TAG
សិទ្ធិមនុស្ស
សមាជិកសភាអូស្ត្រាលីថារដ្ឋាភិបាលក្រោមអំណាចលោក ហ៊ុន សែន ជារបបក្មេងទំនើង
សមាជិកសភាអូស្ត្រាលី ចាត់ទុករដ្ឋាភិបាលក្រោមអំណាចរបស់លោកនាយករដ្ឋមន្ត្រី ហ៊ុន សែន ថាជារបបក្មេងទំនើង បន្ទាប់ពីប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ (NAGA World) កញ្ញា ឈឹម ស៊ីថរ ត្រូវបានចាប់ខ្លួនដាក់ពន្ធនាគារក្រោយត្រឡប់មកពីមហាសន្និបាតអន្តរជាតិនៅប្រទេសអូស្ត្រាលី។
សមាជិកសភាអូស្ត្រាលី លោក ជូលៀន ហ៊ីល (Julian Hill) ត្រូវបានសារព័ត៌មានអូស្ត្រាលី ABC ស្រង់សម្ដីចុះផ្សាយនៅថ្ងៃទី៨ ខែធ្នូ ឆ្នាំ២០២២ នេះថា ការតស៊ូរបស់កញ្ញា...
លីកាដូស្នើរដ្ឋាភិបាលជាថ្មីឱ្យបិទមណ្ឌលព្រៃស្ពឺក្រោយរកឃើញអ្នកជាប់ឃុំជាង១០នាក់ស្លាប់
អង្គការលីកាដូ (LICADHO) ស្នើរដ្ឋាភិបាលកម្ពុជាជាថ្មីម្តងទៀតឲ្យបិទមណ្ឌលព្រៃស្ពឺ ដើម្បីបញ្ចប់ស្ថានភាពអាក្រក់ដែលប្រឈម ក្រោយរកឃើញថាអ្នកជាប់ឃុំជាង ១០នាក់បានស្លាប់ក្នុងចំណោមអ្នកជាប់ឃុំទាំងអស់នៅក្នុងមណ្ឌលនៅចន្លោះខែកក្កដា និងខែសីហា ឆ្នាំ២០២២។
ការស្នើនេះ អង្គការលីកាដូ អង្គការឃ្លាំមើលសិទ្ធិមនុស្ស អង្គការលើកលែងទោសអន្តរជាតិ និងការិយាល័យសិទ្ធិមនុស្សនៃអង្គការសហប្រជាជាតិ បានលើកឡើងអំពីកង្វល់ជុំវិញការរំលោភបំពាន និងការស្លាប់ដែលគួរតែអាចការពារបាននៅក្នុងមណ្ឌលព្រៃស្ពឺជាច្រើនដងទៅកាន់រដ្ឋាភិបាល។
ក្នុងសេចក្តីថ្លែងការណ៍ចេញផ្សាយនៅថ្ងៃទី៧ ខែធ្នូ ឆ្នាំ២០២២ បានឱ្យដឹងថា បើតាមសាក្សីដែលបានឃើញស្ត្រីម្នាក់ និងបុរសម្នាក់ស្លាប់ កើតឡើងក្រោយពីអ្នកជាប់ឃុំឈឺនៅក្នុងមណ្ឌល ហើយមិនត្រូវបានផ្ដល់ការព្យាបាលឱ្យបានគ្រប់គ្រាន់។
អង្គការលីកាដូថាសាក្សីបានរៀបរាប់ប្រាប់ពីស្ថានភាពអ្នកជាប់ឃុំដែលមានជំងឺធ្ងន់ធ្ងរនៅក្នុងមណ្ឌលព្រៃស្ពឺ ត្រូវបានទុកចោលនៅលើឥដ្ឋនៅក្នុងបន្ទប់ឃុំឃាំងជាកន្លែងដែលពួកគេបានស្លាប់នៅចំពោះមុខអ្នកជាប់ឃុំផ្សេងទៀត។
សេចក្ដីថ្លែងការណ៍បញ្ជាក់ថា សាក្សីនៅក្នុងវត្តមួយដែលទទួលខុសត្រូវក្នុងការបូជាសាកសពមកពីមណ្ឌលព្រៃស្ពឺ បានបញ្ជាក់ពីការកើនឡើងនៃចំនួនសាកសពដែលមណ្ឌលព្រៃស្ពឺបញ្ជូនមក...
ក្រុមយុវជនធ្វើយុទ្ធនាការជិះកង់ពីសៀមរាបទៅភ្នំពេញដើម្បីជំរុញឱ្យរដ្ឋាភិបាលគោរពសិទ្ធិមនុស្សឱ្យពេញលេញ
ក្រុមយុវជនចំនួន ៣០នាក់នាំគ្នាធ្វើយុទ្ធនាការជិះកង់ពីខេត្តសៀមរាប ទៅកាន់ទីលានប្រជាធិបតេយ្យនៃរាជធានីភ្នំពេញ ដើម្បីអបអរទិវាសិទ្ធិមនុស្ស ១០ ធ្នូ និងជំរុញឲ្យរដ្ឋាភិបាលកម្ពុជាបើកលំហសិទ្ធិសេរីភាពបញ្ចេញមតិ និងត្រូវគោរពសិទ្ធិមនុស្សឲ្យពេញលេញ។
សេចក្ដីប្រកាសព័ត៌មានរបស់សមាគមបណ្ដាញយុវជនកម្ពុជា (CYN) ស្ដីពីការធ្វើយុទ្ធនាការជិះកង់ដើម្បីសិទ្ធិមនុស្ស ចុះថ្ងៃទី៦ ខែធ្នូ ឆ្នាំ២០២២ បានឲ្យដឹងថា ការធ្វើយុទ្ធនាការជិះកង់នេះចាប់ពីថ្ងៃទី៦ ដល់ថ្ងៃទី១០ ខែធ្នូ ឆ្នាំ២០២២ ដើម្បីចូលរួមអបអរសាទរទិវាសិទ្ធិមនុស្សអន្តរជាតិខួបទី៧៤ឆ្នាំ ដែលនឹងប្រារព្ធនៅថ្ងៃទី១០ ខែធ្នូ ឆ្នាំ២០២២។
ប្រភពដដែលថា យុទ្ធនាការជិះកង់ដើម្បីសិទ្ធិមនុស្ស រៀបចំឡើងក្នុងគោលបំណងជំរុញឲ្យរដ្ឋាភិបាលកម្ពុជាប្ដេជ្ញាពង្រឹងការគោរព...
លោក ហ៊ុន សែន ថាសិទ្ធិមនុស្សនិងលទ្ធិប្រជាធិបតេយ្យមិនអាចអនុវត្តក្រោមគ្រាប់កាំភ្លើងបានទេ
បុរសខ្លាំងដែលចូលចិត្តអួតពីសន្តិភាពក្រោមអំណាចផ្ដាច់មុខរបស់ខ្លួន លោក ហ៊ុន សែន ព្រមានសិទ្ធិមនុស្ស និងលទ្ធិប្រជាធិបតេយ្យ គឺមិនអាចអនុវត្តក្រោមគ្រាប់កាំភ្លើងបានទេ ដូច្នេះការថែរក្សាសន្តិភាពសម្រាប់កម្ពុជា គឺជាកត្តាសំខាន់ និងចម្បងបំផុត។
មេដឹកនាំខ្មែរដែលគ្រប់គ្រងអំណាចតាមតាមបែបយោធា លោក ហ៊ុន សែន បានលើកឡើងក្នុងពិធីខួប ១១ឆ្នាំនៃប្រតិបត្តិការរបស់ក្រុមហ៊ុនមីនីបៀ (Minebea) នៅថ្ងៃទី១ ខែធ្នូ ឆ្នាំ២០២២ នេះថា កុំរង់ចាំទាល់តែបាត់សន្តិភាពអស់ហើយ ទើបនាំគ្នាស្រែករកសន្តិភាព ព្រោះកម្ពុជាបានឆ្លងកាត់នូវបទពិសោធន៍ដ៏ជូរចត់ក្នុងពេលអតីតកាលម្តងរួចមកហើយ គឺរបបប្រល័យពូជសាសន៍...
HRW៖ សហជីពស្និទ្ធថៅកែរស់បានស្រួល ឯសហជីពការពារសិទ្ធិកម្មកររងការធ្វើទុក្ខបុកម្នេញ
អង្គការឃ្លាំមើលសិទ្ធិមនុស្សអន្តរជាតិ រកឃើញថា សហជីពដែលស្និទ្ធជាមួយថៅកែ ពួកគេរស់បានស្រួល ដែលផ្ទុយពីសហជីពការពារសិទ្ធិកម្មករ តែងត្រូវបានអាជ្ញាធរ និងក្រុមហ៊ុនប្រើប្រព័ន្ធតុលាការដើម្បីធ្វើទុក្ខបុកម្នេញនៅពេលធ្វើសកម្មភាពទាមទារការគោរពច្បាប់ការងារ។
ការរកឃើញនេះ ធ្វើឡើងក្នុងរបាយការណ៍ចងក្រងមួយរបស់អង្គការឃ្លាំមើលសិទ្ធិមនុស្សអន្តរជាតិ Human Rights Watch ដែលមានចំណងជើងថា «មានតែសហជីព "មីកញ្ចប់" ឬសហជីពស្និទ្ធនឹងថៅកែទេ អាចបន្តរស់រានបាន» ដែលចេញផ្សាយនាថ្ងៃទី២១ ខែវិច្ឆិកា ឆ្នាំ២០២២ ឲ្យដឹងថា ការបណ្តេញចេញ និងការកាត់រំសាយការងារទ្រង់ទ្រាយធំចំនួន ៥ករណីដែលមិនយុត្តិធម៌សំដៅចំពោះមេដឹកនាំសហជីព និងសមាជិកសកម្មជន...
មន្ត្រីបក្សប្រឆាំងថាអាមេរិកនៅតែយកចិត្តទុកដាក់អំពីប្រជាធិបតេយ្យនិងសិទ្ធិមនុស្សនៅកម្ពុជាឥតងាករេ
អតីតអ្នកទោសនយោបាយមួយរូបអះអាងថា សេចក្តីថ្លែងការណ៍របស់សេតវិមានបង្ហាញយ៉ាងច្បាស់ថា អាមេរិកនៅតែបន្តយកចិត្តទុកដាក់បញ្ហាប្រជាធិបតេយ្យ និងការគោរពសិទ្ធិមនុស្សនៅកម្ពុជាដោយឥតងាករេ។
អតីតអ្នកទោសនយោបាយ និងជានាយកបេសកកម្មក្រៅប្រទេសនៃវិទ្យាស្ថានស្រាវជ្រាវគោលនយោបាយក្នុងសហរដ្ឋអាមេរិក លោក មាជ សុវណ្ណារ៉ា បានប្រាប់សារព័ត៌មាន The Cambodia Daily នៅថ្ងៃទី១៤ វិច្ឆិកា នេះថា ក្នុងខ្លឹមសារនៃសេចក្តីថ្លែងការណ៍របស់សេតវិមានដែលជំរុញឲ្យរដ្ឋាភិបាលកម្ពុជាបើកលំហសេរីភាពនយោបាយសម្រាប់ការបោះឆ្នោតឆ្នាំ២០២៣ ខាងមុខនេះ ទំនងជាសំដៅដល់ការបើកសិទ្ធិសេរីភាពនយោបាយរបស់មេដឹកនាំបក្សប្រឆាំង លោក កឹម សុខា ផងដែរ ព្រោះថារដ្ឋមន្ត្រីការបរទេសសហរដ្ឋអាមេរិក លោក...
យុវជនខ្មែរថាវរៈប្ដេជ្ញាបន្តការតស៊ូមតិនៅទីលានប្រជាធិបតេយ្យទោះបីអាជ្ញាធរព្រមានចាត់វិធានការ
យុវជនខ្មែរថាវរៈ ១នាក់ក្នុងចំណោម ៥នាក់ បានដួលសន្លប់ក្រោយពីបង្អត់អាហារចំនួន ៤ថ្ងៃ ប៉ុន្តែពួកគេប្ដេជ្ញាបន្តតស៊ូមតិដោយការបង្អត់អាហារនៅទីលានប្រជាធិបតេយ្យដដែល ដើម្បីទាមទារឲ្យមានការដោះលែងកញ្ញា សេង ធារី និងយុត្តិធម៌សង្គម ខណៈអាជ្ញាធរព្រមានចាត់វិធានការច្បាប់ បើពួកគេមិនរើតង់ចេញ។
នេះជាថ្ងៃទី៤ ហើយដែលក្រុមយុវជនខ្មែរថាវរៈបាននាំគ្នាបង្អត់អាហារ ដើម្បីទាមទារឱ្យដោះលែងកញ្ញា សេង ធារី និងអ្នកទោសនយោបាយផ្សេងទៀតដែលកំពុងជាប់ពន្ធនាគារ ខណៈកញ្ញា សេង ធារី ក៏បង្អត់អាហារនៅពន្ធនាគារដែរ ដើម្បីទាមទារយុត្តិធម៌សម្រាប់ខ្លួនឯង និងសង្គម។
ក្នុងចំណោមយុវជនខ្មែរថាវរៈ ៥នាក់...
សហភាពសហជីពកម្ពុជាខកចិត្តដែលតុលាការមិនអនុញ្ញាតឲ្យលោក រ៉ុង ឈុន ធ្វើដំណើរចេញក្រៅប្រទេស
សហភាពសហជីពកម្ពុជា សោកស្ដាយដែលតុលាការក្រុងភ្នំពេញបដិសេធសំណើរបស់មេធាវីការពារក្ដីឲ្យលោក រ៉ុង ឈុន មិនអនុញ្ញាតឲ្យធ្វើដំណើរចេញទៅក្រៅប្រទេស ដើម្បីចូលរួមសមាជលើកទី៥ របស់សហភាពសហជីពអន្តរជាតិ (ITUC)។
ការសម្ដែងការសោកស្ដាយរបស់សហភាពសហជីពកម្ពុជានេះ ធ្វើឡើងបន្ទាប់ពីលោក សំ សុគង់ ដែលជាមេធាវីការពារក្ដីឲ្យលោក រ៉ុង ឈុន បានដាក់លិខិតស្នើសុំការអនុញ្ញាតធ្វើដំណើរទៅបរទេស ទៅសាលាដំបូងរាជធានីភ្នំពេញកាលពីថ្ងៃទី២៤ ខែតុលា ឆ្នាំ២០២២ ដើម្បីចូលរួមសមាជលើកទី៥ របស់សហភាពសហជីពអន្តរជាតិ (ITUC) នៅពាក់កណ្ដាលខែវិច្ឆិកា នេះ។
ក្នុងសេចក្ដីថ្លែងការណ៍ចុះថ្ងៃទី៣ ខែវិច្ឆិកា...
សង្គមស៊ីវិលជំរុញឱ្យអាជ្ញាធរចាប់ឧក្រិដ្ឋជនដែលសម្លាប់អ្នកកាសែតដើម្បីបញ្ចប់និទ្ទណ្ឌភាព
សង្គមស៊ីវិលធ្វើការលើកកម្ពស់សេរីភាពសារព័ត៌មាន និងសិទ្ធិមនុស្សជាង ៣០ស្ថាប័ន ជំរុញឲ្យអាជ្ញាធរកម្ពុជាមានវិធានការបើកការស៊ើបអង្កេត និងចាប់ឧក្រិដ្ឋជនសម្លាប់អ្នកសារព័ត៌មានមកផ្ដន្ទាទោស ដើម្បីបញ្ចប់និទ្ទណ្ឌភាពលើឧក្រិដ្ឋកម្មប្រឆាំងអ្នកសារព័ត៌មាននៅកម្ពុជា។
ការជំរុញនេះ ធ្វើឡើងតាមរយៈសេចក្ដីថ្លែងការណ៍រួមមកពីស្ថាប័នសារព័ត៌មាន និងសិទ្ធិមនុស្សចំនួន ៣២ស្ថាប័ន ដែលបានចេញផ្សាយក្នុងឱកាសទិវាអន្តរជាតិដើម្បីបញ្ចប់និទ្ទណ្ឌភាពលើឧក្រិដ្ឋកម្មប្រឆាំងអ្នកសារព័ត៌មាន នាថ្ងៃទី២ ខែវិច្ឆិកា ឆ្នាំ២០២២។
ស្ថាប័នព័ត៌មាន និងសិទ្ធិមនុស្សទាំង ៣២ស្ថាប័ន ក្នុងនោះមានសមាគមការពារសិទ្ធិមនុស្សអាដហុក និងមជ្ឈមណ្ឌលសិទ្ធិមនុស្សកម្ពុជា មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ សមាគមសម្ព័ន្ធអ្នកសារព័ត៌មានកម្ពុជា ព្រមទាំងសមាគមការពារអ្នកកាសែតកម្ពុជា ជាដើម។
បើតាមសេចក្ដីថ្លែងការណ៍រួម បានលើកឡើងថា អាជ្ញាធរ និងរដ្ឋាភិបាលកម្ពុជាបានខកខានក្នុងការនាំយកជនល្មើសដែលប្រព្រឹត្តឧក្រិដ្ឋកម្មប្រឆាំងអ្នកសារព័ត៌មានមកផ្ដន្ទាទោសជាយូរមកហើយ។...
អ្នកការទូតនៅ UN ៥០ប្រទេសថ្កោលទោសចិនករណីឧក្រិដ្ឋកម្មលើជាតិសាសន៍ភាគតិចវិហ្គឺ
ចិនជាប្រទេសដ៏ធំមួយនៅអាស៊ី និងពិភពលោក ហើយប្រទេសនេះមានកុលសម្ព័ន្ធជាតិសាសន៍ភាគតិចជាច្រើន ប៉ុន្តែជាតិសាសន៍ភាគតិចមួយដែលរស់នៅក្នុងតំបន់ស៊ីនជាំង បានក្លាយជាការសម្អប់ និងរើសអើងខ្លាំងជាងគេ។
ជាតិសាសន៍នេះមានឈ្មោះថា វិហ្គឺ។ ជាតិសាសន៍ភាគតិចដែលកាន់សាសនាមូស្លីមនេះមានជាង ១២លាន ៨ម៉ឺននាក់។ ពួកគេរស់នៅក្នុងតំបន់ខ្សាច់នៅភាគខាងជើងប្រទេសចិន គឺតំបន់ស៊ីនជាំង។ ការដែលជនជាតិភាគតិចនេះតែងតែត្រូវបានអាជ្ញាធរក្រុងប៉េកាំង ចាប់ខ្លួន ហើយយកទៅឃុំខ្លួនក្នុងជំរំលុតដំ គឺក្រុមនេះជាមុខសញ្ញាដែលក្រុងប៉េកាំង ចោទថាជាក្រុមមានផែនការបំបែកទឹកដីចិន។
បើតាមអង្គការលើកលែងទោសអន្តរជាតិដែលមានមូលដ្ឋាននៅអង់គ្លេស ក្រុមជាតិសាសន៍នេះជាង ១លាននាក់ទាំងប្រុសទាំងស្រីត្រូវបានអាជ្ញាធរចិនមកពីក្រុងប៉េកាំង ចាប់ឃុំ និងធ្វើទារុណកម្មមានរហូតស្លាប់រាប់រយនាក់ទៀតផង។ អង្គការអន្តរជាតិនេះបានហៅថាជាការសម្លាប់ដើម្បីបំបិទសំឡេងជាតិសាសន៍ភាគតិច។
បើតាមអង្គការនេះ បុរសៗដែលត្រូវបានចាប់ខ្លួន គឺប្រដាប់ភេទបន្តពូជរបស់ពួកគេត្រូវគេគ្រៀវទៀតផង...