TAG
កម្មករ
សង្គមស៊ីវិល៖ រដ្ឋាភិបាលមិនបានឆ្លើយតបនឹងវិបត្តិរបស់កម្មករទាំងសេដ្ឋកិច្ចក្នុងនិងក្រៅប្រព័ន្ធ
មន្ត្រីសង្គមស៊ីវិលទទួលបន្ទុកសិទ្ធិការងារ អះអាងថា បញ្ហារបស់កម្មករនិយោជិតទាំងសេដ្ឋកិច្ចក្នុង និងក្រៅប្រព័ន្ធ កំពុងរងនូវវិបត្តិយ៉ាងធ្ងន់ធ្ងរដោយសារគោលនយោបាយរបស់រដ្ឋាភិបាលមិនទាន់ឆ្លើយតបទៅនឹងវិបត្តិទាំងនោះនៅឡើយ។
នាយកមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) លោក មឿន តុលា ប្រាប់សារព័ត៌មាន The Cambodia Daily នៅថ្ងៃទី១៦ មករា នេះថា សព្វថ្ងៃនេះប្រាក់ឈ្នួលគោលសម្រាប់ធានាជីវភាពរស់នៅរបស់កម្មករនិយោជិតនៅទូទាំងប្រទេស មិនទាន់ត្រូវបានអនុវត្តនៅឡើយទេ គឺមានតែខាងវិស័យកាត់ដេរ សម្លៀកបំពាក់ និងដេរស្បែកជើងប៉ុណ្ណោះ។
លោកបន្តថា ទោះបីជាវិស័យនេះមានប្រាក់ឈ្នួលគោលហើយក៏ដោយ ក៏នៅមិនទាន់អាចធានាការរស់នៅរបស់កម្មករនិយោជិតក្នុងជីវភាពសមរម្យបានដែរ...
ក្រសួងវប្បធម៌ស្នើចាត់វិធានការអ្នកដែលយកបទឈាមបាតុករទៅផ្សព្វផ្សាយលើបណ្ដាញសង្គមឡើងវិញ
រដ្ឋមន្ត្រីក្រសួងវប្បធម៌ និងវិចិត្រសិល្បៈ អ្នកស្រី ភឿង សកុណា បានសរសេរលិខិតជូនទៅអគ្គស្នងការនគរបាលជាតិ លោក នេត សាវឿន សុំឲ្យចាត់វិធានការតាមផ្លូវច្បាប់ចំពោះអ្នកដែលយក «បទឈាមបាតុករ» ទៅផ្សព្វផ្សាយឡើងវិញលើបណ្ដាញសង្គម បន្ទាប់ពីក្រុមអង្គការសង្គមស៊ីវិលមួយចំនួនបានយកទៅបង្ហោះនៅថ្ងៃខួប ៩ឆ្នាំនៃព្រឹត្តិការណ៍បង្ក្រាបយ៉ាងហិង្សារវាងកងកម្លាំងរដ្ឋាភិបាលទៅលើក្រុមបាតុករដែលទាមទារដំឡើងប្រាក់ខែគោល ១៦០ដុល្លារ។
យោងតាមរយៈលិខិតដែលចុះកាលបរិច្ឆេទនៅថ្ងៃទី៦ ខែមករា ឆ្នាំ២០២៣ រដ្ឋមន្ត្រីក្រសួងវប្បធម៌ជម្រាបលោកអគ្គស្នងការថា បទឈាមបាតុករមានខ្លឹមសារអុជអាល និងញុះញង់ ដែលអាចបង្កអសន្តិសុខដល់សង្គម។ អ្នកស្រីថា បទនេះធ្លាប់ត្រូវបានក្រសួងមហាផ្ទៃ បិទមិនឲ្យចាក់ផ្សាយម្តងរួចមកហើយ។
បទ...
អាមេរិកស្នើឲ្យកម្ពុជាដោះលែងប្រធានសហជីពណាហ្គាកញ្ញា ឈឹម ស៊ីថរ និងកញ្ញា សេង ធារី
សហរដ្ឋអាមេរិកស្នើឲ្យកម្ពុជាដោះលែងប្រធានសហជីពប្រចាំក្រុមហ៊ុនណាហ្គាវើលដ៍ កញ្ញា ឈឹម ស៊ីថរ ព្រមទាំងសមាជិកសហជីពផ្សេងទៀតដែលកំពុងជាប់ឃុំ និងត្រូវទម្លាក់បទចោទប្រកាន់ពីពួកគេ ហើយដោះស្រាយវិវាទដោយសន្តិវិធី។
ក្រសួងការបរទេសអាមេរិក បានចេញសេចក្តីថ្លែងការណ៍មួយកាលពីថ្ងៃទី២៩ ខែវិច្ឆិកា ឆ្នាំ២០២២ ថា សហជីពរបស់កញ្ញា ឈឹម ស៊ីថរ ដែលកំពុងមានវិវាទការងារជាមួយក្រុមហ៊ុនណាហ្គាវើលដ៍អស់រយៈពេលជាងមួយឆ្នាំ ហើយកញ្ញាត្រូវបានសមត្ថកិច្ចចាប់ខ្លួនជាថ្មីទៀតបន្ទាប់ពីត្រឡប់ចូលកម្ពុជាវិញកាលពីថ្ងៃទី២៦ ខែវិច្ឆិកា បន្ទាប់ពីបានទៅចូលរួមសន្និសីទការងារមួយនៅប្រទេសអូស្ត្រាលី។
អ្នកនាំពាក្យក្រសួងការបរទេសសហរដ្ឋអាមេរិក លោក ណែត ប្រាយ (Ned Price) ត្រូវបានស្រង់សម្ដីនៅក្នុងសេចក្តីថ្លែងការណ៍ថា...
ក្រុមសហជីពមាននិន្នាការទៅបក្សកាន់អំណាចជិត២០០ស្ថាប័នចោទអង្គការសង់ត្រាល់ថាបំបែកបំបាក់សាមគ្គីកម្មករនិយោជិត
ក្រុមសហជីពដែលមាននិន្នាការគាំទ្របក្សកាន់អំណាចជាង ១៨០ស្ថាប័ន បានចោទបុគ្គលិកមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (CENTRAL) ថាកំពុងធ្វើសកម្មភាពបំបែកបំបាក់សាមគ្គីរបស់កម្មករនិយោជិតនៅកម្ពុជា។
ក្រុមសហជីពចំនួន ១៨២ស្ថាប័ន បានចេញលិខិតរួមគ្នាមួយដាក់ជូននាយកមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស លោក មឿន តុលា កាលពីថ្ងៃទី២៨ វិច្ឆិកា ដែលត្រូវបានផ្សព្វផ្សាយនៅថ្ងៃទី៣០ វិច្ឆិកា នេះថា ពួកគេខកចិត្តជាខ្លាំងដែលមន្ត្រីរបស់អង្គការសង់ត្រាល់ ធ្វើចលនាលួចលាក់ក្នុងការញុះញង់អូសទាញតំណាងសហជីពមូលដ្ឋានដែលជាសមាជិករបស់ពួកគេ ឲ្យធ្វើការផ្តាច់ខ្លួនទៅបង្កើតសហជីពថ្មីតាមរយៈនៃការសន្យាផ្តល់ជំនួយទាំងផ្នែកបច្ចេកទេស និងហិរញ្ញវត្ថុ ជាដើម។
ពួកគេក៏បានព្រមានចាត់វិធានការម៉ឺងម៉ាត់ ដើម្បីបញ្ឈប់រាល់កិច្ចសហការ និងការចូលរួមក្នុងគម្រោងនានារបស់អង្គការសង់ត្រាល់...
ក្រសួងការងារអំពាវនាវឱ្យភាគីកម្មករនិងក្រុមហ៊ុនណាហ្គាវើលដ៍យោគយល់គ្នាបញ្ចប់វិវាទ
ក្រសួងការងារ អំពាវនាវឱ្យភាគីទាំងពីរមានការយោគយល់គ្នាខ្ពស់ក្នុងការចូលរួមដោះស្រាយបញ្ចប់វិវាទការងារនៅក្នុងក្រុមហ៊ុនណាហ្គាវើលដ៍ (NAGA World) ដែលបានអូសបន្លាយគ្មានដំណោះស្រាយអស់រយៈពេលជិត ១ឆ្នាំកន្លងមក។
ក្រសួងការងារ និងបណ្តុះបណ្តាលវិជ្ជាជីវៈ បានចេញសេចក្តីជូនដំណឹងស្ដីពីវឌ្ឍនភាពនៃការដោះស្រាយវិវាទការងាររួមនៅក្រុមហ៊ុនណាហ្គាវើលដ៍ កាលពីថ្ងៃទី៦ ខែតុលា ឆ្នាំ២០២២ នេះថា ភាគីទាំងសងខាងនៅតែមិនទាន់រកឃើញដំណោះស្រាយដែលពួកគេអាចទទួលយកបាននៅឡើយ ព្រោះភាគីតំណាងកម្មករនិយោជិតនៅតែបន្តទាមទារឱ្យយកបុគ្គលិកដែលក្រុមហ៊ុនបានបញ្ឈប់ចូលធ្វើការវិញ ចំណែកភាគីតំណាងក្រុមហ៊ុននៅតែបដិសេធពីការទាមទារនេះ។
ក្រសួងការងារ អំពាវនាវឱ្យភាគីទាំងពីរមានការយោគយល់គ្នាខ្ពស់ក្នុងការចូលរួមដោះស្រាយបញ្ចប់វិវាទការងារនេះ ដោយបន្តសហការជិតស្និទ្ធជាមួយអាជ្ញាធរមានសមត្ថកិច្ច និងភាគីពាក់ព័ន្ធដោយសន្តិវិធី និងចូលរួមថែរក្សាសន្តិសុខសណ្ដាប់ធ្នាប់សាធារណៈ ព្រមទាំងត្រូវរក្សាភាពស្ងប់ស្ងាត់ផងដែរ។ ចំណែកបុគ្គលផ្សេងទៀតដែលមិនពាក់ព័ន្ធនឹងករណីនៃវិវាទនេះ មិនត្រូវបានអនុញ្ញាតឱ្យចូលរួមក្នុងការតវ៉ាឡើយ។
ប្រភពដដែលលើកឡើងថា យោងតាមនីតិវិធីច្បាប់ ប្រសិនបើវិវាទការងារនៃក្រុមហ៊ុនណាហ្គាវើលដ៍នេះមិនអាចស្វែងរកដំណោះស្រាយបានដោយការផ្សះផ្សាគ្នាទេ...
មន្ត្រីបក្សប្រឆាំងរិះគន់ថាការមិនអើពើវិវាទការងារកម្មករណាហ្គានឹងធ្វើឱ្យកម្ពុជាខូចឈ្មោះលើឆាកអន្តរជាតិ
មន្ត្រីជាន់ខ្ពស់បក្សប្រឆាំង លើកឡើងថា ការមិនអើពើពីសំណាក់លោក ហ៊ុន សែន និងក្រសួងការងារលើបញ្ហាដែលកើតមានរវាងបុគ្គលិកនៃក្រុមហ៊ុនណាហ្គាវើលដ៍ (NAGA World) នឹងធ្វើឱ្យខូចឈ្មោះកម្ពុជាធ្ងន់ធ្ងរនៅលើឆាកអន្តរជាតិ។
មន្ត្រីជាន់ខ្ពស់គណបក្សសង្គ្រោះជាតិ លោក មាជ សុវណ្ណារ៉ា បានប្រាប់សារព័ត៌មាន The Cambodia Daily នៅថ្ងៃទី៣ តុលា នេះថា ការបណ្តែតបណ្តោយឱ្យបញ្ហានេះបន្តកើតមាន និងអូសបន្លាយតទៅមុខទៀត មិនមែនជារឿងល្អសម្រាប់កម្ពុជានោះទេ។ ផ្ទុយទៅវិញ គ្រាន់តែបង្ហាញពីការគាបសង្កត់សិទ្ធិការងាររបស់កម្មករនិយោជិតដែលកំពុងទាមទាររកយុត្តិធម៌ប៉ុណ្ណោះ...
អង្គការសមាគមជិត២០ស្ថាប័នទាមទារឱ្យមានដំណោះស្រាយវិវាទការងារនៅក្រុមហ៊ុនណាហ្គាវើលដ៍
អង្គការសមាគមជិត ២០ស្ថាប័នដែលធ្វើការលើកកម្ពស់សិទ្ធិការងារ និងសិទ្ធិមនុស្ស ទាមទារឱ្យមានដំណោះស្រាយលើវិវាទការងារនៅក្រុមហ៊ុនណាហ្គាវើលដ៍ (NAGA World) បន្ទាប់ពីរដ្ឋាភិបាល និងស្ថាប័នពាក់ព័ន្ធនានានៅតែគ្មានចំណាត់ការណាមួយក្នុងការជួយរកដំណោះស្រាយ ដើម្បីផ្តល់យុត្តិធម៌ជូនកម្មករនិយោជិតដែលត្រូវបានថៅកែក្រុមហ៊ុនរំលោភសិទ្ធិការងារ។
សហព័ន្ធសហជីព សមាគម និងអង្គការសង្គមស៊ីវិលដែលធ្វើការលើកកម្ពស់សិទ្ធិការងារ និងសិទ្ធិមនុស្សចំនួន ១៧ស្ថាប័ន បានរៀបចំសន្និសីទសារព័ត៌មានកាលពីថ្ងៃទី២៨ ខែកញ្ញា ឆ្នាំ២០២២ នេះ ក្រោមប្រធានបទ «គាំទ្រសិទ្ធិជាមូលដ្ឋានរបស់កម្មករនិយោជិតលើដំណោះស្រាយករណីវិវាទការងារនៅក្រុមហ៊ុនណាហ្គាវើលដ៍» ថា គោលបំណងនៃការធ្វើសន្និសីទនេះឡើង គឺដើម្បីចូលរួមតាមដាន និងទាមទារឱ្យមានដំណោះស្រាយវិវាទការងារនៅក្រុមហ៊ុនណាហ្គាវើលដ៍ដែលបានអូសបន្លាយអស់រយៈពេលជាង ៩ខែមកនេះ។
អង្គការសមាគមទាំងនោះលើកឡើងថា...
អាជ្ញាធររុះរើតង់កម្មករឃែនធើរេនដែលដេកយាមមុខក្រុមហ៊ុន ខណៈវិវាទមិនទាន់ដោះស្រាយ
កម្មកររោងចក្រ ឃែនធើរេន សម្ដែងការសោកស្ដាយដែលក្រុមអាជ្ញាធរសង្កាត់ចោមចៅទី១ បាននាំគ្នាទៅរុះរើតង់ និងយកសម្ភារៈផ្សេងៗចេញពីមុខក្រុមហ៊ុន ទោះបីជាថៅកែមិនទាន់ដោះស្រាយវិវាទការងារនេះចប់ក្ដី។
អាជ្ញាធរសង្កាត់ចោមចៅទី១ ជិត ២០នាក់ នៅព្រឹកថ្ងៃសុក្រ ទី២៣ កញ្ញា នេះ បានចុះទៅរុះរើតង់ និងយកសម្ភារៈផ្សេងៗដែលកម្មករបាននាំគ្នាយកទៅដេកយាមខាងមុខរោងចក្រ ឃែនធើរេន ក្រោមហេតុផលថា ដល់ថ្ងៃឱសានវាទក្រោយពីរដ្ឋបាលសង្កាត់បានទុករយៈពេល ៧ថ្ងៃដើម្បីឲ្យកម្មកររុះរើ។
បើតាមសេចក្ដីជូនដំណឹងរដ្ឋបាលសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី១៦ ខែកញ្ញា ឲ្យដឹងថា ការបោះតង់របស់កម្មករនៅខាងមុខរោងចក្រនោះ...
CCHR៖ រយៈពេល៩ឆ្នាំ រដ្ឋាភិបាលមិនបានស៊ើបអង្កេតករណីបាញ់សម្លាប់កម្មករនៅស្ពានព្រះមុនីវង្ស
នៅក្នុងថ្ងៃខួប ៩ឆ្នាំនៃការបាញ់សម្លាប់កម្មករសំណង់ លោក ម៉ៅ សុខចាន់ ដោយការផ្ទុះអំពើហិង្សារវាងក្រុមប្រជាពលរដ្ឋ និងកងកម្លាំងប្រដាប់អាវុធនៅស្ពានព្រះមុនីវង្ស កាលពីឆ្នាំ២០១៣ មជ្ឈមណ្ឌលសិទ្ធិមនុស្សកម្ពុជា (CCHR) លើកឡើងថា ការមិនស៊ើបអង្កេតករណីបាញ់សម្លាប់ ៩ឆ្នាំកន្លងមកនេះ ជំរុញឲ្យអំពើនិទ្ទណ្ឌភាពនៅបន្តកើតឡើងនៅកម្ពុជា។
យោងតាមហ្វេសប៊ុកមជ្ឈមណ្ឌលសិទ្ធិមនុស្សកម្ពុជា (CCHR) បាន សរសេរថា ក្នុងនាមជាអង្គការសង្គមស៊ីវិលនៅតែចាំមិនភ្លេចចំពោះការស្លាប់របស់លោក ម៉ៅ សុខចាន់ កាលពី ៩ឆ្នាំមុន។ CCHR បញ្ជាក់ថា...
កូដករណាហ្គាយកឆ្នាំងដាំបាយធ្វើម្ហូបនៅមុខក្រុមហ៊ុនដើម្បីជំរុញទៅថៅកែដោះស្រាយវិវាទការងារ
កូដករណាហ្គាវើលដ៍ (NAGA World) នាំគ្នាយកចានឆ្នាំងទៅដាំបាយធ្វើម្ហូបនៅមុខកាស៊ីណូណាហ្គានៅថ្ងៃទី៩ ខែកញ្ញា ឆ្នាំ២០២២ ដើម្បីជំរុញឲ្យក្រុមហ៊ុនដោះស្រាយក្រោយពីវិវាទការងារនេះបានអូសបន្លាយរយៈពេលជិត ៩ខែ ហើយនៅមិនទាន់មានដំណោះស្រាយនៅឡើយ។
ក្រោយពីមិនមានដំណោះស្រាយរយៈពេលជិត ៩ខែមកនេះ កូដករណាហ្គាវើលដ៍ប្រមាណ ១០០នាក់ បាននាំគ្នាបន្តចេញធ្វើកូដកម្មជាបន្តបន្ទាប់ ខណៈនៅព្រឹកថ្ងៃសុក្រ ទី៩ កញ្ញា នេះ ពួកគេបានយកចានឆ្នាំងទៅដាំបាយធ្វើម្ហូបនៅខាងមុខក្រុមហ៊ុនណាហ្គាវើលដ៍តែម្ដង។
សមត្ថកិច្ចឈ្មោះ សុខ សុភាព បានប្រាប់ទៅក្រុមកូដករមិនឲ្យប្រើប្រាស់ភ្លើងដើម្បីដាំបាយនៅមុខក្រុមហ៊ុនណាហ្គាវើលដ៍ បើសិនជាពួកគេមិនយកចានឆ្នាំង និងចង្ក្រានចេញទេ សមត្ថកិច្ចនឹងទៅដកយក។...