31 C
Phnom Penh

TAG

យ៉ង សាំងកុមារ

GDP ប្ដេជ្ញា​ផ្តល់​សេវា​សាធារណៈ​ជូន​ពលរដ្ឋ​ឱ្យ​បាន​ល្អ​ប្រសើរ និង​មាន​តម្លាភាព ប្រសិន​បើ​ឈ្នះ​ការ​បោះឆ្នោត

គណបក្ស​ប្រជាធិបតេយ្យ​មូលដ្ឋាន (GDP) ប្ដេជ្ញា​ផ្តល់​សេវា​សាធារណៈ​ជូន​ពលរដ្ឋ​ឱ្យ​ល្អ​ប្រសើរ និង​មាន​តម្លាភាព ប្រសិនបើ​ខ្លួន​ទទួល​បាន​ការ​គាំទ្រ​ពី​ពលរដ្ឋ​ក្នុង​ការ​ដឹកនាំ​អភិវឌ្ឍ​ឃុំ-សង្កាត់​នៅ​ដើម​ខែ​មិថុនា ឆ្នាំ​២០២២ ខាងមុខ​នេះ។ គណបក្ស​ប្រជាធិបតេយ្យ​មូលដ្ឋាន បាន​សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃ​ទី​១៤ ខែ​មីនា ឆ្នាំ​២០២២ នេះ ដោយ​លើកឡើង​នូវ​បញ្ហា​ជា​អាទិភាព​មួយ​ចំនួន​ដែល​បាន​កើតឡើង​នៅ​តាម​មូលដ្ឋាន​នា​ពេល​កន្លងមក ក្នុង​នោះ​រួម​មាន បញ្ហា​ទីផ្សារ​របស់​កសិករ និង​សិប្បករ បញ្ហា​សេវា​មណ្ឌល​សុខភាព បញ្ហា​គ្រឿងញៀន បញ្ហា​ផ្លូវថ្នល់​គ្មាន​គុណភាព បញ្ហា​អសមត្ថភាព​របស់​មេភូមិ មេឃុំ ចៅសង្កាត់​ក្នុង​ការ​ផ្តល់​សេវា​សាធារណៈ​ជូន​ពលរដ្ឋ ជាដើម។ ប្រភព​ដដែល​អះអាង​ថា ក្រុម​ខ្លួន​កំពុងតែ​តាក់តែង​នូវ​គោល​នយោបាយ និង​វិធានការ​ជាក់ស្តែង​ដើម្បី​ដោះស្រាយ​បញ្ហា​អាទិភាព​ទាំងនេះ​ជូន​ប្រជាពលរដ្ឋ...

លោក ជា សុផារ៉ា បញ្ជា​ឱ្យ​រដ្ឋបាល​ខេត្ត​ជុំវិញ​បឹង​ទន្លេសាប​បន្ត​ជំរុញ​នីតិវិធី​តុលាការ​លើ​សំណុំរឿង​ទន្ទ្រាន​ដី​រដ្ឋ

រដ្ឋមន្ត្រី​ក្រសួង​រៀបចំ​ដែនដី លោក ជា សុផារ៉ា ចេញ​បទបញ្ជា​ឱ្យ​រដ្ឋបាល​ខេត្ត​ទាំង​៦ ជុំវិញ​តំបន់​បឹងទន្លេសាប បន្ត​ជំរុញ​នីតិវិធី​តុលាការ​លើ​ករណី​សំណុំរឿង​បទល្មើស​ទន្ទ្រាន​កាន់កាប់​ដី​រដ្ឋ​ក្នុង​ដែន​ព្រៃលិចទឹក​ឱ្យ​បាន​ហ្មត់ចត់ និង​អនុវត្ត​នីតិវិធី​ឱ្យ​បាន​ឆាប់​រហ័ស​ក្រោយ​ពេល​ទទួល​បាន​បណ្ដឹង។ រដ្ឋមន្ត្រី​ក្រសួង​រៀបចំ​ដែនដី នគរូបនីយកម្ម និង​សំណង់ លោក ជា សុផារ៉ា បាន​ចេញ​សេចក្តី​ប្រកាស​ព័ត៌មាន​កាលពី​ថ្ងៃ​ទី​១០ ខែ​មីនា ឆ្នាំ​២០២២ ថា ដើម្បី​ធានា​នូវ​ប្រសិទ្ធភាព​ក្នុង​ការ​អនុវត្ត អង្គភាព​ប្រឆាំង​អំពើពុករលួយ​ត្រូវ​បន្ត​ចាត់​វិធានការ​ចំពោះ​មន្ត្រី​ស៊ីវិល និង​កងកម្លាំង​ដែល​បាន​ចូលរួម​ប្រព្រឹត្ត​បទល្មើស​ទន្ទ្រាន​ដែន​ព្រៃលិចទឹក​នៃ​តំបន់​ទន្លេសាប​ឱ្យ​បាន​ដាច់ខាត។ រដ្ឋមន្ត្រី​រូប​នេះ​ណែនាំ​ឱ្យ​រដ្ឋបាល​ខេត្ត​ទាំងអស់ បន្ត​ផែនការ​បោះ​បង្គោល​ដែល​នៅ​ខ្វះ​ចំនួន ១៤១​បង្គោល​បន្ត​ទៀត ក្នុង​នោះ​ខេត្ត​បាត់ដំបង នៅ​ខ្វះ​ចំនួន...

មន្ត្រី​បក្ស​ក្រៅ​រដ្ឋាភិបាល​ថា​ដើម្បី​ធានា​វិស័យ​កសិកម្ម​រីក​ចម្រើន​ទាល់តែ​ច្របាច់​ក្រសួង​ពីរ​ចូល​គ្នា

មន្ត្រី​ជាន់ខ្ពស់​គណបក្ស​ក្រៅ​រដ្ឋាភិបាល​មួយ​លើកឡើង​ថា គោល​នយោបាយ​របស់​គណបក្ស​ប្រជាធិបតេយ្យ​មូលដ្ឋាន គឺ​មាន​ផែនការ​បញ្ចូល​ក្រសួង​កសិកម្ម រុក្ខាប្រមាញ់ និង​នេសាទ និង​ក្រសួង​ធនធាន​ទឹក និង​ឧតុនិយម ទៅ​ជា​ក្រសួង​តែ​មួយ ក្នុង​គោលដៅ​រៀបចំ​ប្រព័ន្ធ​ធារាសាស្ត្រ​ខ្នាត​តូច និង​មធ្យម​តាម​មូលដ្ឋាន ដើម្បី​បម្រើ​សេចក្តី​ត្រូវការ​របស់​ពលរដ្ឋ​លើ​វិស័យ​កសិកម្ម​ឱ្យ​រីកចម្រើន។ ប្រធាន​គណៈកម្មាធិការ​នាយក​គណបក្ស​ប្រជាធិបតេយ្យ​មូលដ្ឋាន បណ្ឌិត យ៉ង សាំងកុមារ ប្រាប់​សារព័ត៌មាន The Cambodia Daily នៅ​ថ្ងៃ​ពុធ ទី​២៦ មករា នេះ​ថា ការ​រួម​បញ្ចូល​ក្រសួង​ទាំង​ពីរ​នេះ​ទៅ​ជា​ក្រសួង​តែ​មួយ គឺ​ធានា​បាន​នូវ​ការ​អភិវឌ្ឍ​លើ​វិស័យ​កសិកម្ម​នៅ​មូលដ្ឋាន​យ៉ាង​មាន​ប្រសិទ្ធភាព...

ក្រុម​មេធាវី៖ ការ​ទាមទារ​ឲ្យ​លោក កឹម សុខា សារភាព​តាម​ការ​ចោទប្រកាន់​ជា​ការ​រំលោភ​ច្បាប់​ធ្ងន់ធ្ងរ

សហ​មេធាវី​ការពារ​ក្តី​ឱ្យ​ប្រធាន​គណបក្ស​សង្គ្រោះ​ជាតិ រិះគន់​ថា ការ​ទាមទារ​ឲ្យ​មេដឹកនាំ​បក្ស​ប្រឆាំង លោក កឹម សុខា សារភាព​តាម​ការ​ចោទប្រកាន់​របស់​តុលាការ គឺជា​ការ​រំលោភ​លើ​បទដ្ឋាន​គតិយុត្តិ សិទ្ធិមនុស្ស ច្បាប់​ជាតិ និង​ច្បាប់​អន្តរជាតិ​យ៉ាង​ធ្ងន់ធ្ងរ ព្រោះ​ថា​ដំណើរការ​នីតិវិធី​រឿង​ក្តី​ឆាប់​រហ័ស មិន​មែន​បង្ខំ​ឲ្យ​ភាគី​ជនជាប់ចោទ​សារភាព​នោះ​ទេ។ សហ​មេធាវី​ការពារ​ក្តី​មេដឹកនាំ​បក្ស​ប្រឆាំង អ្នកស្រី ម៉េង សុភារី បាន​អះអាង​នៅ​មុខ​អ្នក​សារព័ត៌មាន​បន្ទាប់ពី​សវនាការ​ប្រធាន​គណបក្ស​សង្គ្រោះ​ជាតិ នៅ​ថ្ងៃ​ទី​២៥ ខែ​មករា ឆ្នាំ​២០២២ នេះ​ថា មេដឹកនាំ​បក្ស​ប្រឆាំង លោក កឹម...

បក្ស​ក្រៅ​រដ្ឋាភិបាល​ថា​បើ​ខ្លួន​ឈ្នះ​មេឃុំ-សង្កាត់​ត្រឹមតែ​មួយ​គឺ​ដូច​ពលរដ្ឋ​ខ្មែរ​ឈ្នះ​ទូទាំង​ប្រទេស

មន្ត្រី​ជាន់ខ្ពស់​គណបក្ស​ក្រៅ​រដ្ឋាភិបាល​មួយ​អះអាង​ថា បើ​គណបក្ស​របស់​ខ្លួន​អាច​ឈ្នះ​មេឃុំ-សង្កាត់​ត្រឹមតែ​មួយ​ឃុំ​នៅ​ក្នុង​ការ​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​នៅ​ដើម​ខែ​មិថុនា ឆ្នាំ​២០២២ ខាងមុខ​នេះ គឺ​ប្រៀប​ដូច​ប្រជាពលរដ្ឋ​ខ្មែរ​ឈ្នះ​ទូទាំង​ប្រទេស​ដូច្នោះ​ដែរ។ មន្ត្រី​ជាន់ខ្ពស់​គណបក្ស​ប្រជាធិបតេយ្យ​មូលដ្ឋាន បណ្ឌិត យ៉ង សាំងកុមារ បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​១៧ មករា នេះ​ថា ប្រសិនបើ​គណបក្ស​របស់​លោក​ឈ្នះ​បាន​មេឃុំ​ត្រឹមតែ​មួយ​នៅ​ពេល​បោះឆ្នោត​ខាងមុខ​នេះ ក្រុម​របស់​លោក​នឹង​ជ្រើសរើស​ឃុំ​មួយ​ចំនួន​ដើម្បី​ធ្វើការ​ប្រឡង​ប្រណាំង​ស្នាដៃ​កសាង​ភូមិ​ឃុំ​គំរូ ដែល​អាច​ផ្តល់​សេចក្តី​សង្ឃឹម​ថ្មី​ជូន​ប្រជាពលរដ្ឋ​នៅ​ទូទាំង​ប្រទេស។ បណ្ឌិត យ៉ង សាំងកុមារ លើកឡើង​ថា បើ​ទុក​ឲ្យ​គណបក្ស​កាន់​អំណាច​បន្ត​ដឹកនាំ​គ្រប់​ឃុំ-សង្កាត់​ទាំងអស់ ៥​ឆ្នាំ​បន្ត​ទៀត ប្រជាពលរដ្ឋ​នឹង​គ្មាន​ឱកាស​ប្រៀបធៀប​ស្នាដៃ​របស់​គណបក្ស​ផ្សេង​ក្នុង​ការ​អភិវឌ្ឍ​ប្រទេស​ជាតិ​នោះ​ឡើយ។...

លោក ហ៊ុន សែន អះអាង​ថា​នឹង​យក​ឆ្នាំ​២០២២​ធ្វើ​កំណែ​ទម្រង់​គ្រប់គ្រង​ថវិកា​សាធារណៈ​ឱ្យ​ហ្មត់ចត់

បុរស​ខ្លាំង​នៅ​កម្ពុជា គឺ​លោក ហ៊ុន សែន ប្ដេជ្ញា​យក​ឆ្នាំ​២០២២ ជា​ឆ្នាំ​ធ្វើ​កំណែ​ទម្រង់​គ្រប់គ្រង​ថវិកា​សាធារណៈ​ឱ្យ​បាន​ហ្មត់ចត់ បន្ទាប់ពី​ក្រសួង​សេដ្ឋកិច្ច និង​ហិរញ្ញវត្ថុ បង្ហាញ​ពី​របាយការណ៍​ជំពាក់​បំណុល​ក្រុមហ៊ុន​ឯកជន​ច្រើន​លើសលប់​របស់​រដ្ឋបាល​ខេត្ត​នីមួយៗ។ លោក ហ៊ុន សែន បាន​អះអាង​ក្នុង​ពិធី​បើក​ការដ្ឋាន​សាងសង់​ផ្លូវ​តភ្ជាប់​ខេត្ត​ព្រះសីហនុ ទៅកាន់​ខេត្ត​កោះកុង នៅ​ថ្ងៃ​ទី​០៣ ខែ​មករា ឆ្នាំ​២០២២ នេះ​ថា រដ្ឋាភិបាល​របស់​លោក​នឹង​គ្រប់គ្រង​ថវិកា​សាធារណៈ​ឱ្យ​បាន​ត្រឹមត្រូវ និង​អនុវត្ត​ឱ្យ​បាន​ម៉ឺងម៉ាត់​នូវ​ច្បាប់ និង​បទបញ្ជា​ស្ដី​អំពី​ការ​ប្រើប្រាស់​ថវិកា​ជាតិ។ លោក ហ៊ុន សែន ព្រមាន​ថា បណ្ដា​ស្ថាប័ន​ជាតិ​ទាំងអស់...

លោក ហ៊ុន ម៉ាណែត ទាមទារ​ឱ្យ​លោក សម រង្ស៊ី ជ្រើស​បេក្ខជន​បន្ត​វេន​មក​ប្រកួត​ជាមួយ​នឹង​លោក

កូនប្រុស​ច្បង​លោក ហ៊ុន សែន គឺ​លោក ហ៊ុន ម៉ាណែត ទាមទារ​ឱ្យ​អតីត​មេដឹកនាំ​បក្ស​ប្រឆាំង លោក សម រង្ស៊ី ជ្រើសរើស​បេក្ខជន​បន្ត​វេន​របស់​ក្រុម​ប្រឆាំង​ចេញ​មក​តទល់​ជាមួយ​នឹង​ខ្លួន ប្រសិនបើ​លោក សម រង្ស៊ី មិន​មាន​ភាព​ក្លាហាន​ចេញ​មក​ភ្នាល់​ជាមួយ​រូបលោក​ដោយ​ផ្ទាល់​ទេ​នោះ។ បេក្ខភាព​នាយករដ្ឋមន្ត្រី​អនាគត លោក ហ៊ុន ម៉ាណែត បាន​សរសេរ​លើ​ទំព័រ Facebook របស់​លោក​នៅ​ថ្ងៃ​ព្រហស្បតិ៍ ទី​៣០ ធ្នូ នេះ​ថា...

តំណាង​ស្ថានទូត​ចិន​គ្រោង​ចុះ​វាយតម្លៃ​វិភាគ​ហានិភ័យ​លើ​ផ្លែ​មៀន​ប៉ៃលិន​ដើម្បី​នាំចេញ​ទៅ​ចិន

ក្រសួង​កសិកម្ម​កម្ពុជា អះអាង​ថា នៅ​សប្តាហ៍​ទី​១​នៃ​ខែ​មករា ឆ្នាំ​២០២២ ខាងមុខ​នេះ តំណាង​ស្ថានទូត​សាធារណរដ្ឋ​ប្រជាមានិត​ចិន ប្រចាំ​នៅ​កម្ពុជា គ្រោង​នឹង​ចុះ​វាយតម្លៃ​វិភាគ​ហានិភ័យ​លើ​ផ្លែ​មៀន​ប៉ៃលិន ដោយ​ជ្រើសរើស​សម្រិតសម្រាំង​យក​ចម្ការ​មួយ​ចំនួន​ជា​តំណាង​ក្នុង​ការ​សិក្សា​វាយតម្លៃ​នេះ។ ក្រសួង​កសិកម្ម រុក្ខាប្រមាញ់ និង​នេសាទ បាន​ចេញ​សេចក្តី​ប្រកាស​ព័ត៌មាន​កាលពី​ថ្ងៃ​ទី​២២ ខែ​ធ្នូ ឆ្នាំ​២០២១ នេះ​ថា បច្ចុប្បន្ន ដំណើរការ​ចរចា​បើក​ទីផ្សារ​ផ្លែ​មៀន​ប៉ៃលិន ទៅកាន់​ប្រទេស​ចិន បាន​ឈាន​ដល់​ដំណាក់កាល​វាយតម្លៃ​ហានិភ័យ ដោយ​ចុះ​ពិនិត្យ​ផ្ទាល់​ដល់​ចម្ការ និង​រោងចក្រ​វេច​ខ្ចប់​សម្លាប់​សមាសភាព​ចង្រៃ​ហើយ។ ប្រភព​ដដែល​អះអាង​ថា ដើម្បី​មាន​លទ្ធភាព​ចរចា​បើក​ទីផ្សារ​ឱ្យ​បាន​លឿន​ឈាន​ដល់​ការ​អនុញ្ញាត​នាំចូល​ទៅ​ប្រទេស​ចិន ចាំបាច់​ត្រូវតែ​បំពេញ​លក្ខខណ្ឌ​ស្តង់ដារ​អនាម័យ ស្តង់ដារ​គុណភាព...

លោក យ៉ង សាំងកុមារ៖ ការ​ជ្រើសរើស​ប្រធាន​ភូមិ​ល្អ​គឺ​ខុស​ពី​ការ​លើក​បន្តុប​មេ​បក្ស​នៅ​ក្នុង​ភូមិ​ដើម្បី​ត្រួតត្រា​ពលរដ្ឋ

មន្ត្រី​ជាន់ខ្ពស់​គណបក្ស​ក្រៅ​រដ្ឋាភិបាល​មួយ លើកឡើង​ថា ការ​ជ្រើសរើស​ឱ្យ​បាន​នូវ​ប្រធាន​ភូមិ​ល្អ​សម្រាប់​បម្រើ​ពលរដ្ឋ​មូលដ្ឋាន គឺ​មាន​ប្រយោជន៍​សម្រាប់​សហគមន៍​ឆ្ងាយ​ណាស់​ពី​ការ​លើក​បន្តុប​មេ​បក្ស​នៅ​ក្នុង​ភូមិ ដើម្បី​ត្រួតត្រា​ពលរដ្ឋ និង​រក​ផលប្រយោជន៍​សម្រាប់​តែ​គណបក្ស​របស់​ពួកគេ។ ប្រធាន​គណៈកម្មាធិការ​នាយក​គណបក្ស​ប្រជាធិបតេយ្យ​មូលដ្ឋាន បណ្ឌិត យ៉ង សាំងកុមារ បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​២១ ធ្នូ នេះ​ថា នៅ​ពេល​ពលរដ្ឋ​អាច​ជ្រើសរើស​ប្រធាន​ភូមិ​ដែល​ជា​តំណាង​ពិតប្រាកដ​របស់​ខ្លួន​បាន​ហើយ នោះ​ពលរដ្ឋ​នឹង​រស់នៅ​ប្រកប​ដោយ​សុខ​សន្តិភាព និង​មាន​សេរីភាព​ពេញលេញ​ជា​មិនខាន។ លោក​បន្ត​ថា ក្រុម​ការងារ​ភូមិ​ដែល​មាន​ប្រធាន​ភូមិ អនុភូមិ និង​ជំនួយការ​ភូមិ​ទូទាំង​ប្រទេស​មាន​ប្រមាណ​ជាង ១​ពាន់​ភូមិ តែង​ទទួល​បាន​ប្រាក់ខែ​ប្រមាណ​ជាង...

ACU ឃាត់​ខ្លួន​ស្នងការ​រង​និង​នាយការិយាល័យ​អន្តរាគមន៍​ខេត្ត​កំពង់ឆ្នាំង​ទាក់ទិន​នឹង​ការ​រំលោភ​ដី​ព្រៃលិចទឹក

អង្គភាព​ប្រឆាំង​អំពើពុករលួយ ដែល​ហៅ​កាត់​ថា ACU បាន​សម្រេច​ឃាត់​ខ្លួន​ស្នងការ​រង​លោក​ឧត្តមសេនីយ៍ត្រី ស៊ុំ សុជាតិ និង​នាយការិយាល័យ​អន្តរាគមន៍ លោក​វរសេនីយ៍ឯក កែវ ណារុន នៃ​ស្នងការដ្ឋាន​នគរបាល​ខេត្ត​កំពង់ឆ្នាំង ក្រោយ​ពី​បាន​រក​ឃើញ​ថា ពួកគេ​ពិតជា​បាន​ពាក់ព័ន្ធ​នឹង​ការ​កាន់កាប់ និង​លក់​ដី​ព្រៃលិចទឹក​ក្នុង​ខេត្ត​កំពង់ឆ្នាំង ប្រាកដ​មែន។ អង្គភាព​ប្រឆាំង​អំពើពុករលួយ (ACU) បាន​ចេញ​សេចក្តី​ប្រកាស​ព័ត៌មាន​កាលពី​ថ្ងៃ​ទី​១៦ ធ្នូ ថា ស្នងការ​រង​ខេត្ត​កំពង់ឆ្នាំង លោក ស៊ុំ សុជាតិ បាន​ពាក់ព័ន្ធ​នឹង​ការ​កាន់កាប់...

Latest news