33 C
Phnom Penh

TAG

កូដកម្ម

ក្រុម​កូដករ​ណាហ្គា​វើលដ៍​ជាង​១០០​នាក់​ត្រូវ​សមត្ថកិច្ច​បង្ក្រាប​ដោយ​ប្រើ​អំពើ​ហិង្សា

ក្រុម​កូដករ​នៃ​បុគ្គលិក​ក្រុមហ៊ុន​ណាហ្គា​វើលដ៍ (Naga World) ជាង ១០០​នាក់ ត្រូវ​បាន​សមត្ថកិច្ច​បង្ក្រាប​ដោយ​ការ​ប្រើ​អំពើ​ហិង្សា និង​ចាប់​ដាក់​ចូល​ទៅ​ក្នុង​រថយន្តក្រុង​ទាំង​បង្ខំ ដើម្បី​បំបិទ​ការ​ទាមទារ​របស់​កូដករ​ទាំងនោះ​ក្នុង​ការ​រក​ដំណោះស្រាយ​ពី​សំណាក់​ក្រុមហ៊ុន ដែល​បាន​រំលោភ​សិទ្ធិ​របស់​ពួកគេ​នា​ពេល​កន្លងមក។ ក្រុម​កូដករ​នៃ​ក្រុមហ៊ុន​ណាហ្គា​វើលដ៍ ដែល​ភាគច្រើន​ជា​ស្ត្រី កាលពី​ថ្ងៃ​ទី​១១ ខែ​ឧសភា ឆ្នាំ​២០២២ បាន​បន្ត​ធ្វើ​ការ​ជួបជុំ​ធ្វើ​កូដកម្ម​ដោយ​សន្តិវិធី​នៅ​ទីតាំង​ចំណុច​ច្រមុះជ្រូក សង្កាត់​ទន្លេបាសាក់ ខណ្ឌ​ចំការមន រាជធានី​ភ្នំពេញ ក្បែរ​នាគ​បាញ់​ទឹក ដើម្បី​ទាមទារ​រក​ដំណោះស្រាយ​ពី​ក្រុមហ៊ុន​ណាហ្គា​វើលដ៍ ដែល​បាន​អូស​បន្លាយ​អស់​ពេល​ជាង ៤​ខែ​កន្លះ​មក​នេះ ប៉ុន្តែ​ត្រូវ​អាជ្ញាធរ​ក្រុង​ភ្នំពេញ​ចេញ​មុខ​បង្ក្រាប ដោយ​ចាប់​ពួកគេ​ដាក់​ឡាន​យក​ទៅ​ទម្លាក់​ចោល​នៅ​ទីលាន​ប្រជាធិបតេយ្យ​ខណ្ឌ​ឫស្សីកែវ ភ្លាមៗ។ ក្រុម​កូដករ​នៃ​ក្រុមហ៊ុន​ណាហ្គា​វើលដ៍​ដែល​ជា​ស្ត្រី​ទាំងនោះ...

សង្គម​ស៊ីវិល​ស្នើ​លោក ហ៊ុន សែន ចេញ​មុខ​ដោះស្រាយ​វិវាទ​ការងារ​ក្រុមហ៊ុន​ណាហ្គា​វើលដ៍

មជ្ឈមណ្ឌល​សិទ្ធិមនុស្ស​កម្ពុជា ជំរុញ​ឲ្យ​លោក ហ៊ុន សែន ផ្ទាល់​ត្រូវ​ចេញ​មុខ​ដោះស្រាយ​លើ​ទំនាស់​រវាង​កម្មករ​និយោជិត និង​ក្រុមហ៊ុន​ណាហ្គា​វើលដ៏ (NAGA World) ខណៈ​សហជីព​ទ្រទ្រង់​សិទ្ធិ​ការងារ​បុគ្គលិក​កម្មករ​ខ្មែរ​នៃ​ក្រុមហ៊ុន​នេះ អំពាវនាវ​រក​ជំនួយ​សប្បុរសធម៌​ដោយសារ​វិវាទ​ការងារ​បាន​បន្ត​ជាង ៤​ខែ​មក​ហើយ។ នាយិកា​មជ្ឈមណ្ឌល​សិទ្ធិមនុស្ស​កម្ពុជា (CCHR) អ្នកស្រី ចក់ សុភាព បាន​សរសេរ​លើ​គណនី​ហ្វេសប៊ុក​របស់​ខ្លួន​កាលពី​ថ្ងៃ​ទី​២៨ ខែ​មេសា ឆ្នាំ​២០២២ ថា ដើម្បី​ឱ្យ​ការ​ប្រារព្ធ​ទិវា​ពលកម្ម​អន្តរជាតិ​លើក​ទី​១៣៥ ឆ្នាំ​២០២២ នេះ​អាច​ធ្វើ​ឡើង​ដោយ​ក្តី​សប្បាយ​រីករាយ​ទៅ​បាន កម្ពុជា​គួរ​តែ​លើក​យក​ករណី​វិវាទ​ការងារ​រវាង​ក្រុមហ៊ុន​ណាហ្គា​វើលដ៏ និង​កម្មករ​និយោជិត​មក​ដោះស្រាយ​ឱ្យ​បាន​ឆាប់...

សហជីព​ក្រុមហ៊ុន​ណាហ្គា​វើលដ៍​អំពាវនាវ​រក​ជំនួយ​ពី​សាធារណជន​ជួយ​ដល់​ក្រុម​កូដករ

សហជីព​ទ្រទ្រង់​សិទ្ធិ​ការងារ​ឲ្យ​បុគ្គលិក​កម្មករ​ខ្មែរ​នៃ​ក្រុមហ៊ុន​ណាហ្គា​វើលដ៍ (NAGA World) បាន​អំពាវនាវ​ស្វែងរក​ជំនួយ​ពី​សាធារណជន សប្បុរសជន​ជាតិ និង​អន្តរជាតិ ព្រមទាំង​ស្ថាប័ន​សប្បុរសធម៌​នានា ឲ្យ​ជួយ​ចូលរួម​ឧបត្ថម្ភ​ជា​ស្បៀងអាហារ ឬ​ថវិកា និង​សម្ភារៈ​ផ្សេងៗ​ដល់​ក្រុម​កូដករ​ដែល​កំពុង​ប្រឈម​នឹង​ការ​ខ្វះខាត​សព្វថ្ងៃ​នេះ។ សហជីព​ទ្រទ្រង់​សិទ្ធិ​ការងារ​បុគ្គលិក​កម្មករ​ខ្មែរ​នៃ​ក្រុមហ៊ុន​ណាហ្គា​វើលដ៍ បាន​ចេញ​សេចក្តី​ប្រកាស​ស្វែងរក​ជំនួយ​សប្បុរសធម៌​កាលពី​ថ្ងៃ​ទី​២៧ ខែ​មេសា ឆ្នាំ​២០២២ ថា ដើម្បី​ការពារ​សេរីភាព​សហជីព សិទ្ធិ​ការងារ និង​យុត្តិធម៌​សង្គម កម្មករ​និយោជិត​ទាំងអស់​ដែល​ភាគច្រើន​ជា​ស្ត្រី សុខចិត្ត​ប្រឈម​នឹង​ជីវភាព​រស់នៅ​ដែល​លំបាក​គ្មាន​ប្រាក់ចំណូល ខណៈ​ការ​ចំណាយ​លើ​ជីវភាព​ប្រចាំ​ថ្ងៃ​នៅ​ជា​បន្ទុក​ធ្ងន់ធ្ងរ​ដដែល។ ប្រភព​ដដែល​អះអាង​ថា ទោះបីជា​មាន​ការ​ដោះលែង​ថ្នាក់​ដឹកនាំ និង​សកម្មជន​សហជីព​ឱ្យ​នៅ​ក្រៅ​ឃុំ​ជា​បណ្ដោះអាសន្ន​កាល​ពី​ពេល​កន្លងទៅ​ក្តី ប៉ុន្តែ​ក្រុមហ៊ុន​ណាហ្គា​វើលដ៍​មិន​មាន​ចេតនា​ដោះស្រាយ​បញ្ហា​ដែល​ខ្លួន​បាន​បង្ក​ឡើង​ជាមួយ​បុគ្គលិក​នោះ​ឡើយ ហើយ​តែងតែ​បដិសេធ​រាល់​សំណើ​របស់​កម្មករ​និយោជិត​គ្រប់​លក្ខខណ្ឌ​ទាំងអស់...

អង្គការ​សង្គម​ស៊ីវិល​ស្នើ​បញ្ឈប់​ការ​បង្ក្រាប​កូដករ​ណាហ្គា​ដោយ​ងាក​មក​រក​ដំណោះស្រាយ​វិញ

សង្គម​ស៊ីវិល និង​សហគមន៍​ជាង ៧០ ស្នើ​ឲ្យ​រដ្ឋាភិបាល​បញ្ឈប់​ការ​ឃាត់​ខ្លួន និង​ប្រើប្រាស់​អំពើ​ហិង្សា​លើ​សមាជិក​សហជីព និង​កូដករ​ណាហ្គា​វើលដ៍ (NAGA World) ហើយ​ងាក​មក​ដោះស្រាយ​វិវាទ​ការងារ​នេះ​ឱ្យ​បាន​ច្បាស់លាស់ ដើម្បី​បញ្ចៀស​ការ​រំលោភ​សិទ្ធិមនុស្ស​កាន់តែ​ធ្ងន់ធ្ងរ។ សេចក្ដី​ថ្លែងការណ៍​រួម​របស់​ក្រុម​អង្គការ​សង្គម​ស៊ីវិល និង​សហគមន៍​ចំនួន​៧២ ស្ដីពី «ការ​បញ្ឈប់​ការ​បង្ក្រាប​កាន់តែ​ខ្លាំង​ឡើងៗ​ទៅលើ​កូដករ» ធ្វើឡើង​នៅ​ថ្ងៃ​ទី​២៥ ខែ​មីនា។ អង្គការ និង​សមាគម​ដែល​នាំគ្នា​ធ្វើ​សេចក្តី​ថ្លែងការណ៍​នេះ​រួម​មាន អង្គការ​លីកាដូ មជ្ឈមណ្ឌល​កម្ពុជា​ដើម្បី​ប្រព័ន្ធ​ផ្សព្វផ្សាយ​ឯករាជ្យ (CCIM) មជ្ឈមណ្ឌល​សិទ្ធិមនុស្ស​កម្ពុជា សម្ព័ន្ធ​គណនេយ្យ​ភាព​សង្គម​កម្ពុជា មជ្ឈមណ្ឌល​សម្ព័ន្ធភាព​ការងារ និង​សិទ្ធិមនុស្ស...

ថ្នាក់​ដឹកនាំ​សហជីព​ណាហ្គា​៨​នាក់​ត្រូវ​បាន​ដោះលែង​ខណៈ​សមាជិក​៣​នាក់​ទៀត​នៅ​ក្នុង​ពន្ធនាគារ

ថ្នាក់​ដឹកនាំ​សហជីព​ណាហ្គា​វើលដ៍ (NAGA World) ចំនួន ៨​នាក់ ត្រូវ​បាន​ដោះលែង​ឱ្យ​នៅ​ក្រៅ​ឃុំ​បណ្ដោះអាសន្ន​កាលពី​យប់​ថ្ងៃ​ទី​១៤ ខែ​មីនា ឆ្នាំ​២០២២ ខណៈ​សមាជិក ៣​នាក់​ទៀត​នៅ​ក្នុង​ពន្ធនាគារ បន្ទាប់ពី​រដ្ឋមន្ត្រី​ក្រសួង​មហាផ្ទៃ លោក ស ខេង បាន​ដឹកនាំ​កិច្ចប្រជុំ​ជាមួយ​ភាគី​ពាក់ព័ន្ធ​កន្លងមក។ ការ​ដោះលែង​នេះ បាន​ធ្វើឡើង​បន្ទាប់ពី​ថ្នាក់​ដឹកនាំ​សហជីព​ក្រុមហ៊ុន​ណាហ្គា​វើលដ៍​ទាំង ៨​នាក់​បាន​ដាក់​លិខិត​ទៅ​ក្រសួង​ការងារ និង​ក្រសួង​យុត្តិធម៌ ដើម្បី​ស្នើសុំ​នៅ​ក្រៅ​ឃុំ​បណ្ដោះអាសន្ន ក្រោយពី​សាលា​ឧទ្ធរណ៍​បាន​បដិសេធ​បណ្ដឹង​សុំ​នៅ​ក្រៅ​ឃុំ​របស់​ពួកគេ​កាលពី​ថ្ងៃ​ទី​១០ ខែ​មីនា។ បើ​តាម​លិខិត​ចំនួន​៨ ដាច់ដោយឡែក​ពី​គ្នា តែ​មាន​អត្ថន័យ​ដូចៗ​គ្នា បញ្ជាក់​ថា...

កូដករ​១៥៦​នាក់​ត្រូវ​បាន​ចាប់​បង្ខំ​ដាក់​ឡាន​ដឹក​យក​ទៅ​ចត្តាឡីស័ក​បន្ទាប់ពី​ពួកគេ​ចេញ​ធ្វើ​កូដកម្ម​ជា​ថ្មី

កូដករ​ជាង ១៥០​នាក់​ត្រូវ​បាន​សមត្ថកិច្ច​រាជធានី​ភ្នំពេញ​ចាប់​ដាក់​រថយន្ត​ទាំង​បង្ខំ និង​ដឹក​ទៅ​មណ្ឌល​ចត្តាឡីស័ក​ខណ្ឌ​ព្រែកព្នៅ បន្ទាប់ពី​ពួកគេ​ចេញ​ធ្វើ​កូដកម្ម​ជា​ថ្មី​ទៀត ខណៈ​សមត្ថកិច្ច​ក៏​បាន​រារាំង​ក្រុម​អ្នក​សារព័ត៌មាន និង​សង្គម​ស៊ីវិល​មិន​ឱ្យ​ចូល​ទៅ​ជិត​ទីតាំង​ដែល​ចាប់​កូដករ​ផង​ដែរ​នោះ។ កូដករ​ក្រុមហ៊ុន​ណាហ្គា​វើលដ៍ (NAGA World) ចំនួន ១៥៦​នាក់ នៅ​រសៀល​ថ្ងៃ​សុក្រ ទី​១១ មីនា បាន​ចេញ​ធ្វើ​កូដកម្ម​នៅ​ជិត​ក្រុមហ៊ុន​ណាហ្គា​វើលដ៍​ជា​ថ្មី​ទៀត ក្រោយ​ពី​ថ្នាក់​ដឹកនាំ និង​សកម្មជន​សហជីព ១១​នាក់​មិន​ទាន់​ត្រូវ​បាន​ដោះលែង ខណៈ​វិវាទ​ការងារ​ក៏​មិនទាន់​ត្រូវ​បាន​ដោះស្រាយ​នោះ។ កូដករ​ម្នាក់​ក្នុង​ចំណោម ១៥៦​នាក់​ដែល​បាន​ចេញ​ធ្វើ​កូដកម្ម គឺ​កញ្ញា ស្រី ពៅ បាន​ប្រើប្រាស់​បណ្ដាញ​សង្គម​ហ្វេសប៊ុក​ឡាយ​រៀបរាប់​ថា ពួកគាត់​ជា​កូដករ​ចង់​ឱ្យ​ថៅកែ​ក្រុមហ៊ុន​ចេញ​មក​ដោះស្រាយ​វិវាទ​ការងារ​ឱ្យ​កូដករ​តែប៉ុណ្ណោះ...

សង្គម​ស៊ីវិល​និង​កូដករ​ខកចិត្ត​ដែល​តុលាការ​បដិសេធ​បណ្ដឹង​សុំ​នៅ​ក្រៅ​ឃុំ​របស់​ថ្នាក់​ដឹកនាំ​សហជីព​ណាហ្គា

សង្គម​ស៊ីវិល និង​កូដករ​បង្ហាញ​ការ​ខកចិត្ត​ចំពោះ​សាលា​ឧទ្ធរណ៍​រាជធានី​ភ្នំពេញ ដែល​បដិសេធ​បណ្ដឹង​សុំ​នៅ​ក្រៅ​ឃុំ​របស់​ថ្នាក់​ដឹកនាំ​សហជីព​ណាហ្គា​វើលដ៍ (NAGA World) ទាំង ៨​រូប ក្រោម​ហេតុផល​ដើម្បី​រក្សា​ជន​ត្រូវ​ចោទ​ទុក​ជូន​តុលាការ និង​បារម្ភ​ខ្លាច​បង្ក​ចលាចល​ក្នុង​សង្គម។ ការ​បដិសេធ​បណ្ដឹង​សុំ​នៅ​ក្រៅ​ឃុំ​របស់​មេធាវី​ការពារ​ក្ដី​ឱ្យ​ថ្នាក់​ដឹកនាំ​សហជីព​ទាំង ៨​រូប ធ្វើឡើង​បន្ទាប់ពី​ប្រធាន​ក្រុមប្រឹក្សា​សាលា​ឧទ្ធរណ៍​បាន​បើក​សវនាការ​អសាធារណៈ នា​ព្រឹក​ថ្ងៃ​ព្រហស្បតិ៍ ទី​១០ មីនា នេះ។ សហ​មេធាវី​ការពារ​ក្ដី​ឱ្យ​ថ្នាក់​ដឹកនាំ​សហជីព​ទាំង ៨​រូប បាន​ប្រាប់​អ្នក​សារព័ត៌មាន​ថា ប្រធាន​ក្រុមប្រឹក្សា​ជំនុំជម្រះ​សាលា​ឧទ្ធរណ៍ លោក ឃុន លាងម៉េង បាន​តម្កល់​សេចក្ដី​សម្រេច​របស់​សាលាដំបូង​រាជធានី​ភ្នំពេញ​ដដែល ដោយ​នៅ​បន្ត​ឃុំ​ខ្លួន​ថ្នាក់​ដឹកនាំ​សហជីព​ទាំង ៨​រូប​នៅ​ពន្ធនាគារ...

អង្គការ​សហប្រជាជាតិ​ទាមទារ​ឱ្យ​អាជ្ញាធរ​កម្ពុជា​ឈប់​យក​ហេតុផល​កូវីដ​បង្ក្រាប​កូដករ​តវ៉ា​ដោយ​សន្តិវិធី

ឧត្ដមស្នងការ​អង្គការ​សហប្រជាជាតិ​ទទួល​បន្ទុក​សិទ្ធិមនុស្ស ទាមទារ​ឱ្យ​អាជ្ញាធរ​កម្ពុជា​ឲ្យ​ឈប់​យក​ហេតុផល​កូវីដ-១៩ ដើម្បី​បង្ក្រាប​កូដករ​ក្រុមហ៊ុន​ណាហ្គា​វើលដ៍ (NAGA World) ដែល​ធ្វើ​កូដកម្ម​ស្រប​ច្បាប់ និង​ឲ្យ​គោរព​សិទ្ធិ​សេរីភាព​ក្នុង​ការ​ជួប​ប្រជុំ​ដោយ​សន្តិវិធី។ ការ​ទាមទារ​នេះ ធ្វើឡើង​ក្នុង​សេចក្តី​ថ្លែងការណ៍​មួយ​បន្ទាប់ពី​បិទ​បញ្ចប់​កិច្ចប្រជុំ​លើក​ទី​៤៩ របស់​ក្រុមប្រឹក្សា​សិទ្ធិមនុស្ស​កាលពី​ថ្ងៃ​ទី​៧ ខែ​មករា ឆ្នាំ​២០២២ កន្លងមក។ ឧត្ដមស្នងការ​អង្គការ​សហប្រជាជាតិ​ទទួល​បន្ទុក​សិទ្ធិមនុស្ស អ្នកស្រី មីឆែល ប៉ាហ្សេលែត បាន​បង្ហាញ​ក្ដី​កង្វល់​អំពី​ការ​ប្រើប្រាស់​វិធានការ​ទប់ស្កាត់​ជំងឺ​កូវីដ-១៩ របស់​អាជ្ញាធរ ដើម្បី​បង្ក្រាប​កូដកម្ម​ស្រប​ច្បាប់​របស់​ក្រុម​បុគ្គលិក​កាស៊ីណូ​ណាហ្គា​វើលដ៍។ អ្នកស្រី​ថា ការ​បន្ត​បង្ក្រាប​ទៅលើ​កូដករ​ណាហ្គា​វើលដ៍ ក្រោម​ហេតុផល​កូវីដ-១៩ នេះ​ថា​នឹង​ធ្វើ​ឱ្យ​លំហ​ប្រជាធិបតេយ្យ និង​សង្គម​ស៊ីវិល​កាន់តែ​ធ្លាក់​ចុះ ក្រោយ​ពី​មន្ត្រី​ការិយាល័យ​អង្គការ​សហប្រជាជាតិ​បាន​ឃើញ​ដោយ​ផ្ទាល់​នូវ​អំពើ​ហិង្សា​នា​ពេល​ថ្មីៗ​នេះ...

លោក ស ខេង នឹង​ជួប​ជាមួយ​ភាគី​ពាក់ព័ន្ធ​វិវាទ​ក្រុមហ៊ុន​ណាហ្គា​វើលដ៍ ខណៈ​ស្ថានទូត​អាល្លឺម៉ង់​អំពាវនាវ​ឲ្យ​វិល​ចូល​តុ​ចរចា

រដ្ឋមន្ត្រី​ក្រសួង​មហាផ្ទៃ លោក ស ខេង គ្រោង​នឹង​ជួប​ប្រជុំ​ជាមួយ​ភាគី​ពាក់ព័ន្ធ​នៅ​ថ្ងៃ​ទី​៩ មីនា នេះ ដើម្បី​ស្វែងរក​ដំណោះស្រាយ​វិវាទ​ការងារ​នៅ​ក្រុមហ៊ុន​កាស៊ីណូ​ណាហ្គា​វើលដ៍ (NAGA World) ខណៈ​ស្ថានទូត​អាល្លឺម៉ង់ អំពាវនាវ​ជា​ថ្មី​ឱ្យ​ភាគី​ពាក់ព័ន្ធ​នៅ​ក្នុង​វិវាទ​ការងារ​វិល​ចូល​តុ​ចរចា ដើម្បី​ស្វែងរក​ដំណោះស្រាយ។ យោង​តាម​លិខិត​អញ្ជើញ​មួយ​ច្បាប់​ចេញ​ផ្សាយ​កាលពី​ថ្ងៃ​ទី​៤ ខែ​មីនា ឆ្នាំ​២០២២ ដែល​ទើប​ផ្សព្វផ្សាយ​នៅ​ថ្ងៃ​អង្គារ ទី​៨ មីនា នេះ បាន​ឱ្យ​ដឹង​ថា រដ្ឋមន្ត្រី​ក្រសួង​មហាផ្ទៃ លោក ស ខេង...

អាជ្ញាធរ​ចាប់​ខ្លួន​កូដករ NAGA ជិត​២០០​នាក់​បញ្ជូន​ទៅ​ចត្តាឡីស័ក​បន្ទាប់​ពួកគេ​ធ្វើ​កូដកម្ម​សាជាថ្មី

សមត្ថកិច្ច​រាជធានី​ភ្នំពេញ វាយ និង​ចាប់​ខ្លួន​ក្រុម​កូដករ​ណាហ្គា​វើលដ៍ (NAGA World) ជិត ២០០​នាក់​ទាំង​បង្ខំ​ដាក់​រថយន្ត​បញ្ជូន​ទៅ​ទុក​នៅ​មណ្ឌល​ចត្តាឡីស័ក​ក្នុង​ខណ្ឌ​ព្រែកព្នៅ បន្ទាប់ពី​ពួកគេ​បាន​នាំគ្នា​ចេញ​ធ្វើ​កូដកម្ម​ជា​ថ្មី​ទៀត។ ក្នុង​វីដេអូ​ឃ្លីប​កងកម្លាំង​សមត្ថកិច្ច​ជាច្រើន​នៅ​ថ្ងៃ​ទី​៧ មីនា នេះ បាន​ចុះ​ទៅ​ចាប់​ខ្លួន ហើយ​ថែមទាំង​បាន​វាយ​ត្រូវ​ក្បាល​កូដករ និង​បាន​ចាប់​បង្ខំ​ឱ្យ​ចូល​រថយន្ត ដើម្បី​ដឹក​យក​ទៅ​មណ្ឌល​ចត្តាឡីស័ក​ជា​ថ្មី​ទៀត។ វិធានការ​របស់​សមត្ថកិច្ច បាន​ធ្វើឡើង​បន្ទាប់ពី​ពួកគេ​បាន​នាំគ្នា​បន្ត​ធ្វើ​កូដកម្ម​ជា​ថ្មី​ទៀត​នៅ​មុខ​ក្រុមហ៊ុន​ណាហ្គា​វើលដ៍​ទី​២។ កូដករ​ម្នាក់​ក្នុង​ចំណោម​ជិត ២០០​នាក់ ឈ្មោះ Tulip Mar ដែល​ត្រូវ​បាន​សមត្ថកិច្ច​រាជធានី​ភ្នំពេញ​ចាប់​ទៅ​ដាក់​នៅ​មណ្ឌល​ចត្តាឡីស័ក​ខណ្ឌ​ព្រែកព្នៅ បាន​ប្រើប្រាស់​បណ្ដាញ​សង្គម​ហ្វេសប៊ុក​ឡាយ​រៀបរាប់​ថា សមត្ថកិច្ច​មិន​បាន​ជួយ​ដោះស្រាយ​វិវាទ​ជាមួយ​ក្រុមហ៊ុន​ណាហ្គា ប៉ុន្តែ​ថែមទាំង​ចាប់​ខ្លួន...

Latest news