CATEGORY
ព័ត៌មានជាតិ
ក្រសួងហិរញ្ញវត្ថុរៀបចំផែនការយុទ្ធសាស្ត្រថវិកាឆ្នាំ២០១៦
ក្រសួងហិរញ្ញវត្ថុបានបញ្ចេញឲ្យដឹងផែនការយុទ្ធសាស្ត្ររបស់ខ្លួនសម្រាប់ថវិកាឆ្នាំបន្ទាប់ អំឡុងវេទិកាមួយកាលពីថ្ងៃអង្គារនៅទីស្តីការក្រសួង ក្នុងក្រុងភ្នំពេញ ដោយផ្តោតលើការបង្កើនចំណូលរដ្ឋ បង្កើនផលិតភាពសេដ្ឋកិច្ច និង បែងចែកផលប្រយោជន៍ពីកំណើនសេដ្ឋកិច្ច។
លោក អូន ព័ន្ធមុនីរ័ត្ន...
ស្ថាប័នទេសន្តរប្រវេសន៍អន្តររដ្ឋាភិបាលមួយបានលើកឡើងកាលពីម្សិលមិញថា ពលរដ្ឋខ្មែរយ៉ាងហោចណាស់៥៨នាក់ បានស្ថិតក្នុងចំណោមអ្នកនេសាទទាសករជាង៣០០នាក់ ដែលត្រូវបានជួយសង្គ្រោះកាលពីពេលថ្មីៗនេះចេញពីកោះដាច់ស្រយាលមួយនៅក្នុងខេត្តម៉ាលូគូ (Maluku) ប្រទេសឥណ្ឌូណេស៊ី។
រដ្ឋាភិបាលឥណ្ឌូណេស៊ីបានជួយសង្គ្រោះអ្នកនេសាទទាំងនេះចេញពីភូមិកោះបេនជីណា (Benjina) កាលពីថ្ងៃសុក្រ ក្រោយពីការស៊ើបអង្កេតរយៈពេលរាប់ឆ្នាំដោយទីភ្នាក់ងារសារព័ត៌មាន...
បេក្ខជនដាក់ពាក្យសម្រាប់សមាជិកគ.ជ.ប.ថ្មីកំពុងដំណើរការទៅមុខ
យោងតាមបញ្ជីឈ្មោះដែលបានចេញផ្សាយដោយរដ្ឋសភាកាលពីម្សិលមិញ បានឲ្យដឹងថា បេក្ខជនដាក់ពាក្យសម្រាប់សមាជិកគណៈកម្មាធិការជាតិរៀបចំការបោះឆ្នោត (គ.ជ.ប.)ថ្មី រួមមានសមាជិកសភាគណបក្សកាន់អំណាចម្នាក់ សមាជិកបច្ចុប្បន្នបួនរូបរបស់គ.ជ.ប. មេ
ដឹកនាំសហជីពដែលនិយាយឥតសំចៃម្នាក់ និងប្រធានទីប្រឹក្សារបស់លោក កឹម សុខា អនុប្រធានគណបក្សប្រឆាំង។
រដ្ឋសភានឹងកោះប្រជុំពេញអង្គនៅថ្ងៃច័ន្ទ ដើម្បីជ្រើសរើសសមាជិកប្រាំបួនរូបរបស់ស្ថាប័នបោះឆ្នោតថ្មីនេះ ដែលការបង្កើតឡើងនេះសំខាន់ណាស់ចំពោះកិច្ចព្រមព្រៀងដែលបានបញ្ចប់ការធ្វើពហិការមិនចូលប្រជុំសភា ក្រោយការបោះឆ្នោតរបស់គណបក្សសង្គ្រោះជាតិកាលពីឆ្នាំមុន។
កាលពីចុងខែមុន រដ្ឋសភាបានអំពាវនាវដល់បេក្ខជនទាំងអស់ដែលមានបទពិសោធន៍ការងារពាក់ព័ន្ធរយៈពេល១០ឆ្នាំ ហើយមានសញ្ញាបត្រពីសាកលវិទ្យាល័យ ។
បេក្ខជនបួនរូបនៅក្នុងគ.ជ.ប.ថ្មី ដែលនឹងត្រូវជ្រើសដោយគណបក្សនីមួយៗជាមួយនឹងតួនាទីចុងក្រោយដែលកាន់កាប់ដោយលោក ហង្ស ពុទ្ធា នាយកប្រតិបត្តិគណៈកម្មាធិការអព្យាក្រឹត និងយុត្តិធម៌ដើម្បីការបោះឆ្នោតដោយសេរី និងត្រឹមត្រូវនៅកម្ពុជា។
លោក ហង្ស ពុទ្ធា បានមានប្រសាសន៍ថា លោកមានបំណងជំរុញឲ្យមានកំណែទម្រង់ការបោះឆ្នោតដែលមិនត្រូវបានយកចិត្តទុកដាក់ដោយគណបក្សប្រជាជនកម្ពុជា និងគណបក្សសង្គ្រោះជាតិរយៈពេលប្រាំបីខែចុងក្រោយនេះ និងបេក្ខជនផ្សេងទៀតក្នុងចំណោមបេក្ខជន២៤រូបដែលបានដាក់ពាក្យសម្រាប់ស្ថាប័ននេះ ក៏បានលើកឡើងពីភាពចំាបាច់សម្រាប់ការធ្វើកំណែទម្រង់បន្ថែមទៀតកាលពីម្សិលមិញផងដែរ។
លោក ស៊ិក ប៊ុនហុក សមាជិកសភាគណបក្សប្រជាជនកម្ពុជា ដែលជាអ្នកចរចារបស់គណបក្សកាន់អំណាច អំឡុងការធ្វើសេចក្តីព្រាងច្បាប់បោះឆ្នោតថ្មីបានមានប្រសាសន៍ថា លោកបានដាក់ពាក្យសម្រាប់គ.ជ.ប. នេះដោយសារបទពិសោធន៍កន្លងមករបស់លោកជាទីប្រឹក្សាច្បាប់របស់គ.ជ.ប.ចាស់ចាប់ពីឆ្នាំ១៩៩៨ ដល់ឆ្នាំ២០០១ ។
លោកបានមានប្រសាសន៍ថា "ប្រសិនបើខ្ញុំត្រូវបានជ្រើសរើស ខ្ញុំនឹងប្រឹងប្រែងឲ្យអស់ពីលទ្ធភាពដើម្បីធ្វើការទាក់ទងការបោះឆ្នោតដើម្បីធានាថា នឹងគ្មានភាពទាល់ច្រកនយោបាយ បន្ទាប់ពីការបោះឆ្នោតទៀតឡើយ។ ខ្ញុំមិនចង់បានតួនាទីខ្ពស់នៅគ.ជ.ប.ទេ ប៉ុន្តែ ខ្ញុំចង់ឃើញគណបក្សនីមួយៗពេញចិត្តនឹងលទ្ធផលបោះឆ្នោតដែលរៀបចំដោយគ.ជ.ប.ថ្មី"។
លោក ជូង ជូងី មេធាវីគណបក្សសង្គ្រោះជាតិដែលកាលពីពេលថ្មីៗនេះត្រូវបានរកឃើញពិរុទ្ធភាពថាបានជួយឲ្យមានការរត់ចេញពីពន្ធនាគារនៅក្នុងរឿងក្តីនយោបាយមួយក្នុងខេត្តកណ្តាលនោះ បានមានប្រសាសន៍ថា លោកសង្ឃឹមថា នឹងចូលរួមក្នុងគ.ជ.ប.ថ្មី។
លោក ជូង ជូងី បានមានប្រសាសន៍ថា "ប្រសិនបើខ្ញុំត្រូវបានជ្រើសរើសជាសមាជិកគ.ជ.ប.សម្រាប់គណបក្សប្រឆាំង ខ្ញុំនឹងប្រើប្រាស់ចំណេះដឹងរបស់់ខ្ញុំតតាំងនឹងអ្វីៗ ដើម្បីធ្វើឲ្យប្រាកដថា ការបោះឆ្នោតនឹងត្រូវធ្វើឡើងដោយសេរី និងយុត្តិធម៌"។
បេក្ខជនបួនរូបក្នុងចំណោមបេក្ខជនទាំងអស់ ដែលបច្ចុប្បន្នរបស់គ.ជ.ប. នោះគឺលោក មាន សាទិក លោក ឯម សុផាត លោក សោម ចាន់ឌីណា និងលោក ម៉ៅ សុភិរិទ្ធ ដែលលោក សោម ចាន់ឌីណា និងលោក ម៉ៅ សុភិរិទ្ធ ត្រូវបានតែងតាំងដោយគណបក្សសមរង្ស៊ី ។
លោក គួយ ប៊ុនរឿន មន្ត្រីរបស់គណបក្សសង្គ្រោះជាតិ ដែលជាសមាជិកគ.ជ.ប.រយៈពេលខ្លីកាលពីដើមទសវត្សរ៍ឆ្នាំ២០០០របស់គណបក្សសមរង្ស៊ីនោះ ត្រូវបានប្រកាសរួចហើយថា ជាសមាជិក គ.ជ.ប.ថ្មីរបស់គណបក្សប្រឆាំង។
លោក អឹុម សួស្តី មន្ត្រីគណបក្សកាន់អំណាច ដែលបានធ្វើជាប្រធានគ.ជ.ប.ចាប់តាំងពីឆ្នាំ២០០២មក បានមានប្រសាសន៍ថា លោកបានសម្រេចមិនដាក់ពាក្យសម្រាប់គណៈកម្មាធិការបោះឆ្នោតថ្មីឡើយ។
លោក អឹុម សួស្តី បានមានប្រសាសន៍ថា "ខ្ញុំបានធ្វើការជិត២០ឆ្នាំមកហើយ ដូច្នេះវាគ្រប់គ្រាន់សម្រាប់ខ្ញុំហើយ។ទុកឱកាសឲ្យអ្នកជំនាន់ក្រោយធ្វើការនេះចុះ ពីព្រោះឥឡូវនេះខ្ញុំចាស់ហើយ។ ខ្ញុំចង់សម្រាក"។
លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យបានមានប្រសាសន៍ថា បើទោះជាលោកខ្វះបទពិសោធន៍ទាក់ទងនឹងការបោះឆ្នោតក៏ដោយ ក៏លោកបានដាក់ពាក្យសម្រាប់សមាជិក គ.ជ.ប.ដែរ ពីព្រោះការងាររបស់លោកការពារសិទ្ធិមនុស្ស។
លោក រ៉ុង ឈុន បានមានប្រសាសន៍ថា "ខ្ញុំបានសម្រេចដាក់ពាក្យសម្រាប់តួនាទីនេះ ពីព្រោះខ្ញុំសង្ឃឹមថា ខ្ញុំអាចជួយរកយុត្តិធម៌សម្រាប់អ្នកបោះឆ្នោតបាន។ បើទោះជាខ្ញុំមិនបានធ្វើការដោយផ្ទាល់ទាក់ទងការបោះឆ្នោតក៏ដោយ ក៏ខ្ញុំអនុវត្តការងារបោះឆ្នោតទាំងអស់ដោយប្រយោលដែរ ហើយបានដឹកនាំសហជីពទាមទារសិទ្ធិ ដូច្នេះខ្ញុំមានជំនឿមុតមាំថា ខ្ញុំអាចធ្វើការងារនៅគ.ជ.ប.បាន"។
លោក ម៉ុត ចន្ថា ប្រធានខុទ្ទកាល័យរបស់លោក កឹម សុខា...
នគរបាលច្រានចោលរបាយការណ៍ពាក់ព័ន្ធការស្លាប់ជនជាតិភាគតិចម៉ុងតាញ៉ាថា ជាពាក្យចចាមអារ៉ាម
កាលពីម្សិលមិញ អាជ្ញាធរខេត្តរតនគិរីបានលើកឡើងថា អ្នកភូមិមូលដ្ឋានប្រហែលជាបាននិយាយកុហកអំពីការដែលថា បានឃើញសាកសពអ្នកស្វែងរកសិទ្ធិជ្រកកោនជនជាតិភាគតិចម៉ុងតាញ៉ាមកពីប្រទេសវៀតណាមត្រូវបានគេកប់ថ្មីៗ។
លោក ឆាយ ធី អ្នកសម្របសម្រួលអង្គការសិទ្ធិមនុស្សអាដហុកប្រចាំខេត្តនេះបានមានប្រសាសន៍កាលពីថ្ងៃច័ន្ទថា អ្នកភូមិនៅក្នុងឃុំសេសាន ស្រុកអូរយ៉ាដាវ រាយការណ៍ថា បានឃើញសាកសពចំនួនប្រាំបីអណ្តែតតាមទឹកទន្លេសេសានកាលពីសប្តាហ៍មុន។
លោកបានមានប្រសាសន៍កាលពីម្សិលមិញថា ក្រោយមកអ្នកភូមិអះអាងថា បានឃើញសកសពមួយក្នុងចំណោមសាកសពទាំងនោះដែលជាជនជាតិភាគតិចម៉ុងតាញ៉ាមកពីប្រទេសវៀតណាម ត្រូវបានគេកប់នៅមាត់ទន្លេ។
លោកបានមានប្រសាសន៍ថា "ខ្ញុំមិនហ៊ាននិយាយថា ព័ត៌មានពីសាកសពនេះពិតឬមិនពិតនោះឡើយ ពីព្រោះខ្ញុំមិនបានឃើញដោយផ្ទាល់់ភ្នែកឡើយ"។
លោកបានមានប្រសាសន៍ថា យើងនឹងសើុបអង្កេតដើម្បីរកមូលហេតុនៃការស្លាប់នោះ ហើយយើងក៏នឹងស្វែងរកអត្តសញ្ញាណសាកសពផងដែរ ពីព្រោះអ្នកភូមិបានប្រាប់យើងថា សាកសពនេះជាសាកសពជនភៀសខ្លួន"។
ចាប់តាំងពីចុងខែតុលាមក ជនជាតិភាគតិចម៉ុងតាញ៉ាជាង៩០នាក់មកពីប្រទេសវៀតណាមបានឆ្លងចូលខេត្តរតនគិរី ដោយអះអាងថា រត់គេចពីការធ្វើទុក្ខបុកម្នេញខាងសាសនា និងនយោបាយពីសំណាក់អាជ្ញាធរនៅប្រទេសរបស់ខ្លួន។
អ្នកភូមិជនជាតិដើមភាគតិចចារ៉ាយម្នាក់ ក្នុងស្រុកអូរយ៉ាដាវ ដែលនិយាយក្នុងលក្ខខណ្ឌអនាមិកដោយខ្លាចការរករឿងពីអាជ្ញាធរនោះបាននិយាយថា លោកបានទៅកាន់កន្លែងនោះកាលពីម្សិលមិញ ដែលអ្នកភូមិបានអះអាងថា បានឃើញសាកសពដែលត្រូវបានគេកប់ ហើយបានឃើញថ្នូរថ្មីៗដោយមានជើងមនុស្សលៀនចេញពីដី។
អ្នកភូមិរូបនេះបាននិយាយថា "ខ្ញុំបានឃើញថ្នូរមួយត្រូវបានគេជីកនៅមាត់ទន្លេពីរបីថ្ងៃមកហើយ។ ខ្ញុំបានឃើញជើងម្ខាង បន្ទាប់មកខ្ញុំបានថតរូបទៀត"។
ទោះជាយ៉ាងណា អាជ្ញាធរមូលដ្ឋានបានលើកឡើងកាលពីម្សិលមិញថា ពួកគេជឿថា
អ្នកភូមិនិយាយកុហកថា បានឃើញសាកសពនោះ។
លោក ម៉ា វិចិត្រ អភិបាលស្រុកបានមានប្រសាសន៍ថា "ខ្ញុំបានបញ្ជាឲ្យនគរបាលមូលដ្ឋានរបស់ខ្ញុំស្វែងរកសាកសពជាជនជាតិភាគតិចម៉ុងតាញ៉ា ហើយយើងបានសាកសួរអ្នកភូមិមួយចំនួន ប៉ុន្តែ ពួកគាត់បានប្រាប់យើងថា ពួកគាត់មិនដឹងរឿងអ្វីឡើយ។ ខ្ញុំគិតថានេះជាពាក្យចចាមអារ៉ាម ហើយខ្ញុំមិនយល់ថា ហេតុអ្វីបានជាពួកគាត់ប្រឌិតព័ត៌មានមិនពិតនេះ"។
លោក ពយ យ៉ុង នាយប៉ុស្តិ៍ឃុំសេសាន បានមានប្រសាសន៍ថា មន្ត្រីរបស់លោកមិនទាន់រកសាកសពនោះឃើញនៅឡើយទេ។ លោកបានមានប្រសាសន៍ថា "ខ្ញុំកំពុងសើុបអង្កេតរកប្រភពព័ត៌មាននោះ ហើយធ្វើរបាយការណ៍ជូនលោកអធិការស្រុក ពីព្រោះយើងគិតថា អ្នកភូមិបានប្រឌិតព័ត៌មានដើម្បីបំពុលបរិយាកាស"។
ជនជាតិដើមភាគតិចចារ៉ាយរូបនេះបានជួយលាក់ជនជាតិភាគតិចម៉ុងតាញ៉ាមួយចំនួន
ដែលបានមកដល់កាលពីពេលថ្មីៗនេះ ពីអាជ្ញាធរមូលដ្ឋាន ដែលបាននិរទេសពួកគេមួយចំនួនទៅប្រទេសវៀតណាមវិញ៕ សារុន
ការហែក្បួនរបស់ក្រុមសកម្មជនសិទ្ធិស្ត្រីត្រូវបាននគរបាលបំបែក
កាលពីម្សិលមិញ សកម្មជនសិទ្ធិស្ត្រីប្រហែល១០០នាក់ត្រូវបានរារាំងមិនឲ្យជិះរ៉ឺម៉កម៉ូតូកង់បីឆ្ពោះទៅរដ្ឋសភា និងទីស្នាក់ការកណ្តាលរបស់គណបក្សប្រជាជនកម្ពុជា ក្នុងរាជធានីភ្នំពេញ តែទោះជាយ៉ាងណា ក្រុមនេះបានដាក់ញត្តិដោយជោគជ័យនៅទីស្នាក់ការកណ្តាលរបស់គណបក្សសង្គ្រោះជាតិ ដើម្បីទាមទារឲ្យមានតំណាងស្ត្រីនៅក្នុងគណៈកម្មាធិការជាតិរៀបចំការបោះឆ្នោត (គ.ជ.ប.) ដែលត្រូវបានធ្វើកំណែទម្រង់។
នៅពេលព្រឹក សកម្មជនទាំងនេះបានប្រមូលផ្តុំគ្នានៅចំណុចរង្វល់មូលមួយក្បែររដ្ឋសភាអមដោយឧបករណ៍តន្ត្រី ដោយមានគម្រោងសម្តែងរបាំត្រុដិអំឡុងការតវ៉ារបស់ពួកគេ ប៉ុន្តែត្រូវបាននគរបាលរារាំង។
លោកស្រី ធីតា ឃឹស នាយកប្រតិបត្តិនៃគណៈកម្មាធិការដើម្បីលើកស្ទួយស្ត្រីក្នុងឆាកនយោយ ដែលបានរៀបចំការហែក្បួននេះឡើង មានប្រសាសន៍ថា "គោលបំណងសំខាន់នៃការប្រមូលផ្តុំគ្នានៅថ្ងៃេនះ គឺដើម្បីសម្តែងរបាំត្រុដិសុំសេចក្តីសុខចម្រើន និងកម្ចាត់ឧបទ្រពចង្រៃក្នុងចំណោមតំណាងរាស្ត្ររបស់យើង ហើយជាពិសេសដើម្បីដាក់ញត្តិស្នើសុំឲ្យបោះឆ្នោតជ្រើសរើសស្ត្រីធ្វើជាសមាជិកថ្មីៗរបស់គ.ជ.ប."។
តាមការរំពឹងទុកថា សមាសភាពសមាជិកទាំងប្រាំបួនរូបរបស់ គ.ជ.ប.ថ្មី នឹងត្រូវសម្រេចអំឡុងសម័យប្រជុំសភានៅថ្ងៃច័ន្ទ។
នៅពេលសាកសួរថា តើមូលហេតុអ្វីបានជាមិនអនុញ្ញាតឲ្យអ្នកហែក្បួនទាំងនេះប្រគល់ញត្តិរបស់ខ្លួននោះ...
មន្ត្រីបាននិយាយកាលពីម្សិលមិញថា នគរបាលរាជធានីភ្នំពេញបានចាប់ខ្លួនមនុស្ស១២នាក់កាលពីថ្ងៃច័ន្ទ អំឡុងប្រតិបត្តិការឆ្មក់ចូលផ្ទះមួយក្នុងខណ្ឌសែនសុខ ដែលបើកល្បែងឆ្នោតខុសច្បាប់។
យោងតាមលោក សុខ សុផល នាយប៉ុស្តិ៍នគរបាលសង្កាត់ទឹកថ្លាបានឲ្យដឹងថា ដឹកនាំដោយព្រះរាជអាជ្ញារង ខំា...
លោក កឹម សុខា នឹងគោរពដីកាកោះរបស់សាលាដំបូងរាជធានីភ្នំពេញ
លោក កឹម សុខា អនុប្រធានគណបក្សសង្គ្រោះជាតិបានប្រកាសតាមទំព័រហ្វេសប៊ុករបស់លោកកាលពីម្សិលមិញថា លោកនឹងគោរពដីកាកោះរបស់តុលាការឲ្យបង្ហាញខ្លួននៅសាលាដំបូងរាជធានីភ្នំពេញនៅព្រឹកនេះដើម្បីឆ្លើយសំណួរអំពីការតវ៉ារបស់គណបក្សប្រឆាំងកាលពីឆ្នាំ២០១៣ និង២០១៤។
លោក កឹម សុខា បានសរសេរនៅក្នុងទំព័រហ្វេសប៊ុករបស់លោក ដោយមិនធ្វើការអត្ថាធិប្បាយបន្ថែមថា "ខ្ញុំ កឹម សុខា នឹងទៅឆ្លើយបំភ្លឺនៅសាលាដំបូងរាជធានីភ្នំពេញនៅម៉ោង៨ និង៣០នាទីព្រឹក ថ្ងៃទី៨ ខែមេសា ឆ្នាំ២០១៥"។
ការចុះផ្សាយនេះបានធ្វើឡើងបន្ទាប់ពីមានការសន្និដ្ឋានថា តើលោក កឹម សុខា ដែលមានអភ័យឯកសិទ្ធិរួចផុតពីការផ្តន្ទាទោសក្នុងនាមជាសមាជិកសភានោះ នឹងគោរពដីកាកោះ ឬយ៉ាងណា។
កាលពីព្រឹកថ្ងៃនោះ លោក ចាន់ ចេន មេធាវីរបស់លោក កឹម សុខា បានមានប្រសាសន៍ថា លោកមិនប្រាកដថា តើកូនក្តី របស់លោកនឹងទៅឬមិនទៅនោះឡើយ។ លោក ចាន់ ចេន បានមានប្រសាសន៍នៅពេលនោះថា "ឥឡូវនេះអ្នកអាចនិយាយថាវា៥០-៥០ "។
កាលពីខែមុន លោកនាយករដ្ឋមន្ត្រី ហ៊ុន សែន បានគំរាមឲ្យតុលាការផ្តន្ទាទោសលោក កឹម សុខា បន្ទាប់ពីអនុប្រធានគណបក្សប្រឆាំងរូបេនះបានថ្លែងសុន្ទរកថាថា លោក ហ៊ុន សែន បានបកស្រាយថាជាការសារភាពចំពោះផែនការធ្វើរដ្ឋប្រហារ។
លោកស្រី ម៉េង សុភារី មេធាវីរបស់លោក កឹម សុខា មួយរូបទៀតបានមានប្រសាសន៍ថា លោកស្រីមិនជឿថា តុលាការនឹងបន្តរឿងក្តីនេះវែងឆ្ងាយទៀត បន្ទាប់ពីការសាកសួរនៅថ្ងៃេនះឡើយ។
លោកស្រី សុភារី បានមានប្រសាសន៍ថា "គាត់ជាសមាជិកសភាមានអភ័យឯកសិទ្ធិដែលចាំបាច់ត្រូវដកដោយសមាជិកសភាពីរភាគបីឯណោះ។ នោះជាមូលហេតុដែលយើងគិតថា នឹងគ្មានការចាប់ខ្លួនកូនក្តីរបស់យើងឡើយ"៕ សារុន
នគរបាលកំពុងតាមស្វែងរក “ជនអគតិ” ដែលដុតខ្លោងទ្វារអង្គរសង្ក្រាន្ត
នគរបាលនៅក្នុងក្រុងសៀមរាបកំពុងតាមស្វែងរកក្រុម "ជនអគតិ" ដែលបានដុតខ្លោងទ្វារសាងសង់ឡើងសម្រាប់អង្គរសង្ក្រាន្តឆ្នាំថ្មី ដែលសាធារណជនបានរិះគន់ថា ជាការរចនាតាមរចនាបថប្រទេសវៀតណាម ឬប្រទេសចិននោះ។
យោងតាមនគរបាលបានឲ្យដឹងថា ខ្លោងទ្វារដែលត្រូវបានសាងសង់នៅច្រកចូលទៅកាន់បរិវេណប្រាសាទអង្គរវត្តដោយមានពណ៌ក្រហមស្រាល និងពណ៌លឿង និងមានចងភ្ជាប់ដោយគោមពណ៌ក្រហមនោះបានឆាបឆេះនៅវេលាម៉ោងប្រហែល២ទៀបភ្លឺម្សិលមិញ។
លោក ថោង សុខុន ស្នងការរងនគរបាលខេត្តនេះបានលើកឡើងថា មន្ត្រីបានសាកសួរមនុស្សចំនួនប្រាំមួយនាក់ពាក់ព័ន្ធនឹងហេតុការណ៍នេះ ហើយបានដោះលែងពួកគេទៅវិញ ប៉ុន្តែ លោកមិនបានពន្យល់ថា ហេតុអ្វីបានជាដោះលែងទៅវិញឡើយ។
លោក សុខុន បានមានប្រសាសន៍ថា "នគរបាលព្រហ្មទណ្ឌខេត្តបានសាកសួរមនុស្សចំនួនប្រាំមួយនាក់ ដែលស្ថិតនៅក្បែរកន្លែងកើតហេតុ ប៉ុន្តែ យើងបានដោះលែងឲ្យពួកគេទៅផ្ទះវិញ" ។ លោកបានបន្ថែមថា ក្រុមការងារពិសេសមកពីរាជធានីភ្នំពេញកំពុងតែជួយក្នុងការស៊ើបអង្កេត។
លោកបានមានប្រសាសន៍បន្តថា "មានក្រុមការងារមកពីអគ្គស្នងការនគរបាលជាតិ ដែលមកជួយស៊ើបអង្កេតក្នុងករណីនេះ។ យើងកំពុងតែសើុបអង្កេតតាមរយៈហ្វេសប៊ុកផងដែរ"។
ខ្លោងទ្វារអង្គរសង្ក្រាន្តត្រូវបានសាងសង់ និងរចនាដោយសមាជិកនៃសហភាពសហព័ន្ធយុវជនកម្ពុជា ដែលដឹកនាំដោយលោក ហ៊ុន ម៉ានី តំណាងរាស្ត្រមណ្ឌលកំពុងស្ពឺមកពីគណបក្សប្រជាជនកម្ពុជា និងជាកូនប្រុសរបស់លោកនាយករដ្ឋមន្ត្រី ហ៊ុន សែន ។
លោក សុខុន បានលើកឡើងថា ការរចនាខ្លោងទ្វារនេះត្រូវបានយល់ព្រមអនុម័តដោយអាជ្ញាធរអប្សរា ជាស្ថាប័នរដ្ឋាភិបាលមួយដែលគ្រប់គ្រងឧទ្យានបុរាណអង្គរ ហើយថា ការឆាបឆេះនេះកើតឡើងដោយសារតែគេមាន"គំនិតខ្វែងគ្នា"។
លោកបានមានប្រសាសន៍ថា "អ្នកដែលដុតខ្លោងទ្វារនេះ គឺជាជនអគតិ"។ លោកបានបន្ថែមថា ខ្លោងទ្វារនេះត្រូវបានសាងសង់ឡើងប្រហែលមួយសប្តាហ៍កន្លងមកហើយ ហើយដំបូងឡើយគ្មាននរណាមកបំផ្លិចបំផ្លាញទេ។
កាលពីថ្ងៃច័ន្ទ កញ្ញា ធី សុវណ្ណថា ដែលជាសកម្មជនប្រឆាំងរដ្ឋាភិបាលដ៏លេចធ្លោ និងជាអ្នកតែងតែសរសេរសាររិះគន់តាមរយៈបណ្តាញទំនាក់ទំនងសង្គមនោះបានបង្ហោះរូបភាពនៃខ្លោងទ្វារនេះលើទំព័រហ្វេសប៊ុករបស់ខ្លួនដោយកាត់តរូបរបស់នាងដែលលើកមេដៃចុះក្រោមនៅពីមុខខ្លោងទ្វារនេះ។
ការបង្ហោះនេះមានអ្នកគាំទ្រ (Like) ជាង៣៥.០០០នាក់ និងមានអ្នកបញ្ចេញយោបល់រាប់រយនាក់ដែលភាគច្រើនសុទ្ធតែជាអ្នកជាតិនិយម។
កាលពីថ្ងៃសៅរ៍ អ្នកជាតិនិយមម្នាក់ទៀតដែលប្រើហ្វេសប៊ុកឈ្មោះ ខ្មែរសុវណ្ណភូមិ និងដែលមានអ្នកគាំទ្ររាប់ពាន់បានបង្ហោះរូបភាពនៃខ្លោងទ្វារនេះដោយមានសរសេរសារថា "សូមជួយចែករំលែក ជាបន្ទាន់ដើម្បីឲ្យកូនខ្មែរដឹងអំពីបញ្ហានេះ ហើយទាមទារឲ្យគ្រួសារ ហ៊ុន ដកខ្លោងទ្វារនេះចេញជាបន្ទាន់"។
សារនេះបានបន្តថា "បន្ទាប់មកយើងនឹងដឹងច្បាស់ថា ប្រសិនបើពួកគេដកវាចេញវាមានន័យថា ពួកគេនៅមានការគោរពខ្លះៗចំពោះម្ចាស់ប្រទេសនេះ។ ប្រសិនបើពួកគេមិនដកចេញទេ ពួកគេមានខួរក្បាលយួន បំផ្លាញខ្មែរ និងបម្រើយួន"។
តែទោះជាយ៉ាងណា លោក សម រតនា អ្នកនាំពាក្យពិធីបុណ្យអង្គរសង្ក្រានឆ្នាំថ្មី និងជាសមាជិកនៃសហភាពសហព័ន្ធយុវជនកម្ពុជាបានលើកឡើងថា ការរចនាខ្លោងទ្វារនេះមានការត្រួតពិនិត្យយ៉ាងត្រឹមត្រូវដោយអ្នកជំនាញ។ លោកបានបដិសេធមិនបញ្ជាក់ថា អ្នកជំនាញទាំងនោះជានរណាឡើយ ហើយថា ការដុតខ្លោងទ្វារនេះគឺជាការប្រមាថដល់ប្រពៃណីខ្មែរ។
លោកបាននិយាយថា "ការដុតខ្លោងទ្វារអង្គរសង្ក្រាន គឺវាស្មើនឹងការប្រមាថវប្បធម៌ និងអរិយធម៌ខ្មែរ។ យើងបានសួរអ្នកជំនាញរួចហើយ ហើយពួកគាត់បញ្ជាក់ថា នេះគឺជារចនាបទខ្មែរពិតៗ"។
ទោះបីជាមានការការពារដល់ការរចនាខ្លោងទ្វារនេះក៏ដោយ តែលោក រតនា បានលើកឡើងថា ជាការឆ្លើយតបនឹងការរិះគន់ លោក ហ៊ុន ម៉ានី បានចុះមកតំបន់នេះកាលពីថ្ងៃច័ន្ទនេះ ហើយស្នើឲ្យមានការកែរចនាបថឡើងវិញ។
លោក រតនា បាននិយាយបន្តថា "ក្នុងនាមជាគ្រួសារខ្មែរដូចគ្នា យើងមិនចង់ធ្វើឲ្យនរណាម្នាក់មិនសប្បាយចិត្តឡើយ ហេតុដូច្នេះយើងសម្រេចកែរចនាបទឡើងវិញ"៕ ស៊ុយឈាង
មន្ត្រីរដ្ឋាភិបាលច្រានចោលរបាយការណ៍ស្ដីអំពីសហគមន៍ក្រីក្រក្នុងរាជធានីភ្នំពេញ
មន្ត្រីរដ្ឋាភិបាលមួយរូបបានច្រានចោលការអំពាវនាវរបស់អង្គការមិនមែនរដ្ឋាភិបាលចំនួនពីរកាលពីម្សិលមិញ ដែលស្នើឲ្យរដ្ឋាភិបាលខិតខំធ្វើការបន្ថែមទៀតដើម្បីជួយសហគមន៍ក្រីក្រក្នុងរាជធានីភ្នំពេញ ចំពេលអ្វីដែលអង្គការទាំងពីរនេះចាត់ទុកថា ជាប្រព័ន្ធប័ណ្ណកម្មសិទ្ធិដីធ្លីដ៏ស្មុគស្មាញដែលមិនគិតគូរដល់សហគមន៍ក្រីក្រ។
នៅក្នុងរបាយការណ៍រួមមួយដែលមានចំណងជើងថា " ការមិនរាប់បញ្ជូលសហគមន៍ក្រីក្រក្នុងរាជធានីក្នុងការចុះបញ្ជីដីធ្លីជាប្រព័ន្ធនៅក្នុងរាជធានីភ្នំពេញ" អង្គការទស្សនៈពិភពលោក (World Vision)...
រដ្ឋាភិបាលបញ្ចាំងឯកសារចោទលោក កឹម សុខា រួមគំនិតធ្វើរដ្ឋប្រហារ
មុនពេលការសាកសួរដោយតុលាការតាមគ្រោងទុកលើលោក កឹម សុខា អនុប្រធានគណបក្សប្រឆាំងកាលពីថ្ងៃពុធ ស្ថានីយទូរទស្សន៍ដែលគ្រប់គ្រងដោយកូនស្រីលោកនាយករដ្ឋមន្ត្រី ហ៊ុន សែន បានបញ្ចាំងកាលពីយប់ថ្ងៃអាទិត្យនូវភាពយន្តឯកសារមួយផលិតដោយរដ្ឋាភិបាល ដែលកសាងសំណុំរឿងមួយថា...