លួននៅឡើយ ប៉ុន្តែត្រូវបាន
កាត់ទោសកំបាំងមុខតាមការចោទប្រកាន់ពីបទល្មើសដូចគ្នានេះនិងត្រូវបានផ្តន្ទាទោសដាក់ពន្ធនាគាររយៈពេល១៨ឆ្នាំ។ បន្ទាប់ពីតុលាការចេញសាលក្រមដើមអ្នកទាំងបួននាក់នេះត្រូវបានបង្គាប់ឲ្យសងប្រាក់សរុបចំនួនបួនលានរៀល (ប្រហែល១.០០០ដុល្លារ)...
អ្នកភូមិជនជាតិដើមភាគតិចនាំគ្នាដើរល្បាត ដើម្បីការពារព្រៃ កុំឲ្យមានការកាប់ឈើខុសច្បាប់
ដោយប្រឈមមុខនឹងការបាត់បង់យ៉ាងឆាប់រហ័សនូវតំបន់ព្រៃដ៏ធំនៅទូទាំងប្រទេសកម្ពុជា សហគមន៍ក្នុងស្រុកបានចាប់ផ្ដើមនាំគ្នាទប់ស្កាត់ ហើយពេលនេះអ្នកភូមិកាន់តែច្រើនឡើងកំពុងនាំគ្នាដើរល្បាតការពារព្រៃរបស់ខ្លួនដើម្បីជួយសង្គ្រោះព្រៃឈើ សម្រាប់ទុកដល់អ្នកជំនាន់ក្រោយ។
សកម្មជនមូលដ្ឋាន និងបុគ្គលិកអង្គការក្រៅរដ្ឋាភិបាល បាននិយាយកាលពីម្សិលមិញថា អ្នកភូមិបាននិងកំពុងតែដើរល្បាត ចាប់តាំងពីឆ្នាំទៅ ដោយរឹបអូសបានឧបករណ៍កាប់ឈើ និងបានជួបពួកអ្នកកាប់ឈើ ហើយកំពុងបន្តល្បាតនៅក្នុងព្រៃឡង់ទៀត និងក្នុងខេត្តក្រចេះ ព្រមទាំងខេត្តមណ្ឌលគិរី ផងដែរ។ លោកសានស៊ីយ៉ាន់តំណាងឲ្យអ្នកភូមិបានឲ្យដឹងថា កាលពីថ្ងៃអង្គារ អ្នកភូមិជនជាតិដើមភាគតិចព្នង និងស្ទៀង មួយក្រុម មានគ្នាប្រហែល៦០ នាក់ នៅក្នុងស្រុកស្នួល ខេត្តក្រចេះ រឹបអូសបានរណារអារឈើចំនួនបីនិងឈើរាប់រយម៉ែត្រគូបដែលគេបានកាប់នៅក្នុងព្រៃសហគមន៍មួយ និងនៅក្នុងដែនជម្រកសត្វព្រៃស្នួល។
លោក ស៊ីយ៉ាន់ បានមានប្រសាសន៍ថា“យើងបានឃើញកម្មករជាច្រើនស៊ីឈ្នួលកាប់ឈើ...ប៉ុន្តែយើងអាចរឹបអូសបានត្រឹមតែរណារបី និងឃាត់ខ្លួនកម្មករប្រាំបីនាក់ ហើយឃុំខ្លួនពួកគេអស់រយៈពេលមួយម៉ោង រីឯអ្នកកាប់ឈើរាប់សិបនាក់ បានគេចខ្លួនរួច”។ លោកបានបន្ថែមថា អ្នកភូមិបានជូនដំណឹងដល់រដ្ឋបាលព្រៃឈើមូលដ្ឋាន អំពីការកាប់ឈើ ហើយបានដោះលែងអ្នកកាប់ឈើទាំងនោះ បន្ទាប់ពីធ្វើការព្រមានរួច។
លោក ស៊ិន សាន តំណាងឲ្យអង្គការបណ្ដាញប្រជាជនព្រៃឡង់ បាននិយាយថា អ្នកភូមិមួយក្រុមមានគ្នារាប់រយនាក់ នឹងដើរល្បាតក្នុងព្រៃរយៈពេល១៥ថ្ងៃម្តងទៀត ដោយចាប់ផ្តើមនៅថ្ងៃអង្គារ សប្តាហ៍ក្រោយ ...
ក្រុមមន្ត្រីបាននិយាយកាលពីម្សិលមិញថា បុរសម្នាក់ត្រូវបានបាញ់ចំស្មា និងម្នាក់ទៀតត្រូវបានចាប់ខ្លួន បន្ទាប់ពីទាហានថៃបានធ្វើការបាញ់ប្រហារទៅលើអ្នកកាប់ឈើខុសច្បាប់កម្ពុជាមួយក្រុមដែលបានឆ្លងចូលទៅក្នុងទឹកដីថៃតាមខេត្តឧត្តរមានជ័យ ។
លោក ម៉ៅ សំណាង នាយប៉ុស្តិ៍នគរបាលឃុំកូនគ្រៀល ក្នុងស្រុកសំរោង បានមានប្រសាសន៍ថា“បុរសប្រាំពីរនាក់បានលួចចូលទៅក្នុងព្រៃក្នុងទឹកដីថៃចម្ងាយប្រហែលពីរគីឡូម៉ែត្រពីបង្គោលព្រំដែនកម្ពុជា-ថៃ លេខ១៨ប៉ុន្តែពួកគេបានវង្វេងផ្លូវនៅក្នុងព្រៃ។នៅពេលដែលពួកគេត្រឡប់មកផ្ទះវិញពួកគេបានជួបនឹងទាហានថៃដែលកំពុងដើរល្បាតក្នុងព្រៃនោះ ហើយទាហានថៃក៏បានបាញ់រះមកលើពួកគេតែម្តងដោយធ្វើឲ្យបុរសម្នាក់រងរបួសនិងម្នាក់ទៀតបាត់ខ្លួន។ ក៏ប៉ុន្តែកាលពីម្សិលមិញ យើងបានឮថាបុរសដែលបានបាត់ខ្លួននោះ ត្រូវបានទាហានថៃចាប់ខ្លួន”។
លោក លីឡាដាប្រធានផ្នែកព័ត៌មាននៃកងរាជអាវុធហត្ថខេត្តឧត្តរមានជ័យបានមានប្រសាសន៍ថាបុរសឈ្មោះរីថៃរាបអាយុ២០ឆ្នាំបានរងរបួសត្រង់ស្មាជាទម្ងន់និងត្រូវបានបញ្ជូនទៅព្យាបាលនៅមន្ទីរពេទ្យស្រុកមង្គលបុរី។
លោក សំណាង បានមានប្រសាសន៍ថាបុរស ឈ្មោះ រៀម រាប អាយុ២៧ឆ្នាំ...
បុរសពិការត្រូវគេវាយធ្វើបាបក្នុងជម្លោះដីធ្លីនៅឧត្តរមានជ័យ
ឧត្តមសេនីយ៍យោធាផ្កាយ២ម្នាក់នៅខេត្តឧត្តរមានជ័យ និងប្រធានភូមិម្នាក់មកពីគណបក្សប្រជាជនកម្ពុជាត្រូវបានអ្នកភូមិចោទថាបានវាយបុរសពិការពីរនាក់ឲ្យសន្លប់ នៅពេលមានការប្រឈមមុខគ្នារឿងជម្លោះដីធ្លី នៅព្រំប្រទល់ខេត្តព្រះវិហារ និងឧត្តរមានជ័យហើយកាលពីម្សិលមិញ ឧត្តមសេនីយ៍ និងប្រធានភូមិរូបនេះបានបដិសេធយ៉ាងដាច់អហង្ការចំពោះការអះអាងនេះ។
លោកជាតិពេញ ប្រធានសាខាសមាគមអភិវឌ្ឍន៍ជនពិការខេត្តព្រះវិហារ ...