30 C
Phnom Penh

TAG

ស ខេង

ទូត​អាល្លឺម៉ង់​អំពាវនាវ​ជា​ថ្មី​ឱ្យ​ភាគី​ពាក់ព័ន្ធ​ពន្លឿន​ដោះស្រាយ​វិវាទ​ការងារ​ក្រុមហ៊ុន​ណាហ្គា​វើលដ៍

ឯកអគ្គរដ្ឋទូត​អាល្លឺម៉ង់​ប្រចាំ​កម្ពុជា អំពាវនាវ​ជា​ថ្មី​ទៀត​ឱ្យ​ភាគី​ពាក់ព័ន្ធ​ពន្លឿន​ការ​ដោះស្រាយ​វិវាទ​ការងារ​នៅ​ក្រុមហ៊ុន​ណាហ្គា​វើលដ៍ (NAGA World) ដោយ​ថា​ការ​អូស​បន្លាយ​ពេលវេលា​យូរ នឹង​ធ្វើ​ឱ្យ​វិវាទ​នេះ​កាន់តែ​ពិបាក​ដោះស្រាយ។ ការ​អំពាវនាវ​របស់​ឯកអគ្គរដ្ឋទូត​អាល្លឺម៉ង់​ប្រចាំ​កម្ពុជា លោក Christian Berger ធ្វើឡើង​តាមរយៈ​ហ្វេសប៊ុក​ស្ថានទូត​កាលពី​ថ្ងៃ​ទី​៦ ខែ​មេសា ឆ្នាំ​២០២២ ខណៈ​វិវាទ​ការងារ​រវាង​កូដករ និង​ក្រុមហ៊ុន​ណាហ្គា មិន​ទាន់​មាន​ដំណោះស្រាយ។ លោក Christian Berger លើកឡើង​ថា កន្លងមក ក្រសួង​មហាផ្ទៃ​បាន​ជំរុញ​ទៅ​ភាគី​ពាក់ព័ន្ធ​ទាំងអស់​ឱ្យ​ចាប់ផ្តើម​ដំណើរការ​ចរចា​ក្នុង​ការ​ដោះស្រាយ​វិវាទ​ការងារ​របស់​បុគ្គលិក​ក្រុមហ៊ុន​ណាហ្គា​វើលដ៍​ទទួល​បាន​ជោគជ័យ។ លោក​បន្ត​ថា ស្ថានភាព​វិវាទ​ការងារ​រវាង​កូដករ និង​ក្រុមហ៊ុន​ណាហ្គា ស្រដៀង​គ្នា​នៅ​ប្រទេស​អាល្លឺម៉ង់​ដែរ...

លោក ស ខេង បញ្ជា​ឱ្យ​ចាប់​និង​បណ្ដេញ​ជនជាតិ​ណា​ដែល​ចូល​កម្ពុជា​ដោយ​ខុសច្បាប់

អនុប្រធាន​គណបក្ស​ប្រជាជន​កម្ពុជា និង​ជា​រដ្ឋមន្ត្រី​ក្រសួង​មហាផ្ទៃ លោក ស ខេង បញ្ជា​ទៅ​កងកម្លាំង​តាម​ព្រំដែន​ឱ្យ​ចាប់ និង​បណ្ដេញ​ជនជាតិ​បរទេស​ណា​ដែល​បាន​ឆ្លងដែន​ចូល​កម្ពុជា​ដោយ​គ្មាន​លិខិត​ស្នាម ឬ​ស្នាក់នៅ​ដោយ​គ្មាន​ច្បាប់​ទម្លាប់​ចេញពី​កម្ពុជា ហើយ​មិន​ត្រូវ​ទុក​បញ្ហា​នេះ​ឲ្យ​គរ​ពិបាក​ដោះស្រាយ​ទៀត​នោះ​ទេ។ ក្នុង​ពិធី​បិទ​សន្និបាត​បូក​សរុប​លទ្ធផល​ការងារ​ឆ្នាំ​២០២១ និង​លើក​ទិសដៅ​បន្ត​របស់​អគ្គនាយកដ្ឋាន​អន្តោប្រវេសន៍​នៅ​រសៀល​ថ្ងៃ​ទី​០៦ ខែ​មេសា ឆ្នាំ​២០២២ លោក ស ខេង បាន​ថ្លែង​នៅ​ចំពោះ​មុខ​មន្ត្រី​នគរបាល​អន្តោប្រវេសន៍​ជាច្រើន​ថា មន្ត្រី​សមត្ថកិច្ច​អន្តោប្រវេសន៍​ត្រូវតែ​គ្រប់គ្រង​ជនអន្តោប្រវេសន៍​ដែល​មាន​ប័ណ្ណ​ស្នាក់នៅ​អចិន្ត្រៃយ៍​ក្នុង​ប្រទេស​កម្ពុជា​ឲ្យ​បាន​ម៉ត់ចត់ និង​ម៉ឺងម៉ាត់ ដោយ​មិន​ទុក​ឲ្យ​មាន​អ្នក​ដែល​ចូល​មក​រស់នៅ​មិន​ស្របច្បាប់​នៅ​ក្នុង​ប្រទេស​កម្ពុជា​ទេ។ លោក ស ខេង អះអាង​ថា អគ្គនាយកដ្ឋាន​អន្តោប្រវេសន៍​បាន​អនុវត្ត​ការងារ​ដកហូត​ឯកសារ​ខុសច្បាប់​ដែល​កាន់កាប់​ដោយ​មិន​ប្រក្រតី​ពី​ជនបរទេស​ដោយ​ជោគជ័យ។ ករណី​នេះ​លោក​ថា...

លោក ស ខេង ឯកភាព​បង្កើត​ច្បាប់​គ្រប់គ្រង​សារធាតុ​គីមី​ដែល​អាច​ផលិត​គ្រឿងញៀន

រដ្ឋមន្ត្រី​ក្រសួង​មហាផ្ទៃ ឯកភាព​ឲ្យ​បង្កើត​ច្បាប់​សម្រាប់​គ្រប់គ្រង​សារធាតុ​គីមី​ទាំងឡាយ​ដែល​អាច​ផ្សំ ឬ​ផលិត​ជា​គ្រឿងញៀន​បាន ដើម្បី​ទប់ស្កាត់​គ្រឿងញៀន​នៅ​កម្ពុជា ខណៈ​រយៈពេល ៣​ខែ សមត្ថកិច្ច​ចាប់​បាន​គ្រឿងញៀន​ជាង ៣​តោន និង​បង្ក្រាប​សារធាតុ​គីមី​ជាង ៣០០​តោន។ ថ្លែង​ក្នុង​កិច្ចប្រជុំ​បូក​សរុប​លទ្ធផល​អនុវត្ត​ផែនការ​យុទ្ធនាការ​ប្រយុទ្ធ​ប្រឆាំង​គ្រឿងញៀន​ខុសច្បាប់​លើក​ទី​៦ និង​ផ្សព្វផ្សាយ​ផែនការ​បន្ត​លើក​ទី​៧ នា​ថ្ងៃ​ទី​៣១ ខែ​មីនា ឆ្នាំ​២០២២ រដ្ឋមន្ត្រី​ក្រសួង​មហាផ្ទៃ លោក ស ខេង ថា​ពួក​ក្រុម​ឧក្រិដ្ឋជន​បាន​លួច​បន្លំ​យក​សារធាតុ​គីមី​ទាំងនោះ​ទៅ​ប្រើប្រាស់ ដើម្បី​ផ្សំ​ចេញ​ជា​គ្រឿងញៀន​សម្រាប់​ប្រើប្រាស់​នៅ​កម្ពុជា និង​នៅ​ប្រទេស​ទី​៣ ឬ​ទី​៤ ជាដើម។ ស្រប​ពេល​សមត្ថកិច្ច​បាន​និង​កំពុង​បង្ក្រាប​សារធាតុ​គីមី​ដែល​អាច​ផ្សំ​ធ្វើជា​គ្រឿងញៀន​បាន​ជាបន្តបន្ទាប់​នោះ លោក...

លោក ស ខេង អនុញ្ញាត​ឲ្យ​ប្រើ​កម្លាំង​ប្រជា​ការពារ​ជួយ​រក្សា​សន្តិសុខ​នៅ​ក្នុង​ការ​បោះឆ្នោត​ឃុំ-សង្កាត់

រដ្ឋមន្ត្រី​ក្រសួង​មហាផ្ទៃ លោក ស ខេង អនុញ្ញាត​ឲ្យ​ប្រើ​កម្លាំង​ប្រជា​ការពារ​បន្ថែម​លើ​កម្លាំង​នគរបាល និង​កង​រាជ​អាវុធហត្ថ ដើម្បី​ជួយ​គាំទ្រ​រក្សា​សន្តិសុខ និង​អស្ថិរភាព​សង្គម​នៅ​ក្នុង​ដំណាក់កាល​មុន និង​ក្រោយ​ការ​បោះឆ្នោត។ ថ្លែង​នៅ​ក្នុង​កិច្ចប្រជុំ​ផ្សព្វផ្សាយ​ផែនការ​អន្តរ​ស្ថាប័ន​ស្ដីពី​កិច្ច​ការងារ​ពិនិត្យ​បញ្ជី​ឈ្មោះ និង​ការ​បោះឆ្នោត​ថ្នាក់​ជាតិ ឬ​ថ្នាក់ក្រោម​ជាតិ​កាលពី​ថ្ងៃ​ទី​២៨ មីនា លោក ស ខេង អះអាង​ថា កិច្ចការ​អាទិភាព​ចំពោះ​មុខ​សម្រាប់​អាជ្ញាធរ​ពាក់ព័ន្ធ គឺ​ការ​ការពារ​សន្តិសុខ​សម្រាប់​ការ​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​អាណត្តិ​ទី​៥។ លោក ស ខេង បន្ថែម​ថា លោក​យល់ព្រម​ឱ្យ​មាន​ការ​ប្រើ​កម្លាំង​ប្រជា​ការពារ​បន្ថែម​លើ​កម្លាំង​នគរបាល និង​កង​រាជ​អាវុធហត្ថ ដើម្បី​ជួយ​គាំទ្រ​រក្សា​សន្តិសុខ​សម្រាប់​ការ​បោះឆ្នោត...

សមត្ថកិច្ច​ឃាត់​ខ្លួន​ជនជាតិ​ចិន​តៃវ៉ាន់​៣​នាក់​និង​រឹបអូស​គ្រឿងញៀន​ជាង​១០០​គីឡូក្រាម

សមត្ថកិច្ច​ជំនាញ​នៃ​មន្ទីរ​ប្រឆាំង​គ្រឿងញៀន ឃាត់​ខ្លួន​ជនជាតិ​ចិន​តៃវ៉ាន់​ចំនួន ៣​នាក់ និង​រឹបអូស​គ្រឿងញៀន​បាន​ជាង ១០០​គីឡូក្រាម​នៅ​រាជធានី​ភ្នំពេញ ខណៈ​ពួកគេ​បម្រុង​នឹង​ដឹក​គ្រឿងញៀន​នេះ​ទៅ​ទីកន្លែង​ផ្សេង​ទៀត។ បើ​តាម​នគរបាល​ប្រឆាំង​គ្រឿងញៀន​នៃ​ក្រសួង​មហាផ្ទៃ បាន​សរសេរ​លើ​ទំព័រ​ហ្វេសប៊ុក​ផ្លូវការ​របស់​ខ្លួន​នា​ថ្ងៃ​សុក្រ ទី​២៥ មីនា ថា សមត្ថកិច្ច​ជំនាញ​នៃ​មន្ទីរ​ប្រឆាំង​បទល្មើស​គ្រឿងញៀន​បាន​សហការ​ជាមួយ​ព្រះរាជអាជ្ញា​រង​នៃ​អយ្យការ​អម​សាលាដំបូង​រាជធានី​ភ្នំពេញ រួម​ទាំង​មន្ត្រី​ពាក់ព័ន្ធ បាន​ចុះ​ស្រាវជ្រាវ និង​ឈាន​ទៅ​បង្ក្រាប​ការ​ដឹកជញ្ជូន រក្សាទុក​សារធាតុ​ញៀន​នៅ ៣​ចំណុច​ផ្សេង​គ្នា​ជាបន្តបន្ទាប់។ ចំណុច​ទាំងនោះ​មាន​នៅ​បណ្តោយ​ផ្លូវជាតិ​លេខ​៤ បង្គោល​គីឡូម៉ែត្រ​លេខ​២៣ ទល់មុខ​រោងចក្រ CPF ឃុំ​បែកចាន ស្រុក​អង្គស្នួល ខេត្ត​កណ្តាល ខណៈ​នៅ​ចំណុច​ទី​២ នៅ​ផ្ទះ​លេខ​២០...

កម្ពុជា​ស្នើ​អូស្ត្រាលី​ជួយ​បន្សាប​សារធាតុ​គីមី​ជាង​៣០០​តោន​ដើម្បី​កុំ​ឲ្យ​ប៉ះពាល់​សុខភាព​ពលរដ្ឋ

រដ្ឋមន្ត្រី​ក្រសួង​មហាផ្ទៃ លោក ស ខេង ថ្លែង​ថា​កម្ពុជា​កំពុង​ស្នើ​ទៅ​មន្ត្រី​ជំនាញ​ប្រទេស​អូស្ត្រាលី ឱ្យ​ជួយ​បន្សាប​សារធាតុ​គីមី​សម្រាប់​ផ្សំ​ធ្វើជា​គ្រឿងញៀន​ជាង ៣០០​តោន ដើម្បី​កុំ​ឲ្យ​ប៉ះពាល់​ដល់​សុខភាព​ពលរដ្ឋ និង​បរិស្ថាន បន្ទាប់ពី​សមត្ថកិច្ច​រឹបអូស​បាន​កាលពី​ចុង​ឆ្នាំ​២០២១ ដល់​ខែ​មីនា ឆ្នាំ​២០២២។ ក្នុង​ពិធី​បិទ​សន្និបាត​បូក​សរុប​លទ្ធផល​ការងារ​ឆ្នាំ​២០២១ និង​លើក​ទិសដៅ​ការងារ​ឆ្នាំ​២០២២ នៅ​ខេត្ត​ព្រៃវែង កាលពី​ថ្ងៃ​ទី​២២ ខែ​មីនា លោក ស ខេង ថ្លែង​ថា កន្លងមក​សមត្ថកិច្ច​បាន​ស្រាវជ្រាវ និង​រក​ឃើញ​ទីតាំង​ធំៗ​មួយ​ចំនួន​ដែល​ឧក្រិដ្ឋជន​បាន​ប្រើប្រាស់​ក្នុង​ការ​នាំចូល​សារធាតុ​គីមី​មក​ផ្សំ​ធ្វើជា​គ្រឿងញៀន ដើម្បី​យក​មក​កែច្នៃ និង​ផលិត​ក្នុង​បំណង​ជួញដូរ​ដោយ​ខុសច្បាប់។ លោក​បន្ត​ថា...

លោក ស ខេង ប្រាប់​ពលរដ្ឋ​ឈប់​ជួល​ដី​ឱ្យ​វៀតណាម​ព្រោះ​ទំនាស់​ដីធ្លី​តាម​ព្រំដែន​ពិបាក​ដោះស្រាយ

រដ្ឋមន្ត្រី​ក្រសួង​មហាផ្ទៃ លោក ស ខេង ប្រាប់​ទៅ​អាជ្ញាធរ​តាម​បណ្ដោយ​ព្រំដែន​កម្ពុជា-វៀតណាម ត្រូវ​ពង្រឹង​ការ​ការពារ​អធិបតេយ្យភាព និង​បូរណភាព​ទឹកដី​របស់​ខ្លួន និង​ត្រូវ​ប្រាប់​ពលរដ្ឋ​ខ្មែរ​ឲ្យ​ឈប់​ជួល​ដី​ទៅ​ពលរដ្ឋ​វៀតណាម​អាស្រ័យ​ផល​បន្ត​ទៀត ព្រោះ​វា​អាច​នឹង​បង្ក​ជា​ទំនាស់​ដីធ្លី​ដែល​ពិបាក​ដោះស្រាយ។ ថ្លែង​ក្នុង​ពិធី​បិទ​សន្និបាត​បូក​សរុប​លទ្ធផល​ការងារ​ឆ្នាំ​២០២១ និង​លើក​ទិសដៅ​ការងារ​ឆ្នាំ​២០២២ នៅ​ខេត្ត​ព្រៃវែង នា​ថ្ងៃ​ទី​២២ ខែ​មីនា លោក ស ខេង អះអាង​ថា អាជ្ញាធរ​នៅ​តាម​ព្រំដែន​ត្រូវ​ពង្រឹង​ការ​ការពារ​អធិបតេយ្យភាព និង​បូរណភាព​ទឹកដី​បន្ថែម​ទៀត ខណៈ​នគរបាល​ត្រូវ​បន្ត​យកចិត្ត​ទុកដាក់​ពាក់ព័ន្ធ​នឹង​ការ​គ្រប់គ្រង​សន្តិសុខ​តាម​ព្រំដែន ដើម្បី​ទប់ស្កាត់​ការ​លួច​ឆ្លងដែន និង​ការ​រត់​ពន្ធ​ខុស​ច្បាប់​ចូល​កម្ពុជា។ លោក ស ខេង...

លោក ស ខេង អះអាង​ថា​ឃាតកម្ម​កន្លង​មក​កំពុង​ស្ថិត​ក្នុង​ការ​ស្រាវជ្រាវ​របស់​សមត្ថកិច្ច

រដ្ឋមន្ត្រី​ក្រសួង​មហាផ្ទៃ អះអាង​ថា ករណី​ឃាតកម្ម​មួយ​ចំនួន​ដែល​បាន​កើតឡើង​នា​ពេល​កន្លងមក កំពុង​ស្ថិត​ក្នុង​ការ​តាមដាន​ស្រាវជ្រាវ​របស់​សមត្ថកិច្ច។ រដ្ឋមន្ត្រី​ក្រសួង​មហាផ្ទៃ លោក ស ខេង អះអាង​ទៅកាន់​អ្នក​រាយការណ៍​ពិសេស​ទទួល​បន្ទុក​ស្ថានភាព​សិទ្ធិមនុស្ស​នៅ​កម្ពុជា​របស់​អង្គការ​សហប្រជាជាតិ លោក Vitit Muntarbhorn តាម​ប្រព័ន្ធ​វីដេអូ​សន្និសីទ​កាលពី​ថ្ងៃ​ទី​១៥ ខែ​មីនា ឆ្នាំ​២០២២ ថា ចំពោះ​ករណី​ឃាតកម្ម​ដែល​បាន​កើតឡើង​នៅ​កម្ពុជា​មួយ​ចំនួន អាជ្ញាធរ​មាន​សមត្ថកិច្ច​កំពុង​បន្ត​នីតិវិធី​ស្រាវជ្រាវ​នៅឡើយ។ លោក​បញ្ជាក់​ថា ឃាតកម្ម​ដែល​បាន​កើតឡើង​នៅ​កម្ពុជា​អស់​រយៈពេល​ជាច្រើន​ឆ្នាំ​មក​នោះ មាន​មួយ​ចំនួន​ត្រូវ​បាន​ស្ថាប័ន​តុលាការ​កម្ពុជា​ធ្វើការ​សម្រេច​រួចរាល់​ហើយ ប៉ុន្តែ​ក្នុង​ចំណោម​រឿង​ទាំងនោះ ករណី​ខ្លះ​កំពុង​ស្ថិត​ក្នុង​ការ​ស៊ើបអង្កេត​របស់​អាជ្ញាធរ និង​ករណី​ខ្លះ​ទៀត​កំពុង​ដំណើរ​តាម​នីតិវិធី​របស់​តុលាការ​តាម​លំដាប់លំដោយ។ ការ​អះអាង​នេះ ធ្វើឡើង​បន្ទាប់ពី​មជ្ឈដ្ឋាន​ជាតិ និង​អន្តរជាតិ​រិះគន់​ជាបន្តបន្ទាប់​នូវ​ការ​ទទួល​ខុសត្រូវ​របស់​រដ្ឋាភិបាល​កម្ពុជា...

លោក ស ខេង ដាស់តឿន​អាជ្ញាធរ​ខេត្ត​ព្រះសីហនុ​បញ្ឈប់​ករណី​ឧក្រិដ្ឋ​ក្នុង​ខេត្ត​ឲ្យ​បាន​មុន​ការ​បោះឆ្នោត​ឃុំ-សង្កាត់

រដ្ឋមន្ត្រី​ក្រសួង​មហាផ្ទៃ និង​ជា​អនុប្រធាន​គណបក្ស​កាន់​អំណាច ដាស់តឿន​ឲ្យ​អាជ្ញាធរ​ខេត្ត​ព្រះសីហនុ ដាក់​ចេញ​នូវ​វិធានការ​បញ្ឈប់​ករណី​ឧក្រិដ្ឋ​នៅ​ក្នុង​ខេត្ត​នេះ​ឲ្យ​បាន​មុន​ការបោះឆ្នោត​ក្រុមប្រឹក្សា​ឃុំ-សង្កាត់​ឆ្នាំ​២០២២ ខាងមុខ​នេះ។ រដ្ឋមន្ត្រី​ក្រសួង​មហាផ្ទៃ លោក ស ខេង បាន​លើកឡើង​ក្នុង​ពិធី​បិទ​សន្និបាត​ប្រចាំ​ឆ្នាំ​នៅ​ខេត្ត​ព្រះសីហនុ កាលពី​ពេល​ថ្មីៗ​នេះ​ថា ករណី​ឧក្រិដ្ឋ​សាហាវ​ឃោរឃៅ​នា​ពេល​កន្លងមក​ក្នុង​ខេត្ត​ព្រះសីហនុ បាន​ធ្វើ​ឱ្យ​ប៉ះពាល់​ដល់​កេរ្តិ៍ឈ្មោះ​របស់​កម្ពុជា​យ៉ាង​ធ្ងន់ធ្ងរ ជាពិសេស​ប៉ះពាល់​ដល់​កិច្ច​សហប្រតិបត្តិការ​រវាង​អ្នក​វិនិយោគ​ចិន​ដែល​មាន​បំណង​ធ្វើ​វិនិយោគ​នៅ​កម្ពុជា។ លោក ស ខេង ថា​លោក​ទទួល​បាន​របាយការណ៍​ពី​ស្នងការ​ប៉ូលិស​ខេត្ត​ព្រះសីហនុ បង្ហាញ​ពី​បទល្មើស​សាហាវៗ​កន្លងមក ដូចជា​ករណី​ចាប់​ជំរិត អំពើ​ឃាតកម្ម ការ​ធ្វើ​ទារុណកម្ម និង​ការ​ឆក់ប្លន់ ជាដើម។ លោក​ថា ប្រសិនបើ​អាជ្ញាធរ​ខេត្ត​មិន​ទប់ស្កាត់​ឲ្យ​បាន​ទាន់​ពេល​ទេ...

លោក ស ខេង ថា​ព្រៃឈើ​ពី​មុន​មើល​មេឃ​មិន​ឃើញ តែ​ឥឡូវ​រក​កន្លែង​ជ្រក​បាំង​ថ្ងៃ​មិន​បាន

អនុប្រធាន​គណបក្ស​ប្រជាជន​កម្ពុជា និង​ជា​រដ្ឋមន្ត្រី​ក្រសួង​មហាផ្ទៃ លោក ស ខេង អះអាង​ថា កម្ពុជា​បាន​បាត់បង់​ព្រៃឈើ​យ៉ាង​គំហុក​នា​ពេល​បច្ចុប្បន្ន។ លោក​បន្ត​ថា កាលពី​មុន កម្ពុជា​សម្បូរ​ព្រៃឈើ​ហូរហៀរ មើល​មេឃ​មើល​ថ្ងៃ​មិន​ឃើញ តែ​ឥឡូវ​រក​កន្លែង​ជ្រក​បាំង​ថ្ងៃ​ក៏​មិន​បាន​ដែរ។ ថ្លែង​ក្នុង​សន្និបាត​បូក​សរុប​លទ្ធផល​ការងារ​ឆ្នាំ​២០២១ នៅ​ខេត្ត​បាត់ដំបង កាលពី​ថ្ងៃ​ទី​១០ ខែ​មីនា ឆ្នាំ​២០២២ លោក ស ខេង បាន​រំឭក​ថា នៅ​ទសវត្សរ៍​៩០ ព្រៃឈើ​នៅសល់​ច្រើន​ដែរ ប៉ុន្តែ​មក​ដល់​ពេលនេះ ព្រៃឈើ​ដែល​ជា​ធនធាន​ធម្មជាតិ​នៅសល់​តិចតួច​ប៉ុណ្ណោះ។...

Latest news