បឹងតាមោក

ពលរដ្ឋ ៧​រូប តំណាង​ឲ្យ​ពលរដ្ឋ ២៥០​គ្រួសារ​រស់នៅ​ជាប់​បឹង​តាមោក បាន​ចូល​ឆ្លើយ​បំភ្លឺ​នៅ​សាលាដំបូង​រាជធានី​ភ្នំពេញ​ពាក់ព័ន្ធ​នឹង​បទ​ចោទ «រារាំង ញុះញង់ បង្កើត​សកម្មភាព​អនាធិបតេយ្យ​តាម​ដងផ្លូវ​សាធារណៈ» បន្ទាប់ពី​ពួកគេ​បាន​ចេញ​តវ៉ា​ទាមទារ​ឱ្យ​មាន​ដំណោះស្រាយ​បញ្ហា​ដីធ្លី។ តំណាង​ប្រជាពលរដ្ឋ ២​រូប​ក្នុង​ចំណោម​តំណាង​ទាំង ៧​នាក់​ដែល​បាន​រង​នូវ​បណ្តឹង គឺ​អ្នកស្រី ប្រាក់ សុភា និង​អ្នកស្រី ផន សុខុម បាន​ប្រាប់​អ្នក​សារព័ត៌មាន​នៅ​មុខ​សាលាដំបូង​រាជធានី​ភ្នំពេញ​នៅ​ថ្ងៃទី​២ ខែ​សីហា ឆ្នាំ​២០២២ នេះ​ថា ការ​កោះហៅ​តំណាង​ពលរដ្ឋ​ឱ្យ​ទៅ​បំភ្លឺ​នេះ គឺជា​រឿង​អយុត្តិធម៌​សម្រាប់​ពួកគាត់ ព្រោះ​ថា​ពួកគាត់​គ្រាន់តែ​តវ៉ា​ទាមទារ​ឱ្យ​មាន​ដំណោះស្រាយ​ដីធ្លី​សម្រាប់​ពលរដ្ឋ​ចំនួន...

បុរស​ខ្លាំង​ខាង​ការ​ដឹកនាំ​បែប​លុប​បឹង និង​លុប​ទន្លេ លោក ហ៊ុន សែន បាន​សម្រេច​កាត់​ផ្ទៃដី​ទំហំ​ជាង ១០​ហិកតារ​ចេញពី​ផ្ទៃ​បឹង​ជើងឯក ដែល​ជា​ទ្រព្យសម្បត្តិ​សាធារណៈ​របស់​រដ្ឋ​ឱ្យ​ទៅ​ឧកញ៉ា ឡោក ហ៊ួរ ធ្វើជា​កម្មសិទ្ធិ​ស្រប​ច្បាប់ និង​ដី​ទំហំ​ជិត ២​ហិកតារ​បន្ថែម​ទៀត​ឱ្យ​ទៅ​ក្រសួង​មហាផ្ទៃ ដោយ​ពន្ធ និង​អាករ​ផ្សេង​ទៀត​គឺជា​បន្ទុក​របស់​រដ្ឋ។ បុរស​ខ្លាំង​រូប​នេះ​បាន​ចេញ​អនុក្រឹត្យ​ស្ដីពី​ការ​កែសម្រួល​ផ្ទៃដី​បឹង​ជើងឯក ស្ថិត​នៅ​ខណ្ឌ​មានជ័យ និង​ខណ្ឌ​ដង្កោ រាជធានី​ភ្នំពេញ កាលពី​ដើម​ខែ​មីនា ឆ្នាំ​២០២២ ដែល​មាន​ចំនួន ២​ទីតាំង​សរុប​ជាង ១០​ម៉ឺន​ម៉ែត្រ​ក្រឡា ឬ​ស្មើ​នឹង​ទំហំ​ជាង...

ពលរដ្ឋ​ប្រមាណ ៣០​នាក់​តំណាង​ឲ្យ ២៥០​គ្រួសារ រស់នៅ​ជាប់​បឹង​តាមោក ខណ្ឌ​ព្រែកព្នៅ រាជធានី​ភ្នំពេញ នាំគ្នា​ជំរុញ​ទៅ​ក្រសួង​រៀបចំ​ដែនដី និង​ស្ថាប័ន​ពាក់ព័ន្ធ​ផ្សេង​ទៀត​ដើម្បី​ពន្លឿន​ការ​ដោះស្រាយ​វិវាទ​ដីធ្លី​ជូន​ពួកគាត់។ ការ​ជំរុញ​នេះ ធ្វើឡើង​អំឡុង​ពេល​ពលរដ្ឋ​រស់នៅ​ជាប់​បឹង​តាមោក​ប្រមាណ ៣០​នាក់​តំណាង​ឲ្យ ២៥០​គ្រួសារ ប្រមូលផ្ដុំ​គ្នា​នៅ​មុខ​ក្រសួង​រៀបចំ​ដែនដី ខុទ្ទកាល័យ​នាយករដ្ឋមន្ត្រី និង​រដ្ឋសភា នៅ​ថ្ងៃ​ព្រហស្បតិ៍ នេះ ដើម្បី​តាមដាន​ញត្តិ​ដែល​ពួកគេ​ធ្លាប់​បាន​ដាក់​ទៅ​ស្ថាប័ន​ទាំង​៣ នេះ​ឱ្យ​ជួយ​អន្តរាគមន៍​ជំរុញ​ទៅ​អាជ្ញាធរ​ពាក់ព័ន្ធ​ដោះស្រាយ​បញ្ហា​ដីធ្លី​ជូន​ពួកគេ។ លោកស្រី ប្រាក់ សុភា ប្រាប់​អ្នក​សារព័ត៌មាន​នៅ​មុខ​ក្រសួង​ដែនដី​ថា ពួកគាត់​អស់​ជំនឿ​លើ​អាជ្ញាធរ​ថ្នាក់​ក្រោម ទើប​មក​រក​ក្រសួង និង​ស្ថាប័ន​ពាក់ព័ន្ធ​ឲ្យ​ជួយ​ដោះស្រាយ...

លោក ហ៊ុន សែន សម្រេច​កាត់​ផ្ទៃដី​ចំនួន ០៨​ទីតាំង​មាន​ទំហំ​ជាង ៣៨​ហិកតារ​ចេញពី​ផ្ទៃ​បឹង​តាមោក​បន្ថែម​ទៀត​ឱ្យ​ទៅ​កូនប្រុស​បង្កើត​របស់​លោក ហូ សិទ្ធី ដែល​ជា​នាយក​ខុទ្ទកាល័យ​នាយករដ្ឋមន្ត្រី។ មេដឹកនាំ​ដែល​ពូកែ​លុប​បឹង​លុប​ទន្លេ​រូប​នេះ​បាន​ចេញ​អនុក្រឹត្យ​កាលពី​ថ្ងៃទី​២១ ខែ​កុម្ភៈ ឆ្នាំ​២០២២ កន្លងទៅ​ដែល​សារព័ត៌មាន ឌឹ ខេមបូឌា ដេលី ទើប​ទទួល​បាន សម្រេច​កាត់​ផ្ទៃដី​បឹង​តាមោក ឬ​បឹង​កប់ស្រូវ​ចំនួន ០៨​ទីតាំង​មាន​ទំហំ​ជាង ៣៨​ហិកតារ (៣៨៥៧៦៨​ម៉ែត្រក្រឡា) ដែល​ស្ថិត​នៅ​ក្នុង​សង្កាត់​ពញាពន់ សង្កាត់​ពន្សាំង និង​សង្កាត់​គោករកា...

មេដឹកនាំ​បក្ស​កាន់​អំណាច​ដែល​ឧស្សាហ៍​លុប​បឹង​លុប​ទន្លេ លោក ហ៊ុន សែន បាន​សម្រេច​កាត់​ឆ្វៀល​ដី​ទន្លេបាទី​ជាង ២០០​ហិកតារ​ក្នុង​ខេត្ត​តាកែវ ទៀត​ហើយ​ពី​សម្បត្តិ​សាធារណៈ​របស់​រដ្ឋ មក​ជា​សម្បត្តិ​ឯកជន​របស់​រដ្ឋ ដើម្បី​ប្រគល់​ឱ្យ​បុគ្គល​ឈ្មោះ ស្រ៊ុន ប៊ុនលាភ ធ្វើការ​អភិវឌ្ឍ។ លោក ហ៊ុន សែន បាន​ចេញ​អនុក្រឹត្យ​កាលពី​ដើម​ខែ​មីនា ឆ្នាំ​២០២២ ស្ដីពី​ការ​កំណត់​ផ្ទៃ​បឹង​ទន្លេបាទី​ទុក​ជា​សម្បត្តិ​សាធារណៈ​របស់​រដ្ឋ និង​ការ​ធ្វើ​អនុបយោគ​មក​ជា​សម្បត្តិ​ឯកជន​របស់​រដ្ឋ ក្នុង​ភូមិសាស្ត្រ​ស្រុក​បាទី ខេត្ត​តាកែវ និង​ស្រុក​កណ្ដាលស្ទឹង ខេត្ត​កណ្តាល ដែល​ត្រូវ​បាន​ផ្សព្វផ្សាយ​កាលពី​ថ្ងៃទី​២៣ ខែ​មិថុនា...

ពលរដ្ឋ​នៅ​ជាប់​បឹង​តាមោក ស្នើ​ឲ្យ​លោក ហ៊ុន សែន ជួយ​អន្តរាគមន៍​ទៅ​អាជ្ញាធរ​ថ្នាក់​ក្រោម​ផ្ដល់​ប័ណ្ណ​កម្មសិទ្ធិ​ដីធ្លី ដើម្បី​ឱ្យ​ពួកគេ​បាន​រស់នៅ​លើ​ដី​បច្ចុប្បន្ន​ស្រប​ច្បាប់ ដោយ​មិន​បារម្ភ​ពី​ការ​បណ្ដេញ​ចេញ​ទាំង​បង្ខំ និង​ការ​ដោះដូរ​ទៅ​កន្លែង​ផ្សេង​ទៀត។ ពលរដ្ឋ​រស់នៅ​ភូមិ​សំរោងត្បូង សង្កាត់​សំរោងត្បូង ខណ្ឌ​ព្រែកព្នៅ រាជធានី​ភ្នំពេញ នៅ​ថ្ងៃទី​២៣ មិថុនា បាន​នាំគ្នា​ប្រមូលផ្ដុំ​តវ៉ា​នៅ​លើ​ដី​ដែល​កំពុង​រស់នៅ ក្រោយពី​អាជ្ញាធរ​បាន​ចោទ​ពួកគេ​ថា​រស់នៅ​លើ​ចំណី​ផ្លូវ​ដោយ​ខុសច្បាប់ និង​មិន​ព្រម​ចេញ​ប័ណ្ណ​កម្មសិទ្ធិ​ឱ្យ​ពួកគេ។ ពលរដ្ឋ​រស់នៅ​ភូមិ​សំរោងត្បូង លោកស្រី ផន សុខុម បាន​ប្រាប់​ក្រុម​អ្នក​សារព័ត៌មាន​ថា កន្លងមក​ពួកគាត់​រស់នៅ​ទីនោះ​ដោយ​អាស្រ័យ​ផល​លើ​ផ្ទៃ​បឹង​តាមោក និង​លក់ដូរ​បន្តិចបន្តួច​ដើម្បី​ចិញ្ចឹម​គ្រួសារ និង​ដោះស្រាយ​បញ្ហា​បំណុល ប៉ុន្តែ​បច្ចុប្បន្ន...

ផ្ទៃដី​មេ​ទឹក និង​បឹង​ដែល​មាន​ទំហំ​ជាង ២៣៤​ហិកតារ​ស្ថិត​នៅ​ស្រុក​ចំនួន​៣ ក្នុង​ខេត្ត​កណ្តាល ត្រូវ​បាន​លោក ហ៊ុន សែន ធ្វើ​អនុបយោគ​ពី​សម្បត្តិ​សាធារណៈ​របស់​រដ្ឋ​ទៅ​ជា​សម្បត្តិ​ឯកជន​របស់​រដ្ឋ​ចាប់​ពី​ថ្ងៃ​ចុះហត្ថលេខា​តទៅ។ ក្នុង​អនុក្រឹត្យ​មួយ​ដែល​ចុះហត្ថលេខា​ដោយ​លោក ហ៊ុន សែន កាលពី​អំឡុង​ខែ​កុម្ភៈ ឆ្នាំ​២០២២ បាន​ឱ្យ​ដឹង​ថា ដី​មេ​ទឹក និង​ដី​បឹង​ចំនួន ៤​ទីតាំង​ដែល​រដ្ឋាភិបាល​ធ្វើ​អនុបយោគ​ពី​សម្បត្តិ​សាធារណៈ​របស់​រដ្ឋ​មក​ជា​សម្បត្តិ​ឯកជន ស្ថិត​នៅ​ក្នុង​ស្រុក​ចំនួន​៣ នៃ​ខេត្ត​កណ្ដាល ក្នុង​នោះ ផ្ទៃដី​មេ​ទឹក​ប្រមូលខ្លា​ចំនួន ៥៩​ហិកតារ ស្ថិតនៅ​ភូមិ​អញ្ចែងក្រោម ឃុំ​ពុកឫស្សី ស្រុក​ខ្សាច់កណ្ដាល...

លោក ហ៊ុន សែន បន្ត​កាត់​ផ្ទៃដី​បឹង​តាមោក​បន្ថែម​ទៀត ដើម្បី​ប្រគល់​ទៅ​ឱ្យ​មន្ត្រី​ពាក់​ផ្កាយ​៤ និង​មន្ត្រី​ផ្សេង​ទៀត​ធ្វើជា​កម្មសិទ្ធិ ស្រប​ពេល​ដែល​ផ្ទៃដី​បឹង​ធម្មជាតិ​ដែល​នៅ​សល់​ចុងក្រោយ ត្រូវ​បាន​រដ្ឋាភិបាល​កាត់ និង​ដោះដូរ​អស់​ជាង ២​ពាន់​ហិកតារ​ហើយ​នោះ។ ក្នុង​អនុក្រឹត្យ​មួយ​ដែល​ចុះហត្ថលេខា​ដោយ​លោក ហ៊ុន សែន កាលពី​ថ្ងៃ​ទី​០១ ខែ​កុម្ភៈ ឆ្នាំ​២០២២ បាន​ឱ្យ​ដឹង​ថា រដ្ឋាភិបាល​សម្រេច​កាត់​ផ្ទៃដី​បឹង​តាមោក​ចំនួន​ពីរ​ទីតាំង​ដែល​មាន​ទំហំ​ជាង ៦​ហិកតារ (៦១៨៣៦​ម៉ែត្រ​ក្រឡា) ស្ថិត​នៅ​សង្កាត់​ពញាពន់ ខណ្ឌ​ព្រែកព្នៅ រាជធានី​ភ្នំពេញ ចេញពី​ផ្ទៃ​បឹង​តាមោក (បឹង​កប់ស្រូវ)...

បុរស​ខ្លាំង​កម្ពុជា លោក ហ៊ុន សែន កាត់​ដី​រដ្ឋ​រាប់​រយ​ហិកតារ​ប្រគល់​ឱ្យ​ប្អូនស្រី​របស់​ខ្លួន និង​គ្រួសារ​សមាជិក​ព្រឹទ្ធសភា​គណបក្ស​កាន់​អំណាច ឧកញ៉ា លី យ៉ុងផាត់ រួម​ទាំង​វិស័យ​ឯកជន​ធំៗ​មួយ​ចំនួន​ទៀត។ ដី​រដ្ឋ​ទំហំ​ប្រមាណ ៣​ម៉ឺន ៦​ពាន់​ហិកតារ ត្រូវ​បាន​លោក ហ៊ុន សែន ផ្តល់​សម្បទាន​សេដ្ឋកិច្ច​ទៅ​ក្រុមហ៊ុន​ចិន Union Development Group ឬ​ហៅ​កាត់​ថា UDG ដែល​រង​ទណ្ឌកម្ម​ក្រោម​ច្បាប់ Magnitsky របស់​អាមេរិក។...

បុរស​ខ្លាំង​កម្ពុជា លោក ហ៊ុន សែន សម្រេច​កាត់​ផ្ទៃដី​បឹងតាមោក​បន្ថែម​ទៀត​ដើម្បី​ប្រគល់​ឱ្យ​ប្អូនស្រី និង​ជំនួយការ​របស់​លោក​ធ្វើជា​កម្មសិទ្ធិ។ ចាប់ពី​ឆ្នាំ​២០១៨ ដល់​ចុង​ឆ្នាំ​២០២១ ផ្ទៃ​បឹងតាមោក​នេះ​ត្រូវ​បាន​លោក ហ៊ុន សែន កាត់​ជាង ២​ពាន់​ហិកតារ​ហើយ។ ក្នុង​អនុក្រឹត្យ​ចុះ​ថ្ងៃ​ទី​៣១ ខែ​ធ្នូ ឆ្នាំ​២០២១ លោក ហ៊ុន សែន បាន​សម្រេច​កាត់​ដី​ផ្ទៃ​បឹងតាមោក​ជាង ២​ហិកតារ​ស្ថិត​ក្នុង​ភូមិ​ត្រពាំងពោធិ៍ សង្កាត់​គោករកា ខណ្ឌ​ព្រែកព្នៅ ប្រគល់​ឱ្យ​លោក ក្រូច...